اعلن معنا

افــــــــــــلام +18



---------- Forwarded message ----------
From: Jeje Lamara _
Date: 2010/3/1
Subject: افــــــــــــلام +18
To: الصحاف الصحاف <als7af.group@gmail.com>




 



بسم الله الرحمن الرحيم

 

 

ايميل مخــــــفي

 

(+18) << لها تأثير كبير على الناس

بس الرساله مو زي ما تتخيلون

 

و الله ما اعرف اسوي مقدمات

عشان كذا بدخل على الموضوع على طول

 

 

زوجــــــــي الله يحفظه حاط قانون في بيتنا لا للطلعات

الا يوم الخميس..

يعني اطير, انط , اصير طرزان ما فيه طلعه غير يوم الخميس

(مستقوي علي) ^_^

المهم و انا ارتب الملحق لقيت

عندنا اشرطة دي في دي مكتوب عليهن X

ومحطوطات على جنب

 

سألت الباشا زوجي: (فلان وش الاشرطه ذي؟)

الباشا:( هذولي افلام فيها مقاطع +18 و حطيت عليها علامه

عشان اميزها)

انا: اها عشان نشوفها انا و انت سوى بدون الاولاد.

الباشا :(و الله لو تشوفينها لا اطلع عيونك مابقى الا هي

تتفرجين على رجال عريانين و انا قاعد .. وش شايفتني!!)

انا : يا سلاااام و انت ليش تتفرج على حريم عريانات؟

الباشا : من قالك اني شفتهن انا اول ما شفت المقطع مو زين

طلعته و حطيت عليه علامه ولا كملته, اصلا

قايله لا تعطيني افلام فيها اشياء مو زينه بس مايفهم<<<(ايه هين صدقتك)

المهم مره من المراريت في يوم الخميس اللي هو

يوم طلعتنا كما ذكر اعلاه

قام الباشا و قال بروح للمزرعه(اهله عندهم مزرعه بالخرج)

بتروحين ولا لأ..

انا و عيوني طايره: بس اليوم الخميس لا تكون ناسي.

الباشا: لا ما نسيت اذا جيت باليل اطلعك.

انا: طيب بس تكفى لا تتأخر.

الباشا: يصير خير ان شاء الله بس جهزي العيال باخذهم معي.

انا: هااااه صحيح .

الباشا: اجل انكت معك!

 

 

و لبست الاثنين الكبار (5سنوات و 3سنوات) و الثالث

6( شهور) طبعا جلس معي<<<(اجل بيروح؟)

اول ما طلعوا انا قعدت انطط و اصفق و اقول اخيرا

وقت لنفسي و شوية هدوء..

و فجاة تذكرت الاشرطه اللي في الملحق..

فكرت قلت الطريق ساعه رايح و ساعه جاي غير الوقت اللي يجلسونه

يمديني اشوف فلم و لا فلمين و اشوف ابو الشباب و ش يناظر

كل هالايام <<< هههههههه شريره

و تقوم اختكم في الله <<< اللي هي انا

و تسويلها بوب كورن مع كاس عصير و تجهز

المكان و تنوم البزر و تروح للملحق

كل هذا بربع ساعه<<< بتستغل كل لحظه ههههههه

و اقول في نفسي بقفل باب الشارع بالمزلاج عشان

ما يطبون علي و يكتشف ابو الشباب الجريمه الشنعاء

و ارسلت رساله قلت فيها: ترى خلاص مو لازم اطلع اليوم

اهم شي عيالي مستانسين << ايقالي فدائية و انا ابيهم

عشان يطولون..

و اشغل الفلم الاول انواع قلة الادب

صراحه المفروض ما يسمونه فلم سينمائي

المفروض اسمه فلم اباحي و انتم بكرامه

المهم اني نسيت اسكر باب الشارع بالمزلاج

و ماامداهم لهم نص ساعه رايحين

مادريت الا صوت الباب ينفتح و صجة عيالي و ابوهم

دخلو بالبيت و انا برا بالملحق غاصه باللقمه اللي بفمي 

من الخوف و اسمع ابو الشباب ينادي

يا فلانه... يا فلااااااااااااانه

يا الصقهـــــــــــاء<<هذي اذا عصب يقولها ههههه

و انا افكر ياربي وش اسوي وش اسوي؟؟

 

و بينما انا افكر و اذا بابو الشباب يفتح باب

الملحق و يدخل علي متلبسه بالجريمه

 

و قال: و الله اني حاس انك هنا

انا الغلطان اللي متزوج بزر لو متزوج مره ازين لي

قومي غيري ملابس البزر ملانا بالعصير..

قمت غيرت للولد و حاولت ارقع السالفه قلت له:

وش عندكم رجعتوا ؟

قال: يوم انتصفت بالطريق كلموني اهلي و قالو انت اقرب واحد للرياض

ارجع هات بطارية الدباب و الولد كب العصير على ملابسه

قلت ناخذ البطاريه ونغير للولد.. أي اسأله ثانيه؟

انا: لا سلامتك.

اخذو البطاريه و ركبوا الاولاد بالسياره وهو طالع التفت علي و قال:

طبعا قعدتي تناظرين الرجال

مستانسه انتي و وجهك<< مؤدب بالحيل

انا:حتى لو ناظرت و الله مافيه احلى منك..

الباشا:ايه هين اذا رجعت لي معك حساب ثاني..

طبعا كــــرهت نفسي  و ضاق صدري بس كملت الفلم << مصره

ولا طلعت ذاك اليوم و اتهزأت تهزيئه معتبره..

 

 

 

و بصراحه الفلم ماله داعي اللي يشوفه يحس انهم

مسوين الفلم بس عشان يدخلون فيه مقاطع لان القصه

اتعب و انا اقول تافهه و اللي يقهر اكثر

ان الحريم كلهن نفس الجسم كلهن نحيفات نفس النسخه

و كل ما مرت وحده قالو :(آه انها تملك جسدا رائعا)

بشوف فرق بين وحده و الثانيه عجزت!!!

نفس التفصيل نفس لون البشره وشلون يخقون

عند كل وحده مادري؟

خلاص خق عند وحده و بس كلهن زي بعض

استغفر الله بس استاثمت على شي فاضي

وبصراحه ما توقعت المقاطع توصل لهدرجه

احسبها بوس و مدري كيف بالكثير زي الصوره

ذي

 

 

 

<<< حطيت صوره قليلة ادب

عشان ما تزعلون و تقولون بس دخلنا على الفاضي

 

 

 

 

بس طلع بلاوي متلتله

يعني ليش يسمحون ان هذي الافلام تنباع

كذا عيني عينك و حاطين +18

احس حتى اللي عمرهم 18 كبيره عليهم هالاشياء

و الله حرام يشوفون اشياء زي كذا..

وتوته توته خلصت الحدوته..

 

 

ترى و انا اكتب القصه فلقوني عيالي 60 فلقه

اللي يبي ماء و اللي يبي اكل و اللي يقول

طلعي العابي

و اللي قاعد يصيح و اذن العصر و انا ماقومت ابو الشباب

وحفظت الايميل بالمسودات 4 مرات و رجعت له

يعني ما اعتقد بتلقى واحد

تعب على ايميله كثري

هههههههههههههههه


0 التعليقات: