اعلن معنا

ماهكذا الوطنية ياجحلط !!!! + رد بسيط على اييميل جوجو



 

 


http://img4.imageshack.us/img4/9909/58c88a7083.jpg

 










ماهكذا الوطنية ياجحلط !!!!

السلام عليكم ورحمة الله وبركاته

بادئً ذي بدء
لفت نظري كلمتين بوسط موضوع الاخت جوجو

الا وهي

وابصم بالعشره ان اغلب الشباب من اهل الرياض للأسف

عااارفتهم زييين

اما بجده مسالمين انهبلوا ورقصوا وجاهم زار لكن ماخربوا شي


يا إلهي العجب







ياشيخة
طالبك ماتبصمين

 

وش دراك انهم شباب الرياض !!؟


بنفس المقاطع واللنكات الي حطيتيها في تحتها مقاطع لشباب ابها وخميس مشيط
برضوا من شباب الرياض

حكمك جائر اثابك الله
بكل بلد ساقط وساقطه   ولاقط ولاقطه


ندخل بموضوعنا القديم



كل عام وانتم بخير <<< بمناسبة رمضان موب اليوم الوطني <<< الوطنية زيرو


ومبارك عليكم الشهر

والله يجعلنا من صيامه وقِيامه

قولوا امين

وكل سنه والسعودية بخير ونعمه بس لو يزيدون هاليوم ويخلونه ثلاث ايام عشان يزيد منسوب الوطنية ويتدفق في عروقنا تخبرون يوم مابيكفي ومابيوفي


ويعطونااا زياده بالراتب 15 % ثانيه بدل سكن عشان يصير الدم اخضر

او يرجعون فلوسنا الي خذوها بالاسهم

او يسددون القروض

ااااااااااااه ياجماز السحيمي <<< وسوس من هالاسم

نرجع لمحور وطنيتنا

سبحان الله

سبحان مغير الأحوال

وين هالوطنية ماطلعت هالسنتيين

يعني قبل حكم ابو متعب ماكان فيه وطنية

اوقبل بالأصح قبل إجازة اليوم الوطني


طيب

نفترض تغيرت الأحوال ... وأزدان الحال من حالاً لأفضل حال <<<< والله اني موب صاحي أديب بس مااااااش كابت مواهبي

وازدان الحال من حالاً لأفضل حال <<< سوا فيها خالد المريخي جالس يقول قصيده وكل شوي يعيد المقطع

وزادت الوطنية .... وصارت ااااااااااااااااااد كداااااااااااااااااااااااااااااااااااااااا


السؤال الي ابي اسأله

كيف المفروض الواحد يعبر عن فرحته باليوم الوطني ؟


بصراحه

الي طلع امس بشوارع الرياض يقول ليتهم ما اعطونا هاليوم

وضع مزري بكل ماتعنيه الكلمة


بصراحه ما اقدر اقول عن شبابنا ( البعض )


الا انهم


جحلط

جحلط بكل ماتعنيه الكلمه


يتسأل البعض ما معنى كلمة جحلط ؟

جحلط : هي جمع كلمة جحلوطي والجحلوطي هو من لا والي له
وورد في مختارالصحاح : ان الجحلوطي هو المتسكع بالشوارع home less او من لايأبه بسمعته او بكلام الناس عنه

الجحلوطي بالمختصر : هو انسان سفيه لا شرهه عليه


بالأمس <<< كأني قالب اتكلم لغة عربيه فصحى

تكاثر الجحلط بشوارع الرياض

في ظل غياب رجال الأمن <<< لاتلومهم محتفلين باليوم الوطني <<< لاتخليني احلف ان نص الي امس بالشوارع رجال امن ولكن بثيابهم

نقول الناس تكبر وتعقل

لكن للأسف تكبر وتستخف !!!!!

يعني لو تشوف شباب في سن المراهقه بهالشوارع ممكن ما تشره عليهم

تقول شباب مراهق

بس اذا شفت هالأشكال



شر البلية مايضحك !!!

ولا الثور هذا




بصراحه

الي شفته امس ثيران هائجه

ناس اعمارهم فوق 25 وفي من فوق 30 كثيرررر

الي يوقف بنص الطريق ويسد الشارع على الناس ويعطل خلق الله

والله شيء مؤسف

امس وربي طلعت بالغلط ماتوقعت اني بدخل بهالهمج

جلست بطريق الملك عبدالله عشان اطلع منه 3 ساعات ونص

اتصلت على الدوريات 999 ثلاث مرات محد رد علي

وارجع اتأكد من الرقم هو نفس الرقم ولا انا غلطان

والله نفس الرقم !!!!

اخيراً المره الرابعه ردوا علي اعطيت العمليات البلاغ بأن الطريق مسدود ومعي عائله <<< نصاب ما معه احد

المهم

انه بعد نص ساعه من البلاغ حضرت الدوريات وتحركنااا شوي

كويس اني وصلت لمخرج بالطريق وطلعت معه مع الحواري

بررب بروح اصلي واحلق وارجع اكمل الموضوع



باك

هاه وش رايكم بحلاقتي

الله ينعم عليكم

بس الله وكيلكم نتف شنبي قسم بلله طالع تقول هتلر

بروح اشيل ابوه بعد شوي بس خلوني اكمل الموضوع <<< وده يشيله بس يدور تصريفه


نرجع لمحور جحلطناااا

انا الي ودي اعرفه

الواحد اذا قفل الشارع بسيارته ونزل من سيارته وقام يرقص <<< الله من زين الرقص عاد
الان بطريقته هذي يعتبر نفسه محتفل باليوم الوطني

يعني مثلا امس من المشاهد الي شفتهااا

شباب شافوا وايت بطريق الملك عبدالله .... قاموا تعلقوا بالوايت وناس ركبوا فوق الوايت ... وناس فتحوا المويه وتركوها تصب بالشارع

لاحول ولاقوة الا بالله

امحق وطنية


شوفوا بلله هالسلق ... لابسين بناطيل رياضه خضراء وبالفنايل الداخليه !!!!



المشكله الفنيلة دروش ابو 7 ريال لو برومان ب 14 ريال تنبلع


ولا شوفوا هالهمج











وربي ما اقدر اقول عنهم الا مرضى

والي جاي لابس بشت ويتمشى بين السيارات !!!

مقطع الثور الي لابس بشت للتحميل

والي عاكسين الشارع !!!!

والي طالع من دريشة سيارته وجالس يصايح !!! <<< انا هذا الي غابني تصارخ وتصايح ليش

مقطع صوتك وماعندك احد

عجب عجاب

وفي ناس لقيتهم مشغلين دبكه وجالس يدبكون شر البلية مايضحك

مقطع الدبكه للتحميل


امس بصراحه

فشل رجال الامن فشل ذريع ... طلعوا اجازة يوم وطني وتركوا الوضع سايب

ايام المبارايات النهائيه بالعاصمه ماصار الي صار امس !!!

ليش ؟

لأنهم عاملين حسابهم وعارفين انه في سلق مايمشون عدل الى إذا شافوا الباصات حقت الشرطه واقفه بكل حدباً وصوب << وش رايكم بحدب قايلكم أديب بس محد مصدق

الشيء الأهم

رساله لشبابنا الجحلوطي

ارتقي بنفسك شوي واجلس مع نفسك شوي وفكر بلي سويته امس

بتحس انك سخيف ومعتوه

بجد والله

فكر

امس وانت جالس مثلاً فوق الوايت تحس لو انك بكامل قواك العقليه ماسويتهاا

ولا لو انك جالس بين هالعالم وتهز مؤخرتك

بجد والله ... مايسويها الواحد الا وهو فاااقد

الله لايفقدنا الا بطاعته

راح ارفق لكم ملفات فديو من تصويري المهزوز

شوفوا بلله هالبشر وشلون عايشه

لتحميل ملفات الفيديو

يلله فتكم بعافيه

حُرر في
غرة رمضان 1427 ه
كتبه
الصحاف و ورد في مقدمة ابن خلدون بأنه تسوونامي وفي كتاب زاد المعاد في معرفة الأعضاء الجدد قيل انه
الصحاف تسوونامي

 



سبحان الله وبحمده ,,, سبحان الله العظيم

 


( My Space )


 















 

 

 

 

 

http://img89.imageshack.us/img89/2752/68389254.jpg






0 التعليقات: