اعلن معنا

من أرشيف المؤسس - 8

Thu Aug 10, 2006 12:43 am


الحرب مع الشغاله الجزء الثالث
http://groups.yahoo.com/group/al_s7af/message/243

 

 

السلام عليكم ورحمة الله وبركاته

كيفكم ياحلوووين

 

وحشتوني برشا برشا

وشاكر لكل الي علقوا وردوا علي على سالفه هالسلقه  ـ

المفروض وربي ارد على كل ايميل رد علي ... بس من كثرها يميين بلله ماني قادر الحق   ـ

ماكنت اتوقع هالتفاعل

بس وربي احرجتوني كتير كتير كتير كتير    <<< وش عنده اللبناني    ـ

كثير من الي ردوا علي اختلفوا بالاراء

بعضهم يقول علم اختك .. وتاره << ( تاره ) والله مالها مكان بالجمله بس مسوي فيها سيبويه    ـ

والبعض .. يقول اعطيها فرصه

والبعض الاخر يقول سفرهااا ولا تنتظر

بس اغرب ايميل وصل لي

وحده تقول بما ان البنت تقول انها مملوحه واسلمت

تزوجها    ـ

تقول اكسب فيها اجر وخليها تعيش الاسلام    ـ

>>> تعيش الاسلام على حسابي    ـ

عمرها ما اسلمت    ـ

المهم اني فكرررت .. وفكررت  .. وفكرت كثيراااااً

لكني لم احزن ابداً <<< وش عنده العندلييب عبدالحيم حافظ    ـ

لا بجد بعد التفكير الكثير قصدي الكتير    ـ

مااا قدرت اسكت    ـ

قلت لازم اعلم عليهااا ,,, انا بعد يوميين مسافر مايندرى وش تسوي

الله يكفينا شرهااا

جيت هذاك اليوم وقلت لأختي وش رايك تخاويني المملكه بروح اشوف المحلات الي هناك

ومحتاج محرم يدخلني السوق    ـ

قالت اوكي

رحناااا مع بعض ... واحنا بالسياره بديت ادردش معهااا

قلت والله ياختي الكبيره  انا مكسوف منك    ـ

قالت خير اللهم اجعل خير ... ما تتكسفشي مني ياخوي    ـ

 

قلت لها بصراحه انا احب وحده وابي اتزوجهاااا    ـ

قالت طيب وش تبيني اسوووي    ـ

طنننن نننن نننن <<< موسيقى بالسياره قامت تقرقع    ـ

قالت ومنهي هذي

 

عاد انا وجهي حمر وقلبت ميه لوون

 

قلت لهااا

ANN

شغالتك

 

قالت وشووو    ـ

قلت لا لا لا تعوذي من ابليس لا يطق بك عرق امزززح

 

المهم قلت لها السالفه كيت وكيت وكيت وكيت

 

انصدمت البنت ... يلعن والديهااا الحقيره الي ما ادري وش فيهااا

وهااااتك سب فيهااا

 

عاد انا قلت لها لو سمحتي : ما اسمحلك تتكلمين عليهاا   ـ

كل تبن انت الثاني    ـ

قلت اي والله حقيررره <<< خاف    ـ

المهم بدينا نخطط انا وياهاا وش السووات

قالت با ناديها واهزائهااا ... بعدين فكرناا قلت هي برسالتهااا الاخيره

كانت خايفه من مدام على قولتهاا

يعني لو نادتهاا وهزائتها الشيء الي كانت خايفه منه صااار

معاد راح يكون لهااا اي هيبه

اتفقنا انها ماتناديها انا  الي اناديهاا واهزائهااا

وفعلااا

امتطيت صهوة جوادي <<< اي هين    ـ

طبعا مابغيت اهزائهاا قدام باقي الشغالات

قلت لهااا اااان

تعالي بالملحق ابيك

عاد هي عيونهااا كذاا

 

وضحكتها واصله اذانيهاااا    ـ

احس لسان حالهاا يقول تغني اغنيه ريه وسكينه

 

وشبكنااا الحكومة وبئينااا ارايب    ـ

( شبكنا الحكومه وبقيناا قرايب )

^

^

باللهججه السعوديه بدون مؤثرات صوتيه    ـ

 

المهم جتني بالملحق يقالهااا اني مبسوط عليها وبشبكهااا

طبعا هالكلام كان الساعه 2 ونص اخر الليل

يوم دخلت علي بالملحق

وتبوووسم    ـ

 

وتدخل وماوقفت عند الباب    ـ

يميين بلله ما اكذب عليكم دخلت وتجي  من وراي

 

مع اني داخل جوو الملحق    ـ

قلت لهااا

 

هناااااااااااااك    ـ خليك واقفه عند الباب    ـ

>>> اخس ياعصبي    ـ

 

عاد حست اني زعلااااان    ـ

قلت اااااااااان

 وهي تتطالع بالارض

قلت لهاا انا بحبك    << بداء مفعول السحر    ـ

استغفر الله ... الله يكفيني الشرر

لا امزح    ـ

 

قلت لهااا انن

عاد بديت اتكلم معها بالانجليزي <<< بيعلمكم انه يعرف انقلش    ـ

وبديت اتكلم انجليزي

ليش انتي سوي كتابه لترر ( رساله ) <<<< يقاله هذا انقلش    ـ

وبديت اهواااشهاا بصوت عالي    ـ

قالت انا كتبت رساله اعتذار وكتبت سوري

اي ابولوجايز فروم يو

 

قلت لها بلا ابولوجايز بلا خرابيط

 

وقلبت اتكلم عربي عشان تدري اني زعلان .. طبعا هي تعرف عربي بس تستلكع

وشوي انقلش وشوي عربي

اذا انكبت بكلمه حطيتها بالعربي    ـ

قالت ان كتبت سوري مره ثانيه

قلت لها ليش تكتبين من الاصل

  

قلت لها والله لو اشوفك باي غرفه بالبيت بالدور الـ 77 والله لا اعلم مدام

>>> اما دور 77    ساكن بالمملكه على غفله    ـ

لا بجد

قلت لها والله لو اشوفك باي غرفه بالي فوق تنظفينها لاقول و اعلم مدام على سالفتك

 

ماتتدخلين اي غرفه فوق ابد

وساكته هي وتتطالع الارض

قلت لها انتي متزوجه ومسلمه ... والاسلام الي تتتدور بوي فرند وهي متزوجه تقتل

>>> خلى الشغاله تكفر مره ثانيه يوم درت ان الدعوه كذا    ـ

على طاري الحكم الشرعي

اخبر عند ابوي عامل كان هندي بمزرعتنا .. المهم انه قال لابوي بابا انا يبغى اسلام

قال له ابوي كوويس

خلاص انا بكره اوديك مستشفى عشان يطهرونك    ـ

الهندي طير عيونه كذا    قال بابا

مايبغى اسلام    ـ

عاد انا كرهت الشغاله بالاسلام يوم درت ان فيها قص ارقاب    ـ

 

نرجع لمحور حديثنا

وقلت لهاا ترى والله لأخذ رسائلك وارسلها لزوجك بالفلبين

 

قالت سوووري ... واحس انها ملعونه الجد كأن كلامي موب عاجبها

احس ودها تبوسم بوجهي    ـ

ميت قلبهااا

المهم طردتها وصرت معاد اطالع وجهااا << اخس ياحبيبب    ـ

عاد اختي ماتسكت مثل باقي الحريم    ـ

انا طالع فيها برى البيت عشان اعلمها السالفه اليوم الثاني لقيتها معلمه امي    واختي الكبيره الثانيه    ومعلمه زوجهااا    ـ

زوجهااااا اليوم جاء من  سفره

وناوي يسفرهااااا    ـ

قلت لهم اهم شيء تقصون لي من شعرهاااا    ـ

قالوا تبي من شعرهاا هذي هي قدامك قص على كيفك    ـ

صعبه نقص من شعرهاا ونحسسها ان ناويين فيها شر .. ثم تصير هي الشرانيه صدق وتسوي لنا مشاكل

 

فما اعجبتني سالفه الشعر الى الان

ممكن صح نفتشهاااا قبل ماتسافر بس قص الشعر مماعمري سوينهااا مع اي شغاله قبل

الله يكفينااا شرهااا

انا انشاءالله مسافر يوم السبت تقريبا شهر

فما ادري وش بيصيررر

 

الزبده

 

انا اشغلتكم بالسالفه    ـ

بس بالاول كنت محتاااار واستفدت من ارائكم ومشورتكم

وماخاب من استشارر

فكل الشكر لكم والسموحه اني مارديت على الي ردوا علي الايميلات

بس يعلم الله مافي وقت    ـ

دوااام وتجهيز للسفر ومافي وقت وربي

 

بس ابشركم اليوم عطلت    بس برضوا ماراح ارد عليكم    ـ

اعتبروا هذا الايميل رد على كل واحد فيكم

 

وانشاءالله اذا صار تتطور بالقضيه راح اوافيكم

 

واذا حجزت على مانيلا بقول لكم    ـ

الله يستر يارب    ـ

 

يعطيكم العافيه يارب

 

 

يلله فتكم بعافيه

الي فاتته السالفه من الاول يقدر يقراهااا من تحت

عشان يفهم وش السالفه

 


 

( My Space

نسخه مع التحية / قروبي العزيز    ـ

 http://img3.imageshack.us/img3/9291/queen2t.gif



0 التعليقات: