اعلن معنا

من أرشيف المؤسس - 10

Sun Oct 1, 2006 11:40 pm

سلسلة وسع صدرك (العوده الى المدارس

http://groups.yahoo.com/group/al_s7af/message/310


السلام عليكم ورحمة الله وبركاته

هلا بالشباصات الحلوات

اسلم من هنا  من ارض الكنانه على كل بت في ايتها مرحله سواءاً تمهيدي مبتدأ او متقدم  او استازتهم <<<< الضعيفه قلبت مصري

شخباركم شلون الجو معكم مايحتاج عارفه  اسوداد مب طبيعي تصدقون عاد احسن عشان تتناسب مع الاكواع والركب 

ياحبي لكم مالكم بالطويله انا بدخل على طول موضوع اليوم راح اناقش فيه التالي

انا كطالبه في تمهيدي مبتدأ(المستجدات) او

تمهيدي متقدم (متلحطات في الجامعه اكثر من ترم) او

استاذتهم (استاذه في الجامعه او الثانوي او اي مرحله) <<مع التقدير لكم

لازم اراعي لبسي وشكلي

((شنو بالسوداني اقصدها مب شنو حقت الكواتا)) 

شنو اللبس المناسب؟؟

شنو المكياج الي مايروع الآدميين؟؟؟

شنو .. شنو .. شنو

كل هذا بحاول اناقشه معكم ياشباصاتي الحلوات وفيونكاتي الراقيات بهذا الايميل

اولاً :: وش اللبس ؟؟

انت الحين يا بعد حيي رايحتن للجامعه او مكان تعليمي اكاديمي بحت بالتالي لازم لبسك يكون عملي مريح لك ..حلو يعني الشيفون والتل << قسم ذا التل يطلع بعد العيد  انا شايفه ..واخوانه بعد المشكوك وغيره حقت المناسبات مايصلح ..يختي وش حلو التنوره السودا والله راقيه وشكلك محترم ولا الجينز عملي ووناسه تنظفين الجامعه والضعيفه ولا الق منها.....

طيب البلايز احسن شئ التي شيرتات القطنيه مريحه او بلايز مرتيه تطلعك انثى مب ذيك الي مرسوم عليها ولد في نصها ولا عبارات الله يزيد النعمه ..ولا مخرمه  سلامات تهويه ولا وش بالله .. اذكر بنت جايه ببلوزه شفافه وبدون بدي ياملحها والله اشوف كل شئ تحتها لاعت تسبدي ماينلبس ابد يعني تعبت نفسها العمه

الزبده ::

ملابسك تعكس شخصيتك الي تتحلين بها والمجتمع الي انت محتكه فيهم ومدى معرفتك للذوق وتطبيقك لمبدأ (لكل مقام مقال) لان عندك اماكن كثيره تكشخين فيها والصرح الاكاديمي مكان لتلقي العلم فقط مب لعرض الازياء عشان كذا ياحبيبه ابعدي عن الالوان الفرقوعيه اذا كانت حلوه عليك صقعوك بعين وان كانت تحوم الكبد صرتي نكته للبنات واللبس الضيق الي .......... تعرفونه لا اشوفه بالله مب يفتن الا يكرهك بشئ اسمه انثى يعني راعي الي يطلعك بشكل محترم وتأكدي ان ذا مقاسك مب مقاس اختك الي بالابتدائي  ... تكفون ترى تعبنا من الاشكال ذي ماودي والله اوضح زود

ثانياً :: المكياج  وش الصق في وجهي

كحل داخلي ..قلوس .. شوية بلشر .. كنسيلر(خاص ببنات الحاسب)تطلعين ملاك تسدحين ابو العالم ومريح لك ، انا بجد ابي اعرف ذي الي تمرخ وجهها يومياً بالاساس  وتحط ذا البكس في عينها وترسم كفر سياره حول عينها متى تقوم واذا رجعت وش ذا المزاج عشان تغسله واذا راحت لمناسبه وش تحط اكثر من كذا

حبايبي عيوننا تعبت من الاشكال الي تروع تعبت بجد من بعضهم الي يشبه المهرج انا ما اقول تعالي شهبة لهبا تخرعين كنك توك والده بس اقصد اعتدلي لاتكبين صاع مكياج ولا تقبلين وانت مثل الكمون صفرا       

ثالثاً :: الشوشه

ولله الحمد الي اشوفهم كلهم محترمات ما اشوف ذا الي يروع ما بعد سوو تسريحات عشان كذا اشكركم وفرتوا علي التعليق

 

رابعاً :: والاهم 

النظافه من الايمان والوصاخه من الشيطان

كلام نردده دايم بس كثير ما يلتزمون به يعني والله مستحيه شلون بناقش الموضوع مع اعمار من 18 وطالع بس بجد الي جالسه اشوفه يخليني احتسي بكل جرئه حرام والله حرام عليكم بعد عيب!!!! الشاور ما ياخذ اكثر من ربع ساعه   اذا انت مب حاسه ارحمي الضعوف الي يمرون بجنبك ولا الي تجلس بجنبك .. الا على طاري الضعوف بقولكم سالفه حصلت لي شخصياً

( كنت متأخره عن محاضرة التمارين وخايفه اتقضب الباب لا والمعيده الله يجزاها خير تحب ترزل  المهم وادخل انا وخويتي والصق باول كرسي قدامي عند الباب وهي بجنبي .. الين هنا وتمام والمعيده راكده شياطينها ما نزرتنا انا يميني صديقتي ويساري بنت ...هههههه وش ذيك البنت احلف لكم صار لها اسبوع ماشافت الشامبو وشعرها خيوط صك على شكلي لما احط له زيت والا لا لا لا مقدر اقول ... السالفه انها لابسه جاكيت وقررت تفصخه  <<< يالهوي يانهار مش معدي .. وهي تحاول تفصخه انا في البدايه حذفت راسي يمين بعدين يوم رفعت يدها انسدحت بكبري على صديقتي والمعيده تناظر توقعت تقول خير لاصقه سلامات اطلعي برا ..بس انا مااهتميت خفت انصرع  ويوم خلصت عمليت النزع للجاكيت<< والله مب هو جالسه تنزعه الظاهر روحي انزعت بداله والله واعدل الراس واحاول اركز الا الاخت بثت كل ماتحتويه من ميكروبات في القاعه وانا ما اشوف الا راسي يبرم وامسك الباب ومن عقبها حرمت اجلس الا وانا متأكده من يميني ويساري ) 

  خلاصت ايميلي

قبل لا تطلعين لاي مكان قولي لكل مقام مقال واستفيدي من العباره

لا تلبسين ملابس شاذه وماتناسب المكان وتكونين محط انظار  وهذا يدل على ضعف الشخصيه

راعي ان لبسك يناسب قوام جسمك الموقر

مكياجك  اعتدلي فيه وصدقيني يبان عمرك الصدقي مب يعطونك 3 سنوات اكبر بالراحه

تنظفوا ياشباصات حرام عليكم بذمتكم البنات الي ماتجاوب في الامتحان ولا الي تصرع  واذا كنت لابد فاعله البسي ملابس نظيفه توسخ لبسك على طول ارميه ينظف لا ترجعون له ... شوفي الحين بجد بهدد اذا ما التزمتي بالنظافه ولي يرحم والديك لا تبخين عطر صدقيني يطين ابو الموضوع قسم وفي ذالك الوقت لا املك الا ان اقول لك الله يسلط عليك احد مثل ما تسلطتي علي وبخرتيني بخياسك

 

وبختم حديسي بالدراسه التي اجريتها مأخراً حيس تقول ازا عايزه تعرفي البت ايه شوفي لبسها يناسب المكان (مش اأصد شيك ولا لأ لانه راجع لاسلوبها ) لكن اأصد ترتيبه وتناسق الوانه ومنطقها الراقي في الحديس يدل على احترمها ليكي وللمكان اما البت المتشيكه اوي باللماع والفرو والمكياج دول بيتلموا على بعضهم ويكونوا فريئ لعرض الازياء والوسخات ربينا مش حيوفأهم لانهم دمروا خلايا البنات وكمان بويصلات الشعر حتكون مسدوده بالزيت فمش حيفهموا وربنا ينتأم منهم وححاول ابدأ برنامج مكافحتهم قبل ما اكافح البسس الرزله الي تتمشى على راحتها

 

اتمنى من قلبي انكم تراسلون سواء اعجبكم فتظهرون لي ذلك او فيه عيوب  توضحونها لي ولا تكتفون بقرائتها فقط ارسلوها لاي احد ممكن يستفيد منها

وانتظروا الحلقه الثالثه من سلسلة وسع صدرك

ملاحظه :: الي ودها تنقل الموضوع تحط اسمي عليه هذا من حقوقي وبجد انا مب محلله احد ينسبه لنفسه

محدثتكم من ام درمان <<<<< اخص عندها كذا لهجه

نوكته وفي روايه اسوره وقيل ان اسور هي الاصح  
 

'؛.. سأزرع في    الأمل لأراه على شفاهكم

سأوقد في طريق الناس الشموع لأبدد الظلام

وأحمل مشعلي الذهبي المشع أفتش عن محتاجين أزرع بداخلهم الأمل والنور ..؛'


 


 

( My Space )


0 التعليقات: