اعلن معنا

ليالي [ لندن ] مامثلك ليــــالـــي


 
http://www.zyzoom1.com/uploads/images/zyzoom-a012afbc20.gif
 



---------- Forwarded message ----------
From: خــالـــديــه oo
Date: 2008/12/27
Subject: ليالي [ لندن ] مامثلك ليــــالـــي
To: als7af.group@gmail.com








مرت حياتي دون أمنيةٍ ... وتقلّبت مَللا على مللِ    
حتى لقيتك ذات أمسيةُُ ُ ... فعرفت فيك مطالع الأمل    
 
ما هذه الدنيا التي اقتربتْ فيها المُنى والظلُّ والثمرُ؟          
!! تجـــتـــاز وامـضةً فوثَبَتْ وثَبَ الهــوى وتمــهَّلَ القـــدرُ          
 
    
 
 
 
    خــالـديـه                                   
O D i                                      

My photos in flickr                                                          
http://flickr.com/photos/odi78                                                

 
 
          
 
 
 

 

اهلن اهلن ,, حيالله اهل القروووب ,, اتمنى انكم بخير واهم شي مستانسين 

قبل فتره ليست بالقصيره ارسلت تقرير مصور عن باريس ,, ووعدت الربع بتقرير لندن وهذا التقرير جااااهز الحين

صحاف باشا احجب الايميل ازااا بتريييد

 
 

الصور كلهااا طالعه ,, واللي ماتطلع اضغط عليها كلك يمين + اظهار صوره 
لحد يقول مافتح شي لاني متاكده 100% من روابط الصور خخخ
 


وأخيييييييرن لندن


التقرير تأخر شوي ,, بس أقول عسى يعجبكم ويرضيكم من بعد هالتأخير



لندن او " مصر اوروبا " أقرب وصف لها تقريبا نقوله عنها لأنها أكثر مدينه اجنبيه 50% من جوها عربي ,, واكثر المدن الاوربيه زحمه وصجه وقذاره والأغلى طبعا
بس مع هذا كله انا اشوووفها الأفضل من ناحية الفله وسعة الصدر تعجبني الحياة الليليه فيها تستاهل من يلقبها بمدينة النور مهب باريس
طبعا اكثر شعب مهايط فيها هو الشعب القطري ومن بعده يجي الاماراتي الحبيب ,,
اتذكر اول مادخلنا الفندق جلسنا شوي في اللوبي الا كل مجلس التعاون الخليجي يتمشى قدامنا
في باريس ماتعودنا على هالجو عشان كذا استنكرنا الوضع ومن اول يوم قلت متى يخلص الاسبوع ونرجع باريس لان المكان ماعجبني في البدايه ولا ارتحت
بالنسبه للمقيمين العرب الغالب فيهم الاكراد هم الفساد كله والناس مستاذيه منهم مثل ماستاذت مكه من التكارنه

لندن خصصنا لها اسبوع واحد"ظلمناها بذا المده القصيره " ,, رحنا لها من باريس عن طريق القطار ذهاب / عوده ,,
وكانت الرحله ساعتين ونص على الارض ونص ساعه تحت البحر

نبدا مع الصور احسن ,, عشان تزين السوالف عن لندن ولا ؟؟؟


اول شي اذا قالولك لندن ؟؟!! وش يطري على بالكم على طول
بالنسبه لي يجي في بالي ساعة big ben
 لأني اشوف لندن فيها !!
وفعلا هي الشي الأول اللي كنت متحمسه اشوفه هناك ,, لدرجة اقول مهب مصدقه اني في لندن الا لين اشوف ساعة
 big ben
<<< حالفه ماتضبط توقيت ساعتها الا على البيق بن


Big Ben

اللي راح لندن او بيروح اكثر شي يبي يلاحظه هناك هو الساعات متعقله في كل قرنه وجهه يعني مستحيل نشوف مبنى ماعليه ساعه !! طبعا كلهم مايجون بمثل البيق بن
أشهر ساعه على مستوى العالم واكيد بتكون من اهم معالم لندن واللي تستاهل الزياره ,, بدت تشتغل في عام 1859م وجرس الساعه بدا يرن في عام1924م عمر مهب هين ابد
يعني تقريبا صار عمر الساعه حوالي القرن ونص ماااااااشااااااااااالله وعلى هالعمر كله مازااالت تعتبر ساعه دقيقه وحالتها جيده وقليل العطل فيها وبسيط
القطع اللي في الساعه تعتبر تاريخيه جدا والجميل انهم محافظين عليها ويحاولون مايغيرون من قطعها مهما كااان ,, والساعه موجوده في مبنى البرلمان على نهر التايمز<<--- من اول تحسب الساعه في حوش قصر الملكه
 
 

*
*
*


بعد البيق بن وش فيه او وش اتذكر لندن فيه اذا سمعت طاريها !!! الاكيد الاكييييد انه عين لندن

London eye

تعتبر اكبر عجله دواره في العالم ,, هذه اللعبه اصلا من غييير شي تعجبني ودايم هي اول لعبه اهتم لها واركبها في اي ملاهي
بس هنا في " عين لندن " ماتعتبر لعبه لانها على اسمها تعتبر العييييين اللي تشوف منها مدينة لندن ,, بمجرد انك تركب في الكبسوله وتبدا تدور
بتشوف منظرللندن عجيب !! ويمكن افضل وقت ركوبها هو وقت الغروب لان المنظر من فوق المدينه بيكون شي ثااااااااااني
هذه العجله فيها 32 كبسوله وكل كبسوله تقدر تشيل 20 شخص تقريبا وافتتحت في عام 2000 وتسمت بوقتها عجلة الالفيه
موجوده على نهر التايمز مقااابل لساعة البيق بن والشارع اللي موجود عليه مدخل عين لندن اكثر شارع حيوي وحلو وقت النهار وفيه اكبر تجمع لاستعراض الشحاذين







*
*
*


الى الان مازلنا على نهر التايمز بدينا من الساعه وثم العين واااخر شي في النهر هو جسر برج لندن

Tower Bridge

هذا الجسر وراه تاريخ عظيم من الحروب والمشاكل !! ويعتبر اول جسر اقيم في لندن واذا مرت البواخر يفتح البرج وكأنه بوابه
وبعدها يسكر وترجع السيارات تمر من فوووقه لانه يربط بين ضفتين على النهر ,, منظره تاريخي ومن حظنا ماقد صدفت وشفناه مفتوح



*
*




شوارع لندن

رغم ضيق الشوارع هناك الا انها مصدر جمال الحياة في لندن ,, مبانيها تاريخيه وقديمه بس واضح قل الاهتمام فيها وتاثير الدخاخين عليها
عكس مباني باريس انظف من الحليب الناس في الشوارع اشكال والوان وجنسيات وطبقات يجمعهم كلهم شارع واحد
لو ماعندك مشوار محدد وتطلع تتمشى في الشارع بس! يبي يطير الوقت وتستمتع متعه ماقبلها ولا بعدها
صحيح ان العالم كلها في حالها اللي يقرا واللي يغني على نفسه واللي يرقص واللي يستعرض بسيارته او لبسه ووو ,,المتعه كلها في المشاهده
انا اتكلم عن كل الشوارع بستثناااااااء شارع العرب " الاجورد روود " اسوا شارع في لندن وهو موطن الاكراد وكل الفساد فيه حتى منظره وصخ مهمل اقرب شبه له شارع البطحا
الحسنه الوحيده في شارع العرب هي المطاعم العربيه فيها اللحم والدجاج حلال وبلأخص العراقيه للي مايقوا عن الكبسه لايرده غير هناك

دائما أكثر التجمع يكون في الساحات واحلى ساحة اعجبتني هي ساحة الحمام "ميدان ترافلجار"
تعج بطيور الحمام نشوف البزران يطاردونها واللي يعطيها اكل واللي يصور وسطها وفيه تمثالين لاسد لونهم اسود كبير حجمهم

هذا واحد من التمثالين وزين قدرت اصيده فاظي لانه دايم زحمه عليه وكل العالم الموجوده ترقى له ويصورون وهم راكبين على ظهره بس تراه يزلق
 
 
 
 

وهنا صوره شامله لساحة الحمام " ترافلجار "



جنب ساحة الحمام فيه ساحة البيكاديللي وهذه أروووع ساحه في الليل طبعا 85% من اللي فيها عرب وهي منبر الاستعراض
موجود فيها اشهر لوحة اعلانات والاغلى اجر بالعالم ماتطفي ابد ابد ابد ابد الا مره وحده فقط !!! تدرون متى ؟؟؟
يوم وفاة الاميره دياناااااا برضو فيها مطاعم وقهاوي والمراكز التجاريه تقريبا هي المكان الوحيد اللي تسهر الى الساعه 9 ونص الليل
اعجبتني الساحه وبرايي هي احلى بالسهرات اكثر من الشانزلزيه << ماحبيته



بالنسبه للشوارع اشهر شارع في لندن هو " اكسفورد " واللي عطى هالشارع قوه أكثر هو تقاطعه مع الشارع اللي مايقل عنه شهره " ريجينت "
متميزين هالشارعين بالمحلات والمراكز التجاريه يعني كله تسوق ×تسوق واحلا بضايع موجوده مافي امل تمل وهذا اللي خلاني انسى اصور

لايوجد صوره للاسف


هنا الشارع اللي يودي على نهر التايمز وواضح من بعييييييد ساعة البيق بن




-
-

هذا الشارع مقابل لبوابة حديقة قصر الملكه والحديقه هذه مفتوحه للناس ,,
يدخلون يشوفون القصر والبلكونه اللي احيانا تطلع منها الملكه عشان تقول : هاي




-
-

الاسوااااااق واضح المباني متأثره بالدخان وصايره كنها جدران وجار



*
*




على طاري الاسواق اهم سوق في لندن واوربا كلها " هارودز " من املاك اخ العرب محمد الفايد وهو ابو دودي حبيب الاميره ديانا
السوق هذا يتكون من 7 ادوار + دور ارضي من الافضل تروح تتفرج على بضايعه اذا كان عندك وقت فاظي ك يوم كامل مخصص للسوق واذا خلصت تنزل تحت
لقسم العطور والسوبر ماركت والحلويات لاني اشوف هارودز هي المنطقه هذه وبس اما من ناحية البضايع مبالغ في سعرها بشكل فوق الخيال !!
على غلا اوربا كلها الا ان هارودز صفق بالغلا ووالديييينه ملابس جدا عاديه او شنط او جزم اسعارها توصل ل 10 الاف وفوق !!
البضايع مجموعه في 6 ادوار كل دور مخصص لشي معين اثاث + مجوهرات + ملابس + اجهزة رياضه +وهااكزاااا
الكلام بس على الدور الاول والارضي اللي هو صالات الاكل والحلويات والعطور والسوبر ماركت الاسعار فيه معقوله جدا على البلد وكل شي فيه مختوم بعلامة الهارودز
,,





أحلى شي





بما ان راعي هارودز مصري ف لازم يكون للأثار الفرعونيه بصمه موجود ساحه صغيره معروض بها اجمل التصاميم الفرعونيه من أكبرهم ذا



تصدقون الشي هذااا ؟؟




واكيد للذكرى محل ( بين الصورتين موجود خاتم خطوبة ديانا على دودي ) محفوظ في هرم زجاجي مضاد حتى للزلازل




*
*
*

HAID PARK

اخر شي بتكلم عنه في هالجزء هو حدايق لندن ,, ولو اني بخست حقها شوي كان ودي اتكلم عنها من اول جزء
الهايد بارك ؟؟ برضو هالحديقه تعتبر تراث عالمي يازيين التراث بكل اشكاله
كل شي في لندن له قصه وتاريخ طويييل وهذه الحديقه تأسست من عام 1536 م كحديقة الملك الخاصه
في الحديقه الف نوع ونوع من النباتات حتى لدرجة زرعوا نباتات نادره ماتطلع الا بمناخ خاص ووفروا لها هذا المناخ في بيوت زجاجيه
المميز في الهايد بارك هو يوم الاحد "يوم الحريه في الاراء والملاسن العجيب " اي شخص مهما كان يقدر يتكلم عن اي موضوع
حتى لو كانت تهجم سياسي لأي بلد ودوله الا الملكه ممنوع الكلام فيها
الدعوه صايره شلل يعني في هاليوم تلقى مية تجمع كل بين مترين شله متجمعه على واحد يتكلم

اتذكر فيه لوحه عند كل بوابه من بوابات الحديقه محصور في هاللوحه عدد كل شجره وورده وخريطه كامله للحديقه

وقلب الحديقه هو البحيره









مضمارين واحد للخيول + واحد للسياكل ودق الرجليه





لندن فيها اكثر من حديقه وقصر الملكه يحيط به 4 حدايق مشهوره من ضمنهم الهايد بارك + ريجينت بارك + وغيرهم ,, طبعا غير الحديقه العامه والخاصه لقصر الملكه
يعني القصر متوسد ومتلحف بالخضره والربيع وانا اقول العجوز عمرها طويل !!! مالومها وذي عيشتها مترعرعه بين هالحدايق


 
متحف الشمع اشهر الشخصيات العالميه موجوده في هالمتحف واحلى شي انك تختار اسلوبك في التصوير مع اي شخصيه اذا كنت تحبها او تكرهها
المتحف فيه 5 ادوار اعتقد !! كل دور يضم شخصيات مثل الرؤوسا + اللاعبين + مطربين البوب + ممثلين الهند + وغيرهم ,,
ودور خاص بشرح المجسمات الشمعيه كيف صنعوها وكيف حرصوا على تفاصيل الشخصيه من طول + لون + ملامح + حتى نوعية الشعر
لدرجة احيانا ماتفرق بين الشخص الطبيعي والشخص الشمعي خخخخ ترى ابد ماقمت اتلمس العالم عشان اتاكد منهو الصدقي فيهم
وموجود لعبة بيت الرعب <<مادخلتها لان المكان كتمه بغيت افطس <<< يعني اكيييد مهب ذراقه ؟!
من ناحية الفنانين طبعا حلم كل فنان يكون له نسخه في أي فرع من متحف الشمع ,, والمطربه فريقي
 Fergie غنت في لندن اغنيه عجيبه اسمها لندن بريدج بس ماحطوا لها شمع

 

الاغنيه ::   http://www.cools4u.com/songz/listen.php?id=23289


هذه بعض الشخصيات الموجوده في المتحف ,,










*
*


الى هنا وبس والجاي كله بيكون برا لندن

الملاهي يالبى الملاهيات كلها ,, بريطانيا فيها يمكن 25 مدينة العاب كل مدينه تنافس الثانيه واللي رحنا لها كان اسمها " ثورب بارك " تبعد عن لندن ساعه ونص تقريبا
ملاهي كبييييييره والالعاب فيها فووووق الخياااااال استااانسنا فيها لكن اللي نكد علينا شوي هو الجوو كان حر وشمس









 

 


*
*


بعدها طلعنا يوم لمدينه ساحليه تبعد عن لندن ساعتين اسمها مارقيت ,, مدينه صفيره وهااااديه مرررره تصلح للدراسه
المهم كانت احلى جلسسسسسسه على البحر





*
*


برضو يوم ثاني كااااان كله لرحله ممتعه وطووووييييله كانت لحديقة الحيوانات المطلقه " سفاري بارك " خارج لندن هالحديقه وتبعد ساعتين بعد
الحديقه تدخل فيها السيارات وتتمشى بين الحيوانات واهم شي تكون الشبابيك مسكره تفاديا للخطر لان فيه عايله هجم عليهم دب وكسر القزازه
اخر الحديقه توقف السياره لان الباقي خاص بالطيور والعروض قرود + فقمات + طيور ,,, بصراحه حديقه مافي احلى منها


اهم شي التصوير كان بالكاميرا <<< حامت تسبدها من صور الجوال

سفاري بارك






^
^
هالجمل سبحان الله خلقته عجيبه !! كل سنام مايل على جهه





^
^
المملوح متكي على الكبوت






 

 

 

 

 

^
^
وجبة غدا شكلها لذيذه

 

 

 

^
^
استراحه بعد الغداااا

 

 

 

 

^
^
: <<<

*
*



واخيرن أن شالله يكون ختامها مسك بصور الحديقه

 

 

 ===================


تعليق الصحاف

انا اشهد ان ختامها مسك

سلمت يداك 

لافض فوك >>> وش دخلها  ـ




0 التعليقات: