اعلن معنا

من أرشيف المؤسس - 7

Sun Aug 6, 2006 9:42 pm
تطورات العاشقه الولهانه / شغالتنا المحروسه
http://groups.yahoo.com/group/al_s7af/message/240

شكلي بسوي انا وياها مسلسل مكسيكي

 

 

 













يااااااااناااااااااس اقطع هدومي

اشغلتني هالشغاله


اليوم مهديتني ورد و مهديتيني اغنيه

http://www.6rob.com/song3/ksa/aseel/aseel-t3bk-ra7h.ram

ولاااااااااااااااااا

مهديتني جوال كاميرا N92 <<< والله انها ذربه اطلق من السعوديات


اي قابلني جوال كاميرا


بجد ياناس وش اسوي بهالعله

انا شاكر لكم ردودكم وقريتهااا كلهاااا
حتى سنفور سكران ماقصر رد علي وشرف ايميلي

عاد تصدقون من اول احس ان سنفور سكران مثل ابو الهول

 

كنت احس انه سوى القروب ولاقى حتفه غرقاً بالحر <<< فرعون موب سنفور سكران

 

 

بجد نورت الايميل انت وكل الي ردو ا على الايمل

 

الله لايحرمني منكم يارب

 

نرجع للسلقه / حديث العصر في المنتديات والقروبات

 

بالنسبه للناس الي يقولون علم عليها


بس في مشكله انتم ماتعرفونهااا بالنسبه للي يقولون علم عليها اختك

اقولكم وش هي

المشكله ... انا مسافر بعد 4 ايام انشاءالله وبجلس يمكن 25 يوم استمتع بإجازتي بشاطى العرات <<< الله لايقوله استغفر الله

وبعدي بيومين اهلي بيسافرون واختي بتبقى هنا بالرياض والمشكله زوجها مسافر <<< بيقول قصة العائله

وراح يبقى معها اخوي ... طبعاً المشكله ايش

ان اخوي هذا مطوع لو درى عنها والله ليفجرهااا والله ليخليها خبر عاجل بالجزيره والعربيه

لا بجد

يعني اختي اذا داومت من بيبقى عند عيالها !!!!! ؟

والشيء الثاني مافي احد بيجلس يخرجها من الجوازات والخرابيط الثانيه

هذا الي مانعني اعلم عليها مابي احوس ابو الطبخه

مالكم بالطويله والمشاكل العائليه

المصيبه كبرت والشق كبرر

اليوم تفاجأت بأن بنت الايه مهديتني اغنيه اصيل

تقول لي

اجرح ترى صاحبك مجروح بجراحه

لا بجد

اليوم جيت من الدوام صرت اول ما ادخل قبل اغير ملابسي اروح اشوف واطالع تحت المخده في رسائل حب واعجاب ولا لا



واليوم يوم دخلت الغرفه الا والله في رساله

ماني مصدق

لعنبوا بليسها ماتفهم هذي


والله انصدمت

تخيلوا مرسله لي رساله ثانيه

لعنبوا جدهاا وربي حاست جوي صرت معاد اقدر اجلس بالبيت

تخبرون البنت الي مسويه لها بلوه وكاشفينها اهلها واربع عشرين ساعه حبيسة الغرفه

هذا حالي





تقول برسالتهاا


صديقي الصحاف عساها بعجره تنصك براسهااا

تقول نايس تو ميت يو اقين

اي نايس عساك بالناموس الي مايبقى ولا مكان الا قارصك فيه

الا اسواء اللحظات

تتأسف بالرساله عن الرساله الاولى

وتقول لي DON`T WORRY



الحين انا الي صار ينقال لي دوونت ووري


لاحول ولاقوة الا بلله

تقول لي لا تقلق <<< قايلكم ترجمة الوافي

تقول لي لا تخاف ماراح ارسل لك مره ثانيه كأنها عارفه برسائلها كاسره عيني


تقول انها اسفه بالمررره عشان ايميلها الاول وبرضوا لا تقول لمدام

والله تحمد ربها ان الوضع لاعب معهااا صح ولا كان جنيت عليهااا

والله اليوم بصلي واستخيرر خلاص الوضع لايطاق

تقول صحاف اتمنى انك موب زعلان علي واني اشوف ضروسك قصدها طبعا بسمتي الي سحرة الشغالات

وش ذنبي ربي خلقني حلوووو



تقول انها شايفه بعيني اني زعلان

وتقزقز بعيني وانا رايح وانا جاي مع اني وربي مارفعت عيني فيها من يوم ارسلت <<< مسوي فيها زعلان عليها

تقول

شكرا لك انك اعطيتني فرصه ثانيه ... واقراء الرساله مره ثانيه بعدين ارميهااا

طبعا هذا الي فهمته من خرابيطهااا

وبرضوا رجعنا لدونت ووري

تقول

لاتخاف باقي 10 شهور وبروح للفلبين وبخليك تلححقني زي الكلب هناك <<< الله يكفينااااا الشر يارب

والله اني خايف منهااا

امن بقضاء الله وقدره ...

بس تقول اني حبيت السعوديه ولقت لها ولداً جيد من هذه الرساله

لعنبوا خيرها وش معجبها فيني


شكرا لك

وحظا اوفر


وختمتهااا


بالطاااااااااااااااااااااااااااااااااااااااااااااا ااااااامه








تبي صوره لي










شوفوا رسالتهااا


http://img203.imageshack.us/img203/9296/rsala222.jpg




لا حول ولا قوة الا بلله

وش السووات


تتوقعون من رسالتها هذه حست بغلطها ؟ وتابت !!

ولا تتوقعون ماراح ترتاح الا لين ادخل بها

شر البلية مايضحك

والله اني انكبت معهاااا


البيت مليان رجال مالقت الا انا


اللللللللللللللله يخااااااااارجنااااااااااا

 



 

( My Space )

http://img3.imageshack.us/img3/9291/queen2t.gif


1 التعليقات:

بنت جيران الصحاف يقول...

عطيتك الوصفه بس بالامانه اذا ربحت رجع لها مهرها