اعلن معنا

افكار الخطابه ام دحيم لزواج سع يد



---------- Forwarded message ----------
From: ســــيــدة الـــمـــســاء <co0ol_3la_6to0ol@windowslive.com>
Date: 2009/3/28
Subject: افكار الخطابه ام دحيم لزواج سع يد
To: als7af.group@gmail.com


مساء الخير

 

اشين شيء فيني اني مااعرف اسوي مقدمات

 

 

لو عندي شيء بقوله انط نطه محترمه وادخل عرض

 

وانا ساحبه الطبلون كله واقول موضوعي

 

وممكن في نص الموضوع اسحب جلنط

 

بس مهو جلنط حق العرابجه

 

 لا

 

جلنط حقي عربجي على خفيف

 

 

 يعني

 

 لو شفت اللي احكي معه

 

مخه صغير

 

وماعنده ماعند جدتي الرابعه عشر قبل الميلاد

 

اتوقف عن النقاش معه

 

 

اعطي الكلام اللي بقوله ولااخلي له مجال يحاكيني

 

مهو غرور

 

 

لكن لاني احب كلمه ورد غطاها

 

بالذات مع الناس العلل

 

 

صغيرة العقل

 

 

المهم

 

في يوم من الأيام جتني فكره

 

خطيره

كخطارتي وزيني<< ياشين البنات لا بدوا يهايطون 

 

 

وش دخلكم ابي اخرط بكيفي

 

 

احد له شيء عندي

 

 

خل نرجع لفكرتي الخنفشاريه 

 

 

وذلك لأني أحس بمعاناة شبابنا  البواسل الخراطين

 

 

اقصد الحبوبين

 

 

اللي يقولون ودنا نتزوج

 

 

بس تكاليف الزواج

 

 

بتكسر ظهورنا

 

 

بقول أول مره تصدقون

 

 

اقصد انتم دايم ماتقولون الا الصدق

 

صح تكاليف الزواج تهد الحيل

 

وتقطع الضنى

 

بس مع حلولي المتواضعه

 

 

اكيد بتنحل معاناتكم

 

 

بس على شرط

 

مايكون اي احد من خوياكم

 

اناني

 

وقعيطي

 

وعينه فارغه

 

 

والاهم صفة لازم تتحلون فيها أنتم

 

 

ان واحدكم لازم يصير وجهه وجه بن فهره واردى 

 

الوكاد اني مااعرف بن فهره مين 

 

لكن اتوقع انه واحد مايستحي 

 

 

 

فكرتي كالتالي

 

 

لو جاء شاب محترم

 

مسيكين

 

تعب من العزوبيه وقرر انه يتزوج

 

 

الاكيد انه قبل لايقول للوالده تبدأ

 

 

 

رحلة البحث عن عروس

 

 

يبغى له اقل شيء سنه وهو يفكر يتزوج ولا لا

 

 

هذا زواج موب لعبه

 

مهي وحده

 

تكلمها وتسحب عليها وتدور غيرها

 

 

لا هذا مافيهوش يمه ارحميني

 

 

 

 

في البدايه لازم يبدأ يتنازل  عن بعض المصاريف الغير ضروريه

 

 

يعني كمثال

 

 

موب لازم اربع خمس مرات بالسنه

 

 

تشتري نظارات شمسيه من الف وزياده 

 

عشان تهايط فيهم عند خوياتك

 

 

 خلك من الهياط

 

 

موب لازم شانيل وديور

 

وبرادا

 

 

وقبل كل شيء

 

 

بطل تغازل

 

 

وتدفع مالايقل عن 1500 بالشهر بمكالمات

 

 

نصها سواليف بلا كم موب حتى نص كم

 

 

بعدين لو قلنا انه انتا شطور وسمعت كلامي

 

 

على بال ماتلاقي لك امك عروس قريبه من مواصفات فتاة احلامك

 

 

لا لشيء الا لانك عزيزي الشاب مايعجبك العجب ولا الصيام في رجب

 

 

 

ولانك انسان داج مايملى عينك الا التراب

 

 

 

يعني شين وقوي عين

 

 

 

مافيك من الملح ذره

 

 

وتبي وحده تشبه مدري مين

 

 

وكرشتك يبغى لها ونش تشيلها

 

 

 

 

وتبي وحده ممشوقة القوام

 

 

مياسة القد

 

 

 

 

 

ولا لو انك انسان واقعي كان امك من اول ليلة فاتحتها في الموضوع لقت لك عرايس موب عروس

 

 

عموما لو طلعت شاطر

 

 

 

وسمعت كلامي ووفرت على الاقل مابين 1000 الى 2000 ريال

 

 

 

 

عاد هذي ترجع لك انتا وراتبك وقوة ارادتك

 

 

 

خلال سنه لو معك على اقل تقدير في حسابك التوفيري

120000 ريال

 

 

على اقل تقدير بيفك ازمة اجار الشقه اللي بتاخذها

 

 

 

يجي بعدها دور اخوانك لو عندك اخوان موظفين وابوك اول الناس

 

 

انه كل احد يعطيك على حسب قدرتة

 

 

وحتى لو كان اخوك على قد حاله

 

 

فهو على اقل تقدير يقدر يعطيك

2000 ريال

 

 

على الاقل بيكون خلال سنه صار معك مبلغ

وقدره مابين 25000 الف الا 30000 الف ريال

 

 هالمبلغ صح قليل بس ان شاء الله فيه بركه

 

 

غير كذا لو كنت محتاج 80000 الف قرض

 

يصير وفرت جزء منه

 

 

 

طيب لو كلمتوا اهل البنت ووافقوا وتم كل شيء

 

لاتنسون تعزموني ارقص واوسع صدري

 

 

لا صدق عاد

 

لاتنسون تعزموني

 

اقصد

 

 

لو تم كل شيء بنجاح

 

ووافقوا اهل البنت منت مسوي زواجك بين عشية وضحاها على اقل تقدير يبغى لك

6 الى 8 شهور

ولا تصير مطفوق

وتستلج وتعرس قبل

 

ولو قلت ماعاد ابي اصبر

 

بقول لك انطق وخلك رجال

 

منت اصلن ماكنت ناوي تعرس

 

المهم انه في هذي الفتره

 

 

يجي دور اخوياك الشطار

 

 

اكيد اغلبهم عزوبيه

 

 

ويحسون بمعانات بعض

 

 

فهنا لازم

 

 

كل واحد منهم يسوي شيء فعال ومفيد لخويه

 

واحد منهم يلتزم ويأثث لك المجلس  من والى

 

وواحد يأثث الصاله

 

 

والاخر يتولى مهمة المطبخ

 

وواحد عليه المكيفات

 

 

ولو ماكانت رواتبهم كويسه

 

او عليهم التزامات 

 

 

يصير بدل مايجي واحد يأثث المجلس يصيرون اثنين

 

او ثلاثه

 

الين ماتخلص الشقه

 

او كل واحد على قد مايقدر

 

وقتها يصير باقي عليك انك

 

 

تروح تحجز القاعه

 

 

وتلبس المشلح 

 

 

وتخطف عروستك

 

 

مالت عليكم  انتا وياها اعرستوا وخليتوني 

 

ولو يصير زواجكم مختصر ازين وابرك

 

 

لاتستحي من اخوياك في هذا الموضوع

 

 

اذا حسيت انه بتستحي

 

وحركات قرعا

 

ارسل لهم الايميل

 

ولا تناقش فيه معهم لا لجستوا في الاستراحه مع بعض

 

 

ولا لو كان فيه احد خاطب

 

 

قل والله ياشباب قريت

 

 

فكره مفادها التالي

 

وعلمهم فيها

 

 

وش رايكم نساعد فلان

 

 

واحلفوا عليه بالطلاق اللي تموتون فيه يالسعوديين

 

 

اللي مابعد الواحد تزوج الا يحلف يطلق

 

 

 

المهم

 

 

 انكم تساعدون خويكم لين

 

تقضون على مشكلة العزوبيه

 

 

لانه يا مال الصلاح

 

حتى حنا عنسنا

 

 

ارحمونا بئى

 

 

ربنا عالظالم والمفتري

 

 

اخس الله ابالستكم

 

 

 

 

 

 واذا عيى احد من اخوياكم يقط معكم كفخوه وخذو اللي في جيبه

 

 

 

لا امزح

 

 

 

 

بس لو مارضى احد

 

 

 

اكيد عنده ظروف

 

 

 

خلوها على نظام

 

 

 

ياشباب بنسوي قطه لفلان

 

 

 

وكل واحد يحط اللي يقدر عليه ونعطيه لفلان

 

 

 

واللي مايقدر يعطي فلوس

 

 

 

يدعي لهم

 

 

 

او يسوي اي شيء

 

 

ان شاء الله حتى يشتغل رئاصه (( مقطع من مسرحية عادل امام))

 

 

 

يعني لايجي احد يكفرني  ويخرجني من المله

 

 

 

نجي الحين للبنات

 

يختي لو جيتي تسوين عرس>> مقهوره من البنات لا ن عقولهم صغيره

 

كل وحده تقول ماني اقل من فلانه

 

 

 

ماتدري فلانه وش وضع زوجها المادي 

 

 

ولا تدري هل هو سرق تسلف

 

 

باع مخدرات وجاب فلوس العرس

 

 

 

يختي موب لازم تعزمين امة محمد

 

سوي واقترحي على ابو الشباب

 

اللي اتخبطتي في نافوخك

 

وانخطبتي له

 

 

اقترحي ان زواجكم يكون مختصر

 

ترى لو وش تسوين في العرس

 

إلا مايجون ناس تسب فيه

 

وبطلي تتشرطين بالمهر

 

ولا تسمعين كلام اللي تقولك

 

 

لو طلبتي مهر شوي بيقول اهلها

 

يبغون الفكه منها

 

بينما تلقينها لو انخطبت تطلب مهر اقل من القليل

 

 

وبعدين وينك من حديث الرسول عليه الصلاة والسلام

 

 

((ابرك الزواج ايسرهن مؤنه))

 

واحتسبي انك تطيعين كلام الرسول علي الصلاة والسلام وانتي

تطلبين المهر

 

 

غير كذا ولد الحرام الله يكفينا شره ولا يجعله نصيب وحده مننا

 

 

نحن الفتيات الجميلات

 

 

 

ماتفرق معه لو عطاك مهر مليون 

 

 

 

 ممكن تطلبين اي مهر تبغين واي زواج

تبغين

 

 

بس في الغالب بيتسلف من هنا وهناك

 

 

ويحمل نفسه ديون بس ربك اعلم فيها

 

ويسوي لك احلى زواج عشان خاطر عيونك العسليه

 

اللي طلعوا عدسات

 

 

وشفايفك الورديه اللي صاروا  بفضل الله ثم  ماك حبيب الفتيات

 

ولا شعرك الحريري

 

 

اللي كل مره تعطبين فيه البيت لما يبي يشوفك فلان

 

المهم ان المسكين (( لاتصدقون عاد ياشباب هي محاوله مني لجلب عطف الفتيات))

 

 

يبي يسوي لك كل اللي تتمنين

 

 

واكثر عشان تكونين مبسوطه

 

 

ولا تتفشلين قدام احد

 

يسوي لك عرس ماتحلم فيه اي بنت في العالم

 

 

لكن قبل هذا اذكري

 

 

انه بعد مايخلص العرس

 

 

ماعاد يبقى الا الديون اللي تحملها عشانك

 

 

ويبدأ مشواره في الهم والتفكير

 

 

انه اخر الشهر من وين بيسدد

 

 

 

الدين لفلان

 

وكيف بيرجع قسط قرض الزواج ويبغى له على الاقل خمس سنوات لين يتسدد

 

 

وكيف بسدد باقي فواتير البيت

 

وكيف يبقى معه حفنة دراهم يشتري لك فيها مقاضي للثلاجه عشان لاتنسلين 

 

وينفضح الرجال

 

وكيف مع هذا كله ابقى محافظ لزوجتي المصونه

 

 

اللي خلت البنك يمص دمي مص

 

 

بدون رحمه

 

 

كيف ببقى محافظ لها على ماء وجهها قدام الناس

 

 

واخليها تقوم بواجبها مع صديقاتها

واهلها

 

من غير مااقول ماعندي

وخلص الراتب

 

 

وكيف لاضاق صدرها اجي من نفسي وافرك المصباح

وبقدرة العلي القدير يبدأ جني المصباح

يرش علي من الفلوس رش

عشان اسفرها يومين ننبسط انا وياها فيه

 

غير كذا يمكن تصيرين جده وتشوفين احفادك والمسيكين لسى يسددقروض

 

 

 

 

كنت مره احكي مع مجموعة بنات

ومن ضمن المجموعة وحده تحكي عن زواج بنت خالتها

فقلت المفروض مايكون المهر بهالطريقة

 

يعني تنزل البنت للسوق ماتخلي شيء ماتقشه

 

 

 

 والله لو انها ماعندها ولا شيء في بيت اهلها كل شيء تروح تشتريه وينا فيه

 

وكنت اقول ترى 40000 الف ممتازه كمهر (بدون الشبكه)

وممكن لو صارت البنت سنعه اكيد بتوفر منه مبلغ

 

تنبسطون فيه اذا عسلتوا

 

قلتي وجهة نظري عن موضوع المهر الا تنط وحده عقلها يوزن بلد وتقول

 

 

 

 وش ذا هذا مهو مهر

لو شريت اربع شنط

طار المهر

حومت تسبدي الله يخس ابليسها

المهم ياحلوين

وياحلوات

ياشباب وياشابات

اهم مافي الزواج

انسان

يشاركك حياتك وكانه صديق موب زوج

انسان لامال الزمن ترتكين له

ولا وش نفع فلوسه

 

 

والله ان وحده تحلف تقول زوجها عنده ملايين 

 

موب مقصر عليها في اي شيء 

 

بس على اخلاقه تجاريه 

لدرجة انه ممكن يتفل في وجهها لو غلطت 

 

المهم في الزواج انه يكون  

انسان

فاهم

بالغ عاقل

محترم

يقدر الحياة الزوجيه

موب واحد

فيه كل عقد الدنيا

انسان حلو يفتح نفسك

تتحملين مصالته

وسماجته

وعصبيته

وتقولين

معليش شكله حلو الحمد لله

لا تصدقين انتي وياها

اهم شيء الاخلاق ثم الاخلاق ثم حزام الامان

 

 

 

 

 

 

 

 

ملاحظات

 

 

ذكرت كلمة خنفشاريه فاللي مايعرف معناها  لايسلنئ

 

لاني اساسا مااعرف

 

 

 

مقدمة الموضوع احفظوها زين

 

عشان لايجي احد يقول ليش دايم

تجين ركض وتكتبين موضوع وترسلينه بدون مقدمه

 

يمكن مع الوقت اتعلم اكتب مقدمات

 

محد يدري

 

 

وانا اكتب الموضوع حاطه جهازي على الشاحن بدون بطاريه

 

وانفصل الشاحن

 

وراح نص الحكي

 

وبغيت مااكتب

 

 

 

 

 

 

 

 

 

 

تم بحمد الله

 

 

 

 

الى اللقاء في الحلقه القادمه بإذن الله

 

 

 

 سيدة المساء

 

 

وفي رواية الخطابه ام دحيم

 

 

 


0 التعليقات: