بينا نقشم حب ونشقلب بالسواليف بدون اي نظام

---------- Forwarded message ----------
From: أحسن أحدهـ <man0@live.com>
Date: 2009/3/31
Subject:  بينا نقشم حب ونشقلب بالسواليف بدون اي نظام
To: als7af.group@gmail.com

أول مشاركه لي بالقروب مع العلم إني ماهقيت إني بشارك بيوم من الايام

لي زمان هاجره الكيبورد ومالي اي علاقه فيه غير بماسنجري

لكن الظاهر ان ايميلاتكم خلتني احن لاايام الشباب والهذره الي مالها سنع

أبهذر وبهذر لين مايطيح الي في راسي فلااحد يدقق مااهنا ترابط في الموضوع

كله خمات اشي يمين واشي يسار

عاد عساه يجوز لكم وينشر

 

 

الخقه وماادراك مالخقه:

ياااااااااااااااااااي مره يخقق

يااااااااااااااي خقيت

يااااااااااااااااي خقق

وهلما جرا

كلمه من تالي مابقى احدن مايقولها ومافقع قلبي غير الاقالها بزر ودي ادق اسنانه دق

وش الي خقيت وماخقيت سبحان الله من اول ماكانوا العالم يقولونها وهي مااش ماجازت لي احس فيها شي غلط

احسها ماتناسب برستيجي

وسبحااااااان الله حدسي ماخاب طلع معنى الكلمه اوب زين وقليل ادب

فلاعاد تقولونها خلاص

يوم انكم ماتعرفون معاناها وحنا متقبلينها بس عاد خلاص عرفتوا معناها وانتشر ايميلات فبطلوها ماعاد لكم عذر

 

 

العين والخوف منها:

 

يمممه بسم الله نظلتيني طحت

يمممه منك نظلتي شنطتي انقطعت

يمممه منك عينك في اكلي طاحت حلاوتي

وهلما جرا

 

من تالي لو يكح الواحد طقه الوسواس ان جايته عين صار عند الناس فوبيا

على الاشياء الي تستاهل وعلى الاشياء الي ماتستاهل

صح ان العين حق وانها صدق بس عاد مهوب كل شي ينظل مير من تالي الواحد يسولف عادي عن نفسه وتلقاه مثلا يقول

انا مشاء الله شعري ناعم << خايف ينظلونه الله اكبر عاد مااحدن شعره ناعم الاانت ياوئل كفوري

ولاتجين لوحده تقولين لها فلانه مثلا شنطتك حلوه وهي عاديه بس انتي من باب المجامله فعلى طول ترد قولي مشششششششاء الله

ولامثل اختنا الي بالكاركتير باين انها باقي شوي وتولد وللحين مخبيه تخاف تنظل

يااختي مشاء الله والله يمنيك بركتها والحمدالله فيه ناس عيونها مليانه وخطا ان العين تصير هاجس ووسواس كذا تكرهه الناس في انها تسولف معك فحلو ان الواحد يصير عنده حسن نيه

مهوب كل الناس ميتين عليك بالعكس فيه ناس بتفرح لك وماجايك الاماكتبه الله لك فاانتبهوا من هالشغله

 

 

 

الايميلات المرسله للقروب عندي عليها ملاحظه وحده:

صح ان القروب حلو والحق ينقال يوميا اتصفح كل الايميلات الي تجيني ومستمتعه فيها

بس عاد لازم يكون فيه حدود شوي فيه ناس الله يهديهم يرسلون حاجات المفروض ماتنرسل يعني واذا احنا كبار  مو معناها انه عادي نخربها بقوه

 هذا قروب ويجمع كل الاعمار انت يمكن الاشياء الي ترسلها تحسها عاديه وعادي تتداولها بس اكيد معنا بزران ومراهقين

ومو بس عشان البزارين والمراهقين حتى حنا مانبي نشوفها << يعني تراها طالعه من المراهقين

فاانتبهوا الله يخليكم على انتقاء الصور وبلاشي الصور الي تكون عيب وكذا  لاني متاكده هالكلام مو مني لحالي

لافيه كثير مثلي وترى مااسوي عليكم مثاليه بس الصراحه اتكلم عن نفسي وارجع واقول كثير مثلي مااحب اشترك بشي ويكون شبهه

احب اكون عادي والوضع فري لدرجه اقدر افتح ايميلي بااي مكان وقدام اي شخص بدون مااشي هم ان فيه شي مو كويس

وخصوصا اني ماشيه صح ولارحت ادور شي غلط فماله داعي الاشياء الغلط تجيني

 

 

 

هذا الي عندي اليوم

وكاني جزت لكم ونشرتوه رجعت بموضوع ثاني

وكان محاولتي فاشله ركدت وجلست في مسني اصرف لي

اقرأ المزيد

+18 ملوك قبائل أفريقيه وحاشيتهم + حل لخطف الطائرات ...

---------- Forwarded message ----------
From: جـمـرة غـضـا . <abo@m.cn>
Date: 2009/3/6
Subject: ملوك قبائل أفريقيه وحاشيتهم + حل لخطف الطائرات ...
To: als7af.group@gmail.com

 

 

السلام عليكم

 

 

معكم جـمـرة غـضـا

 

وهذي أول مشاركه لي بالقروب

 

وأتمنى إنه تنال على إعجابكم

 

وللمعلوميه تراني مو بنت

 

حسيت بمعاناة البنات من كثر الإضافات

 

وحيان الله

 

 

وبرايفت للصحاف تسونامي : ترى ماوصلتني رسالة الإشتراك بالقروب مع إني طلبته أكثر من مره

 

لاهنت إذ قدرت توسيها من عندك < < < يدور واسطه

 

 

 

)
(
)

 

هذي أحد أعمدة توصيل الكهرباء بالهند

 

بس لعلهم مخلينها لكل شيء

 

 

 

:::

 

 

مع كثرة إختطاف الطائرات

 

وأصبحت الحين مخاوفها أكثر من إختطاف طائرة بعد أحداث 11 سبتمبر

 

والظاهر إنهم مالقوا حل غير هذا

 

 

 

ودك ماتحرص تركب مع هالشيبان

 

:::

 

 

من يذكر شريط بالبلاي ستيشن واحد إسمه كراش

 

الثعلب اللي دايم عاض على لسانه

 

بس ماتحلاظون إن البنات مايلعبن إلا هذا

 

هذا فيه تسلب (كلب) أعزكم الله

 

يحاول يقلده

 

 

 

:::

 

الحين إذا غرقت السفينه 

 

صح يغرق نصه والنص الثاني يكون فوووق

 

شوفوا هالصوره

 

 

 

بس مالاحظتوا إن فيه ثلاث أشخاص فوق السفينه

 

 

:::

 

 

وصلنا لملوك قبائل أفريقيه

 

عيال الكلب ماغير يسرقون من هالسفن

 

 

وهذي صور لهم ولحاشيتهم

 

 

هذا شكله مثل معمر القذافي الحرس اللي حوله حريم

 

 

 

هذا جامع الديره كله بس بلحاله الريش اللي فوق رأسه

 

شوفوا اللي يتثاؤب على يمين الصوره

 

 

 

 

 

لا هذولا شكلهم متطورين

 

شوفوا اللي بالخلف على اليمين وعلى اليسار ونظاراتهم الشمسيه

 

وإلا الصوره اللي معلقه باليسار مهب مايله شوي

 

 

 

 

وبس إنتهن الصور 

 

وإن شاء الله تشفونني في إيميل أخر

اقرأ المزيد

طشطشات زمان

---------- Forwarded message ----------

From: Mr. Tsh Tsh _ _ <mr.tshtsh@gmail.com>

Date: 2009/3/31

Subject: طشطشات زمان

To: als7af.group@gmail.com

مس/ صبح التسوناميين كلهم بالخير   هذا أول موضوع وان شاء الله مو الأخير مسكت معي ذكريات قديمة جدا (( المدرسه )) ـ

يوم السبت تجي امك تقومك الصبح وانت متعفط وسط المرقد ومالك خلق مدرسه تبي تغيب  ـ  وعلى طول (( آآآآآهـ بطني يعورني أبغيب )) .. وترد عليك أمك قم قم لا يجيك الشبشب على راسك  ـ وتقوم وشعرك مطشم ووجهك كله سعابيل  ـ وتجلس امك تدفدف فيك الين توصلك للحمام وأول ما تدخل الحمام وتشوف خشتك ترتاع  ـ وتطلع الا أمك مصلحه لك سندويتشه جبن مع زعتر وتقول لك سم يا وليدي خل مخك يتفتح وتصير مثل الشاميين  ـ  وانت ترد عليها زعتر وعععععع وعععععععع مااااااااااابي  ـ وتركب السيارة مع أبوك ومعك ذيك الشنطة اللي أكبر منك  ـ ومن يوم تركب وابوك ينصح فيك اسمع لا تماشي الا الممتازيين وخلك متفوق وارفع راس أبوك ويلتفت عليك أبوك الا وانت نايم  ـ وأبوك يقولك قم قم الله يخلف على أمن جابتك ـ تدخل المدرسة وعيونك مغمصه وأنواع التثاوب وتدخل على تمارين الصباح ويله واحد اثنين واحد اثنين  ونص الطلاب مزلبين بالتمارين وطاقينها سوالف ـ ووبعدها تجي الاذاعة يغثونك بنفس المقدمة البايخة اهي اهي من عرفت الاذاعات مع زقزقة العصافير وجدنا شجره فقطفنا الزهرة الاولى فوجدنا فيها القرآن الكريم ومع الطالب فلان ولازم فيه هل تعلم ولا ما تسمى إذاعة  ـ وهل تعلم من يومني في اولى ابتدائي الين تخرجت من الثانوي واهي نفسها اول رائد فضاء والحصان ينام واهو واقف  واخر فقره فيها .. هل تعلم ان هذه هي أخر فقرة من فقرات هل تعلم ـ بعدها السلام الملكي ولا يردده الا بعض الطلاب السعوديين والأجانب  أما الدشير ما يعرف الوطنية الا بـ طن ططن ثمن يدخلونا الفصل  وأول ما تدخل الفصل وأنت تفكيرك متى تجي الفسحة  عاد من زين الفطور بيض ولا جبن ولا شكشوكه يصلحها سواق المدير البنقالي وسخ  وتلقاه لابس بالطو يعنني نظيف  ـ  كلش ولا يصير عليك رياضيات أول حصه ويدخل مدرسكم المصري وعلى طول (( مين اللي ما عملشي الواجب )) يالله صبح خير  ـ  ولا صارت حصة الرياضة شيء ثاني  تلقى كلهم من الصبح لابسين تكميلة تحت الثوب في عز الحر وانواع العرقات تصب صب  ـ  وبعد حصة الرياضة المصاريا والسواريا وجيههم حمر أما ربعنا وجيههم سووووود  ـ والفصل أنواع الخياس  (( لو إني مدرس استحاله اخذ اي حصة بعد حصة الرياضة )) <<< صح ولا لا يا تيتشر مشعل   ولو تسأل أي طالب داشر وش طموحك يقول أبي أصير عريف الفصل  << يلعن أم الطموح ـ ويقعد يسجل أسماء المشاغبين بالسبورة الا أخوياهـ ـ   أتمنى الموضوع عجبكم طشه انتهى

اقرأ المزيد