اعلن معنا

||//\\//\|| ... السجن الكبير ... ||//\\//\||


 
http://www.zyzoom1.com/uploads/images/zyzoom-a012afbc20.gif
 



السلام عليكم ورحمة الله وبركاته
كل عام وانتم بخير
حجاً مبرور وسعياً مشكور

ساعة بعد ساعة .. ويوماً بعد يوم
احس ان الشاب السعودي منبوذ في هذا المجتمع

نعم .. عزيزي القارئ
قد تستغرب من كلماتي السابقة
وبتبداء تحكحك دميجتك مثل هالسمايل

ياخي طفشنا
وربي طفشناااااااااااااااااااااااااااااااااااااااااا

>> وخروا عني عصبت

ياناس /// ياهووو
هب ان عزيزي القارئ مسكت لك مواطن / ـه بالشارع <<< ترى متعوب عليها هب ان
و بتسأله هالمواطن الصالح الي مثلي وبتسأله تقول له وش اكبر هموم المواطن بهالبلد والي تتمنى ان يناقشوها اصنام الشورى عفوا قصدي اعضاء مجلس الشورى <<< كويس انها اصنام موب ثيران << ابد ماقالها

وش تتوقع بيقول

بتتفاوت الاجابات
طبيعي بتتفاوت الاجابات << مو الصحاف لورانس
الي يقول لك الصحه والي بيقول التعليم والي بيقول الاسهم واموال الناس الي راحت ..... الخ من قضايا

الي باط << باط من بط يبط بطاطاً الي باط تشبدي من الي جاب طاري المطاعم والمحلات الي تسكر بالليل

لعنبوا حيك خلصت قضايا المواطنين وهموهم !!
يعني خلاص البلد مافيه مشاكل !!
الي يقول يبي المحلات تسكر الساعه عشر الليل ... بلله هذا صاحي

على باله اننا بباريس !!؟
عشانك تسافر سنويا لاوروبا وتشوف المحلات تسكر بدري تبي تتطبقها عندنا هنا بالرياض !!؟

من زين الجو تبي الناس تتقضى مقاضيها بالصيف بعز القايله

يعني بلله يازيني رايح اتقضى ودرجة الحرارة 49 درجة مئوية / 120.2 فهرنهايت <<< اخبر ثقافات اعضاء مجلس الشورى اوروبيه لذلك غيرتها بالفهرنهايت يمكن يعوون ويفهمون درجات الحراره

اوكي انت ياطويل العمر راح تجيك تذاكر بالصيف درجة اولى لاي دوله تبيها انت واهلك .. ورايح بتبطح باوروبا وتبينا نتقضى بالقايله
ياعني ماراح تحس بالي نحسه وانت طالع بعز القايله وثيباتك تلصق فيك يعني ماراح تحس باهل الشرقيه الي بعز الرطوبه لولا الحياء مشوا مفاضيخ من الرطوبه اسالني ترى كنت هناك
ولو جلست باول الصيف ياطويل العمر ماحسيت بهالضعوف الي سيارتهم بكل كبري ولا بكل زحمه بترتفع درجات حرارتها
سيارتك ياطويل العمر اخر موديل ... وكل سنه تغير لمعاليكم ... والي فالح فيه تجي اليوم الثاني تقترح
تقفل المحلات بدري ... ليش المواطن ياكل رز يوميا ليش مايغير عادة اكله مثل ماقال معالي الوزير البائت ... الخ من اقتراحاتكم الي تسد النفس

بينما هموم المواطن الحقيقيه ومشاكله مافي احد يتجرأ يتكلم فيها
سوق الاسهم انهار من 22000 الف نقطه الى الان وصل 4000 وشلقه ومافيكم احد تكلم
مره وحده قلتوا بنستدعي وزير الماليه بنستفسر منه ... يازينها من كلمه نستفسر مو نسأله
ولاااا يوم جاكم كل سؤال تسألونه يقول ما اجاوب على هذا السؤال !!!
وكانك يابو زيد ماغزيت

انا بصراحه من زمان ساكت <<< لاياشيخ مالك حق تسكت
واليوم انفقعت تسبدي يوم طلعت بادور لي شيء اكله لقيت الرياض تقول مدينة اشباح

ولا مطعم فاتح ... ولا بقاله <<< خل السرابيت الي مثلك يرقدون

يعني يقالكم امن !!؟
يعني ماتبون الناس تسهر !!

هذي الحلول

طيب قسم بلله مالقيت ولا دوريه برضوا يعني العسكر كل واحد سافط دوريته تحت كوبري وصاك امها نومه

اذا تبون الامن يستتب صدق في مية حل وحل
وظفوا هالشباب العاطل الي مو لاقين وظايف
بدال ماتقدم لي 400 وظيفه سنويا جنود جوازات ولا شرطه خليها 40000 الف وظيفه

من زمان كنا نشوف الدوريات حتى بوسط الاحياء ... الان وربي تمر سنه ماشفت دوريه بحييكم ولا لو شفتها ترى العسكري المستلم مار خويه وهو بوقت استلامه

يعني وقفت عليكم بتقلدون الدول الاجنبيه بس اغلاق المحلات مبكرا !!!!

طيب في مليون شيء ماقلدتوهم فيه !! وش معنى هالشيء الي تبون تقلدونهم

طيب هالدول ياخي فيها بارات تفتح نص الليل وللصبح بعد <<< وش يبي ذا
ماسكرت ... يعني بتقولي ماعمرك سيرت عليها وانت برى تتبطح
يعني بتقول لي ماتدري عنها

قسم بلله صايره الرياض سجن كبير

اسواق ممنوع الشباب
محلات تسكر الساعه 11 ومطاعم 1 مدري 2

يعني ايش تبون نهاجر تبونا نشد ونرحل
لاتخلوني احلف والله ما اجلس بهالديره يوم <<< لاتحلف ياشيخ

والله عقدتونا يمين بلله

مشااكل والله <<< على ماقال لورانس
يعني والله ما الوم لورانس يوم يجلس يشرب وماسك البالتوك وجالس يعرب عن الماسي الي يحس فيها

يعني تبون الشعب كله مثل لورانس

قسم بلله ماناقص الرياض الا سور عازل حوله

طفشناااااااااااااااااااااا
والله طفشناااااااااااااا

ارحموا من في الارض يرحمكم من في السماء

ياخي انتم شيبان تنامون عقب العشاء تبونا مثلكم
خلاص اخذتوا زمانكم وزمان غيركم

صبرا جميل والله المستعان



يلله فتكم بعافيه
بروح اكل لي تفاحة
حسبي الله على من كان السبب


حــررهـ

المواطن الي منفقعه تسبده

الصحافـ تسوونامي ـ
__________________




اللهم لك الحمد كما ينبغي لجلال وجهك وعظيم سلطانك



to contact with me
al_s7af@hotmail.com

للتعليق السريع للزوار .. ..

( My Space )


0 التعليقات: