اعلن معنا

ندااااء بس لمين بالظبط مش عاارفه<<!!!



---------- Forwarded message ----------
From: La6oOof 3adel <kitkat-16-@hotmail.com>
Date: 2009/4/22
Subject: ندااااء بس لمين بالظبط مش عاارفه<<!!!




مراااحب ..صحاافو الايميل مخفي طال عمرك

 

بصرااحه حااابه اهنيكم على هالقروب الخطييير

من جد احلى قرووب شفته ..

هذي اول مشركه لي فيذا اتمنى تعجببببكم وتحووز على رضااكم <<متعوب عليها

 

 

انا اليوم حابه اكتب عن اكثر من حااجه بمجالات مختلفه

 

 

بدايه ..انا طالبه بثالث ثانوي <<طيب وش نسوي لك هع

انا بصراحه هذي اوول سنه لي بمدرسه اهليه كنت طول عمري بمدارس حكوميه

وكنت دايم اسمع انو المدرسات بالمدارس الاهليه على قد حالهم من نااحيه الشرح وطريقه توصيلهم للمعلومه

بكافه المجالات وانوو الحق مع مدرسات المدارس الحكوميه وماخلووهم الا لطريقه شرحهم بس بصراحه انصدمت من هالفكره هذي لانوو مدرسات الاهليه ماشاء الله لاحوول ولا قوه الا بالله عليهم شررح مو طبيعي

وانا بحياتي كلها ماقد  فهمت شي اسمه نحو الا يوم دخلت ذي المدرسه  يعني من جد شي يقهر وحده فاااهمه

وطريقه شرحها تجنن واخرتها تقعد بمدرسه اهليه براتب مستحييل يتجاوز 2000 ريال انا ادري انكم تقولون

طيييييب وانتي وش دخلك ؟؟ وانتي توك  طالبه حتى لسى مادخلتي الجامعه

اللي خلاني اقول هالحكي هو تعلقي بمدرسااتي ومحبتي الكبيره لهم لانهم من جد هم بالنسبه لي زي صديقاتي

وخوااتي واكثر والله ويمكن يجي يوم واصير بمكانهم !!

شي يحز بخااطري انو فيه عجززززززز منحنيه ظهورهم من كبر سنهم ولسى يدرسوون

يعني الى متى ليين تكملين 40 سنه وتاخذين راتبك كاامل ..او 30 سنه عشان تاخذين ثلاث ارباعه

طيب ليه هالتفكير .ليه كل وحده تاخذ وقتها ووقت غيرها

ليه مايحطوون سن معيين للتدريس

هم صح حااطين بس متى اذا كملت الوحده 60 سنه

وش عقبه ؟؟!

والمشكله الاعظم انو مدرسات كثير بالحكومي للاسف انهم  مايعرفون يشرحوون

واذا جت تحضر لها الموجهه او مديره تحسن شررحها كثييير

طبعا مو الكل بس الاغلبيه ...

يعني اقوولكم يوم كنت بالمرحله المتووسطه فيه معلمتين لمواد العربي

اولا شخصيه بمنتهى الضعف ودايم يخلونهم يدرسون اولى متووسط عشان مايتمردون عليهم

ثانيا شي اسمه توصيل معلومه ماعندهم

حتى لدرجه يوم جت مدرسه للبيت عند اختي تقول الظاهر ماقد انشرح لها شي ابد

طبعا ماتقدر توصل معلومه  لانها خلاص وصلت لمرحله شيخووخه

والثانيه اللي كانت تدرسني بذيك المدرسه بأولى اردي منها بكثييير

حتى اتذكر مدرسه رياضيات عندي لها تقريبا 20 سنه وللاسف ماينفهم من شرحها الا الشي القليل

وفيه بعد مدرسه علم اجتماع عند صاحباتي بالحكومي خلص الترم وهي لسى ماعرفت اسمائهم

والثانيه بمدرسه غيرها تدرس قران.. تسميع القران سنه ثالث ثانوي سوره الرحمن

فيه قوله تعالي(فبأي الاء ربكما تكذبيان) يقولون البنات اننا نقوله مره وعشر لا

والغبيه تحطلهم درجات كااامله لانها مو داريه وين ربي حاطها ..!!

لا ووحده ماتعرف تشرح والمشكله انها تدرس مواد دين ولكل شي تجيب له دليل

ولكل شي حكم استغفر الله ..اوكي ماقلنا شي كثير يغلطون بس مو شي بالدين

وسواليف كثيره تنقال عن هالعجوز الشمطااء بس مين يسمع !!

طيب بنات كثير يقدرون يجيبون مدرسات للبيت بس فيه بنات ضروفهم يالله تسمحلهم يشترون مريول ودفاتر

بدايه كل سنه ...

هذا اللي قلته نقطه ببحر من مشاكل هالعجز

الشي الثاني

شي اسمه تحديد او حذف مايعرفونه وكل شي معكم من الجلده للجلده<<اكره كلمه بالحيااة

اتذكر كان فيه مدرسه وهي الوحيده بهذيك المتوسطه  

كانت تحدد وتحذف وتكتب ملخصاات والله يوم الاختبار يدعون لها دعوات حتى امهات الطالبات يدعون لها بشكل مو طبييعي

الواحد وش يبي من الدنيا غير ان الناس يحبونه ويدعون له ويتمنون له الخير

مو يدعون عليه  الله يذكرها بالخير وويوفقها وييسر لها امورها

وكانت هذي المدرسه دايم تقول لو تدخلون غرفه المدرسات اتحداكم تلقوون وحده بناتها وعيالها بمدارس حكوميه

يعني محجرين على المدرسات الضعووف مايلقون وظيفه بسبتهم ومسويين قلق للبنات

وهم عايشين برااااحه وعيالهم معهم بعد

وفيه مدرسه جغرافيا عند صاحباتي بالحكومي لو ايييش ماتحدد او تحذف شي

طيب وش بيضرك حسبي الله عليك لو حددتي لو جزء بسيط وش بيضرك لو حذفتي شي مو مهم وانتي مستحيل تجيبينه

ليه كل شي تحطينه معهم حتى الارقام اللي تتغير كل بين فتره وفتره يحفظونها

وش يبون بمعلومات خطأ

واذا قالها احد كذا راحت بررت انو هذا منهجكم وانتو ملزومين فيه

هذا من زود الذهانه اللي فيك ماتدرين معلومه صح ولا خطأ

كل اللي تقولينه كل شي معكم

ااااخ بس والله مشاكلهم ماتخلص

يوم الثلاثاء بتاريخ 25-4 نزل موضووع لمدرسه تدرس باهليه  وكان موضوعه

((يا أمهاتنا اتركن لنا (الوظيفة) وتفرغن لبيوتكن))

وتقوول  الى متى بنتحمل والى متى غيرنا عجزو على كراسيهم

فيه وحده ردت على موضووعها وكان هذا هو ردها :::

 

""سبحان الله ناس حاسده في كل شئ حتى مشاكلها تحلها بحسد الأخرين.الحين المشكلة ليست بنقص الموارد المالية(الحمد لله بلدنا من أغنى دول العالم) وليست بإكتفاء المدارس من المعلمات بل هناك عجز وسوء توزيع في المعلمات. وترى إن الحل الوحيد إنها تأخذ وظيفة من موظفة في الدولة بحكم إنها كبيرة في السن وفيها سكر وضغط ووو.....الخ هذا رزق من الله وهن صاحبات خبرة يجب الإستفادة من خبرتهن والبحث عن حل آخر لايمس حقوق الأخرين.""

 

والرد الثاني:::

 

 

"""استاذة اماني/ هل تجيدين القراءة والكتابة؟ انا لاشك عندي انك انت وغيرك من معلمين ومعلمات لاتجيدون القراءة والكتابة، فقبل الترسيم الواجب اعادتكم للمدارس لتتعلموا اولا ثم ينظر بعد ذلك في مدى صلاحيتكم للتدريس.""

 

ياحياتي انتي يا استاذه اماني الله يكون بعونك ياارب ويفكنا من هالعجز الشمط<<

هع جمع (عجوز شمطااء)

 

 

 

 

انا الحين مدرستي التاريخ كل الدروس تشرحها ع البروجكتر وكل درس فيه ابداع اكثر من الثاني

والجغرافيا انسانه متمكنه من الماده لابعد حد ماشاء الله واغلب الحصه تروح على معلومات خارجيه ومقنعه كماان

مدرستي النحوو عليها شررح الغبي يفهمه ماشاء الله عندها اسلوب بطريقه توصيل المعلومه بشكل ماقد شفته عند احد

والادب اااااااخ بس وين المتنبي عنها هذا كل اللي اقدر اقوله <<كلمتنا دايم عنها حتى مانناديها الا المتنبي لانها

متمكنه من مادتها ماشاء الله ومثقفه من قلب بكل مجاالات العربي

صاحباتي اللي بالعلمي لما يتكلمون عن مدرسات الرياضيات كل وحده عبقريه اكثير من الثانيه ماشاء الله

يعني من جد مو شي يقهر انو كل هالامكانيات عندهم ويصيرون بمدارس اهليه

وغيرهم مايجي ربع شرحهم بمدارس حكوميه وراتب احلى منه ماافيه

 

 

 

طيب تجي تشتكي وتتكلم وتتعب واخرتها يقولون لك لا فيه وظايف حكوميه

طيب وينهي هالوظايف بقلعه وادرين <<مكان بعيد من قلب

 

يعني مو شي يقهر انو الوحده ترووح مسافات بعيييييده

وتطلع من الليل عشان توصل لمدرستها

طيب ليه ماتخلون الاجنبيات يروحون بهذيك المدارس

هم متغربين متغربين

والشي الثاني اللي من جد تبي العلم وتبي تدرس هي اللي تتعب وتسافر

وتمشي مسااااافات مو المعلمه تجيها لعندها

واخرتها تخلص الوحده سادس ابتداائي ماتدري الا يصير ابوها من هالقبايل اللي

بذيك القرى ويقوول ماعندنا بنات يواصلون تعليمهم البنت اخرتها تتزوج وتقعد

طيب دام فيه ناس تفكيرهم كذا خلاص نرجع للكتاتيب

المهم يتعلمون الكتابه والقراءه وقضيييينا

مو المدرسات اللي توهم متخرجين اللي يتحملون كل شي

انا ادري اني مدري وين طسييت بس رحت بعيد

 

طبعا هذا اذا جتها الوظيفه !!!!!!!!

 

 

 

طبعا الوظايف مو ناقصه بس ع المدرسين والمدرسات كل المجالات

للاسف

من كم يوم جا برنامج على قناتنا العزيزه  فيه دكتوور مختص بعلم الاجتماع والاشياء هذي

كلمه واحد وقاله عن مشكله البطاله

قال احنا ماعندنا بطاله احنا عندنا عاطلين عن العمل تمنيييت اني اعرف ايميله واوريه هذي الصور

 

 

كل هذا وماعندنا بطاله ..يعني كل هذولا عاااااااطلين عن العمل

عن جد شي مو معقوول ووضع ماينسكت عنه

 

 

 

الشي الثاني انا لي دخل فيه وبقووه

عن اختبار القدرااااات ..وما ادراك ما اختبار القدرات

واذا اشتكينا وتكلمنا قالو شوفو الشعوب المتطوره الطالب من يوم ماهو بزر وهو يختبر قدرات

هااااااااااه

هذاكم قلتوها من يوم ماهو بزر

مو فجاه تصدموونه اذا جا لثالث ثاانوي

طيب لقينا رد

يقولون بس انتم فرصتكم اسئله من المدرسه مو من الوزاره

طيب الطامه الكبرى انو الحين ماعاد فيه تحديد ولا شي

لانو المدرسات يخافون يوم الاختبار تتغير الاسئله

زي ماصار ببعض المدارس قلبو الاسئله بينهم وبين مدرسه ثانيه

طيب ليه كل هالاشياء هذي

يعني شوي وتكتبوت ممنوع دخوول الطالبات للجامعه

الله يااخذ قراراتكم بسس

افشل قرارات شفتها

واذا ردينا عليهم واقتنعو

قالو مو مشكله تجربه

ليييييييه فيران واحنا ماندري

وش هالتجارب هذي اللي تضيع مستقبل الواحد <<<لق لق لق لق

مرا انا سالني دكتور اجنبي وش تفكرين تدخلين بالجامعه

قلت والله ياابوي الواحد هنا مو هو يقرر فيه ناس يقررون له

هو طاارت عيونه من قلب

قلت والله يابعد تسبدي اني ما الومك لو عيونك طلعت من مكانها

يعني انا بنت خالتي هي علمي ونسبتها ماشاء الله 97%

وحاطينها تاريخ

وووووووووين

بعدين جتها وحده وبكل بروود قالت اذا تبين حااسب جيبي درجات كويسه بالترم الاول

عشان تحولين !!!!!

يعني تعب وكرف واساله لو هو يهوودي ماحطها وبكل بروود انتي تااريخ

ااااااخ بس الله يعيين ..

 

 

 

 

 

 

 

 

مايستفاد من هذاك القرقر اللي فوق

الى متى واحنا بنتم كذا

الى متى واحنا نمثل المثاليه والافضليه

الى متى واحنا نلعب على انفسنا ونقوول احنا شعب احلى مننا مافيه

الى متى اللي تعجبه وظيفته يقعد يتخمر فيها وغيره يستناه يقوم عنها على احر من الجمر

 

معلييش ع الاطاله بس هذا ولا شي من اللي بقوله لانو كان فيه حكي كثير ببالي بس ماحبيت امصخهااكثر

وان شاء الله الباقي يكون بايميل ثااني..

 


0 التعليقات: