تعقيب / من أرشيف المؤسس 9
From: CoNnEcT (connect-8@hotmail.com)
Sent: Fri 2/26/10 12:16 AM
To: al_s7af@hotmail.com
مساء الخير و الاحساس و الطيبه
مساء ما يليق الا باحبابي
كيفكون ؟ شو عاملين ؟ شو اخباركون ؟ < كونكت ابو شكب
ان شاء الله عم تزئحو
مالكوم بالطويله < مالكوم بالطويله و الامالكوم اكس
< كونت وش هالسماجه
الـمهـــم < كل ماسمج قالها
حبيت اعقب على ايميل فخامة الريس الصحـافـ
المعنون بـ // من أرشيف المؤسس - 9
الصادر عن دار المعرفه - بيروت < موثقف جداً
تصدق صحاف جايزه لي المؤسس احس فيك عبق التاريخ وانت ماسك البندق وواقف عند باب المصمك
نرجع لسالفة التعقيب
//
لاتحزن اذا خانتك فتاة فهي كالطير تشرب من كل قناة
عباره قويه ولها رنه
القناة الاولى و الثانيه و الرياضيه و باقة قنوات شوتايم بعد
ايميلك ذكرني بقصة شخص عرفته شخصياً < لزوم القافيه
وسبق نشرت قصته في منتدى كنت مشارك فيه< شهرت بالادمي
اخليكم مع جزء من السولافه مختصر
Copy >> Paste
هذا الشخص عرفته ايام الجامعه < زمان يا فن
كان في امان الله و بعيد عن قصص الحب و الحبيبه
مابين جامعته و البيت و الصناعيه يصلح التيرسل بوتاعته
الله يذكره بالخير الدافور
تخرج وانا و الشباب نحفر << ياشين الحسد
وكان يخجل من محادثة الفتيات جداً جداً
حركات دوافير عاد
المهم
يومن من الايام و الساعه تشير الى الثانيه ظهراً < تشير
الا وجواله يرن نغمة النوكيا المشهوره
يقول و ارد الا بصوت فتاة جميله < جميله وهو ماسمع الاصوتها
كان يشرح لي ان صوتها اجمل من صوت عبدالكريم عبدالقادر
الا تعدى جمال طبقات صوت عبادي
بعد الشخبطه تحدث لي عن الحوار
هي : الووو
هو : ال و و و < تم الشرح انه خجول
هي : ماجد وينك؟
هو : مـ ا ج د م ن < مهب خجل ذا قطعة بنزين
هي : معقول يا ماجد تنساني وتهي تهي
هو : مين ماج د هذا < بدت الفصله تروح
هي : ماجد انا منى لاتنكر اعرف صوتك
هو : يا بنت الحلال انتي غلطانه
هي : الله يسامحك كسرت قلبي وتهي تهي
هو : آنا اسف بس انتي غلطانه بالرقم < ابي افهم تتأسف على وشو ؟
هي : ادري غيري حبيت .. الله يهنيك معاها
مع السلامه يا ماجد
وطووط طوووط < شكلها قفلت الخط
بدت مرحلة الشخمطه عقب المكالمه
و اول مره يتكلم مع بنت فكان رايح شكشوكه
والشيطان شاطر
رجع لبيتهم وطول الطريق يتذكر صوتها الفوشي
//
مر يومين و مازال يتذكر صوت غزالة الوادي
قرر يتصل فيها ويعرف وش السالفه
وكانت هذي بداية الانجراف العاطفي
//
مر اسبوعين من المكالمه و بدا الشوق و الحب يتوقد < يشب لغيرالناطقين بالعربيه
كان يكلمها كل يوم في عساعيس الليل المتأخره < يضمن ان الربع نامو
وطبعاً الاتصال عليه
هي بس دقه وقفل < مسكينه شحن يا حررام
//
زادت العلاقه توطداً < حلوه توطداً
صار العاشق الولهان ويسمع ماجد المهندس < الله يرحم ايام عبادي
بعد اربعه شهور من العلاقه صار يدق ويلاقي الجوال كل ليله ويتنق
نص ساعه .. ساعه
ولاردت قالت كنت اكلم اخوي المبتعث لانه مايقدر يدق الا هالوقت
قال انتي مو تقولين وحيدة اهلك !
قالت لا عندي اخو اكبر مني < نست قالت النصبه لمن
حس في وقتها ان الموضوع فيه حاقه مش ولابد
صارحها باحساسه
وصدمته
بأنها تعرف شخوص اخرين
يعني تعدت مرحلة الشخص الواحد
طيب لييييه كذا ؟
ردت قالت آنا كذا
عاجبك والا لاعاد تدق
يعني يا جماعي و الا ما تبي
و طوووط طوووط < نفس طوط الاولى بالضبط
الولد صارت اموره ماااش حتى الدفره اختفت من عيونه
جيت وسألته وش فيك يا فلان ؟
وليتني ما سألته
انفجر غاضباً و حزيناً < الفصحى مسويه شغل اليوم
وقالي السالفه من طق طق لسلامو عليكو
لدرجة من قوة هذرته علي قلت اشوفك بالمسن وكمل لي
و ضعيف كل ما قالي جزء من السالفه قال يا اخي ليه كذا
<< ويحط هالفيس
قال و الله ياكونكت ما توقعتها كذا احسبها صادقه
كنت احاول اواسيه بالكلام واقوله انك دردعه > يسمع بالمواساة
شرحت له ان مثل هذي ما ينزعل عليها بوتاعة البتاتيع
لكن الحب وعمايله
قعد فتره متأثر الاخ بالسالفه و حزين و نغمة جواله كل ما دق
ومن وين ابتدي يا جرحي الندي .. حسبي على الايام والحظ الردي
مرت الايام ونسى صاحبنا احزانه ولملم شتاته < مفرداتك قويه اليوم
و عرف ان كل دقه بتعليمه
ومازالت التيرسل معاه وكل يوم يروح فيها الصناعيه
,,,
فوائد وعبر من السولافه
عزيزي الشاب ..
حذاري من الاتصال بالارقام الغلطانه فقد تتشخمط وانت لاتعلم
ليس شرطاً ان كل من قالت لك احبك و يا بوبو عيني انها مغرمه بهواك
و تذكر ان التنغيم( الدقه وقفل ) هو اسلوب غير حضاري لشخصه تريد خرفنتك
و اعلم ان الحب شي جميل لاتعطيه الا لمن تستحق < اقوى فايده
واخيراً
لا تنسى ان كيدهن عظيم
,,,
انتهى
Hotmail: Powerful Free email with security by Microsoft. Get it now.
Hotmail: Trusted email with powerful SPAM protection. Sign up now.
0 التعليقات:
إرسال تعليق