اعلن معنا



س ـــمـا و ا لـ ( //// ) ــطوط السعودية وجهان لعملة واحدة

السلام عليكم ورحمة الله وبركاته

سبحانك اللهم و بحمدك أشهد أن لا إله الا انت استغفرك واتوب اليك
سبحان الله وبحمده ... سبحان الله العظيم

كل عام وانتم بخير

وسنة جديدة سعيدة ( 1429 بعد الهجره ) <<

وبهذه المناسبة في بداية السنة الجديدة احب ابارك لإخوانا اللبنانيين ميزانية الخير والعطاء ... عفوا قصدي السعوديين

الله يجعلها سنة خير وعطاء للشعب السعودي كافة واللبنانيين خاصة

عشان مااطلع من الموضوع .. واشطح ع الكتف
دعوني اعبر عن ما يجول بخاطري <<< وين تعبر عن جوالك ... اركد ترى كل شيء يقرونه الحكومة الله يعزهم << ابد ماقراء جريدة الرياض قبل كم يوم .. يوم الامير سلمان هزاء الدكتور الفايز
ومبروك عليكم زيادة سعر الحليب والالبان
ولااااا لسى ... وزارة التجارة مصرحة تقول متوقع ارتفاع الاسعار 30 % زياده على الي صار
امحق وزارة وامحق من يدييركم
بلله هذا تصريح !!!
كأنهم بعبارة اخرى يقولون للتجار ارفعوا الاسعار ترى عادي لو رفعتوها الى 30 %
لو زادو الرواتب 40 % على ماقالت العربية ... ايش بتفيد بعد زيادة الاسعار الى الان حوالي 30 % بالاضافة الى 30 % حقت معالي الوزير
الله المستعان بس

نجي لموضوعنا <<< مقدمتك الي قبل شوي موضوع لحاله

قبل هونيهات وبرهة من الزمن <<< وش عنده اليوم

قريت خبر يقول :

هبوط اضطراري لطائرة سعودية في مطار المدينة المنورة وأكثر من 20 إصابة


اقتباس:






اضطرت طائرة سعودية كانت متوجهة إلى مطار الدار البيضاء بالمغرب للهبوط الاضطراري بمطار المدينة المنورة بعد اشتعال النار بداخلها .

وفي التفاصيل أن طائرة تابعة للخطوط الجوية العربية السعودية كانت متوجهة إلى الدار البيضاء بدولة المغرب في رحلتها رقم 5362 وعلى متنها 407 راكب (حجاج ) اضطرت للعودة إلى مطار الأمير محمد بن عبدالعزيز الدولي بالمدينة المنورة بعد إقلاعها بسبع دقائق وهبطت اضطرارياً في مبنى الحجاج التابع للمطار ، بعد اكتشاف حريق في مخزن الأمتعة ، واكتشف بعد أن تسرب الدخان إلى كابينة القيادة .

وعلمت (سبق) أن كابتن الطائرة كرر عبارة (alrt2) لبرج المراقبة الجوية .. وتعني بأنه فاقد السيطرة وطلب سيارات الإسعاف والإطفاء ، فيما أثار الخوف والهلع حالة من الفوضى بين ركاب الطائرة مما تسبب في إصابة أكثر من 20 راكب بإصابات متفاوتة تم علاجها على أرض المطار ، فيما نقلت حالة واحدة إلى المستشفى بعد إصابته بكسور نتيجة التدافع في الطائرة .
المدينة المنورة - (سبق)
سعد الحمد




بعد قرائتي الخبر ... تذكرت مستوى الامن والامان بطائرتنا
وقلت على الدنيا السلام

تذكرت خطوطنا السعودية .. سما .. و اناناس

كل وحده اسواء من الثانية ... الاولى زيوت الطائرات تخررر ( تتسرب ) من كل جناح موظفين ***** نفوسهم بخشومهم( ***** ) <<< هو انت خليت فيها احترام

بس تمثيل للغالبية العظمي من موظفين الخطوط السعوديه ؟
الا بجد ليش 80 % من موظفين الخطوط السعودية من اهل الحجاز !؟ وبرضوا وزارة الاعلام ؟ و وزارة الخارجية ؟
اممممممممم لو واحد يجلس يفكر شوي بس بقطاعات الدولة بيلاقي كثير من القطاعات بالدولة مقسمه على حسب المنطقة ... ستوب ولايكثر

نرجع للطائرات بس

بعد خبر الخطوط السعودية ... والي يذكر قبل شهر تقريبا او شهر ونص طائرتين اقلعت من الجنوب بس باي مطار ما اذكر بالضبط المهم انها رجعت الطائره وهبطت اضطراري !!؟ ولله الحمد ماكان في اصابات ؟

وعدى الموضوع بسهاله

اليوم 20 اصابه !!؟

المره الجايه تتطيح الطائره يعني ؟

كل شيء جائز ... بس مانقول الا الله يستر

طالما مافي منافس لهذه الخطوط ماراح تتطور ... حتى ولو ادخلوا سما وناس ( الابن البار وابناء العمومة )

يجب ان تتطرح منافسة شريفه لرخصة الطيران كما طرحت الرخص للجوال موبايلي وزين

مو خبط لزق .. هذي خطوط ثانيه تبون ولا لاتركبون !؟

\
/
\
/

مره من المراريت قدر الله وطلعت مع سماا




على الرحلة رقم



طبعا ظروف الحملة ركبتنا معها بالقوه ولو انها زيد اخو عبيد مثلها مثل السعودية اللهم الفرق الخبز التوست الي يقدمونه السعوديه هذولا مافي توست ولااااا كناااصايمين الله لايكثر خيرهم

المهم طريقنا راجعين من جده للرياض



صورة جوية

عذبني موقع التحميل قطع حبل افكاري من كثر مايهنق .. يبي لي اعقده واربطه عشان اكمل الموضوع

وحنا بأمان الله وجالسة قبالي هالمضيفه الي تسد النفس



تخليك وانت صائم تكسب الاجر غصبا عليك .... لأنك مضطر تتطالع بالارض وتستغفر طول الرحله وتحمد الله على حسن خلقته لك
الحمدالله والشكر يارب

تلاحظون بالصورة السابقة .. الباب الخاص بكابينة الكابتن مغلقة
وهذا المفترض عليه ان تكون مغلقة

لكن

من سوء الامان بالطائرة ... مايمدي الطائرة رفعت غزالة <<< ايام السياكل من اول .. الله المستعان

الا على طول الباب حق الكابينة انفتح

وطارت الطائرة والباب مفتوح ؟!!!



بعد ما الطائرة طارت وجلسنا يمكن ثلاث دقائق الى ان الكابتن سمح بفك احزمة الامان
قامت المضيفة تحاول تغلق الكابينة !!!



يعني لنا اكثر من ثلاث دقائق لو معنا ارهابي كان زي السلام عليكم خطف الطائرة !!!؟

من بعد 11 سبتبمبر ... اكثر مايحرصون عليه في سلامة الطائرات
باب الكبينة الخاص بالكابتن

هذولاااا مقلعيين والباب مفتوح !!!؟

بعد كم دقيقه

استعانوا بالبيه الكبير .... الي جاي مع الطائره طقم



وهذا الي حل لهم المشكله بس برضوا حلاً مثل وجه .... لإن الباب رجع وانفتح مره ثانية




والله لو بإمريكا او بدولة اوربية ... ليغرمون شركة الطيران غرامة ماينسونها طول عمرهم ويعطوني نصهااا

مهازل الطيران عندنا كثيرهـ

اتكلم من ناحية الامان ... اتركوا الحجوزات والغائها هذا عالم ثاني ( بلحالهاااا ) << للي يعرف سالفة بلحالها جلست افكر قبل اكتب الموضوع قلت لو ارسل الصور على شركة سما ... قبل انشرها بيعوضوني ويدوروون الستر
طبعا قلت يمكن يدفعون عشان تخبرون التنافس بينهم وبين الخطوط السعودية

الا جاك الخطوط السعودية وطبلتها امس وبغت تفجر الطائره بالركاب
يعني توقعت رد سما ... الي ماتتطوله بيدك طوله برجلك

مانقول الا الله المستعان

لاحماية مستهلك ... ولاحماية ارواح

وياقلب لاتحزن

فتكم بعافية

سبحانك اللهم و بحمدك أشهد أن لا إله الا انت استغفرك واتوب اليك
سبحان الله وبحمده ... سبحان الله العظيم

حـررهـ

الصحافـ تسوونامي ـ

0 التعليقات: