اعلن معنا

قاتل الله الواسطة

 

 


http://img4.imageshack.us/img4/9909/58c88a7083.jpg

 






بسم الله الرحمن الرحيم
سبحان الله وبحمده ,,, سبحان الله العظيم

السلام عليكم ورحمة الله وبركاته

اسمحوا لي بفضفض شوي
بحكم اني الان على متن طيران ناس 4
راح ابداء بقصتي بالتحسب على سعودي ايرلاينز ( الخطوط السعودية ) حسبي الله عليهم اينما حلوا واينما رحلوا
هالايام شاءت الاقدار وصار عندي عمل بالطائف ، عاد قلت بنفسي ياصحاف روح هالويك اند لأهلك وسلم على وميتك ، قمت ورحت لمكتب الخطوط السعودية وقلت للأخ جميل بخاري (اسم مجازي 4 لأحد موظفي مكتب الخطوط السعودية فرع الطائف ) : ودي اطلع للرياض وانا حاجز عن طريق النت لكن مالقيت امكانية على رحلت الساعة 2055 ( تسعه الا خمس للي يبي المختصر المفيد )
قالي اخي البخاري والله يا أخ جميل ( طبعا الأخ جميل بخاري يرى كل الناس جميليين بعينه الجميلة ) قاطعته قائلاً جمل الله حالك وبيض الله وجهك ...
فرد قائلا :| ايش قلت
قلت لا ابد سلامتك
قال اني وي
مافي امكانية على الرحلة الي تبيها الا افق
وبحكم تواضعي وحبي الدائم على السفر على درجة الضيافة << مايبي يقول سياحي مراعاة لشعور نفسه وعشان مايحس انه سياحي

قلت اوكي امرنا لله , , , عاد قلبي ناغزني من وقتها مدري ليش ما ارتحت لهالرحلة يمكن عشان قيمة التذكرة حسيتها عالية بـ 580 ريال تقريبا يعني لو حولتها بيروت افضل
الحاصل طلعت البطاقة بدفع , , الا الأخ بخاري يعتذر بكل أدب كعادة موظفين الخطوط السعودية , , للاسف المكينة حقت السحب عطلانه مالك الا الصراف ولا تتأخر عشان مايقفل الحجز ﻷني جايهم بصراحة بالوقت الضائغ ،،، طلعت من مكتب الخطوط
وبالطائف للي مايعرفها زين ودك تقضي شغلك على رجليك ... وﻻتسوق سيارتك فيها
لأنك ممكن توقف عند الإشارة تلاقي الي على يمينك والي على يسارك سواقين الدبابات
( الدباب سيارة صغيرة تستخدم بدلاً من الليموزينات في الغربية ... اعتقد والعلم عند الله تصنع لأهل الطائف ومكة خاصةً وهذه صورة لبعض الدبابات )



طبعا انت واقف بينهم ... بتلاقي كل السيارتين يطالعون فيك
وكل واحد فيهم لابس الزي التقليدي لشباب الطائف ثوب وطاقية

واول ماتتطلع فيهم على طول يباغتك بالسؤال التقليدي ( اشبك تبحلق )
طبعا كـ شاب مسير على الطائف ممكن تبتسم ,,, ممكن تتطنش ... الخ حسب ردة فعلك ..,,,
بس كـ شاب من الطائف بيرد العين بحر
فيرد عليه الثاني إذا العين بحر أصابعي زوارق تخربش وجهك
واحد منهم بيقول وقف على جنب كانك رجال
يقوم الثاني يوقف قدام وينزل بالعجره
والآخر بسكين إذا ماكان مسدس
طبعا إذا انت مشترك بجوال سبق على طول بيوصل لك مسج تعارك شابان في شارع وج
وبكره او بعد كم ساعه بيوصلك مسج ثاني ,,, بأن قبيلة راعي الدباب الأول الي كان واقف على اليسار قامت بقتل شابين من قبيلة الشاب الثاني اثر شجار دار بينهم في شارع وج وهم متجهان للبرج ( برج المملكة حق الطائف )
المهم نرجع للبخاري الي ارسلني اصرف
طبعا عشان مايجيني الي جاء راعي الدباب قلت اروح على رجلي ,,, وصلت الصراف ... الا ان مكينة الصراف طلعت طفرانه كحلاتي وحلاة اي مواطن على ارجاء المعموره ... بحكم اننا اخر الشهر
مافيهااا وﻻ ريال
وإضطريت اروح للي بعده بنص كيلو كمان ... على رجلي كل هذا في سبيل اني احصل على هالتذكرة المقيتة
سحبت فلوس ورجعت لصاحبنا جميل بخاري حفظه الله ورعاه ورعى جميع موظفين الخطوط , ,
وبحب خشوم فطساء ... وترجي يالله يالله وافق حضرة جنابه و قص التذكرة لأن دوام حضرته انتهى

وصلت الرياض وقضيت ويك اند سعيد مع خدمة الأهل والأصدقاء :

يوم الجمعة قبل الرحلة بثلاث ساعات مادريت الارقم 022878899 اتصل علي
الا وهو مكتب الخطوط السعودية
المكتب : الو الأخ صحاف
انا : اي نعم
المكتب : معك الخطوط السعودية طال عمرك ( طال عمرك عشاني افق طبعا الطائره اخس نوع مافيها أولى )
انا : ( طبعا بديت افخم صوتي بحكم اني افق : ) سم الله يحييك << يحييك لزوم الكشخة واني اعيش هالدور الارستقراطي
المكتب : طال عمرك طالع اليوم إنشاءالله للطايف
انا : اي نعم ( طبعا بطبقة صوت افخم من الي قبلها ) <<< حسيت اني ابوبكر سالم كل ماصفت غيمت
المكتب : حبينا نتأكد طال عمرك
في نفسي اقول لعنبوكم لو اني سياحي غلبان محد اتصل علي
سكرت منهم وكان بجانبي احد الزملاء ,, وانا طبعا انا منتشي عايش الجو الاروووسقراطي وقلت لصاحبي ابد بس الخطوط السعودية يتأكدون بسافر وﻻ ﻻ ....
( طبعا صاحبي ماسألني من المتصل )
تخبر حنا ياركاب الأفق تهمهم راحتنا وﻻزم يتأكدوا اننا بنسافر وﻻ ﻻ
( طبعا برضوا ما سألني وش الدرجة الي انت طالع فيها )
سبحان الله ... ﻻشعوريا تتغير طبقة صوتك وتستمر عايش هالدور إلى ان توصل للطائف <<< اجل لو راح على طائره خاصة وش صار عليه
قمت وكشخت وحلقت الذقن وضبطت السكسوكة وتعطرت ورحت للمطار
بنص الطريق مسكوني المرور مسرع
اقول للعسكري يالحبيب معك أحد ركاب درجة الأفق
قام يطالعني العسكري بنص عين ,, ويكمل كتابته للقسيمة
قلت طيب معك احد ملاك شركة زين وأحد مؤسسين شركة اسيج للتأمين وأحد مؤسسين شركة بوبا للتأمين وعدة شركات بقطاع التأمين <<< عنده كم سهم واقلقهم

قال عسى ماشر شكلي بحولك للمستشفى يحللونك ...... شارب لك شيء بالطريق
شفت مافي فائدة ,,, أخذت قسيمتي ومشيت وكأني بديت احس ان هيبتي انهزت شوي
قلت ياولد لايهمك ... انت من ركاب الأفق الي مايعرفك مايثمنك
تمالكت نفسي ويوم وصلت المطار رجع اخوي بالسيارة وبدائت امشي منتصب القائمة متجهاً للخدمة الذاتية ودخلت رقم حجزي لأحصل على البوردنق باس فإذا بالرسالة على الشاشة توجهني لمكتب المبيعات
( كأن البوادر مو طيبة من اولها ) ,,, اتجهت لكاونتر البوردنق باس وبكل ثقة سألت العسكري حق التفتيش وين ركاب الأفق
قال أسأل داخل
( في نفسي برضوا الي مايعرفك يجهلك ناس ماتختشيش ايش هالأسلوب )
تعديت الطابور الواقف امامي محدثا موظف الخطوط وين كاونتر ركاب الأفق
فأجابني هنا كل الرحلات وين تبي
قلت الطائف ,,,

قال : االطائف ؟ الطائف خلاص قفلت
انا : بكل ثقه لا يالحبيب انا افق
الموظف : الطائره كلها قفلت
انا : هاه :| ايش الكلام هذا
ماتعرف تحترم عملائكم وﻻ زبائنكم
وين المشرف
قال : شوفه اخر كاونتر
وصلت اخر كاونتر
والله وكيلكم اذا صوت المشرف تسمعه من اخر الصاله : انت ماتفهم ,, قلت لك سكرت الطائره
( محدثاً قصدي موبخاً احد المواطنين الغلبانين ... ويرد المسافر المسكين طيب باقي ساعة وعشر وشلون تقفلونها !!!؟

لو سمحت شوي <<< الصحاف يستأذن من احد الواقفين امام المشرف بكل ثقة متقدماً بخطى ثابته
لو سمحت ( محدثاً المشرف ) تفضل ( معطيه التذكرة ) الطائف <<< ماسكه اليوم على محدثاً
رد المشرف متنرفزا وليس متحدثاً ماتسمع وش اقول من اليوم !!! قلنا الطائف قفلت
بكل ثقة رديت : اي بس شكلك ما انتبهت للتذكرة زين
طالع بالتذكرة قلبها يمين ثم قلبها يسار .. وش فيها
قلت افق
قال خذ الله يصلحك قلنا قفلت الطائرة مافي الا بكرة سته الصباح
الان بديت اصحى من الجو الي كنت عايشة
يالحبيب
دنااا غلباااااااااااااااااااااااااااان
وبدئت لغة تكفى تظهر على لساني
تكفى يابو فلان سنعنا
يرد يا أوادم ماتفهموون قلنا قفللللللت
قلت بنفسي ( ابن الايه هذا مافيه طب ولارجاء )
وبديت ارفع صوتي الرحلة باقي عليها 50 ذقيقة كيف تقول تسكرت والله مايردني الا الملحم
رد علي إدا ماتعرف توصله انا أعطيك ارقامه
تذكرت المثل ( من أمن العقوبة أسى الأدب )

طبعا قبل ما اوصل للمطار وانا بطريقي
اتصلت بأحد الزملاء مسافر على نفس الرحله هذه .... بس لايوجد له حجز اوكي .... وسألته وينك يا ابو فلان
قال انا بالمطار عند البوابة الداخلية مع واحد بيحاول يطلعني


قلت له الله يعينك لا والله انا حجزي اوكي و كمان افق <<< بازاً فيه طلع كأني ابو ليان ( ابو ليان يقراء الموضوع الان )

وبعد ماكرشنا المشرف
عاد رجعت ادق عليه يابوفلان انا بالمطار ماتشوف خويك يسنعني
قام يضحك بخبث هع هع هع هع
والانتصار في عينيه ( لأنه فضى له كرسي وضمن كرسيي بيروح عليه ولا .... أُفق بعد )

قال انا والله الى الحين ماسنعت نفسي
قلت انا اوكي وافق برضوا و انت انتظار
ابوس ايديك طلعوني سياحي عادي بالشنطه مع العفش مافي مشكله
قال شوي وارد عليك

وارجع اجري اتصالاتي بكل الي اعرفهم اشوف احد يمشي وضعي تخبرون بلد واسطات
بالواسطه كل شييء يمشي
الحاصل ما نفع شيء
قالوا مالك اﻻ طيران ناس وعلى جدة كمان وتأخذ تاكسي على الطائف




رباااااااااااااااااااااهـ
رحمتك
اطلع على ناس وﻻاااااا ارجع بدباب يوديني على الطائف
تذكرت المثل القائل : ماطار طيرا وارتفع الا كما طار وقع
مردك يالصحاف لسما وناس
رحت وقصيت تذكرة لجدة مع البوردنق
ودخلت الصالات ورحلة الطائف قسم بلله يركبون لسى
وانا اشوف صاحبي قدامي بيجلس محلي وبالأفق كمااان وهو سياحي السياحي
قسم بلله كان عند بوابة السفر الخاصة بالطائف حوالي 7 موظفين من الخطوط وكل موظف معه
راكب جاي متوسط له
والي برى الصالات و ملغاة حجوزاتهم حوالي بعدد هالسبعة !!!!

حسبي الله ونعم الوكيل

اخيرا صورت بجانب تذكرتي الأفق

قاااتل الله الواسطة

وحسبي الله على الخطوط السعودية

من على متن طيران ناس رحلة رقم 207 مقعد سياحي رقم
 20F

واصلاً لجدة ... أخذً تاكسي متجهاً للطائف
مستخدما البي بي في كتابة هذا الايميل من القهر
كان معكم
العبد الفقير إلى ربه الي كان بيطلع على الأفق وطلع صاحبه محله

الصحافـ تسوونامي ـ

Sent from my BlackBerry® wireless device from Aljawal









 



سبحان الله وبحمده ,,, سبحان الله العظيم

 


 



 

( My Space )




 

http://img89.imageshack.us/img89/2752/68389254.jpg



0 التعليقات: