اعلن معنا

المغازل بين اليوم والامس



---------- Forwarded message ----------
From: Joori AB <joori18@hotmail.com>
Date: 2010/3/20
Subject: FW: المغازل بين اليوم والامس
To:





 

 

 

السلام عليكم

 

شلونكم وشخباركم أعضائنا الصحافين

 

تقول بقلبها يارب يارب ينشرون الموضوع

 

 

 

المهم من غير مقدمات احسن ما جيب العيد من بدري

الاسلوب عال العال

 

 

المهم أنا أستوقفني كثير << يمديكم على الكلام الكبير

المغازل بين الحين واول بما أني معمره ولحقت على الجيلين

وقعدت امخمخ وافكر لين سويت هالموضوع

 

طبعا بطله موضوعي الاخت الافغانيه

 

 

 

والحين نخوش في العميق

 

بالأول يوم كننت توني صغيره وكانو المرهقات يلبسون مثل الصوره

ادناهـ

 

 

طبعا هالكلام اكثر من عشر سنوات يوم اني فالابتدائي

كانت الطلعه علينا حسره من الشباب مع انا البنات متغطين ومن غير مكياج

 بس حيا الله سواده الى كل واحد

ومايقدرون معاك امك ولا اخوك بالغصب بالغصب تاخذون الرقم

واذكر مرا من المراريت كنا رايحين الراشد بوقتها تقول رايحين الشانز مو الراشد

وكنا انا ومامتي واختي الكبيره وبنت عمتي وحنا نتمشى بأزقه الراشد

ماحسينا الى هالثنين الي ورانا من ممر لممر من داعوس لداعوس<<حشا قلعه علي بابا مو الراشد

شوي ويمسكني وانا كنت بثاني ابتدائي تقريبا ويعطيني رقمه ويقول

عطيه لاي وحده فيهم (عادي مو فارقه معه المهم مرا ) وتجي امي وتهوش فيه

يالي ماتستحي ويالي ويالي

وبكل برود يرد عليها اخينا المحترم شوفي بياخذونه بيخاذونه

خليه ياخذونه بالطيب احسن من الفضايح

امي يحيل الله خذت الرقم منه وقالت له امشي خلاص

وجدعت الرقم يومه مشا وقالت قو مشينا البيت

وانا مقهوره واصيح شلون ارجع وانا ماتعشيت  

 

هذا ايام اول طبعا

وناهيك لاركبنا السياره بالشاره الاولى سيارتين

والثانيه يصيرون اربع سيارات

ماتحس الى موكب تقول الملك مار ومايدرون وشهم الي بالسياره

شغلات عجايز المهم زول سواده

 

 

 

 

 

اما المرحله الثانيه

 

 

 

أيام مراهقتي قبل اربع خمس سنوات

 الوضع تطور شوي وصارفيه بلوتوث والنت سهل على خلق الله شوي

الشباب ترفعوا عن التفاهات شوي وثقلوا

صار اذا كلف على نفسه اشر للبنت من بعيد تبينه

ولاحس البنت ماتبي قال اسف ومشا

صار يستاذن قبل لا يرقم ومايسون زحمه ولحق سيارات وتوصيل للبيت

قامو يميزون بين البنت الي يلاحقونها وبين البنت الي جايه توسع صدرها

قلنا الحمدلله تعدل الوضع

لاكن البنات بدوا يفلونها شوي الكحل زاد والنقاب لنص الخد

بس كيفهم كلن بعقله راضي

 

 

المرحله الثالثه

 

 

 

 

 

 

 

البنات أستخفوا وجلسوا لا حول ولا قوة الى بالله

 

ونشوف هالشي بالاسواق والاماكن العامه

 البنات صارت عباياتهم مفتوحه ومخصره وتشوف البرمودا والسياقات كلها طالعه

من زين العصاقيل عاد

وساعات يخربونها والتيشرت قصير يطلع البطن شوي

ماراح اتكلم عن التان وصبغات الشعر لانها اذواق وحريه شخصيه

 

 لاكن بتكلم عن التصرفات

البس الفاصخ وقلنا كيفكم ذنبكم على جنبكم بس تتعرضون لشباب خلق الله ليه

من جد شي يقهر

 

بما انا الأسلوب ماش بقولكم عن مواقف صارت وانتو احكوا

طبعا مو الكل لاكن فئه معينه لحد الحين في بنات ماشاءلله البس محترم والتصرفات اكثرأحترام 

المهم

مرا بالعيد حق رمضان وكلن لاهي مع زوجته الى انا وحدانيه والقلب وحيد

رئف بحالي اخوي الله يحفضه واخذني ستاربكس الساعه 11 باليل يومه فضا

المهم جلسنا بالجلسات الي فوق وكل طاوله فيها عايله مبنين كلن وزوجته والي معاهم عيال

المهم الجلسه الي بالنص فيها شلة بنات كوكتيل أعمارهم وجناسيهم

معاهم وحده شاميه وكبيره بالعمر ودبه وشينه وطول وقتها تناضر بطاوله

فيه واحد خمسيني وزوجته شكلها اواخر الاربعين جالسين بنسجام ومايمهم

من الشيطان درب

وهي مغير قز فيهم

الحرمه تضايقت وبين عليها خلت زوجها يجلس وجه على الجدار

صاروا البنات يتكلمون بصوت عالي ويضحكون

بالاخير الحرمه خذت زوجها وطلعوا

معاهم وحده ماشاءلله جميله حولت على طاولتنا ولفت كرسيها خلت ضهرها على صاحتها وجهها علينا

اخوي تضايق بس مدري من صدق ولا عشان قدامي

المهم اخوي من نفسه غير مكانه وعطاها ضهره

شوي وتقوم وتجي على الجدار وكانها تويق تحت ولفت خلت ضهرها على الجداروجهها علينا

 وتكلم صاحباتها

صاحبتها تقول وش مسويه شعرك اليوم قالت لحضه

وتفتح حجابها وماحسيت الى ذاك الشعر الاسود الغجري الطويل ماشاءلله

مع جمال وجهها اكتمل

وتفتح عباتها توريهم لبسهها وكله قدام اخوي

مابينه وبينها غير ربع او نص متر

عاد اخوي قال يلا مشينا وانا مقهوره مابعد اكمل الموكا بس يلا

محلاضين دايم تصرفات الناس الغبيه ماتخليني اتهنى باكلي

 

 

وسالفه ثانيه تسولف علي وحده من البنات

 

تقول كانت بالمطعم هي وزوجها وكانت فيه طاوله فيها بنت مع زوجها

والزوج كان خقق

المهم في طاوله فيها شلة بنات صغار يوم حاسبوا وبيطلعون

جت وحده من البنات تركض وباست الخقق  اقصد زوج البنت

ملاحضين بكل وقاحه باست خد الرجال ونحاشت

 

وشالفايده وشالمتعه بث تغث الضعيفه

الي يمكن زوجها يطلعها كل اسبوع او اسبوعين مرا

 

 

طبعا غير السوالف اليوميه الي صارت عاديه عندنا

نشوف بنات يلاحقون ولد ويترجونه عشان ياخذ الرقم  

 

 ولله ولله مرا وحده من البنات تسولف عن نفسها

هي تدرس بالرياض واهلها بالشرقيه تقول مرا جت على رحله ترانزيت من لندن

وتقول قلت لازم اجيب لي صيده جاي من لندن اكيد انه ولد نعمه

وتسولف البنت بمستوى عقلها

تقول جلست جنب واحد لوئطه مزيون لاكن مدري وشفيه مارفع راسه طول الرحله

من طولها يالخبله راس مالها نص ساعه

المهم سلمت عليه رد وعليكم السلام ولف وجهه عنها

قالت له وشفيك كانك متضايق رد قال لا ولله تعبان وجاي من السفر ومالي خلق اتكلم

المهم وصلت الرحله والولد ما تجاوب مع البنت

قالت له ممكن جوالك باكلم شوي

اعطاها جواله << وانا اتخيل يقول وشهالنشبه

راحت ودقت على جوالها وقالت له شكرا رقمك عندي وترا رقمي موجود

رد قالها وشسوي فيه

 

يلا اكثر من هالاهانات وشو

 

من جد هنا انا افكر ليه تغير الوضع وشبابنا عقل وقلنا الحمدلله

لاكن بناتنا انهببلوا ليه

 

تتوقعون للموضوع علاقه مع الحجاب

انا يوم جلست افكر عاد ولله مشكله وحده مثلي تفكر لانا ماعندي سالفه

بس المهم الموضوع له علاقه مع الستر والحجاب

 

يوم كانت البنت متحجبه زين وغاليه وعازه نفسها كان الشاب الي بقلبه مرض

  والشيطان ضاحك عليه ينجذب للبنت لانها شي غامض ومتغطيه ومتستره

حاس انها شي غالي والدليل هي عزته ومو مشكله انه يتعب او يهين نفسه شوي وراها

طبعا انا اتكلم عن الي بقلبه مرض مو كل شبابنا

 

لاكن الحين حتى الي نفسه ضعيفه ومتربع بقلبه ابليس

مايلتفت للبنت الي متفصخه

اصلا هو شايفها شي رخيص ومكشوف ما تستحق التعب

او حتى المحاول ولا المغامره

اصلا لو فكر يلف لمها يقول له ابليس خلك من وجع الراس  

 

 

 

طبعا انا ماتكلمت عن الشباب المحترم الله يحفضهم

لانه مستواه اكبر من كذا

 

 

<< طولت صح عاد ليته على سنع

 

 

خلص الموضوع ان شاءلله يعجبكم

 

 محدثتكم نووني

 

 

وبروايه اخرى

 جوري


0 التعليقات: