اعلن معنا

حـب ب 50 ريال .. يا بلاش



---------- Forwarded message ----------
From: رايق مزاجي فايق <rx-top@hotmail.com>
Date: 2008/11/26
Subject: حـب ب 50 ريال .. يا بلاش
To: als7af.group@gmail.com


مساء الخير جميعاً

درب الـوفا بيني وبينـك  رسمتيـه
وش لي بغيرك دام قلبـك حلالـي
بإحساسِك إنتِ كلِّ عمري شريتيه
والَّلي جمـعنا حِـب غالـي لغالــي

ايييه لبا قلبك يبو نوره يا مشفي القلب العليل

يالله حي كلن بإسمه

بالبدايه اشكر الاعضاء / العضوات ..  الكرام اللي راسلوني او اضافوني وعقبو على ايميلي السابق

ويعطيكم الف عافيه على هالتفاعل الجميل  

...

ايميلي اليوم ايضاً من ارشيف كتاباتي في المنتديات واتمنى ان شاء الله انه يحوز على رضاكم

+++

يا مرحبا بكم

كيفكم

علومكم

اخباركم

وكل انواع السلامات و التحيات اللي بالعالم

لاحلى شباب و بنات

اعضائنا الكرام  

في الحقيقه والواقع يا جماعة الربع << بدينا فلسفه من اولها

موضوعي اليوم كتبته لكم و انا على احد الطعوس << مكان شاعري

ادري نصكم يقول ابو المزاج بس عاد مسكت معي كذا

اللي عاجبه اهلن و سهلن و اللي مو عاجبه الباب يفوت حاشي معوق << اسلوب ترحيب عرابجة

قبل ابدأ و اهذر عليكم ابعترف لكم بشغله مهمه يا اخوان و يا اخوات

انك تكتب موضوع امر سهل .. ولكن انك تدور على عنوان لموضوع هنا تكمن المشكله

فكرت وحست بعد ما كتبت المووضوع عن العنوان

و لو مالقيت عنوان مناسب كان حذفت المووضوع

سميت لكم هالموضوع ..  حـب ب 50 ريال .. يا بلاش

لا يطلع لي زاحف بعد شوي يقول وراه صار غالي اخبر الكيلو ب15 ريال

انا ما اقصد  الحَب .. الفصفص

انا اقصد

الحُب .. اللف يعني<< تعدد ثقافات

ملاحظه :

 ال 50 ريال فقط افتراض قد تكون اكثر و بأشكال مختلفه لكن القصد منها انها رمز للإستغلال و المصلحه

وقبل ادخل للموضوع

ارسل صوره منه بدوون تحيه الى

  كل شاب دنيئ النفس ,, قليل الدين و المرؤه استغل اسمى عاطفه بالوجود لتحقيق رغباته و نزواته

الى

كل فتاة  منحطه ,, مشت في دروب الشيطان اتخذت الحُب وسيله لجعل اكبر عدد من الشباب يصرفون عليها

+++

كل الاسماء في هذا الموضوع افتراضيه و شخصيات خياليه

لكن اشباهها تعيش بيننا كواقع

///

خالد .. شاب عشريني .. ولد عز و ماعليه قصور .. خبره ويعرف يصف كلام معسول

يتعرف على

 هدى .. الورده المتفتحه ..  طيبة القلب  .. الصادقه  .. الشفافه

يغرقها في الحب الموهوم

تحبه و تتعلق فيه

و تشوفه فارس الاحلام

يطلبها بعد مده صورها

ترفض

يزعل ويبعد

تحن له و تشتاق

توافق وفي لحظة ضعف ترسله صورها

بعد مده

يهددها

يا تطلعين معي و اقضي حاجتي منك يا افضحك

هدى بكل حسره و الدموع تسيل

خالد حبيبي انا هدى

كيف ترضاها علي ؟

وين حبك لي ؟

وين خوفك علي ؟

خالد حررااام عليك 

و بكل قسوه

يرجع يهددها

دموعك ما تهمني

يا تجين و اسوي اللي براسي .. يا افضحك

و تنتهي السالفه بـ  

خالد سوا اللي براسه

هدى ضاع شرفها و انتحرت بدل عيشة العذاب

،،،

سمر .. بنت زي القمر .. لعوب و متعبه قلوب .. بين يا حبيبي يا فلان و بين واحشني يا علان

تتعرف على

نايف .. ولد حبوب .. طيب و على النيه .. لا يعرف خبث و مكر و لا نيه دنيه

تغرقه في الحب الموهوم

تكلمه و تخليه شوي شوي لين يذوب

يبدأ يتعلق و يحب

بين المسجات و المكالمات

تبدأ الطلبات

نااايف عمري انا .. انا بصراحه ماقدرت اكلمك امس

عشان بطاقتي مافيها شحن

ممكن تشحن لي

قام هالمسكين راح وجاب شحن ب 50

اهداها للعوب

تفضلي يا حياتي

سمر لنايف و بكل حنان

تسلم يا عمررري

بعد مده

تبدأ الطلبات تزيد

و الولد طالب جامعي على قده

يقولها ما اقدر

تقول اجل انساني وانسى رقمي

يا بخيل

و تصك التلفون في وجهه

مسكين هالحبيب

يتأثر باللي صار و يفكر فيها ليل نهار

وتنتهي السالفه بـ

 سمر يزيد عدد الشباب في جوالها

 نايف يرسب في الجامعه

+++

نعم هذا الواقع

استغلال و لعب بإسم

 الحب

,,,

لعب فيه 

الطرف الاول

خبيث .. كذاب .. نفسه دنئيه

و الطرف الثاني

طيب .. صادق .. على نيته

,,,

ادري تقولون شكله قاعد معصب ومتحمس وهو يكتب

,,, 

 نمسك السالفه الاولى

للشباب

ان شاء الله مافيه احد منكم على شاكلة خالد

و اللي مثله

ابسئلك

ترضى احد يجي يلعب على اختك بنفس هالطريقه؟

اشوف على وجهك اجابتك

لااااااااااااااااااااااااااا

أجل ليش تلعب على بنات المسلمين ؟

تخيل لحظه ان هاللي مضحوك عليها وحده من خواتك

ولاتقولي ما عندك خوات 

الله بيردها لك لو بعد حين في وحده من اهلك

يعني مردوده مردوده

قد مر على بالك وفكرت بهالشي ؟

تقولي لااااا خواتي غيررر

ليش خواتك غير .. نازلين من السما مثلاً؟

افترضنا الا هذا الصدق اصلاُ .. انت ما حبيت هالانسانه و قاعد بس تسحب فيها

طيب ليش تزيد عليها و تنهي حياتها عشان تعدل مزاجك الخايس و تشبع رغبتك بالحرام

و صدقني وخلك على ثقه تامه انها ترجع لك و لو بعد حين في عرضك

و تذكر

ان الله يمهل ولا يهمل

....

نشوف السالفه الثانيه

للبنات

ان شاء الله مافيه بينكم وحده على شاكلة سمر

و اللي مثلها

ابي اسئلها

وش شعورك و انتي قاعد يصرف عليك خمسه و الا عشره من هالشباب كأنك بنت ليل ؟

و اعذروني بشده على هالكلمه الاخيره لكن اقرب تشبيه لهالوضع هالكلمه

انا راح افترض انك تخافين على سمعتك وسمعة اهلك و ممكن واحتمال وارد لا

ان كان لا فلا تكملين المكتوب لانه مالك فيه شي

وان كان ايه

تلعبين بسمعتك وسمعة اهلك عشان دراهم والا شحن .. الخ

و بالاخر تعضين اصابعك ندم في وقت الندم مايفيد

لا تقولين انا ما احد يضحك علي

لاتقولين حريصه وذكيه و لا اكشف نفسي

تخيلي

طبيتي في واحد اخبث منك

وش بيكون وضعك ؟

ساعتها انتي بتكونين تحت رحمته

تخيلي

تقدم واحد لاهلك يخطبك

واكتشف بعد مده انك كنتي بهالحال

وش بيكون وضعك ؟

امر طبيعي راح يفصخ هالخطوبه

و راح يتكرر هالحال مع غيره و غيره و غيره

ظنك بعدها راح احد يفكر يرتبط فيك ؟

و على ايش هذا كله  

على شحن بطاقه ..  و الا فلوس .. و اشياء تافهه ما تسوى
وتذكري

ان الله يستر على الانسان

 فلا تفضحين نفسك بنفسك

....

الفكره اللي ابي اوصلها بهالموضوع و بدون اطاله عليكم

يا شباب و يا بنات

لا تشووهون صورة الحُب الجميله بالاستغلال و المصلحه

لا تقوووولووون

تحبون

وانتم

ما تعرفون وش تعني كلمة حُب أساساً

,,,

وبالختام اتمنى اني اكون اختصرت قدر الامكان ووصلت فكره

و ان كان طولت

تراه مووضووعي وانا حر

,,,

ياما في هالدنيا قلوب
تخدع ولايمكن تتوب
إن جيتهم انت الحبيب
وإن رحت حطوبك عيوب
مادامت الدنيا تدور
خلك على الشدة صبور
اصبر وقول الله كريم
يبدل الحزن بسرور

,,,

حرر في

يومه / شهره / سنته

الساعه عشر طعش و ربع 

اخوووكم

 

لا يوجد مشكله لان المشكله حلها ليس مشكله و ان حدثت مشكله فحلها ليس مشكله
لان المشكله لايوجد مشكله .. اذا مالمشكله ؟ .. لايوجد مشكله


1 التعليقات:

خربشات منبعها الرووح يقول...

حب بـ 50 ريال

والله رخص الحب :( اول كان غالي وله

قيمه ومقدار

في زمنا كل شي ارتفع سعره الا الحب

انحدر

وكله بسبب الاشخاص الي ماهم عارفين معنى

الحب الحقيقي وقيمته الحقيقيه


وللاسف ان الوحده ترخص نفسها

علشان بطاقه سواء

الله يصلح انفسنا ويصلح بنات

وشباب المسلمين


اشكرك اخوي على مانثرت هنا


دمت متألق ولكـ ورده

/

\