اعلن معنا

شسمه فضفضة وخرابيط وزواج وكذا+ مليون



---------- Forwarded message ----------
From: ألم المشاعر <whm-whm-1@hotmail.com>
Date: 2010/4/9
Subject: شسمه فضفضة وخرابيط وزواج وكذا+ مليون
To: als7af.group@gmail.com







 


















،،
،

اول لما كان ابوي يقول لنا يالله بنروح لخوالكم نجلس نركض انا واخواني

ماادري وش الفايده .. المهم ان حنا في الاخير ننجلد في السياره بسبب ريحة هالعرقان مننا

وبالتاكيد ينزلنا ويقول ذاكروا بس

والله ماش ماعشت طفولتي ابد

اجل من كان عمري سبع سنوات وامنيتي بالحياة آكل ايسكريم ..؟؟

العالم تبي توصل للسماء وانا ابي آكل ايسكريم ..

ومن كثر ماانا ابي آكل آيسكريم لساني صار يحك سري من زود اللهفه عليه

ماعلينا

،،
،

حيا الله كل باسمه

 

،،
،

صــــــــــــــــــــــــلاة الوتــــــــــــــــر

حقيقة ندمت كثير كثير كثير لما فاتني كثير من عمري وانا مااحفاظ على صلاة الوتر

حتى ولو بركعة

يعني شسمة أقل شيء لما تصلي العشاء صل لك ركعة

وش بتخسر ..

الشيطان وسخ من جد .. يجيني ويتطلبني

يقول وراك اشغال ومشاغل وخل الصلاة الوتر أجلها

عااد حقيقه كنت اسمع كلامه وكذا

ولما اجي انام اصير في قمة الكسل

واسدحها نومه .. والمشكلة الوسخ ( تعود ع الشيطان ) تحسبونه خلاص بيلعب علي يومه

وخلاص ويجحدني .. يخليني بحالي في المراة القادمة

لا كل يوم ينشب لي ..

عااد انا فهمت اللكاعة حقته وكذا .. فصرت اقول والله مااطلع من المسجد الا وانا مصليها

فالوسخ خلاص احسه غسل يده مني

،،
،

لما اقول مثلا لواحد ليه ماتصلي الوتر وذا .. يقول ياخي ماني مطووع

وكأني صلاة الوتر واقفه ع المطاوعة وبس ..

يااخي صح عندنا ذنوب كثر التراب .. لكن مايمنع اني مثلا اصلي الوتر

واحافظ ع السنن الرواتب .. ورغم هذا لازم اعترف بذنبي

لأن الله سبحانه يقول (وآخرون اعترفوا بذنوبهم خلطوا عملا صالحا وآخر سيئا عسى الله أن يتوب عليهم إن الله غفور رحيم )

انا عندي ذنوب كثر التراب .. وهذا امر ماافتخر فيه ابدا ومقر فيه ..

بس مو لما يكون عندي ذنوب .. معناه أخسر جميع العلاقات الي بيني وبين ربي

مثلا انا عندي وجهة نظر للناس الي يفتحون مواضيع اغاني وموسيقا ..

انا ضدها تماما - وهذي قناعتي - يعني اسمع اغاني لحالك وخذ ذنب لحالك

ماله داعي تتجمع معك ذنوب الآخرين .. يعني مو شادهم بموضوعي الا لما احط اغاني ؟؟

يااخي اسمع اغاني واستغفر ربك .. ولا تخلي احد يشاركك بهالذنب ..

طبعا مثل ماقلت هذي وجهة نظر خاصة فيني .. ومقتنع فيها تماما تماما

،،
،

عموما زبدة الكلام .. لاتحاول تخسر جميع العلاقات مع ربك ..

ولما تعصي ربك اعترف بهالذنب واندم عليه .. وربك غفور رحيم

تحسوني صرت شيخ صح

الخاتمة

وغير تقي يأمر الناس بالتقى .. طبيب يداوي الناس وهو عليلُ

او كما قال الشاعر

 

،،
،

موضوع آخر توكم لا تروحوون  ..

 

 

+22

نرجو من الي اعمارهم اصغر من كذا

التوجه لمتابعة التي في
يقولون فيه طراطيع وكذا روحوا شوفوها

،،
،

الــــــــــزواج









شسمه

ماتلاحطون يالربع نسبة الطلاق مرتفعة من تالي

ولو امعنا النظر برضو حصلناهم ماكملوا السنتين او السنة والنصف

الا وابو الشباب .. معصب وهو لابس سروال السنة

والركب هالسود .. ومطلقها

وتجيك هي ماتاثرت الموضوع عادي عندها

بس تذكر المسلسلات انهم يطيحون يصيحون لما يقال لهم طالق

فتنسدح ع اقرب مرتبة

وتقول طلأني يالهوي

ناسيه انها سعودية ..

،،
،

انا بحسب خبرتي وتطقسي وسؤالي وبحثي وكل ابو شيء

وبعد تفكير عميق .. استمر قرابة الدقيقتين

ارجع اسباب الطلاق للأمور التالية


النقطة الأولى :

قل الوعي لدى الزوج والزوجة
وعدم تحمل المسؤولية والتدريب عليها

يعني يجيك الزوج مايعرف وش معنى بأطلق إنسانه ..

بكل سهولة يظن ان الطلاق أول حل من حلولة

ولما تسالة .. ليه طلقت البنت .. يقول لك مهيب حلوة

تفووووووووووووووووووووووووووووو عليك ياوصخ

توك تكتشف انها مهيب حلوة الحين ..!!

واذا مو حلوة .. يعني الجمال هو كل شيء في الزواج ؟؟؟

صحيح الجمال مطلب وأمر كويس .. لكن لما تتزوج البنت وتخلص الي براسك

وتمل .. وتحس بالمسؤولية .. تروح تقول باطلقها ..

وتدور لك اقرب مخرج ع شان تعلل سبب طلاقك .. وتقول مهيب حلوة

ولا مهيب ذربة .. ولا عينها اليمنى فيها شعره

ولا حبة خالها في جبهتها .. وقسم اسباب لو امعنا النظر فيها نجدها مررة مررة سامجه


وتاليتها بنت مسكينة ممكن تعيش طول عمرها بدون زوج .. بسبب تصرف احمق

وعدم نضوج عقلي .. ياكلب ===)) عصب

،،
،

بعدين فيه نقطة احب انوه عليها للعوايل الي يقولون سلوم وهياط وماادري ايش

الدين سمح بالنظرة الشرعية .. ليش تحرمون الزوجين من النظرة الشرعية ؟؟

عادات وتقاليد وخرابيط دامها تخالف الشرع .. طززززززززززززز فيها

بعض هالعادات والتقاليد .. خربت مستقبل نااااااااااااااس .. وجاب العيد في ناااااااااااااس

وانتم تقولون عادات وسلوم وماادري ايش

،،
،

نصيحة لكل شاب وبنت .. شوفوا الشوفة الشرعية تراها وووووربي لها منافع كثيره

خصوصا انتم يالبنات

لاترفضون لما يطلبون الشوفة الشرعية

ع شان لما يتزوجك ويبدى يهياط .. تقولين له انت شايفني يالخايس وقابل فيني

ومقتنع ياكلب .. لما اخذتني توك تقول هالكلام ...!!

حتى الشباب .. ع شان الشاب المتهور مايجيه ابليس ويقول لوك شايف البنت كان ماتزوجتها

فيحجونه اهله .. ويقولون انت شفتها ياغبي ..

لحظه بارقص شوي احس اني معصب







ايه نعود لمحور حديثنا ونقول

ان غياب الوعي لدى الطرفين .. ممكن يتسبب في تدمير حياة بأكملها

ليه مايكون هناك دورات ملزمة لكلا الطرفين مدتها مثلا شهر

على يد خبراء كويسين ... قبل الملكة ..؟؟!!

يعني مثلا مثل ماهو الفحص قبل الزواج .. يصير فيه دورة مدتها مثلا شهر او اسبوعين

ياخذها كل الطرفين .. توعيهم اكثر وتثقفهم أكثر

ليه مايكون منهج طيب دراسي في الجامعة ؟؟

والله ان خدمته بتعم الكثير ..

المهم مانبي الزواج يكون طقها والحقها يااخوان في ظل وجود هالدشوش والقنوات الفضائية

تشوف هاللبنانيات طابة في طحين وركبتها بيضا

وتجلس تقارنه بزوجتك مثلا لان جسمها كانه ثوب طرار مرقع

كل مترين فيه لون مختلف ( طبعا الامر مبالغ فيه )

جد جد .. ترى القناعة كنز لا يفنى

والواحد يدعي ربه ان الله يرزقه القناعة

لانك مستحيل تتزوج اجمل وحده بالدنيا .. ومستحيل برضو تاخذ اقبح بنت بالدنيا

فكل تبن .. واقتنع ببنت بلدك لبى قلبها

ذرابة وزين وامانه وصدق ووفا وجمال اللهم لك الحمد



النقطة الثانية :

وهذي اخص فيها البنات بشكل كبير

تجيك البنت .. ست الحسن والجمال

وتظن ان الزواج ليلة وردية دائما وابدا

تظن ان الزوج اربعة وعشرين ساعه يبوس ويغازلها ويمدح في فستانها الاخضر والاحمر

تظن انها لما تطلع من بيت اهلها بتفتك من المشاكل والهموم وتبدى الحياة الرومنسية

والطلعات والسفريات الخ

،،
،

يابنتي الحياة الزوجية .. فيها مشششاكل مثل مافيها رومنس

تمر احيانا مشاكل بسيطه تحصل بين الزوجين

تجيك الزوجه تضف شطنتها خلاص ملت

تقول وش هالحياة الي كلها مشاكل .. وهي ماصار في الشهر كله الا هالمشكلة

الي ابي اوصل له ان البنت والولد لازم يعرف ان الحياة الزوجيه ضروري يصير فيه بعض الخلافات

البسيطه .. مثلها مثل اي حياة ..

يعني لا تدرعمين وتحسنين الظن واجد في الحياة الزوجية .. ثم لما تعيشين التجربة

تقولين اوووف مليت

ثقي تمام الثقة .. انك بتمرين بعقبات في الحياة الزوجية .. حاولي تتجاوزينها بكل سهولة

مثلها مثل اي حياة في الكون لابد من المشاكل الي تمر بين الطرفين

،،
،

وانت ياايها الرجل

ترى الزواج مهوب كله جنس وبس

بعضهم بزر .. كل همه ليلة الدخله ..

ولما خلاص يطفش ويطيح الي براسه .. يبدا يتمشكل مع الضعيفة

ومايعرف ان الزوج فيه مسؤوليات كثيرة .. وحياة جديدة

اهم شيء التخطيط المناسب لهالحياة .. وصدقوني بتعيشون بسلام وامان

،،
،


عندي والله كلام واجد .. لكن عاد تعبت وانا اكتب وكذا

خابر ان كلامي ماراح يزيد في معلوماتكم حاجه لانكم تعرفون بهالامور كلها

وانا اتعلم منكم

لكن من باب الفضفضة وكذا

وخروا بس

 

للتعليقات والاسئلة تعالوا على هالرابط

 

http://www.formspring.me/Faroooos

 

،،
،

 

احلا تحية لصف صف بيك

 

واهنيه على هالقروب المنوع

وياليت يكون فيه منتدى يدعم هالقروب

لان الي قدر بتوفيق من الله ينجح هالقروب

قادر بتوفيق الله ينجح منتدى كامل

شكرا لكم وكذا

 

كان معكم

 

فارس



1 التعليقات:

بنت جيران الصحاف يقول...

صلاة الوتر ... الله الله والله العظيم الي يحس بلذه هذي العباده ما يتركها ابد ابدا .. احس هذي صلاه غير كل الصلوات نادر ما اصليها من دون ما ابكي احس فيها بالمناجاه مع الرب جل في علاه .. بدايتي معها مع شيخ " محمد العريفي" القى محاضره عن صلاة الوتر وانا في ثاني ثانوي ..وكان كلام مؤثر جد ترغيب موب ترهيب .. والله من ذاك اليوم الى يومنا هذا ما تركتها يارب تثبتني ... والله انصح الجميع فيهاا والله لها لذه خاااصه هالعباده

--------------------

بالنسبه لزواج القسم الاكبر من الخطأ يقع على الرجل دري في ايامنا هذي ماعندنا رجال عندنا .... للاسف الشديد ... الرجل من تصرفاته هو الي يخلي له هيبه عند زوجته وحب واحترام والله والله العظيم بنت اعرفها اكثر من نفسي انسانه غير مباليه ولا عندها اهتمام باي شئ الا في نفسها وبس والله العظيم لا تدخل مطبخ ولا حتى ترتب غرفتها وبعدين انسانه اتعب وانا اقول عنها غير مباليه وكانت حلوة ماعليها .. طبعا انخطبت من رجل والله لا يضرهم فعلا كان رجل طبعا هو حب البنت وكان يبيها ..وقالت امها للولد عن كل شئ في بنتها من دون غش قال هو عادي انا ابيها مع انه ما يقربلها ولا يعرفهااابداا وهي من منطقه وهو من منطقه ... تزوجتهتغيرت حال البنت من غير مباليه الى انضباطيه وماشاء الله انا لما زرتها بيتها ماصدقت قلت لها مستحيل انتي الي قبل اعرفك .. المرأه من الرجل ان كان عوج صارت عوجا وان كان ستريت صارت هي زيه ستريت ..وطبعا لكل قاعده شواذ .. والشواذ دائما قله