اعلن معنا

علم السوء خيال وعلم الخير رج ليه



---------- Forwarded message ----------
From: ســــيــدة الـــمـــســاء <co0ol_3la_6to0ol@windowslive.com>
Date: 2009/3/23
Subject: علم السوء خيال وعلم الخير رج ليه
To: als7af.group@gmail.com



 

 

 

 

مساء الخير

 

ماني جديده مخضرمه في القروب لكن كنت ارسل من ايميل ثاني

 

 

 

أدري محد سألني

 

 

بس قلت اعلمكم عشان لايقعد في خواطركم  

 

 

 

 

طبعا كل مره اقول برسل بس اغير رأيي عشان بعض الرسائل اللي كانت تطغى على القروب

 

وهي رسائل فوق 18 سنه

 

لدرجة اني الغيت اشتراكي فتره في القروب

 

من كثرة الايميلات اللي من شاكلة 18 وخلافه

 

على فكرة

 

احب اشيك ايميلي

بالذات رسائل القروب مع امي عشان ننبسط انا وياها

 

غالبا تجلس متركيه وانا مسنده ظهري على بطنها

 

وهي تتفرج التلفزيون

 

وانا لو عجبني شيء شفته معها

 

الهدف من هذرتي الطويله

 

انها تقول الله يهديكم  ياللي ترسلون سوالف نص كم

 

حبت  كتاب بعض الأيميلات

 

ودمعت عيونها  بعض الايميلات

 

بالذات اللي كان عنوانها

 

تكفين ياطيور حرار افزعيلي

 

وفيه ناس قالت عن ايميلاتهم انها مقرفه

 

ويوم ارسلوا وتعبوا نفسهم ليتهم ارسلوا اشياء سنعه

 

ماذكر اعلاه وجهة نظر ست الحبايب

 

 

 

على فكره ترى ايميلي طويل واعتذر لكن مفيد للي مايحبون يقرون

 

 

لو مافهمتوا حاولوا تركزون لاني كتبت الايميل بدون مااعدل فيه

 

 

 

 

قبل فتره ارسل الصحاف ايميل

 

 

وقال بليز لايصير الموضوع زي بنات الاينو

 

اللي عيا لا يخلص

 

 

 

نسى الصحاف ان الموضوع ماانتهى لانه

 

اساس القصه بدت في مجتمع مايحب القيل والقال ابد

 

والادهى والامر انه يتحدث عن البنات

 

وحواء كما هو معروف ماتحب تطول السالفه وهي قصيره

 

اللي عجبني رد الاخت اللي فسرت  وردت على البنتين اللي شوي واشوفهم مع الشوش متماعطين

 

صدق ليش البنات اذا تهاوشوا ووصلت حدها معهم يمعطون بعض

 

شفتها كذا مره وحمدت ربي على العقل

 

 

 

 

 

 

المقدمة 

 

 

لها علاقه بالموضوع لو كان اللي يقرأ يركز ويربط الاحداث

 

 

 

علم السوء خيال

 

وعلم الخير رجليه

 

مثل قريته قبل فتره ليست بالقصيره

 

وهو يمثل حال المجتمعات العربيه

 

بنسبة 99%

 

حنا شعب اذا صار فيه حادثه شينه

 

 

في خلال خمس ثواني

 

 

يوصل الخبر لرئيس الصين من سرعة النقل المعلوماتيه

 

 

واذا صار خبر زين

 

واختراع كويس

 

مانسمع فيه ولا ندري عنه الا بعد

 

ماتمر عليه سنين

 

واحيانا يكون الخبر الكويس حاصل في نفس الحي

 

بس لانه مافيه فضيحه ماحكينا فيه

 

 

كثير  لاسمعنا عن اختراع

 

 

وانجاز في مجتمع غربي

 

يبدأ مشروع التحلطم

 

البعض يقول

 

هم عندهم دعم مادي ومعنوي

 

 

وتقدير للعلم والتعليم

 

عندهم مين يساندهم ويدعمهم

 

وحنا  ماعندنا ربع اللي عندهم

 

والذهين مننا بسم الله عليه

 

يواسي نفسه قدام الناس ومن داخله يدري بحجم الفشل اللي نعيشه

 

يبدأ يقول

 

اصلن انجازاتهم بدت على قواعد

من اكتشافات

العالم المسلم العربي

فلان وعلان

 

اللي خلاهم

يتفوقون علينا

انهم شعب منظم في معظمه

 

وحطوا عشر مية مليون خط

تحت معظمه

 

هم شعب مالهم بالحكي الفارغ

 

والقيل والقال

 

هم شعب

 

كلن ف حاله وعليه من نفسه

 

ماله باللقافه

 

شعب لو تمشي مفصخ ماناظروك

 

وحنا شعب وانت متستر

 

كلوا لحمك

 

اللي خلانا مكانك سر

 

اننا نموت بالفضايح وفصفة اعراض خلق الله بالمجالس

 

يجلس الواحد\هـ

 

في المجلس لين يجيه خدر في (...... ).يجلس خمس ست عشر ساعات

 

 

 

وماله شغله الا غيبه ونميمه وكذب

 

 

ويبدأ الفقش

 

واطلاق الصواريخ  الجويه والارضيه

 

وتكثر الارانب

 

والكذب ملح الرجال

 

والحريم بعد

 

اسهل ماعلينا  الكلام في اعراض عباد الله

 

 

لو قلت للي يتكلم انتا شفت بعينك

 

يقول لا فلان قال

 

طيب وينك من حديث النبي علية الصلاة والسلام

 

(( كفى بالمرء كذبا ان يحدث بكل ماسمع ))

 

او كما قال علي الصلاة والسلام

 

 

حنا شعب ماعندنا انجازات

 

 لان كل شيء نبغى نسويه بكرا او بعد شوي

 

عمرنا ماقررنا اننا نسوي شيء اليوم والحين

 

 

حنا شعب نكون صداقتنا وتقديرنا للاخرين على حسب مراكزهم

 

واسعار ساعاتهم ... وجزمهم من اي ماركه

 

والنظاره موديل اي سنه

 

كل انسان راقي وهاي كلاس

في نظرنا هو ولد فلان الفلاني

 

 

هو ذالك الشخص الذي يقضي ايام الصيف  في ارياف فرنسا

وعلى مقاهي الشانز

 

حتى لو كان شخص تافه

 

لسانه سليط

 

يده طويله

 

وكلماته بذيئه

 

يرى من هم دون منه من قمة الجبل

 

او من نافذة برجه العاجي

 

نمجد هذا الشخص ونتتودد اليه اذا حضر

 

نضحك لسخافاته

 

ونسئل عنه اذا غاب

 

حتى لو كان صفرا على الشمال

 

بينما من لايمتلك

سوى قوت يومه

 

ولسان كالمسك

وعقلا من ذهب

فهو في نظرنا

 

يااااااااي قراوى وبيئه

ويعععععع ياماامي

 

لين متى حكمنا على الاشكال دون العقول

 

 

ليتنا نترك  عننا القيل والقال

 

والكلام اللي مافيه الا غضب ربي

 

طول اليوم تصلي وتستغفر

 

وتتصدق

 

تمسح الكثير من ذنوبك

 

تدخل المجلس خفيف

 

واول مايكتمل النصاب

يبدأ مشوار

 

مادريـــتا ؟؟

 

ماسمـــعتا؟؟

 

ماشـــفتا؟؟

 

واول مانجي نطلع نجر جبال من الذنوب

 

 

نجلس نمسح فيها ايام

 

 

ونرجع نكتسبها في ثانيه

 

والله اننا مساكين اذا كان لسان مانقدر عليه

 

 

حنا شعب نخاف نواجه مشاكلنا لو لنا مشكله مع احد

 

شخلنا امه في ظهره وقدامه نبلع العافيه

 

نحب نحطم غيرنا لو شفنا احد فكره نظيف ومخه شغال قلنا له ياشيخ اركد يعني انتا اللي بتغير العالم

 

 

 

 

 

مايستفاد

 

 

 

 

اننا نعيب زماننا والعيب فينا **

 

 

اننا نقول اننا نحب التسويف **

 

اني ودي اتوطى في بطن اي واحد يتكلم في عرض احد ثاني

 

اننا ابعد مانكون من حديث الرسول عليه الصلاة والسلام

 

(( من ستر عورة امراء ستر الله عورته يوم القيامه ))

 

حنا نمشي على مبدأ

 

افضح عباد الله ولا يهمك احد

 

 

 

 

 

الشيء اللي ماعرفته وش معنى اينوا

 

هل تعني

 i knew

 

 

بمعنى اعرف ولا وش

 

 

شيء ثاني

 

تراي انسانه مااحب كثرة الكلام

 

يعني اللي يبغى يعلق

 

فليقل خيرا او ليصمت

 

غير كذا كان ممكن اتميلح واسوي اني خفيفة دم لكن

مالي خلق

 

وذلك لان اجازتي بتخلص بعد اسبوعين وصدري بدء يضيق  >> ماهي زوله

 

 

يالله انك ترحم الحال 



0 التعليقات: