اعلن معنا

شيون .. اكيد سعوديات



---------- Forwarded message ----------
From: رايق مزاجي فايق <rx-top@hotmail.com>
Date: 2008/11/22
Subject: شيون .. اكيد سعوديات
To: als7af.group@gmail.com


مساء الخير على الجميع

شيون .. اكيد سعوديات

موضوع من ارشيفي كتبته قبل فتره في احد المنتديات و حبيت اطرحه مره اخرى للقروب

ابثرتكم ايميلات كوكتيل .. قلت ارجع للارشيف .. لزوم التنويع

....

يالله حيهم

كيفكون يا شباب و يا صبايا<< شعنده ابو شكيب

ادري عنوان الموضوع جذبكم >> يسمونها ثقه في النفس

اشوا ان ثلاث ارباع البنات دخلو ناوين يسفلون فيك على ذا العنوان

و لكن اقلهم في التروي السلامه وفي العجلة الندامه << مع تحيات ادارة مرور الناصريه

 انا واعوذ بالله من كلمة انا اسمعهم يقوولون الكتاب يبين من عنوانه .. انا عكست كل المفاهيم السائده << اخس يا جكي شان

 و قررت اكتب عنوان للكتاب لايدل على محتواه نهائياً البته

 و بته يا بته شيلي الشنته << ااختار يا تنجلد ..  يا تنجلد اليوم

نجي للموضوع

حقيقه ما اضاء ذهني لكتابة هذا المووضوع هو احد الزملاء >> طبلون كهرب مهب زميل

قررنا نحن عقلة الاصبع الاصدقاء الثلاثه السفر الى دولة عربية شقيقه تقع بين اليابان و خميس مشيط << يسمع بالجغرافيا

اللي هي ديرة ميحد حمد << سمايل يطق رقبه  .. اقصد الامارات العربية المتحده

حجزنا و ضبطنا امور السفريه 

و اقلعنا بحمد الله متجهين الى دار ال مكتوم .. دبي 

طلعنا اول يوم و كان الجو في منتهى الروعه فتمشينا و تمشينا وتمشينا لدرجة اننا وصلنا ايران مشي

الشاهد في الموووضوع لم يكن موجود في اول يوم<< يا اخي يمكن عنده ظروف

 ثاني يوم قررنا الذهاب الى مول الامارات .. نروح نزحلق في سكي دبي

بعد الزحلقه وسعة الصدر

رحنا نفر شوي بالمول و نشوف عندهم ملابس جديده و الا لا   

الشاهد جاي الحين << بدري يالطيب

و احنا طالعين من احد المحلات مرو بجانبنا ثلاث من الفتيات  << مشكله النحوي

فقال الزميل اللي اضاء الموضوع و هو يناظر فينا

شيون .. اكيد سعوديات

 فزميلي الثاني قاله ايه و الله صدقت لاحقينا هالشيون لين هنا

فالتفت عليهم و سألتهم سؤال ..

الحين لو تبي تتزوج وتكون اسره ؟ بتتزوج برازيليه مثلاُ؟

فردو قالو : لا طبعاً بناخذ سعوديات

قلت : تمام يعني

بتروحون و تلفون تلفون وترجعون تاخذون لكم ..  سعوديات من هالشيون على قولتك

لانك ما بترضى انت وياه ،،  تكون ام عيالك .. كشف و متحرره  ما تدري من هي وش اصلها وش فصلها

و ما تأمنها لا على بيتك و لاعلى تربية عيالك .. وبكرا يمكن بعد تسحب عليك و تنحاش ديرتها

,,,

للاسف ان هذا تفكير ونظرة جزء كبير من شبابنا الى بنات بلدهم

ويقولون بعدها : ليش البنت السعوديه تقارن هاللي يطلعون بالتلفزيون بالشاب السعودي

يا اخي انت وياه و ياه

 انتم السبب

انتم قارنتو بينهم وبين

اليسا

نانسي

هيفاء

و باقي شلة هالمفاصيخ

مع انهم و الله و احلف على ثقه مافيه وحده منهم باقيه على خلقة الله

كلهم مسمكرات مابين نفخ و تعديل خشوم و غيره

،،،

تخيلو الموقف

زوجه قاعده مع زوجها قدام التلفزيون و يطالع بهالفاصخات ويقارنهم بزوجته و يقول شوفي الحلا و الزين

الحين يا وجه العنز تقارن زوجتك عرضك بفاصخه طالعه تعرض نفسها في التلفزيون لملايين البشر

  ابوك لابو من علمك مرجله

   وش جاب محتشمه عفيفه لفاصخه ماصخه ترقص على حبه ونص

افترضنا جدلاً

ان زوجتك اقل جمال من هالفاصخات

هذا ما يعطيك الحق انك تقارنها بها

ابوووه الجمال اذا كانت الوحده فاصخه ماصخه

 وش يفيد جمالها و هو معروض لكلن كنها و اعذروني في الكلمه زباله

خل تجي ما اقول شينه اقول عاديه او متوسطة الجمال  بس محافظه على دينها ونفسها .. محتشمه و اخلاقها عاليه

والله و الله انها اجمل  بمئات المرات من الف عارضه رخيصه

و انا افترضة انها متوسطة الجمال  

لكن متأكد انه بناتنا فيهم كثيررررر جميلات

جميلات خلقه و اخلاق

...

لكل من غره الجمال الخارجي

لكل شين قال بنات السعوديه شيون

اقوله

جزء من قصيده للشاعر المبدع ناصر القحطاني

تنفع لتفكيره

...

كم مكان يعرض اعراض نساء وسيدات
والهوى له بايعات والغلاف وله فتاه
والحسن تشبيرعنق وطول وخصر نحيف
وشي ماينشاف شيف لجل الاول والوصيف
شهب تشابه رسوم الشاشه المتحركات
مال زمتهن طرات ولا لهن ملح وحلات
لاربيع فيه خير ولابه ألا بروق صيف
والشتا مابه رفيف يحيي اوراق الخريف
غاده وسجاده وكفين وحجاب وصلات
من صبايا محصنات من عروق طيبات
اطهر من الفين منظر كلها فتنه وزين
في رجا الصبح الكسيف واجره الليل السخيف
لي مناح لي خلايه كلها سكر نبات
لي حصون ناعمات لي حصون شامخات
لي قوارير ملاها العقل والدم الخفيف
خلفها العمر الكليف ودونها الحد الرهيف

... 

الفكره اللي اطرحها وبإختصار شديد في هالمووضوع

ان بناتنا ابد مو شيون

و اللي انكتب عليها ونقصها الجمال الخارجي

فجمالها الداخلي يحليها

دينها .. حشمتها .. تربيتها .. اخلاقها

...

و ايضاً

شبابنا

ترا فيهم مماليح واجد يا بنات 
و يعجبونكم رجاجيل

...

ملحوظه : مصطلح .. بناتنا ـ شبابنا .. لا ينطبق على اي جحلوطيه او جحلوطي 

 ...

على فكره

حصل ورجعنا تصادفنا بالفتيات الثلاث سابقات الذكر

عند بوابة المول 

الاخوات طلعو هنديات 

صاكينها سواليف بالاردو

ولق لق لق لق 
...

ولكم ان تتخيلو شكل الزملاء بعد معرفة الامر  
،،،

تحيتي لكم

اخووكم

 
 

لا يوجد مشكله لان المشكله حلها ليس مشكله و ان حدثت مشكله فحلها ليس مشكله
لان المشكله لايوجد مشكله .. اذا مالمشكله ؟ .. لايوجد مشكله


0 التعليقات: