اعلن معنا

حب التملك ... من الخيال !!!



---------- Forwarded message ----------
From: الـــصــــوت المــجــهــــول - <al900t@hotmail.com>
Date: 2010/3/20
Subject: FW: حب التملك ... من الخيال !!!
To: ايميل القروب <als7af.group@gmail.com>



 

 

 

مساءكم صوت مبحوح 

  << لازال يتذكر لونق بالفيس << طيب وبعدين !!

 شسمه

قايم جالس نايم صاحي واعي غايبه شمسي وين ماكنت في أي مكان وانا هذي حالتي .. انا ادري ان الشغله عقدة نفسيه ومقتنع ولا أبي احد يجي يتفلسف ويقول لي...
لكن المشكله كيف نعالج هالحاله .... مليت والله ان كبدي صارت تقول اصبع زول وهي في بطني من كثر ماهي لايعه كل يوم شيخ كل يوم سجن كل يوم ضرب لين يجيني النوم
ماصارت يالربع خفو علي اذكرو الله قولو لا إله الا الله .. وحدووووه تكفووون من جد كذا تحطيم لشبابي
بداية الاكشن يقالكم << بالله اقرو وش ابكتب الحين عاد من جد من جد ادج واحد في شرح حالته للناس انا لاكن انتم الله قردكم ليه فاتحين المواضيع للناس الي مثلي فاقدين بثاره انتم ولا وش وضعكم اشك انكم محششين << كلمة ابوي كل ماجيت الصبح عنده اشك انك محشش والله لو عندي حشيش لحشش لعانة ٍ فيك هههههههههههه لحد يضحك انت وياه ابوي ذا مهما كان ادري انه مايعرف شي اسمه حنيه لاكن ابوي وانتم ماصدقتو نفسكم شفتو احد يتكلم فبوه تضحكون رفقاااااء سوووووء من جد




كانت هذه المقدمه الشنيعه حقتي رضيتو فيها مرحبا ومسهلا ماتبون أكلوو حمار على قولت عسوله
<< امزح وقسم بس هذه نتايج المرض

تخيلو تصورو تبسموو اضحكوو اللي تبون تسوونه سووه بس المقصد حطو نفسكم مكاني وانا اقولكم معاناتي ... تدرون ابوي ليه يعاملني كذا مو لاني داشر اصلن ولا بحياتي ولا لاني عاق في والديني لا والله وتالله وكلاااا بس لان عندي مشكله من يوم كنت صغير اعاني منها وأقروو دكاتره نفسانين بأن هالمرض اللي فيني منتشر عند العالم كلهم بس مافيه مريض رجال يقدر يتكلم عن مشكلته غيري انا
 
المرض اسمه (حب التملك) << والله اسمه شي تحس انك مريض بشي يستاهل ههههه حب  التملك يعني تشوف شي وده يكون عندك طيب بالله ذا مرض
والله المرض انهم الاطباء النفسين ادري محد فيكم زارهم لان ما شاء الله عليكم مبين من وجيهكم كلها امراض وراثيه ههههه بس لاني مريض بهالمرض لو تزورون هالاطباء النفسين تلاحظون ان كلهم مجانين من جد فيه دكتور تجيه يقولك قول حااادا باااادااا << عسا ماشر يالمريض ههههههه

المهم نرجع لمرضي حبيب قلبي < ياحبني لهالمرض
حب التملك ذا من يوم وانا صغير وهو طايح فيني لاشفت شي ماغير احوص عنده ابي اتملكه
لاكن للأسف لأن عائلتنا ابونفرات واجد وراتب ابونا الفين ريال تقاعد عسكري مع الف ريال مانيين عليه منه <<< برايفت للصحاف بعد اذنكم حبايبي .. ادري ان المواضيع هنا لازم تكون هادفه بتقول وش دراني قريت الدستور حقكم قال دستور قال مسوين حكومه يعني هههه ضحكتوني وانا مريض اللي بوصله لك يعني تراني كتبت جمله هادفه ان راتب التقاعد مايكفي اوكي مو تقول موضوعك ماهو هادف << امزح ترا وش فيك زعلت ياعمي امزح تعاااااااال لالا امانه  شكله حذف الموضوع  < وراء ماتلايط يالحبيب << وش عنده العالمي احمد  

المهم فكنت اعاني من فقرنا وكل ما ابي شي ابوي يقول لا وابوي حفظه الله انسان خلوق جدا وواعي وكل شي زين فبوي الا شي واحد مايضرب ولايعرف يهاوش ليه كذا ابو مايضرب ولا يهاوش .. ودي انه يضربني وودي يهاوشني يلعن جدفي بس لايسوي هالحركه البايخه ويدق على الشرطه يقولهم ودوه السجن علشان يتأدب << العن ام النذاله اللي فبوي ههههههههههههه

وترا الحكومه اذا ابوكم دق على الشرطه سامحين لأبواانا يعني ابوي انا وابوكم كلكم انهم يودون عيالهم السجن حتى لو ولده ماسوى شي لانه يقالهم تأديب الابناء من عقوق الوالدين << الصحاف لاحظ اني للحين جالس ادق في الحكومه يعني موضوعي ماشي صح وهادف << تراك ابثرته



في يوم من الايام وانا جالس في القهوه مع اخوياي الزلايب قسم بالله اكرهم كل شي عندهم وانا ماعندي شي << بداية عوارض المرض ... وانا في حديث معهم لاحظت ان كل واحد معه جوال وانا ماعندي
ومن باب اني كبير وعاقل وواعي لازم يكون عندي جوال

من هنا بدأت القصه


رحت لابوي بيوم وتونا مصلين ومعينين من الله خير واجي واصب لابوي حليب زنجبيل وانا مبتسم واضحك وكل ماقال نكته سخيفه انبطح من الضحك يان ابوي يضّحك وهو سخيف مايعرف حتى ينكت بس علشان امشي اموري لازم اني اجامل بثارته والواحد وانا اخوكم يصير ذيب علشان تمشي اموره عقب ماشفت ان الجو زااان
قلت يبه لك ولا للذيب قال ماتعقب انت وشاربك
قلت يايبه الموضوع انا عندي طلب
تكفى لاتردني فيه ... قال وش عندك قلت ابي جوال  تكفى يايبه ياعزوتي طااااااااالبك
ومن غير اي تفاهم قال بكم<<< ابوي لاقال هالكلمه احس انه بطل ويعجبني والله اني اقدره حيل واحس ان عندي ابو ينشد فيه الظهر <


قلت له قيمة الجوال مع الشريحه تبي عرض سوى ولا زين ولا موبايلي قال اخلص علي اللي هي بس بكم

وانا اعطيك المبلغ بشيك مصدق من وزارة الماليه وبنك سامبا <<<< اخس يا القصيبي
قلت ماعليه يايبه الدراهم اهم شي ابيها وابي اشتري جوال وعطاني 200 ريال شريت ب130 جوال و ب70 ريال شريحة << << متعود على الطفاره

واول ماطلعت من المحل والله لو حمد المنتشري ذاك اليوم جنبي وانا طالع انه مايسبق ركضي على القهوه من قوة الركض جايك منطلق ابي اتفشخر عند اخوياي بجوالي الجديد 


يالربع تعبت شرايكم اكمل بكره

،،


طيب طيب لهدرجه ماتبوني اخلص واسكت


وانا ارتز عندهم وابشرهم بجوالي وأوزع عليهم رقمي واتصل على عماني وخوالي وربعنا في الديره واعطيهم رقمي وماخليت بنقالي في الشارع الا وعطيته رقمي وامر على البقالات والمحطات واسواق الخضره  وسوق التمر وسوق الرطب وسوق واقف وسوق جالس وسوق منسدح حتى البناشر عطيتهم رقمي ماخليت احد كل من جاني عطيته رقمي قبل لا ارد عليه السلام من قوة الفرحه والوناسه معاي جوووااااااال يالله من جدددددد ونااااااسه

لكن
الحين بعد ما قدر الله علي وصار عندي جوال وكل شي ابيه عندي ومو ناقصني غير شوفتكم < شطح الاهبل
 الموضوع يالربع اني لاحظت ان مو كل شي يصير عندكم خلاص انت ملكت الدنيا لااا ماتدرون وشو الموضوع يالربع لما اكون بالقهوه او الحاره وأناظر في اللي حولي هذا يجيه مسج وهذا جواله يدق ومايبي يرد من زود ما الجوال ازعجه بالمكالمات والاتصالات .. وانا جوالي ماحولك احد واحس اني بخلي الجوال ميداليه للسياره محد يدق محد يرسل محد سأل قسم بالله احس بوحده شنيعه واحس اني منبوذ بالله جربو تكفون اكيد كلكم معكم جوالات تخيلو لو الجوال مايدق ولا أحد يرسل لكم ويدق عليكم تحسون زيي ولا عادي ؟ اكيد زيي صح اجل وش تقولون فيني

جلست اسبوع شهر شهرين ومليت تعبت نفسيا ماصرت اكل ولاصرت اطلع برا البيت من الفضيحه جوال ولا احد يدق عليك صعبه ياجماعه ماتدخل العقل
رحت ذاك اليوم لشركة موبايلي وجيت عند الموظف قلت له انا دايم اشحن جوالي وجوالي رصيده فل ولا ابي شي كل اللي ابيه سؤال واحد ليه ماتجيني رسايل زي العالم واتصالات
قال عطني رقم جوالك وعطيته وطقطق بالكمبيوتر وقال ابد جوالك مافيه الا العافيه تقدر تستقبل مكالمات ورسايل قلت اانا ادري بس المشكله في ان اخوياي وجماعتي جاحديني محد يدق علي
ناظر فيني بطرف عين وهو حاقد وقبل لايتكلم هاجمته بكلمة كل تبن ادري بتقول هذي سالفة جاي وصاف دور علشانها ادري ادري بس وش تبيني اسوي انسان مريض وابي احس اني مهم وش اسوي وبعد ماقلت له كل اللي في خاطري حسيت اني كسرت خاطره والولد كنه يقول ياربي لاتبلانا قال انت وش تبي بالضبط وعيوني لك .... قلت ابي اصير مهم وعندي جوال يدقون علي العالم ..... قال خلاص انا لقيت لك حل ... قلت وشو

قال بخليك تشترك في خدمة شات عن طريق الجوال قلت كيف وجلس يفهمني طريقة الشات وكيف ادخل واتعرف على ناس ويصيرون يعبون لي صندوق البريد رسايل كل يوم
وتجيني رسايل منهم .. واقوم انا كل يوم وانا في هالشات ارسل لفتاة جده واستقبل من فحل الخبر << ماجاب طاري الرياض تعرفون الاداره هناك 

 وانا طبعا اسمي سواه لي الموظف وماغيرته قال وش تبي اسمك في الشات قلت له سمني( حب التملك) < كنايه على مرضي


وصارت ذي حالتي كل يوم اجلس مع اخوياي في القهوه ومرتز جنب الشاحن وماسك الجوال واضحك وسولف عن طريق الشات وكل من يشوفني يقول ياحظه جواله مايسكت << مايدرون اني مريييض طحت في الشات  < مثل طيحتي بشات الصحاف  



في الختام يالربع انا اللي قلته لكم خلوه بيني وبينكم صدق اني مريض لكن احمدو ربكم منتو زيي لو انكم زيي
ماتعيشون خمس دقايق الا وانتم فاطسين من جد محد صبر على هالمرض الا اثنين انا ومعمر القذافي






أخر شي اقوله انكم انتم ابطال استحملتو بثارتي عليكم .. لكن المثل وش يقول باب يجيك منه ريح سده وستريح لان الشرهه مو علي على اللي مخلي المواضيع مثل هذه تنزل
<< يارب محد يدقق وينشب

 

وفمان الله ياحلوين

 وتصبحون على خيييير

 

 

 

 

 

 

 

 

 

             

 



 ============


الصحافـ تسوونامي ـ

الصوت تدري ليش ارسلت موضوعك !!.؟

عشان ماتقول الصحاف مستقعد لي

ياخي لاتكثر استطرادات فتحت براسي شوارع 

وغير ذلك

لاكن تكتب كذا لكن 

 ـ 

>>> اخر واحد يتكلم بالإملاء 
 ـ

منور الصوت 

ننتظر جديدك من دون استطرادات


0 التعليقات: