اعلن معنا

بعد الحب كلن يروح في حاله



---------- Forwarded message ----------
From:
CoNnEcT  <connect-8@hotmail.com>
Date: 2010/4/28
Subject: بعد الحب كلن يروح في حاله
To: als7af group <als7af.group@gmail.com>


صباااحووو جميعاً

مستر برزدنت الصحـافـ يرجى اظهار الايميل تم ازالة التشفير

 

 connectv.gif

 

 راح اتكلم في ايميلي هذا عن الحب 

  

يا ناااس فهموني وش معنى الحب عندكم

 

انا جيت اتكلم عن الحب اللي بين البنت والولد

 

الحب اللي يكون بين نفرين لا نفر ثالث بينهما :d:

 

زمان على ايام قيس وليلى وعنتر وعبله وشحيبر ونهله


كانو اذا حبو ما غير يغثون خلق الله باشعارهم


وكل واحد يتعلق بالثاني تعلق مهوب صاحي وتضحيه و بلاوي متلتله


بس نهاية الحب عندهم كانت ثلاثه اشياء


الموت : اذا لعب القدر دوره و فرق الولايف


الجنون : اذا الاهل رفضو ان حبهم يجتمع في بيت واحد

 

الزواج : اذا ضحك لهم القدر ورقص في زواجهم الاهل

 

وانا من هوون حددت تعريفي للحب

كلمه حلوه تحمل كل معاني العطاء والتضحية و البذل وتقديم المحبوب على النفس


نجي لمفهوم الحب للشباب اليوم

 

حبيني و احبك و اعشقيني و اعشقك وفي النهاية كلن يشوف دربه


وهذا مثال عليه

 

يرقمها في احد الاسواق او البحر


والهبله تاخذ رقمة ... تعطيه رنه او بالاصح كول مي


مو مسألة ما عندها رصيد بس تقول في نفسها وشو له الخساره

 

والدلخ يشوف الرقم الغريب ويا فرحته يتشقق من الوناسه ويدق

 

ومن اول مكالمه بدت قصة معاناتهم مع الحب


وبعدين ياهووو ذاك الحب اللي يقطع قلوب البعارين


واحبك وتحبني وانواع الاغاني الرومنسيه

 

ويكلمها طوول الليل في عتاب وكلام احباب


وهالخروف الرصيد ماشي عليه هذا اذا ما كان يشحن جوال البنت بعد


المهم ويكونون على هالحال فتره سنه سنتين على حسب الحب


وعلى حسب الرصيد وعلى حسب كمية شحنه للبنت:d:

 

بس يكونون متفقين على شيء واحد اكيد


(( نحب بعض .. و بعد الحب كلن بروح في حاله))


لعنبو من علمكم الحب


وهذي الظاهره ياكثرها في المدارس و المعاهد و الجامعات وكل مكان

 

في واحد الله يستر عليه اعرفه كان يحب وحده ويكلمها

 

واذا ما كلمها خلاص تجيه حالة انهيار و براطمه تكبر من الحاله النفسيه لين تصير كنها براطم رونالدينو


وبعدها بفتره جا قال لي يا كونت بارك لي تراني ملكت

قلت مين اللي تحبها قال وش فيك انت مهبول

هذاك حب وهذا زواج وش دخلهم في بعض

لعنبو من علمكم الحب


قال يا اخوي يا كونت الحب احاسيس ومشاعر وحنان والزواج تكوين اسره

 

وبما ان لكل حب نهايه ونهاية هذا الحب اكيد انهم يتركون بعض


وكأن اللي جرى ماكان و من شذ عن هالقاعده يصير نهايته زواج بس ينتهي بطلاق


لعنبو من علمكم الحب


انا اللي قاهرني ان بينهم مشاعر حقيقيه


بكاء ودموع ومشاعر فياضه


وفجأه اذا تقدم لها واحد تنساه وينساها بكل بساطه


هذا اذا فيهم خير وما يبون يخدعون اللي جاء يخطب البنت او اللي خاطبها الولد


وبعضهم يكون متزوجات و متزوجين وعادي عندهم حبايب و حبيبات خارج العلاقة الزوجية


يعني لهذي الدرجه وصلت كلمة الحب لهدناءه


صراحه ما الوم اهلنا اذا ربونا ان الحب جريمه لا تغتفر


ليه مفهوم الحب تغير

 

ليه صار اللي يتزوج عن حب شخص ماعنده شرقيه


مع ان اللي سبقونا كانت شرقيتهم ازود من شرقيتنا


ليه تغيرت صورة الحب من ذاك الطهر لذي الدناءه

 

و ليه و ليه و الف وعشر طعش ليه ؟؟:d:
 
connectv.gif
 
كان معكم من خلف المايك
الدكتور الطيار:d:
كونت
 
 

1 التعليقات:

بنت جيران الصحاف يقول...

فيه اغنيه مشهورة عند الطقاقات في كل زواج يكررونها
تركت الهوى وارتاح بالي خلاص الحب ما يطري عليا

هههههههههههههههههه

ودنا فيدك بالموضوع بس والله ماجربنا الحب للاسف .. والله مانعرفه الا في المسلسلات والافلام ماغمزة السناره مع احد ... من جد اتمنى اجرب مشاعر الحب اتمنى اعرف وش يحسون فيه