اعلن معنا

موقف ضيق صدري من المراهقات



---------- Forwarded message ----------
From: صوت آخر <alaomdah@gmail.com>
Date: 2009/3/9
Subject: موقف ضيق صدري من المراهقات
To: als7af.group@gmail.com


السلام عليكم

مساء معطر برائحة النفل والخزامى والفل والكادي

صراحة ماعرف اكتب مقدمات عشان كذا اببدا بالموضوع دايركت :

كنت بيوم من الايام طفشان انا وخويي  واقترحت اننا نروح نتمشى على طريق الملك عبدالله (الممشى طبعا)

المهم تراي من زمان عن الممشى هذا .. اخر مرة رحت له قبل سنتين والله وحبيته لانه فيه  شياب وأطفال و شباب كثيرين يمشون وكلن في حاله

نرجع للموضوع .. انا وخويي قررنا نروح للممشى مع انه كان برد شوي لكن نقدر نتحمل ورحنا له وتمشينا شوي و كان شبه خالي

لكن فيه شباب يمشون ..المهم مرت جنبنا بنت (عكس اتجاهنا) وكان عمرها تقريبا بالثلاثينات كانت محجبة يعني الوجه واضح لكن اتوقع مو سعودية 

وبعدها بشوي مر جنبنا واحد مرسم (عكس اتجاهنا بعد ) وباين عليه شخص عادي وعاقل وتمشينا شوي ومادريت الا خويي يقول ناظر ورا لا يفوتك  لايفوتك

يوم التفت ورا واشوف الشاب اللي قبل شوي مرسّم  يسولف مع البنت المحجبة ومطلع جواله ويمليها الرقم وينتظرها تتصل عشان يسجل رقمها ؟؟؟


انا صراحة انـــصـــــدمــت وانقهرت بنفس الوقت 

اول مرة اشوف ترقيم قدامي على الطبيعة !!!! (مع اني ماني ملتزم الله يهديني ويهدي الجميع)

المهم قلت لاحول ولا قوة الا بالله .. الله لا يبلانا 


المهم بعد كم دقيقة كان قدامنا بنات بالجهة اليسار (كانوا عكس اتجاهنا) واضح عليهم انهم بحدود الـ 18  والـ 20 

 بعضهن نقاب نصف الخد ظاهر وبعضهن عباءة على الكتف والوجه ظاهر !!

وبعدها اشوف شاب يركض باتجاه البنات ويعطيهن الرقم بورقة  ويرجع لاخوياه المراهقين ويقولون كفو والله كفو !!!!!!!

عاد البنات الصغيرات مشن بسرعة وهن يضحكن


وانا منصــــــــــــــدم والصدمة هنا أقوى

معقولة هاللي اشوف !!!!

معقوولة ترقيم عينك عينك ؟؟

وش عرّف هالبنات اللي بعمر الزهور  للترقيم ؟؟

والله ضاق صدري وكرهت الرياض كلها 


وجلست نص ساعة ما تكلمت مع خويي من الصدمة ومن الموقفين اللي شفت !!!

قال خويي تراك ماشفت شي بعد

قلت وش بقى ؟؟ فيه شي أكثر من كذا ؟؟


وين أهل هالمراهقات المسكينات ؟؟؟  وش مطلعهن بهالوقت ؟؟ (كنا بوسط الاسبوع وكان الوقت 11 بالليل)

طبعا انا متأكد انهن طالعات مع السواق

والسواق اكيد يبي يوديهن لأي مكان يطلبن ؟؟ الله يشيل السواقين



وين غيرة هالشباب ؟؟ وين خوفهم من الله ؟؟


آآآآخ يالقهر 


أقسم بالله شي يضيق الخلق


اللي بغيت اقوله وين تفكير هالشباب اهل الترقيم ؟

مايخاف يصير لبناته نفس ما سوى ببنات الناس ؟؟

اتوقع ان المغازلجي ماراح يعيش مرتاح لو تزوج وبيصير شكاك ويخاف ان زوجته راح تكلم من وراه

لانه يتذكر صديقته ويحسب كل البنات لهن سوابق مكالمات وطلعات . وهذا طبعا غير صحيح .


للاسف هالشباب مايهمهم الا اشباع  الغريزة  

ياناس هذا اختبار من الله سبحانه 


اذا صبرت عوضك الله بالزوجة الجميلة الصالحة

كيف تطلب ربك انه يرزقك الزوجة الجميلة وانت تغضبه بمعاصيك ليل نهار وفوق هذا تغازل وتحرق بنات خلق الله بعيونك ؟


الصراحة ما ادري وش اقووول

لكن ما اقدر اقول الا .. الله يهديني ويهدي شباب المسلمين اجمعين 

الله يرزق بناتنا الازواج الصالحين  

والله يرزقني ويرزق الشباب الزوجات الصالحات

ولي باااك ان شاء الله تعالى مع نفس الموضوع .

1 التعليقات:

غير معرف يقول...

بعد تسبدي انت

الدين الوحيد اللي يتم استرداده في الدنيا قبل الآخره ..

هو الزنا


والزنا ليس فعل الفاحشه فقط
العين زناها النظر فيما حرم الله
الاذن زناها السمع فيما حرم الله



الزنا مسترد في الدنيا

اما في زوجة الزاني
او بناته

إن كانت عويناته تقزز في هالبنات
لازم يعرف ان مصيره مريّتع ( زوجته ) مصير عيون الشباب تقزز فيها

وياااا زينها في عيونهم


وسلامتك
وكثر الله من هالغيره اللي في قليبك
لاحرمك الله منها

وكثر الله من امثالك
لو عندي بنيّه كان زوجتك اياها ^_^


اخوك ..
ابن بطوطه (: