اعلن معنا

من أرشيف الأعضاء -


Wed Nov 15, 2006 11:24 pm
نور القمر
حفلة طالبة جامعية



نرجع للموضوع ويااااااااااااارب يكون اددد المقام

بسم الله نبدأ

حفلة طالبة جامعية

في يوم من الايام جاني اتصال من وحدة من البنات << صديقة بالجامعة وانا جالسة اتهاوش مع اختي على اي قناة فضائية نشوفها

عاد انا احب التنقل بين القنوات ماثبت على قناة اكثر من نص ساعة ولو اييييييه حصل << تاثير المسلسلات المصرية

قمت ومسكت التلفون وبصوت عالي هااااااااا وش تبين << رافعين الكلفة بينا

قالت لي صديقتي ان الحفلة اللي اتفقنا عليها راح تكون ليلة الخميس وان البنات كلهم يبون يحضرون وسهرة في استراحة خمس نجوم منها نجمة طاحت بعد رجم شيطان ههههههههه يعني اربع نجوم

المهم قلتلها خير ان شاء الله وقفلت السماعة بالمفتاح والقفل

ومن يومها الي يوم الحفل اللي هو بعد المكالمة ب 4 ايام وانا افكر وافكر وياكثر الافكار

مو افكر وش ابتكر او اخترع لا انا عم افكر وش اسوي بشعري الغجري؟ وش البس ؟؟وشلون يكون مكياجي؟؟

تقولون اني العروس ومحتارة كيف بيطلع شكلها في ليلة تقصف العمر!!! <<اقصد ليلة العمر

المهم جات الليلة الموعودة << ياويلي العبارة وحدها تخووووووووووف

واقوم من صباح رب العالمين يعني تقدرون تقولون الساعة 12 الظهر>> هذا وقت مبكر بالنسبة للانسات الصغيرات هههه الرقيقات

وهات ياشغل وروح ياشغل كاني ام العروسة فاضية ومشغولة

مرة بالحمام اتحمم واتدهن واعمل دلكه وحمام مغربي << الله لايبلاكم يالشباب هذة حاجات تخص البنات

ومرة اكون في غرفتي وسشوار ومشوار وفرد ولف >> تقولون اني في معمل لغزل الصوف

المهم مدري وشلون راح الوقت من الساعة 12 الظهر للساعة 8 بعد العشا وانا يادوبني مخلصة مو مخلصة تمام باقي اللمسات<< هذة لحالة يبيلها ليل طووووووويل

عاد واخوي يصارخ ويزهم علي يابنت يللا خلصيني الين متى وانتي جالسة تحوسين

وبسررعة بعد ساعة ونصف كمان خرجت ومعي شنطة كبيرة فيها ادوات العدة للسمكرة والتصليح >> هذا شي ضروري بعد لبس العباية والغطوة

وفي السيارة اتفقد كل شي لايكون نسيت الخاتم لا موجود لايكون نسيت الجزمة اللي لونها بلون الفستان لا اشوووووا هي تمام

لا يكون نسيت اي حاجة كله تمام الحمدلله

اخذذذذذت نفس عميق وكاني رايحة للحرب بعدتي وعتادي

ماطول عليكم ياطويلن العمر واوصل للاستراحة ام فور نجوم وقبل مانزل وانا اتذكر شي مهم ماتصلت على صديقتي علشان اشوف وصلت او بعد وتبي تجي او لا

كان ادق على رقمها وقلبي يدق بقوة الله يستر ويعدي هذة الليلة على خير ويكون كل حااااقه تمام التمام

ردت صديقتي وقالت لا ماني جاية ياذكية ولا افكر اجي الحين لان الموعد مو الليلة بكرة يا شاطرة

صدددددددددمة قوية بغيت اطيح منها >> بس فشيله في الشارع وقدام الناس خلها الين اوصل البيت واطيح بمزاج<< هذا اسمه دلع بنات:(

وانا اوصل للبيت واجررري لغرفتي واجر شعري والطخ وجهي واعصب وابرطم>> امد بوزي شبرين

واحلف اني ماحضر الحفلة بكره ليش يروح تعبي على الفاضي>> تكرنت البنت وتكرنت تعني اصبح راسها مثل الضخر لاتفهم ولا تسمع

بس في اليوم الثاني ماطاوعني اقلبي اخل الحفل والبنات بدوني والا كيف يكون حفل بدون حضوري الكريم>> ابركها من ساعة يفتكون منك ومن رغيك الكثير

عاد اليوم الثاني ابد ماكنت ام العروسة ولا العروسة كنت الجدة:)

امززززح كنت بسيطة وغير متكلفة لبست لبس معقول وميك اب بسيط وشعر طبيعي لاتسريحة ولا سنام جمل فوق الراس ولا اي شد ومد وفرد

وعلى فكرة طلع شكلي مقبول واحلى من اليوم اللي فات :(

وانتهت القصة على خير واخذت منها عبرة

لا للتكلف ماوراه غير التعب والخسارة ونعمممم للبساطة

وشكرررررا


0 التعليقات: