اعلن معنا

حاميها حراميها+ واتسبدي تسبدااااااااه + ياسر واخيرا بالنت :)



---------- Forwarded message ----------
From: هإْجس ليل n.m <e.n.1407@hotmail.com>
Date: 2010/1/29
Subject: حاميها حراميها+ واتسبدي تسبدااااااااه + ياسر واخيرا بالنت :)
To: 





السلام عليكم ورحمة الله وبركاته
 
صبحكم الله بالخير أو مساكم على حسب الوقت اللي توصلكم فيه الرساله مع إني ماتوقع إنها توصلكم
 
 
المهم مالكم بخربطة البنات...... بحكي لكم سالفتي يوم الخميس اللي فات ياني انقهرت قهررررر 
 
كنت رايحه مع اختي المتزوجه انا واختي اللي ماتزوجت لسوق طيبه <= كان احد يبي يخطب ماعندنا مانع يرسل صورته 3×6 مكشوف الرأس اخاف نتوهق يطلع اصلع ولا فيه ثعلبه ونبلش
 
المهم رحنا معها عشان تفصل عبايه خبركم عبايات طيبه رهيبات ورخاص 
 
ويوم جينا بنطلع من السوق رايحين لمجمع المملكه إلا أشوف محل حلويات وبطاطسات وخرابيط 
 
قلت لأختي بشتري تمويل لبسطتي <= خبركم مكافأتي انقطعت ولاصار عندي دخل مادي فأضطريت اشتري بسطه واللعب على بزرانا وادبل الأسعار عشان يصير معي فلوس وامشي نفسي فيهم لين مايجيني فارس احلامي هاك السنع على خيل أبيض < لو على جحيشن اسود ماقول لا ...قنوعه بسم الله علي أرضى بأي شئ
 
المهم اشتريت بسطه ورحت شحذت من المحلات كيسه ثقيله مايبان اللي بداخلها عشان مانتفشل لارحنا للمملكه على قولة اختي ولا لو وقفت علي كان بسطت عند باب السوق ماعندي مشاكل
 
وصلنا بالسلامه للسوق ....لفيت محل ومحلين وثلااث بس مااااااش يديني بدت تنافض من ثقل هالاكياس واحس دمي تحجر وحالتي حاله 
 
قلت لأختي بروح اجلس بالكراسي اريح يديني واجي افر معكم فرتين قالو خلاص تقلعي فشلتينا انتي واكياسك حقات اهلا وسهلا
 
المهم رحت وجلست على الكراسي المقابله لمقهى الرجال وتكيت انا واكياسي وحالتي حاله ماغير افرك بيديني لعل الدم يرجع يمشي فيهم مبيضات من ثقل الاكياس
 
والشوف شجر على ماقالو وقدامي ثلاث شباب طاقين الثوب ومترززين بهالاثياب ومنشين شمغهم لحد ماقالت ربي الله 
 
انا مالقيت لهم بال جالسه احسب كم فايدتي من كرتون الكتكات والتويكس وهيك شي
 
وطبعا هالشباب من اول ماجلسنا وعيونهم تدور بمحاجرها < حلوه محاجرها 
 
وانا حاطين علي مخفي مايشوفوني لإني ماجزت لهم لابسه عبايه على الراس يبون هالبنات الماصخات ام عبايات على الكتف كنها فستان من هالالوان اللي فيها
 
احم كني تحمست
 
المهم مرو قدامي بنتين لابسين عبايات على الكتف لميييييييييييييييع وضيييييييييييقه لدرجه ان الشسمه اللي ورى باااااااااااااااينه حيييييييييل اتوقع لو ان في بناطيلهم خيط منقطع كان بان
 
هم مرو والا مامرو ماشفت إلا غبره هالشباب وراهم وطردي من إئرنه لإئرنه وكنهم ماقد شافو خير 
 
أنا سكت قلت الحمدلله الذي عافانا على مابتلاهم وسكت
 
بعد شوي جا حق الهيئه وشات الشباب اللي من دون عوايل شر شوووووووته كفو والله ماقصر وتسلم رجله 
 
إلا ذولا ماشاتهم أنا وقتها وجهي صار كذا >
 
مع ان شكلهم ملفت وواضح انهم بدون عوايل قلت لاحول ولا قوة إلا بالله حتى بشوت الهيئه فيه وسايط
 
مادريت إلا يوم جا واحد يشتغل بالسوق معروف انه شديد ويشوت العيال شوت (كانكم تعرفونه بنات ترى اشباهه ماعليها وله عوراض خفيفه ودايم معصب ويدور عند البيبان واللي ماتعرفه تروح الخميس وتلقاه مثل الجني واقف عند الباب وناوي شر بعيالنا )
 
المهم مالكم بالطويله وكثرة الهذر يوم جاه اللي يشتغل بالسوق قلت الحمددددددددددلله اخيرا باشهد شوتته مادريت إلا يوم كلمه كلمتين وضحك معه وراح هو وياه للكونتر 
 
وقتها بغى يغمى علي
 
اثاري هالثووووووور يشتغل مادري وشو تبع الأمن بدال مايحافظ على بنات خلق الله يطاردهم كنه عايش بمقطعه ولا شاف خير 
 
صدق من قال حاميها حراميها
 
انا عارفه اني قصتي يعتبرها البعض مالها داعي بس انا اشوفها هي اساس الداعي ....الشركه ماوظفته الا عشان تحافظ على امن السوق والحريم وهو طايح له مغازل اجل ماستفادو شئ يوم طردو العيال كان خلوهم يدخلون السوق ويغازلون على عيون موظفينهم
 
 
اقول لكل بنت تشوف مثل هالمنظر تروح تشتكي 
بس كان عندها اخت مثل اختي اقترح تبلع لسانها وتنطم لإنها بتحصل كم تهزيئه من اختها
 
وكانه مهب قد الوظيفه ولا يقدر يمنع نفسه عن مغازل البنات ويتحجج انهم هم يفتنونه يدور له وظيفه غيرها لاتكلف نفسا إلا وسعها 
 
 
 
 
 
 
 
...........................
 
 
 
 
 
والحين بخليكم تسبحون بخيالكم وتتخليون انكم ساكنين بهالمكان لو دقايق 
 
صدق بتنقهرون وتتمنون لو العماره طاحت
 
بس الشكوى لله مالكم إلا الصبر 
 
وعسى ربي يرزقكم بجنان الآخره خير وابقى
 
 
 
يالله موتو قهر واللعنو العيشه اللي عايشينها والفنادق اللي يسكنونكم فيها اهلكم والادهى والامر يحشرون عشره بغرفه 2×1 كننا بحوض ونيت ماتسوى علينا سفره عمر امنا ماسافرنا ياخي مهب عيشه ذي < معليش لاتواخذوني منقهره
 
كني استرسلت بالهذره
 
اخليكم مع الصور
 
7
7
 
 


 
 
 
 
 

 
 
 
 

 
 
 
 
 

 
 
 
 

 
 
 
 
 

 
 

 
 
 

 
 

 
 
 
 
 

 
 
 

 
 
 
 
 
ياويلييييييييه قسم ان تسبدي شبت اللهم لاحسد اللهم لااااااااااحسسسسسسسسسسسسسسسد 
 
غبطه ياناس ذي مهب حسد غبببببببببببببببببطه
 
اخاف العماره تطيح عليهم واستاثم بخلق الله <= كم مره يقولي ابوي اسمه برج وانا مصممه أنه عماره
 
على فكره ترى هذا هو برج خليفه بدبي <= صح النوم عمتي 
 
 
 
 
 
 
 
 
..............................................................
 
 
 
 
 
 
 
 
وكما عودتكم دائماً خاتمه إيمانيه <= عايشه الدور ان رسايلي دايم تنرسل لكم
 
 
 
 
تم ولله الحمد, لأول مرة على شبكة الانترنت 

ادراج المصحف الكامل للشيخ ياسر الدوسري مع امكانية التحميل برابط واحد


 
 
 
 
لايفوتكم هالقارئ وقسم ان قرائته تتغلغل باالأعماق وتحدث تأثير فظيييييييييييع 
 
استمعـ/ـي وانصتـ/ـي ولا تحرمـ/ـي غيرك من عذوبة هالصوت <يااااااااااارب ياكريم ياحي ياقيوم إنك ترزقني واحد مثل عذوبة صوته يقومني الصبح بهالصوت ...قسم لأرجع انام عشان اتونس بزين صوته كل مايقومني < كني شطحت عن الموضوع اعتذر منكم للمره المليون



 
 
 
 
 
http://www.bestofmen.org/ <<== هذا موقع تصويت أجنبي لأفضل رجل بالتاريخ طبعاً هم حاطين عشر شخصيات ومن ضمنها الرسول محمد عليه افضل الصلاه والسلام ورقمه هو ثمانيه 
 
ارجو منكم التصويت حتى ياخذ النبي عليه السلام اعلى تصويت 
 
عارفه انه افضل رجل بلا منازع واننا مانحتاج تصويت لكن هذا تصويت اجنبي وشوفو كم من الناس لو نكسب التصويت بيُستثار اهتمامه ويبدأ يبحث عن هالشخصيه العظيمه واذا شاف مدى عظمتها يمكن يسلم ونكون سبب في إسلامه
 
 
 
 
 
 
 
 
والآن في ختام رسالتي لايسعني سوى الشكر والتقدير لأصابعي ومخي وعيوني على مابذلوه من جهد جبار لإنجاح هالايميل 
 
حتى ترضي ذائقه المشرفين الصعببببببببببببه جدااااااااااااااا والتلطف بنشرها لتعم الفائده للجميع < حسيت اني مواطن يقدم معروض 
 
مع تحيات اختكم || هاجس ليل الملقبه بهجوسه
 
 
 
===========================


الصحافـ تسوونامي ـ

عندي تعليق بسيط بخصوص مواقع التصويت الي تنتشر
الي يقولك القران بيمنع . والي يقول الحجاب والي يقول افضل شخصيه
احنا عارفين ان الرسول عليه الصلاه وافضل التسليم انه خير البشر
سواء صوتوا ولا ماصوتو
سواء ربح التصويت او لم يربح
لكن 
الهدف من هذه المواقع عشان ترفع درجتها وموقعها في التصنيف الخاص بالمواقع
وهذا مما يجعل لها مردود مادي في الاعلانات
تسوي هالاشياء وتستقطب عامة المسلمين ( الجهلاء بالعربي :> ) وتسوي هالتصويتات
والمسلمين على نياتهم يتناقلون الرابط عشان يستمر التصويت
وكل زياره للرابط ترفع من  مكانة الموقع في التصنيف
وانت ماشي

:)
بس حبيت اوضح هالنقطه عشان مايستمر تناقل هذه الروابط
وشاكر لك على الايميل


0 التعليقات: