تـرفـقـي بحـالـي يا بـاريـس الدلال

---------- Forwarded message ----------
From: ]خــالــديـه[ <ssssss776@hotmail.com>
Date: 2008/10/19
Subject: تـرفـقـي بحـالـي يا بـاريـس الدلال
To: als7af.group@gmail.com

 
مـلأت كـأسي وانتظرتُ النديمْ  ,, فـمـا لساقي الروح .. لايُـقبـِلُ ؟
شوقي جحيمٌ .. وانتظاري جحيـمٌ  ,, أقلْ مـافي لفــحــهِ يَــقـــتلُ


 
 
 
خــالـديـه
O D i

My photos in flickr

http://flickr.com/photos/odi78

*

*

*

 

 

---

 

الله حي الجميع

 

هذه اول مشاركه لي في قروب الصحاف ,,, وان شالله ماتكون الاخيره واتمنى تعجب الكل

 
 

رمضان هالسنه كان اجازه صح استانسنا وفرحنا بس مادرينا انها على حساب الصيفيه اللي صارت شهرين بسسس ء
 
والله يالزواجات والسفريات تكدست فيها بعد ء
الحمدلله خذنا نصيبنا من السفر بس في المقابل فوتنا زواجات أعز الناس والاهل ,, ف كانت الوجهه باريس + لندن

ويبي يكون عرضي اليوم لباريس فقطء

 ولندن يجيلها وقتء





باريس قالوا عنها مدينة النور وانا ماشفت فيها الا النووووم مدينة من تجي الساعه 8 المساء وكلش تشك تشك يتسكرء
واهلها ينامون والشمس مابعد غابت مدري اي نور اللي يقولونه ذا <<< الله يخلف عليه من تقرير اوله غلدمه ومحشات ء
بس تقدرون تقولون باريس مدينة القهاوي مدينة الحلويات مدينة الاجبان يالبيييه يالاجبان والاكل كله والله ,,
قسم بالله الفرمات تشتغل والشبعه معاد عرفناها 75% من الميزانيه طارت على الاكلء

في بداية العرض بستفتح لأهم معلم لباريس ,, evel tower برج ايفل
معلومات بسيطه بتكلم فيها عن هالتحفه المعماريه العجيبه ام كرعان ء
هو برج حديدي موجود في (ساحة مارس) قريب من نهر السين في باريس حمل إسمه عن مصممه 'غوستاف إيفل'
ويعتبر من أكثر المزارات شهره في أوروبا نظرا لعدد زواره الذي تخطى حاجز 6 مليون زائر سنويا

ومجموع زواره من اول ماانتهى بنائه الى الان وصل 215 مليون زائر
ملخص معلوماته بلارقام : يتكون من 3 ادوار ,,عمره 119 سنه ,,, مدة بنايته اخذت سنتين وشهرين و3ايام ,, وزنه 10.100طن ,,
عدد عتبات الدرج 1665عتبه والله اعلم كم عتبه نزلتها لاني دحدرت من الدور الثاني للدور الاول زحمة الاصنصيرات حدتني

اخر شي ارتفاعه 324 متر

الدور الاول من البرج موجود فيه كيف كانت طريقة بنائه وحتى عمال البنا مجسمين اشكالهم وهم شايلين سطول المسامير ومعلقينهم في حدايد البرج
كأنك تشوف انسان حقيقي متعلق جالس يشتغل الان ,, وموجود بعد صور للبرج في كل مراحل بنائه

وكانوا يحتفلون بلالعاب الناريه بعد ماينتهون من كل دور ء,,
وفيه سينما تعرض تصوير فديو للبرج في اول سنينه لان بنايته كانت فعلا شقاء,,
واخر شي موجود في الدور الاول غير الاشياء التعريفيه برضو فيه مطعم وقهوه اطلالتها حلوهء
اما الدور الثاني هو متكون من دورين موجود في الدور الاول منه سوق صغير يحتوي تقريبا على 5 محلات كلها تبيع تحف تذكاريه للبرج
والدور الثاني مطل فقط + درابيل تقز منهاء
والدور الاخير اللي هو الثالث اول ماتوصله بتدخل في غرفه صغيره موجود فيها كل اعلام دول العالم وكم تبعد بالضبط عن باريس ,,
الدور الثالث الاخير معروف بأنه ضيق وصغير وفيه صقوعة برد ماتتحملهء
 

واخيرن الصور


(1)


(2)


(3)

وهذه درابيل البرج/الدور الثاني.. لو ضايعه محفظتك تبي تلقاها من هالدربيل تبي تلقاها

(4)

واحلى شي يكون لك ذكرى حلوه في مثل هالمكان ء

(5)

اخر شي نسيت اتكلم عنه بخصوص برج ايفل ,, وهو بذا الفتره بما ان فرنسا جتها الدوريه برئاسة الاتحاد الاوربي ف حبت يكون ابرز معلم فيها محتفل بهذه المناسبه
زينوه بنجوم صفر على شكل دائره والبرج كله صار ازرق وفي الليل يتلون ويحتفل بعلم الاتحاد الاوربي اصفر/ازرق <<< نصراوي وش علييييك يا ايفيل ء
وبعد في اول كل ساعه من الليل البرج ينور فلشر يرهش تقول شيلة عجوز حافله بعرس ينور ويطفي لمدة خمس دقايق من اول كل ساعه ليليه
اللي يعجبك ان العالم كلها تتجمع حول البرج قبل بداية دخول الساعه الجديده واول ماينور البرج ويتقادحء
الناس تهيص اوووووه ووااااااووو ومن ذا الهياص واذا انتهت الخمس دقايق قامت العالم تصفق وتحييء

هذه صوره اخيره للبرج تقريبا كانت على بداية دخول الساعه 10 ,, واضح فيها احتفال البرج بعلم الاتحاد الاوربي + الساعه الجديده ء

(6)

S U N S E T in paris


(7)

:

القريه الاوربيه للماركات المخفضه وتقريبا هي السوق الوحيد اللي يكون فاتح يوم الاحد ء
 


(8)

:
:

الحمدلله من حسن حظنا كان توقيت وجودنا في باريس موافق لتاريخ اليوم الوطني عندهم وطبعا مثل هاليوم من يفوته احتفالات وعروض عسكريه
سركوزي بشحمه ولحمه يتمشى قدامك كل هذه الاشياء عارفينها
لكن اللي ماتوقعناه هو وجود الرؤسا العرب : بشار الاسد + حسني مبارك ,, وغيرهم رئيس اسبانيا واولمرت الخسيس ء
الصور اللي لقطتها كانت للعرض العسكري ,, وعرضوا كل ماهو خافي وظاهر من اسلحة دبابات وبلاوي متلتله ء
كان العرض في شارع الشانزلزيه ابتدا من الساعه 8 الصبح والعالم متجمهرهء

(9)

بعدها ابتدا عرض الطيارات ,, عاد دخلنا في مفرق من شارع الشانز وابعدنا عن الزحمه والمووووت اللي كان فالشارعء
 

(10)

الليل ...!! وش صار ؟

 
(11)

البرج رجع لونه اصفر واليوم يومك يافرنسا بلا اتحاد اوربي بلا بطيخ ظل فتره لونه اصفر الى ماتجمعت الناس كلها وسط باريس عشان عروض الالعاب الناريه
فجئه سمعنا ضربه قويييييييييه ومع صوت الضربه طفت انوار البرج واختفى يعني معاد تميز شكله من بين عتمة السماااا وظلمة الشوارع ء 
بصراحه توقعت عداد كهربهم طفا مثل السعوديه كان بوقتها<< يمكن هذا هو اللي يقولون حنين الوطن ولا ؟
موقعنا كان ورا والبنايات حاجبه الرؤيا وماحصل لنا غير هالمنظر الطراطيع تطلطل من ورااا المباني ء

(12)

:
:

 

الشـــانـــزلـــزيــــه

هذا الشارع هو اكبر داعم بالنسبه لأقتصاد باريس هذا اذا ماصار الاقتصاد قايم عليه فنادق وقهاويء

وماركات عالميه وكل شي يقول الغلا عندي موجود في الشانزء
الشارع يبدا وقته من بعد الساعه 8المساء اذا قفلت باريس كلش ينوووم في هذه المدينه الا شارع الشانز مايناااام ابد ء ,,
اكثر زياراتنا له وقت النهار لانه في الليل تشوف العجب العجاب ء
شارع الشانز محصور مابين قوس النصر + المسله الذهبيه (ساحة الكونكورد)ء
صوره في وسط الشارع مقابله لقوس النصر(غرب) ,, ويتضح بالصوره اني خاطرت بهذه اللقطه ء

(13)

:
:

اكثر منظر يشد العين من جماله هو بياض الغيوم المتبدده وسط زرقة السما وانعكاس ظل السحاب على مباني باريس التاريخيه القديمه ء

(14)

(15)

(16)

 

 

 

 

واخيرن متحف اللوفر أكبر متحف في العالم وكان في بداية عصره قلعه والمكان الرسمي للملك تشارلز الخامس ومازال المتحف محتفظ بكل اثار ملوك فرنسا
واثار الفراعنه والرومان وحتى الاثار الاسلاميه ,, واشهر أثر فيه هو لوحة الموناليزا ء


(18)

الصوره كانت جانبيه للمتحف ولا وضح فيها الهرم الزجاجي بس حدايق المتحف واضحه ولا !!ء

:
:

وما أحلى يومك اذا كان الجو غيم ورذاذ ومن اول الصبح تكون وسط ديزني لاند ء


(19)



(20)


:

(17)


:
:

الموضوع قرب ينتهي ,, بس قبل الاخير بهديكم هذه الصوره اعجبني منظر البنت اللي ترسم والعجوز راعية الكلب وهي رايحه تسير ء




اخيرن الموضوع برعاية

 Lenôtre








بس خلصنا ء
اتمنى الصور جازت للكل ,, تراي مخففه منها واجد ولا حبيت اخش بالعميق 20 صوره تسد ولا !!ء

 

 

 

سلام

 

---