اعلن معنا

الزواج و ما ادراك مالزواج؟



---------- Forwarded message ----------
From: Jeje Lamara _
Date: 2010/3/19
Subject: الزواج و ما ادراك مالزواج؟
To: الصحاف الصحاف <als7af.group@gmail.com>




السلام عليكم و رحمة الله و بركاته

 

الايميل مخفي

 

 

اتمنى من ربي انكم كلكم طيبين و بخير

 

و بدايه بصراحه حبيت اقول كلمتين للاخ الصحاف

 

قروبك رااائع قمه في الروعه و بصراحه فريد من نوعه

 

ما فيه شي غير مع ذلك هو فعلا غييييير

حتى الاعضاء اللي فيه غير و بصراحه مادري وش السبب

حاولت اعرف بس عجزت

مع اني مشتركه باكثر من قروب بس ما تعجبني الا رسايلكم

الله يوفقكم و يتمم عليكم و يجعله شاهد لكم لا عليكم

 

 

موضوعي اليوم كتبته عن الزواج

بس ما كتبته عشاني متزوجه

لا.... كتبته عشان احس فيه هجوم مو طبيعي على الزواج

و المتزوجين

ولا ادري وش السبب مع اننا كلنا نعرف انه من سنة الرسول

التبكير في الزواج فما بالك معارضة الزواج من اساسه

و انا ما اقول ان الهجوم مقصود احيانا يكون غير مقصود

و فعلا اكثر من مره الاحظ انه شي من العقل الباطن

مو قصد الكاتب

اذا ما فهمتوا شي اوضح لكم

 

فيه ايميل قبل فتره عن السماجه

الايميل حلو و خطير وفكرة الايميل رائعه و هادفه

و الايميل مرتب الله يجزي كاتبته الف خير

لكن اللي لاحظت ان امثلة السماجه

مثالين من اصل ثلاث عن متزوجين

طيب ليش؟؟

يعني مايجي الغلط من الا من المتزوجين؟؟

ولا توجد السماجه الا عند المتزوجين؟؟

لا تزعلين مني ترا انا ما انقد ايميلك لا بالعكس

انا اعجبني الايميل كثير و ادري انه مو قصدك

لكن زي ما قلت من العقل الباطن

 

 

 

المهم فيه ايميلات كثيره شبيهه

اللي يقولك بلا عرس بلا هم

و اللي تقولك انا بستانس ببيت اهلي لاحقه على الشقا

و اللي يقول الزواج مقبرة الحب

و اللي يقول الزواج مليان مشاكل

 

 

 

المصيبه العظمى ان المشكله مو بالزواج

المشكله فينا حنا

يعني مثلا واحد ناوي يدخل تجاره

مهما تواجهه من مشاكل عادي ماعنده مشكله

يضل متمسك بالامل و يتحمل اخطاء الشركاء

و العمال و يتحمل الخساير و يرجع يحاول بكل قوه

انه يوقف على رجليينه من جديد

و يقول هذي التجاره لازم نتحمل.

 

لكن خله يتزوج و اول مشكله تواجهه قال الزواج

مشكله..

الزواج مصيبه..

و لا ينظر للزواج زي نظرته للتجاره او للعمل

و لا يتحمل شريك حياته زي ما يتحمل اخطاء الاخرين

و السبب مجهول؟؟

 

 

طبعا ما الوم احد لاني انا نفسي كنت اسوي كذا

و بصراحه ما تدرون وشلون كنت تعيسه

من اول ما اتزوجت كل ماشافني احد

قال حرام مسكينه متزوجه صغيره

حرام ما تهنت من اول ما تزوجت حمل و ولاده

و حرام و حرام و مادري ايش

و انا كنت عايشه الدور و راحمه نفسي

و احسب اني من المعذبين في الارض

و كل ما تهاوشت مع زوجي قلت خلاص

نهاية العالم...و اللي يشوفني على المحزنه اللي مسويتها

يقول متزوجه و عمري عشر سنين..

طيب و بعدين وش استفدت؟؟

ولا شي

سنين من اجمل سنين عمري راحت على الفاضي

عشان سخافه سمعتها من غيري و صدقتها

 

و الحين يوم غيرت من نفس كل يوم اقول الحمد لله اني تزوجت

صغيره على الاقل جبت عيالي و لا كأني ام عيال

على الاقل ما عجزت من الحمل و الولاده وصار شكلي كن عمري100 سنه

العب مع عيالي و كاني اختهم

و الحمد لله على نعمه التي لا تحصى..

 

 

 

الزبده اللي بيشوف شي على انه مصيبه يقدر يخليه مصيبه

و اللي يبي يشوف شي على انه نعمه يقدر يخليه نعمه

 

و ربي ما يدلنا على شي فيه شر

و مافيه شي بدون مشاكل

و الزواج زي اي شي بالدنيا

بس الناس يتعاملون معه على انه غير

و الزين فيه ينسونه

و الشين فيه يكبرونه

 

و ينسون وش قال ربي:

(انا عند حسن ظن عبدي بي فليظن عبدي بي ما يشاء)

 

اذا انت واثق ان ربي بيوفقك ربي ماراح يخيب ظنك

و طبعا ما اقولك ان فيه حياة بدون مشاكل

بس الحياة الزوجيه زي الطبخه

و المشاكل زي الملح

ما تقدر تاكل الطبخه بدون ملح

ولا تقدر تاكل الملح لحاله

كلهن سوا يكملن بعض

 

 

و كل واحد او وحده مقبله على الزواج يخلون

تفكيرهم واقعي و يقولون احنا داخلين على حياة

جديده فيها الحلوه و المره

و فيها الاطفال و مشاكلهم

 

طبعا فيه حكمه رائعه احبها تقول:

 

من مات و ليس له ولد لم يذق طعم الهم ابدا

و من مات و ليس له ولد لم يذق طعم السعادة ابدا

 

الله يرزق الجميع شريك صالح و ذريه صالحه

 

و غيروا نظرتكم للشي يتغير هذا شي

ان الله لا يغير ما بقوم حتى يغيروا..... و انتم كملوها

 

 

 

(مبـــــــــــــــــــاركة)

الاخ كونكت مبروك الخطبه الله يوفقكم ان شاء الله

و اقول لحرم كونكت المصون الله الله بثلاث اشياء:

1- الصلاة لا تنامين و تخلين زوجك ينام عن الصلاة

عشان ربي يوفقكم

 

2- الله الله بفطور الصبح ترا اذا راح للدوام رايق

و شبعان بيجيك رايق و اذا مل من روتين الدوام

ونسيه بتغييير الفطور خليه اشكال و حركات

و لاتنسن سندويشات الضحى اللي ياخذهن معه..

 

3- المساج ذا كثري منه كل ما شفتيه امسكي كراعينه

و همزيهن و الله يكيفون الرجال على التهميز و المساج

و اذا رحتي عنه تلقينه لاحقك ما يقدر يفارقك لان جسمه

يتيبس من دونك (خلاص صار مدمن مساج)

بس عاد انت لا تمصخها كل ماقعدت الحرمه بتريح الا و انت

ماد هالسيقان بوجهها..

 

و تعيشوا بثبات و نبات و اشجار و ازهار

و تخلفو صبيان و بنات..

 

 

 

و الله عندي كلام كثييييييييييييير

بس يكفيكم قرق و بربره ماودي اطول الايميل و امصخها

و استودعتكم الله ..الصحاف و الاداره و الاعضاء

 


1 التعليقات:

بنت جيران الصحاف يقول...

كلامك منطقي جدااا .. ونصائحك حلوو الا المساج بصراحه ماعجبتني

بقول بعض الملاحظات :

زوج و الزوجه لا تقارن شريكك في اي احد ثاني ابداا هذا الشئ عذاب لك لانالشخص الي معك مختلف تماما عن الغير وانت\ي كمان مختلف عن الشخص الثاني لانه تعب بدووووون فايده خلاص كيف حياتك مع هالوضع وحاول تشوف الجوانب الايجابيه طبعا الا الاي ربي مايكتب نصيب اصلا بينهم

شئ ثاني خاص بالبنات : وهذا كثيررر البنات يمرون فيهاا ودها ترحم زوجها خصوصا ممن يعانون من ضائقه ماليه بس تخاف من كلام الناس ..تلاقيها قلبها يتقطع عليه بس تخاف من كلام الناس وخصوصا لما تقول اول من بيحكي على اهلي قريباتي ماعليك منهم اضربي في الناس الحائط اذا زوجك يستاهل وكل ضيق له فرج

خل لي لك شخصيتك عن زوجك لا تكونين تابعه له ..بالااصح طوني مستقله عنه مو انك تعاندين ولا تقومين بواجباتك اتجاهاه لااااا طبعا بس لا تنسين حياتك القديمه حاولي تجمعين بينهم وابدئي بالاهم فالمهم

وكل نصيحه لا افراط ولا تفريط ..لا تكونين حمقاء ولا تكوني ضعيفه

وخليك دائما صاحيه تراا رجال مالهم امان :P << خربتها
مو معناتك تشكين فيه لا اوردي النيه الحسنه بس من دون استغفال
وقد تحدث له نزوه اتعاملي معها بحكمه