اعلن معنا

حرب النجووم(تماسيح وسحالي)



---------- Forwarded message ----------
From: WaFi aL3hD <wafi_al_3hd@hotmail.com>
Date: 2009/4/17
Subject: حرب النجووم(تماسيح وسحالي)
To: als7af.group@gmail.com



 

الله مير حيهم كلن خلف مقود شاشته

هناك اسئله تخالجني دائما وابدا إلى متى وحنى في شله حطه؟

إلى متى ساحبين على المبادرات وخارطه الطريق وخارطه الخراط؟

هذي ابيات توصف الحال اللي وصلنا له جعل الله يزينها بس.

إهداء الى كل تمساح وسحليه

....................

 

يااهل العقول الواعيه ياطحاطيح 

                      عندي سؤال ولا لقيت الجوابي

وافي العهد يحاول يجيب تلميح

                       للمعركه اللـي عليها الجـدالي

حكمه نويصرعندنا دز واطيح

                       وحكمه مشاعل عندهم يادلالي

حزب التغطرس قالو انه تماسيح

                      وحزب التمرد والتشدق سحالي

وحـده تبي تسـوق لجل المراويح

                    وتنسى هموم الخادمه والعيالي

والثانيه موضه ومعى المايعه تسيح

                     وتقـول كلن حـر مـالك ومالي

اللي كــذا بـقريـح بـقريـح بـقريـح

                لوقلت روحي يمين راحت شمالي

والمشكله ماعاد فيهم مماليح

                مـاتعرف إن العقل تاج الجمـالي

وانتو اعقلو ثم اعقلو ياتماسيح

                 وخلو الهياط المصطنع والهبالي

ماغير عبو بطوننا بالمفاطيح

                    وسوالف(ن)داجه والفكر خالي

في وقت كله حش وقلة مرابيح

                    وزادت بطالتنا وفـرك الريالي

صحيح واقعنا يبي شوي تصحيح

                    وصحيح فينا نقص ولله الكمالي

هدو اللعب ولا ترى اللحين باصيح

                   واسوي القرعه والصوت عالي

ونخلص الأزمه بضربات ترجيح

                  والفايـز نهنيه والشعـب غـالي

ونذكر طفولتنا ولعب المراجيح

                من يوم مانصبح الى حد الزوالي

ونسهر على نور القمر والمصابيح

                 ونعلن برائتنا مـن ســود الليالي

 

وسلامتكم.......

واخيرا وليس آخرا نقول كل واحد يصلح سيارته

وكل وحده تصلح كعبها خاصه اللي سيقانها مثل سيقان هيجاء

 

 

 


0 التعليقات: