اعلن معنا

طشطشات زمان



---------- Forwarded message ----------
From: Mr. Tsh Tsh _ _ <mr.tshtsh@gmail.com>
Date: 2009/3/31
Subject: طشطشات زمان

مس/ صبح التسوناميين كلهم بالخير

 

هذا أول موضوع وان شاء الله مو الأخير



مسكت معي ذكريات قديمة جدا (( المدرسه )) ـ




يوم السبت تجي امك تقومك الصبح وانت متعفط وسط المرقد ومالك خلق مدرسه تبي تغيب  ـ 
وعلى طول (( آآآآآهـ بطني يعورني أبغيب )) .. وترد عليك أمك قم قم لا يجيك الشبشب على راسك  ـ
وتقوم وشعرك مطشم ووجهك كله سعابيل  ـ
وتجلس امك تدفدف فيك الين توصلك للحمام وأول ما تدخل الحمام وتشوف خشتك ترتاع  ـ
وتطلع الا أمك مصلحه لك سندويتشه جبن مع زعتر وتقول لك سم يا وليدي خل مخك يتفتح وتصير مثل الشاميين  ـ 
وانت ترد عليها زعتر وعععععع وعععععععع مااااااااااابي  ـ

وتركب السيارة مع أبوك ومعك ذيك الشنطة اللي أكبر منك  ـ
ومن يوم تركب وابوك ينصح فيك اسمع لا تماشي الا الممتازيين وخلك متفوق وارفع راس أبوك ويلتفت عليك أبوك الا وانت نايم  ـ
وأبوك يقولك قم قم الله يخلف على أمن جابتك ـ

تدخل المدرسة وعيونك مغمصه وأنواع التثاوب وتدخل على تمارين الصباح ويله واحد اثنين واحد اثنين 

ونص الطلاب مزلبين بالتمارين وطاقينها سوالف ـ

ووبعدها تجي الاذاعة يغثونك بنفس المقدمة البايخة اهي اهي من عرفت الاذاعات مع زقزقة العصافير وجدنا شجره فقطفنا الزهرة الاولى فوجدنا فيها القرآن الكريم ومع الطالب فلان ولازم فيه هل تعلم ولا ما تسمى إذاعة  ـ

وهل تعلم من يومني في اولى ابتدائي الين تخرجت من الثانوي واهي نفسها اول رائد فضاء والحصان ينام واهو واقف 

واخر فقره فيها .. هل تعلم ان هذه هي أخر فقرة من فقرات هل تعلم ـ

بعدها السلام الملكي ولا يردده الا بعض الطلاب السعوديين والأجانب  أما الدشير ما يعرف الوطنية الا بـ طن ططن ثمن يدخلونا الفصل 

وأول ما تدخل الفصل وأنت تفكيرك متى تجي الفسحة  عاد من زين الفطور بيض ولا جبن ولا شكشوكه يصلحها سواق المدير البنقالي وسخ  وتلقاه لابس بالطو يعنني نظيف  ـ 

كلش ولا يصير عليك رياضيات أول حصه ويدخل مدرسكم المصري وعلى طول (( مين اللي ما عملشي الواجب )) يالله صبح خير  ـ 

ولا صارت حصة الرياضة شيء ثاني  تلقى كلهم من الصبح لابسين تكميلة تحت الثوب في عز الحر وانواع العرقات تصب صب  ـ 
وبعد حصة الرياضة المصاريا والسواريا وجيههم حمر أما ربعنا وجيههم سووووود  ـ
والفصل أنواع الخياس  (( لو إني مدرس استحاله اخذ اي حصة بعد حصة الرياضة )) <<< صح ولا لا يا تيتشر مشعل  

ولو تسأل أي طالب داشر وش طموحك يقول أبي أصير عريف الفصل  << يلعن أم الطموح ـ
ويقعد يسجل أسماء المشاغبين بالسبورة الا أخوياهـ ـ
 
أتمنى الموضوع عجبكم

طشه انتهى


0 التعليقات: