اعلن معنا

تـهــآآآويل



---------- Forwarded message ----------
From: krameleta‏ ... <delicious_kare@hotmail.com>
Date: 2010/4/22
Subject: تـهــآآآويل
To: als7af.group@gmail.com




ميزه تكون مكَّاوي ميزه تكون هنا اتربيت        تفرج في الحرم همَّك تصفي بزمزمو دمَّك

 
يابختي أنــا من مكه

 

 



سلام يا احلى صحآآف واحلى قروووب

دا اول ايميل ليا واتمنى انك ترسله ياصحاف بليييييز <<دمعت مسكينة خخخ

انا لي فترة مرة طويلة ما خرجت اتمشيت او اتفسحت على قولتهم من الشغل ومشاغلة :(

عاد اليوم لما خرجت شفت عجب العجاب شفت شي مبالغ فيه

انا على بالي انه خف او اختفى شوية من الايميلات والنصايح وما الى ذلك

بس طلعت غلطانة طلع لا خف ولا يحزنون بالعكس يمكن زاد

 

ابغى ادخل في الموضوع بدون تشويق اكتر <<اموت في الثقه

بس مني قادرة احس نفسي في صدمة للان

مدري يا عالم البنات ايش صار فيهم هم اتجننوا ولا انهبلوا ولا استخفوا الله اعلم

بس هي شي من الثلاثة اللي قلتهم

بجد مو معقول اشوف البنات ماعاد صار عندهم طرح وياحرام الطقطق اللي في عباياتهم مافي شكله اتكسر

يعني اللبس اللي جوه كله برا وانا اقول لا لا مو سعوديات اكيييييد انهم اجانب

بس بحكم القوي لابسين العبايات يلا ماعليا الا شوية ادخل الحمام مع اختي (وانتم بكرامه)

والقى عند المرايه يمكن 5 او 7 حريم في جميع الاعمار ابتدا من 12 لـ 40 وانتوا طالعين

ويصلحوا في هالشوشات ويتكلموا سعودي  ركزت معاهم على امل تطلع كلمة

سورية او مصرية او حتى حبشية بالغلط لا والله سعوديين المشكلة انهم صاروا يطالعوا فيا بإستحقار وقرف

قلت ياسبحان الله مدري كيف الواحد يتفاهم معاهم او ينصح حتى

والقى بنت صغيرة تقول يا ماما !!!! امهم قائدتهم وهم كدا !!!!

والبنت صغيرة ولابسة كعب وتطالع فيني من فوق لتحت لا وكمان مطقمين

اللي كم عبايتها فوشي شايلة شنطة فوشي واللي تفاحي شايلة تفاحي ياقلبي بنات والوان بنات عاد ايش نقول

المهم خرجت وانا اقول الله يستر لا ينزل غضب الله علينا وننسخط قرود في هالمكان

 

 

0000000000000

 

ماعلينا رحنا جلسنا عالبحر وقدامي اخواني الاتنين الدلوخ

شوية كده اسمع الجلسه اللي ورانا بنت وولد يتكلموا والبنت تتميع في الكلام وتدلع

وهو زييييييييي الحمار او الغبي شي منهم عاد بيموت عليها وانا متنحة من الكلام اللي اسمع

شوية اخواني يقولولي طالعي وراكي شوفي

القى روميو اللي واريا رافع رجله حاطتها على الخشب يعني كأنه في بيتهم

مادد رجله على الخشب قلت ياليت الشوز تبع يطيح في البحر

واسمع البنت تقول للجرسون ابى شيشة !!! ياسلالالالالالالالام

ورميو يقولها ايش تبين معاها قهوه تركي ولا عصير و يحلف عليها ماتشرب الشيشة لوحدها

طبعا مشي كلام جووليت وشربت الشيشة بالعافيه لوحدها

اللقافه اللي فيني خلتني الف وجهي ابغى اتفرج من بين فتحات البارتشن اشوفه حاضنها !!!!!!!!!!

ماصدقت عيوني قلبت وجهي خايفه لا احد من الدلوخ ينتبه ورجعت اطالع مرة ثانية

يمكن يمكن انا شوفت غلط القى الباشا قاعد يرص لها الفحم على المعسل اه ياناس

ايش صار في الدنيا الناس اتجننوا ولا ايش لا من جد ايش نفسي اعرف

ايش يحسوا فيه يوم يعملوا هالحركات ياعاااااااااالم

اذا بلتيم فأستتروا

المهم شوية الاخ يطلب من الاخت تغنيله والاخت تغني من جدها

ياناس عيب استحووووا وهوا مبسووووط طاير من الفرحة وكل شوية يقولها

على اغنيه وتغنيها وما اسمع الا كررررركرررررركرررررر تعسل الاخت

تعسل وتقول كوبلية شوية انطرب روميو او دحييم خخخخخ

وصار يغني معاها قلت بسسسسس كملت دويتو عندنا

كل هادا وانا في دنيا واهلي وسوالفهم وحكاياتهم والدلوخ اللي قدامي اي اخواني حفظهم الله ورعاهم

ولا حرمهم من دلاختهم في دنيا

احااااول اكون مع اهلي والله ما اقدر الين امي سمعت صوت البنت

وانا ارفع حواجبي للدلوخ الاتنين يعني انتبهووووا ركزووووا معايا

والاتنين قاعدين يستهبلوا ويرددوا في الكلمتين الانجليزي اللي حفظوهم مالت عليهم

شوية <<< ذبحتكم بالشوية حقتي

المهم شوية الاخت زعلت وتقوله ممكن تخليني لحالي ممكن مدري ايش كلام كثير قالته

وانا مبسوووووطة واقول خلاص هوا كمان بيزعل عليها ويقوموا ويتصالحوا في السيارة براحتهم

الا الاخ ماعنده دم مدري كيف شكيت ان عنده دم بعد كل اللي سواه

طبعا سويت رياضه لرقبتي من كثر ما التفت كل شوية واشوف ايش مسويين وهل نزل رجله ولا باقي

الا طلع باقي طلع قلبي اخضر على بالي بيستحي وينزل رجله

الاخت اتعدت ورفعت رجلها  والاخت متنقشة وحركات وشي

قلت يابنت هانت مابقي كثير بيجي العشا اتعشوا وقولي انك تعبانة وقوموا

شوية حطوا زي الهوا لعبدالحليم انطربت لاخت وقامت تغني اااااااه ابغى اقولها انكتمي  

ورميو قام يغني معاها وبدأو يتهامسوا قلت ماعلينا ما بيقرفوني بقرقرتهم اللي خرقت اذني

المهم ما انتبه الا ان اخوي الصغير كان بيقوم وطيح البارتشن اللي وراه على الناس

وانا اضحك واقولهم ليتك كنت جنبي الا الدلخ كعادته مفهي يقولي ليش عشان تتريقي عليا  نو كومينت على غباءه

قلت للمفهي اللي جنبه حرام عليكم سويت رياضه لحواجبي وانا ارفع وارخي وانتو مو معايا عالخط

الا يقولي لا لا انا معاكي قلت ايوا بااااااين المهم رجعت للاخوان اللي ورايا <<<ذبحوكي خخخخ

الا يا ناس اسمع ايش اسمع صوت بوسة !!!! تخيلوووووووووووووووووووووووا

وقبل لا ارجع اراجعها في اذني واقول يمكن عطسة خخخخخ اسمع صوت بوسة تانية

وربي اني بغيت انشل لا لا لا لا لا لا لا لا لا لا لا لا

لالالالالالالالالالالالالالالالالا

مدري ايش اقول ولا ايش اعلق ولا  ولا    ولا

قلت بس خلاص كملت خليني استعد للصدمة الاكبر <<< لا تزوديها هههههههههههههههههههههههه

واطالع لاختي ولامي وللدلوخ الاتنين ولكل العيله محد انتبه غيري

لان الحلوين اللي ورايا ورايا انا مباااااشرة ورايا انا وبس لالالالالازقين ببعض وجالسين على طرف الجلسه

وانا نفسي وقتها نقووووووم ولا ابغى عشا ولا ابغى خرجة ولا ابغى شي

يعني بجد برا لمن سافرت ماشفت كده هنا عادي يعني

ولا احنا شعب ما ينعطى وجه ولا ايش مني عارفه

عاد وقتها كان نفسي اقوم واروح عندهم وبس ابغى اشوف اشكالهم <<< لا كثرتي على نفسك

عاد آخر شي ربي رحمنا وقاموا انقلعوا من ورانا عسى قلعه تقلعهم وووووووجع ما يستحوا على انفسهم

 

 

 

 

 

 

ودوبي تنفست الصعداء وبديت ارجع لحالتي الطبيعيه قمت قلت للحلوين اللي معايا

طفشت من القعده قوموا ندور شوية ويااااااااليتني ماقلت ويااااااااليتهم ما قالوا طيب يا ابلة << معلمتهم الاحترام خخخخخ

عاد قمنا والقى بقيه الجلسات واحنا ماشيين الناس في الجلسات اثنين اثنين ولالالالالازقين ببعض

اووو بنت وولدين وقاعدين يتحاوروا << اموت عالحوار انا 

واذا بي <<< لازم اكشنات

القى قدامي شعووووووووور كثيييييييييير شعور جمع شعر اللي على الراس << قولي قسم خخخخ

نفسي افهم ايش الاغراء في شكل البنت وهي بشوشتها

والله والله والله لو انا ولد ما اخلي بنت كده الا ما اعاكسها واحطمها وامد يدي بعد اشد شعرها خخخخ

8

8

ربي عرفت اللي في نيتك وجيتي بنت

 

 

عاد ما ابغى اطول عليكم << بعد ايش

 

بس نفسي ايميلي يوصل للبنات اللي زي كده يعني مو معقول التطور وصل لكشف شعورهم

وما وصل عندهم للنت والاب توب

 

رسالة لكل بنت كده تمشي وهي مقتنعه بكده

 قال النبي : { كل أمتي معافى إلا المجاهرين، وإن من الإجهار أن يعمل العبد بالليل عملا، ثم يصبح قد ستره ربه، فيقول: يا فلان! قد عملت البارحة كذا وكذا، وقد بات يستره ربه، ويصبح يكشف ستر الله عنه }

 

تخيلي مكتوب ان العبد يصبح ويقول ويحكي عن نفسه

تخيلي انتي لا بتحكي ولا بتقولي انتي ماشيه في وضح النهار اللي هوا في وقتنا الحالي الليل

ماشية تتفاخري بشعرك الكيرلي او باللون الجديد اللي عملتيه وصاحباتك قالوا لك وااااااو يجنن

الكل بيشوفك اللي يسوى واللي ما يسوى ولو جيتي للحق

محد يسوى تاخدي عشانه ذنب محد يسوى يتكحل فيكي ويشبرك من فوق لتحت كأنك سلعه رخيصة

انتي اكيد في يوم من الايام حلمتي انك تكوني شي حلو شي مميز

لا تخلي متغيرات الزمان و التطور اللي وصلنا له ياخد مجرى تاني في حياتنا

من جد ما اعرف ايش اقول والله بس هالايام قاعدين نسمع

عن موت الفجأه تلاقي فلان قاعد حاله حال نفسه ومافيه ولا شي طيب وماعليه

تاني يوم تسمعي انه مات يؤؤؤؤ قولوا غير دا مو معقووووول

بس اللي حصل انه مات !

 

فعن أنس بن مالك رضي الله عنه يرفعه إلى النبي صلى الله عليه وسلم قال : ( إن من أمارات الساعة أن يظهر موت الفجأة ) ، رواه الطبراني وحسنه الألباني .

 

يعني الساعه قريبة وكلنا عارفين انها قريبة بس قاعدين نتناساها

محد مننا ضامن عمره انا مني ضامنته اليوم اكتب لكم وبكرا هل راح ارسل لكم ايميلات ثانية ولا لا

انتا ضامن نفسك؟؟؟؟؟ انتي ياحلوة يلي عندك احلام واماني ضامنه نفسك؟؟؟؟؟

الله يعطينا وياكم الصحة والعافية والعمر المديد في طاعه الرحمن

 

ترى لا تحسبوني امكم العجوزة من كلامي وايميلي بس حلو اننا لمن نشوف الغلط ننكره واضعف الايمان بالقلب

حلوة الحياة وحلوة الفلة والوناسة والانبساط بس عاد لا تتمادوا يعني الخرجة ما تصير خرجه الا لمن افك شعري وافتح عبايتي

واخلي واحد لا راح ولا جاه يشوف شعري ويتأمل جسمي ويسرح بخياله المريض فيني

وكل مره يسرح او يفكر فيني او مدري ايش يصير فيه انا اخد ذنب

تخيلي تيجي يوم القيامه ويكون مكتوب عليكي انك زنيتي مع فلان وفلان وفلان وفلان

بالله وقتها ما بتندمي انا ادري في كل مكان في الطيب والبطال بس ياليت اللي لسه عندهم قلوب من هدول البنات

يتأثروا ويتغيروا ماراح تندموا على التغيير

 

من ترك شيء لله عوضه الله خيرا منه

 

ماعندي كلام اقوله اكتر من اللي قلته وسامحوني لو طولتها وهي قصيرة 

 

 

 

عندي امل فيكي انك تتغيري  

 

صحااااافووووه لو اتكرمت ونشرت ايميلي <<هادا وجهي لو نشره بعد هالكلمة

ايميلي مخفي 


 


0 التعليقات: