اعلن معنا

أملللط !!



---------- Forwarded message ----------
From: sara .s <ya_3omre_khaled@yahoo.com>
Date: Nov 7, 2009 3:36 AM
Subject: أملللط !!
To: als7af.group@gmail.com

السلام عليكم

 

كيف الحال؟

 

الموضوع صارله زمان يدور في بالي

 والانسان في الغربه احيان تجيه سواليف غريبه وده يسولف فيها

واليوم ويكند وقلت خلني افضفض اللي فيني

صراحة الوضع ابد ما ينسكت عنه يعني مو معقوول

يعني انا ماني فاهمه ليه يسوون كذا وش اللي يحدهم يعني !

 

 

الموضوع وكل وما فيه عن الشباب اللي كل يوم طايحين بحركه جديدة

والمشكلة يا ليت تناسبهم ولا حلوة عليهم

 بس يدربي بهالراس ومع الخيل يا شقرا

ما بتكلم عن الكدش واللووست وطيحني

 وتعال العب بحسبتي لا لا لا لا شي ثاني

بتكلم عن بعض الفئة اللي ربي يصلحهم ( المالطين شنبهم )

بالله يعني انت يا اخي المالط شنبك ما قد شفت وجهك بالمرايا !

يعني والله شكلكم غلللط لا تقولون لي موضه ولا تغيير

العن ابوها موضه اللي تخلي وجهي كنه برْاَحّة فاضيه

 ولا بعد فيها شوية خَضّار على جنب

وييييييع على المنظر المزري

بعدين ياللي ما تعرفون ترى الشنب عزة وهيبه

وخصوصاً لو مضبط السكسوكه

حتى لو شكله مو ذاك الزود ولا فيه حلا بس تعطيه ملّح ورزه

لكن العاهه العضمى لما تشوف واحد هو اساساً شين

 ويجي يملط يا وييييييييلي لا لا ما اقدررر بصراحة

 

 

 

 

 

 

 

يعني لازم تخففون من هالحاله

 عني بصراحة انا اشبه وضعكم مثل وحده شينه و سمرا مرا وتجي تصبغ اشقر وتحط عدسات زرقا

 وهي ما تناسبها اصلا يعني فوق ما هي الله المستعان

 بعد تزود من التهويل

لازم تكونون شباب واعي تعرفون وش اللي يناسبكم

 وش اللي ما يصلح لكم اصلا

مو يجي الواحد كنه زالق بنير و منسلخ كله ويقولي انا ستايل وعلى الموضه

أي موضه هذي اللي تخليك كنك فتحي فاروأ

واقرف منظر لا شفته مالطه مرررا ويجي مبين اخضر اععععععععع

ليييييييه وش انا حادني اسوي كذااا

والله من جيت هالديره وانا اشوف عاهات من شباب بلدي الحبيب

يعني مدري اذا طلع برا يفسخ عقله مع فسخة الثوب ولا وش يجيه

 

اول اسبوع يكونون جايين مؤدبييييين

 ولا يكلمون احد وحتى ملابسهم محترمه من ثاني اسبوع وهم فاسخين الحيا مرا

 وتلاقي البوكسر فوشي والكشه نافشها والشنب ماسحه مسح وييين اول ما جيت وانت محترم وشكلك ينبلع شوي

 

بوريكم بعض الصور اللي جمعتها والفرق بين الملط اللحط وبين الشنب المحترم

 

 

 

 

 

 

ما اعرفه منهو هذا لكن خير مثال للملط والانزلاق بالنير شر زلقه

 

 

 

 

 

 

حتى يحيى العبوا عليه وع على الوجه ودي كفففف

 

 

 

 

 

 

يعني مثلا هذا يصلح له يملط شنبه يعني فيه معالم بوجهه تستاهل ان الواحد يناظرها ويكتشفها

فيه نظرة حلوة فيه بشره صافيه في شفايف طبيعيه يعني حتى لو ملط عاااادي نلاقي له العذر

 

 

يعني والله انا من خوفي عليكم اقولكم هذا الكلام ومن باب اعجابي بكم شبابنا الحبيب

 

انا ماني من اللي يجي يسب بالشباب السعودي وكأنهم ما قد سوو شي زين بحياتهم

 

 وننسى شهامتهم وكرمهم و طيب اخلاقهم

 

لكن انت اخي السعودي (لا تمحي حسناتك بملط شنباتك)

 

لانه اصلا يطلع الشكل مقزز بدون شنب

شف بالله هذي المناظر مع الشنبات هيييـبه رزززه ما تنوصف

وانتم لكم الحكم

 

 

 

 

ايييييه يا الله الجنه

 

  

 

 

 

 

 

 

 

 

 

وانا ادور صور لقيت منتدى سوداني  

كاتبين عن اللي يملطون الشنب بالله شوفوا سالفه هذا الواحد

 

   

 

 

 

 

صراحة قصة مؤثره يا حبي له من كثر الالم النفسي نام في المستشفى

 

يعني حتى السودانيين يعرفون قيمة الشنب

 فكيف انتم يا عيال الحمايل والقبايل ما يصلح هذا الكلام

 

 

 

 

 

قبل اخلص الايميل عندي تعليق للبنات <<على بالكم سلمتوا !

 

اهداء خاص للي يكتبون ( ممنوع الاضافه / لا اقبل الاضافات)

يختي من ميت عليك يضيفك يا وداد الكواري على غفله

وقسم بالله مستفزات يعني عشان كتبتي كم كلمة

 ونشرتيهم بتسوي لي نفسك مهمه ولا تضيفوني ومدري وشو

احسهم ينبهون الواحد غصب ضيفوني ضيفوني

حتى لو الرجال مو منتبه للايميل تخلي غصب عناااد الا يضيفها

ما تبين الاضافات سوي لك ايميل خاص للقروب

 وايميل حق الناس اللي تبينهم بدل هذي التلميحات السخيفه

اففففف منكم

 

 

انا خلاص اكتفيت لهذا القدر من تطليع الحره

 مع اني ما اعتبرها كذا كثر من ما هي كلام صريح واتمنى انه يوصل

 

وشكرا للي أخذت من وقتهم وقروا هذرتي

 

ولو سمحتم بدون اضافات ووووووووووااااااااع شي يقهرني وربي

 

وآآآخر شي

 

 

 

 

آآآآآآآآي


 
Sara


0 التعليقات: