اعلن معنا

هدو اللعب أيها الصحافيون والصحافيات



---------- Forwarded message ----------
From: moca lataih <moca.lataih@hotmail.com>
Date: 2010/1/26
Subject: هدو اللعب أيها الصحافيون والصحافيات


بسم الله الرحمن الرحيم

السلام عليكم ورحمة الله وبركاته

اول مشاركة لي مع اني مشترك معكم من زمان .. بس لاني انفحمت من الرسايل والردود اللي مادري وش تبي

اخواني السعوديين اللي انا واحد منهم

اخواتي السعوديات

اذا كل واحد قرفان من الثاني لاتعرسون على بعض
ماعاد نبي نشوف احد متزوج

اول شي برد على الاشناب 

جايني واحد شايب بيطق الاربعين عقب مالعب وماخلا شي ماسواه قام يتلفت ع البنيات المساكين ويسبهم

ياخي اذا انت تشتكي من معاملة السعودية وارتفاع مهرها ليش تروح وتسربت في سوريا والمغرب بتقولي ماتكلف السفره 

وين راحت التذاكر والصرفيه على بنات الليل والشراب وغيره.. تبي تفهمني انها ماتكلف

واذا فرضنا ان رحلتك ماكلفت الا 6000 ريال .. ياخي بتطب لك على وحده من الجنسيات المعروف السفر لهم .. وبتسحرك وبتجرك على خشمك
لين تدفع ماوراك ودونك ونهايتها تبي تعرس عليها وهات يالمصاريف .. هذا اذا ماخلت تلهث عند باب بيتها من السحور اللي فيك تقعد تنابح 

اللي قاهرني انك لو مغازل سعوديه وحبيتها وحبتك بتقولها مابي اعرس عليك لان اهلي رافضين.. وفي نظرك ماتبي تعرس عليها لانك تشوفها بنت مو محترمه لانها رفعت السماعه عليك وعطتك حبها وثقتها 
لو انها وحده من الجنسيات الثانيه تنام معها عادي عندك.. يمكن حتى اخوياك نايمين معها وتسوي المستحيل عشان تتزوجها

ياخي خاف ربك .. فيك بلا.. تبي حريم .. تزوج بدل ماتصرف على بنات الليل < ماسكه معي ذي الكلمه بس لاني مالقيت مصطلح مهذب

فيه واحد متزوج مغربيه 
امي تقول لي انه يجي من الشغل ومعه الغدا ياخذ الصينيه من المطبخ وجري يوصل لها الطلب
ولا فيه قهوه ولا شاهي بعد الغدا من اللي تقولونه.. الا هو اللي ينزل ويحمي لها كوب حليب عشان تشربه
غير السوق اللي 3 مرات في الاسبوع at least
والهدايا لصديقاتها وكل ماراحت لهم تقول ابي اخذ شي معي مو حلوه يدي فاضيه
وربي تقول انها ماتحرك شي ولاتطبخ ولاتغسل ولاتكوي
ولاتلبس ولاتتزين ولبسها خلاقين وانواع قلة الادب في الكلام وترفع صوتها
بس قوة شفط من هالدراهم .. قال ايش قال مايكلفون مصاريف

واللي يقهرني بعد انه لما تجي بنت تحط صور شباب والله هذا حلو وهذا يجنن
ينقز لي واحد منكم مسوي فيها انه يغار على بنات بلده
ويقوم يسب ويقول انتم مافيكم خير السوريات ابرك منكم
ليه كذا
انت لو تغار كان ماغازلت هذي وهدمت حياة هذي وفضحت هذيك

نجي للبنيات الله يصلحهم

بتقولين ابي وابي وابي طيب لبي له طلباته عشان يلبي لك طلباتك
يبغاك تطبخين له اطبخي ومو كيفك .. مثل مايروح ويكد عشان يجيب لك اللي تبين سوي له اللي يبي

والله ان فيه بنات يشتكون من ازواجهم والمشكله ماتشوف نفسها لاشكل ولا اخلاق
وتتدلع على زوجها انا اهلي كانوا يسوون لي وانا محترمه وهي ماعندها سالفه

غير اللي تسوي نفسها بريئه وانا مااعرف الاشياء اللي مو كويسه وهي تحط زوجها في ابطها من لكاعتها
وهو المسيكين اللي مايدري وين ربي حاطه
اخلاقه حلوه ويخاف ربي ونظيف ومؤدب
ولا اللي تزئر عند صديقاتها واهلها وتتفشخر عليهم وتقول زوجي ضعيف شخصيه انا اللي امشيه
هذي جزاته عشانه يعاملك بطيبه.. ومايبي يقولك لا عشان ماتزعلين
صدقيني لو بغى كان علمك تمشين صح من اول يوم بس ينتظر يشوفك تتعدلين.. واذا ماتعدلتي بتروح عليك
مصيره ينفجر في يوم

انا اللي ابي اوصل له 
انه لازم نرتقي شوي
ماعاد نبي نسب ونشتم ونغلط
 
من الاخر كل واحد يطل في جيبه يشوف عيبه

اقتراح مني ياليت تقبلونه 

7
7
7

مانبي نشوف ايميلات مشاده بين :
1- الانديه السعودية
2- الشباب والبنات


حلو الواحد يضحك ويمزح وينكت بس لازم نعرف ان ورانا رقيب 

استغفر الله الذي لا اله الا هو الحي القيوم واتوب اليه




0 التعليقات: