اعلن معنا

آخر فنون السرقة ،،، انتبه



---------- Forwarded message ----------
From: muteb bishan <m.muteb@hotmail.com>
Date: 2009/5/17
Subject: آخر فنون السرقة ،،، انتبه
To: 




في يوم من الأيام خرجت أنا وأولادي إلى إحدى الأسواق المعروفة بالرياض ، وعندما دخلت السوق فإذا أخ لا بس البدلة والكرفته وطالع أحلى شياكة ،،، استدعاني وقال لي :لو سمحت !!فقلت : نعم ، فقال : عبيء هذا البروشور ،،،وإن شاء الله تفوز بجائزة غالية جداً !! قلت وما هي ؟؟ قال : تطلع رحلة جوية عن طريقنا إلى مكة أو الدمام على حساب الشركة ... فقلت هات ، لا مانع من المشاركة ،،عبئت النموذج وأعطيته إياه وقال إن شاء الله تربح معنا ،،،سنتصل بك خلال أيام ،،،ومضت الأيام وإذا بهم يتصلون علي ،،،الأخ فلان قلت نعم قال معك شركة.... قلت أهلا وسهلا ،قال : أنت ربحت جائزة ، رحلة إلى مكة أو شاليه فاخر في الدمام ، بس ممكن تراجعنا في أقرب وقت ممكن عشان تأخذها ،،، قلت إن شاء الله ،، فذهبت إليهم في طريق العليا ،،في مجمع الموسى التجاري وقابلوني بأفضل ما يكون من الابتسامة والكلمة الحنونة الطيبة ، وأعطوني كرت الجائزة ،،،وأقنعوني بالاشتراك معهم في البرنامج السياحي وأن أدفع قيمة 6000 ريال تكون نقاط لي في أي وقت أحب أن أسافر أتصل بهم ويحجزون لي السكن ويرتبون لي برنامج سياحي متكامل طبعاً داخل المملكة ، فرفضت في البداية وقلت أنا لست بحاجة وسفرياتي قليلة ، فحاولوا إقناعي ، بأن الواحد أحياناً يشتهي يسافر مع أولاده في موسم العيد أو موسم الإجازات القصيرة ، اللي يكون الناس فيها في الغالب متزاحمين ، فإحنا نوفر لك السكن مع كل أريحية ، بس تتصل علينا قبل بإسبوع ، وإنسى كل شيء ، المهم ضغطوا علي ، طبعاً الكلمة الحلوة والأسلوب الزين يخلي الخطأ ،،صح ، المهم إني وافقت ودفعت 6000 ريال ، ريال ينطح ريال وأعطوني بطاقة عضوية ووقعت معهم العقد وكلي سعادة ،،، يعني معقولة أروح لمكة في العشر الأواخر وأنصى السكن مباشرة بدون تعب ؟ يعني معقولة أروح للشرقية في إجازة منتصف العام والعالم فوق بعضها وبعضهم نايم على الكورنيش وأنا مباشرة أروح للسكن ؟؟؟ اللي محدد ومرتب لي قبل ما أحرك من الرياض !!! والله تطورنا.... المهم بعد مضي أسبوعين من هالكلام قالوا العيال الله يصلحهم يا أبوي باقي أسبوعين ونعطل ، قلت وش عطلته ؟؟؟ قالوا : عطلة منتصف العام ،،، قالوا : هاه وين ناوي تودينا ،،، قلت اختاروا تبون باريس وإلا الشاليه اللي جانا هدية من الشركة ؟؟؟ قالوا لا ما نبي إلا الشالية ..قلت خير إن شاء الله بأكلم شركة .... عشان نعلمهم أنا بروح للشالية عشان يرتبون لنا كل شيء ،،، المهم لما كلمتهم قالوا والله راحت عليك أنت تأخرت ما رحت والجائزة محددة بأيام معينة في غير الإجازات قلت : ما خبرتوني قالوا : إلا خبرناك لكنك سبهه ، ( طبعاً ماقالوها ، لكن لسان حالهم قاله ) قلت : كيف؟ طيب قالوا الله يعوضك إن شاء الله ، قلت طيب خلاص ما أبيها منة الله ولا منة خلقة ،، بس تراكم قلتوا لي إذا تحب تحجز بلغنا قبل بأسبوع ،،،، أها عاد شف ألحين باقي أسبوعين ،،، تراني أبي أسافر للشرقية قال خلاص من حقك بس اتصل بعد يومين ،،،وبعد يومين اتصلت عليهم ،،، تغيرت اللهجة معي ،،، وقالوا اتصل بعد يومين ،،،واتصلت بعد يومين قال والله منسق البرامج مو موجود خلال 3 أيام إحنا بنتصل بك ،،، ومرت4 أيام والإجازة قربت وما أحد اتصل ،،،،المهم اتصلت عليهم رد علي منسق البرامج ، وقلت ما يصير كذا وش هذه الممطالة ؟ المهم قالي بكل جفاف إنت الآن وش تبي ؟ قلت يا خي الآن باقي على الإجازة خمسة أيام تقريباً وأنا أبي أروح للشرقية قال : لا إنت تأخرت كثير وكده ما يصحش ؟ قلت كيف قال : والله الزحام شديد مرة وإنت عارف ،،،، المهم السالفة طويلة حيل ولا أبي أطولها وتعبت معهم  ولا سافرت معهم ولا سوو لي أي شي والنهاية رفعت عليهم دعوى نصب واحتيال في المحكمة وإلى يومك ،،، الله يجيب الفرج

بس انتبهوا خذوا مني 6000 ومنك 6000 ومن غيرنا كم تصير ؟ لازم نوقفهم عند حدهم ( شركة عطلات السعودية ) النصابة المحتالة ،،، بس ما أقول إلا حسبي الله ونعم الوكيل



0 التعليقات: