اعلن معنا

أهم شيء الراتب..~>وش انت بليآ راتب



---------- Forwarded message ----------
From: SARSR ABDULAZIZ
Date: 2009/4/22
Subject: أهم شيء الراتب..~>وش انت بليآ راتب
To:


 

صحآآآآف لآ يطلع إيميلي يرحم أم أم أمك

 

 

الســلآم عليكم ..

صراحةً من زمـآن بخآطري أكتب ذا المـوضـوع

أيام أصير مشـغولـه ..

أو مآلي خلق

أو مآفيه وقت ~> هي نفسهـآ مشغوله

 

المهم يعني

 

هو عن الشباب والبطـآله..

ياخي أستح على وجهك أنت ويآه

!!!..... شلون تمد يدك لـ/ أبوك ولآ لـ /أمك 

 

!..ولآ فيه بعضهم بجيحيييين اقوى شيء مآعندهـ مشكله يمد يدهـ لـ/اخته

معليش يعني .. صراحة قمممممممممة البجآآآآحه

 

 

ياخي وش فيهـآ إذا بسطت بالطريق على جح ولآ شيء

قسم بالله ياللي يبسطـون بالطريق أنهم كبيرين بالعين ..

ع الاقـل أرحم من هاللي مآيستحي على وجهة كل يوم والثاني مآد يده لـ/ أهله ..

ياعيب الشؤوم والله ,, تمد يدك لحرمه ..!

 

 

طيب مآتبي تبسط ..!

مآتبي أحد يقول ولد الـ/فـلان باسط ياعيباه ~> والله مافيهـآ شيء والله..!

 

 

 

أشتغل لك باي تبن باي قريح

كون نفسك .. عشآن تعرس ... تخيـل يعني بعد كم سنه بتتزوج ..

من وين بتجـع المهر .. من وين لك إيجآر للشقه .. من وين لك مصاريف بيت .. من وين .. ومن وين .. ومن ووين ..؟!..!

رح لأي سوبر مآركت قدم عندهم

ترى رواتبهم من 2500 أو 2800 وفوق

~> بعضهم يقول لآ وش ذا الراتب..!

مآعجبك ,,! ياحبيبي والله

صرآحة ابد مالهم حق يحطون ذا الرتب ..!

صدق مايستحون ..! بس موب مثلك والله متبطح ويبي راتبه فوق فوق

 

 

بتقول وش حيث ولد الـ/فلان راتبه من 4 لـ5 ..!؟

ياخي أكيد شآد حيله ؟؟!

ولآ عندهـ وآسطـه ..؟!

أنت مآعندك وآسطه ..؟!

 

تقدر أنت بنفسك تصير وسيط ؟!

شد حيلك , أخلص بعملك , خل نيتك زينـه , عآمل النآس زين , خلك محتـرم وأبشر والله أنك بتصير وسيط لنفسك ..!

بتكبر بعيون اللي حولك , بتصير سمعتك زينه , بتوصل سمعتك عند مديرك بيقولون لـه فلآن الـ/فلآني كذا ماشاء الله عليه وفلآن يسوي كذا الله يقويه وفلآن محترم .. وفلآن يجي للعمل بالوقت اللي محدد , مآيتأخر ..

 

والصلآة ياشباب والله اللي يصلي بينجح بحيآته كلهــآ ..

 

 

 

  وعلى طآري الوسيط 

 

~>

 فيـه سوبر مآركت معرووف جدا بـ/نجد .

مدري فيه برآ نجد ولآ ~> تراه العثيم يعني :p.

لين شافوك مجتهد 

خلوك مدير ع الكآشيرات

 

بعدهـآ بشهرين تقريبا

 

 

~> وأي سوبر مــآركت ترى يسوون ذا الحركـه ..!

..

 

 

 

 

طبعـآ بمـآ أن الشباب السعودي بسم الله عليه طموووووح .. ومآيبي يتوظف الا بمكتب فيه كرسي دوآر ومكيف وأن حصـل تلفزيون ونت موب قايل لا

 

فـ/هذا رابط

بنسـخه لكم كمـآ وصلني

 ~>

---------------------------------

 

سجل في هذا الموقع الحكومي وهم راح يدورون لك على وظيفة بالقطاع الخاص

ويدعمون بدفع ثلاثة أرباع راتب أثناء التدريب


ونصف راتب أثناء التوظيف


والله يوفق الجميع ...


http://www.reg.hrdf.org.sa/hrdf/



إذا وصلتك هذه الرسالة ساعد بإرسالها


لكي يستفيد من هذه الخدمه من ليس لديه وظيفة



0 التعليقات: