اعلن معنا

مــسلسل إخلاء الــطرف :(



---------- Forwarded message ----------
From:
مــزآج ُ كـوفي ُ <mzaj.coffe@hotmail.com>
Date: 2010/4/5
Subject: مــسلسل إخلاء الــطرف :(
To: als7af.group@gmail.com




 

 


 

 

السلام عليكم والرحمه

 

يسعد لي صباحكم أو مسائكم
كيف أعضاء القروب
وكيف هي أيامكم


وعقبال الـ أربعين سـنه للقروب وأكثـر ومبروك الأستايل الجديد
من فرح لــ فرح ان شاء الله


وعلى طاري التهنئه
حبيت اهني كل المتخرجين والمتخرجات من جامعة الملك فيصل
اللي تم نشر أسماءهم في الجريده يوم السبت الماضي
وعقبال الدكتوراه ، والوظيفه قبلها
ومن ضمنهم كنت أنا 

نرجع لـ مسلسلنا أو موضوعنا
اللي كتبته من شدة حر ظهريتنا الجميلة


اللي هو معاناة الأغلبيه عند عمل اخلاء طرف


يعني لما نجي نسوي اخلاء طرف لازم تكون نفسيتنا متهيأه لـ وجية البـشر المبتسمين طبعا
ولازم نكون مهيئين رجولنا وأنتوا بكرامه لـ ضرب المشاووير بين أربع أو خمس مباني
وكل مبنى يبعد عن الثاني مدري كم كيلو


عشان كذا ماسويت اخلاء الطرف إلا متأخر عشان أريح رجولي فترررة طووويله خخخخخ


 

المهم انعاد لي نفس الفيلم اللي سويته بعد ماخلصت الدبلوم نفسها نسوي اخلاء طرف ونفس القصه والمشاوير

رحت اليوم بعد قرار مني للجامعه ،
ولبست جزمه مريحه  أكرمكم اللــه
وسميت باسم الله
وانطلقت الى مبنى الطب
وأخذت ورقة الأخلاء منهم وقامت تكتب لي أسماء اللي لازم أخذ تواقيعهم بس
وأنا وجهي هيك


فلأنه في مبني 55
وفلأنه وفلأنه في المكتبه الأمنيه
وفلأنه وفلأنه في مبني 65
وفلأنه عند المكافات الطلابيه
وفلأنه تحت في مبنى الطب على يدك اليسار
وفلأنه في مبنى الطب القديم
وفلأنه وفلأنه وفلأنه في مبناكم


وعلى Mzaj.Coffe انها تحفطهم وتحفظ أماكنهم.

وتدوور عليهم إذا كانوا مش موجودين في مكاتبهم كح كح كح
يعني ابمر على خمس مباني في الشمس واروح لـ مكتب فلأنه وأسأل عنها واطلب حضرة توقيعها


المهم
قالت لي إذا خلصتي اخر توقيع من مبنى كليتكم رجعي هنا مبنى الطب سلمي الوورقه وراح أعطيك الوثيقه
قلت أبشري


هالـشي حمسني ونسيت التعب اللي بسويه


عشان الوثيقه


طبعا اغلب المباني ماعرفها ولا أعرف المسؤلين اللي فيها ماعدا مبنى كليتنا
بس من سأل ماتاه كله في سبيل الوثيقه


مريت و وقعت

مريت و وقعت

ومريت و وقعت

 

وهكذا دواليك


الييين ما وصلت مبنانا ، ورحت لأول مكتب صادفني طالبين منه توقيع على نياتي
عطيتها الورقه
قالت لي خلصي التواقيع اللي في الطابق العلوي وبعدين تعالي لي
آآآآآخ بس وش يفرق كلها بتكرم علي وتوووقع
لازم فوق أول
بس قلنا ماشي


رحت فوق ، وخلصت التواقيع بعدها نزلت
وتكاد الفرحه تتشقق من فمي وكدت انسى توقيعها
خخخخ


لأنه اخر توقيع

بعده أضرب مشوواإار للطب ثاني 
نزلت تحت لها
قالت لي عطيني الورقه والبطاقه الجامعيه
قلت سمي ،
أخذتهم مع بعض. وقالت
بكرا راجعي الجامعه خوذي أوراقك عند فلانه اطلبي اخلاء طرفك


قلت نععععععععم !


تحطمت نفسيا ومعنويا من ردها


عاد أنا بنيت أحلامي ورسمت وظيفتي

وأنا أضرب هالمشواير
وكيف ماسكه الوثيقه وهيك خخخ


ناس يقولون أخلصي وتعالي وأعطيك وناس يقولون بكرا


يلااإاإا ما باليد حيله
نشوف بكرا بإذن الله وش رح يصير
ان شاء الله مايمرمطونا أكـــثر :(
كل اللي أتمناه تصير ورقه وحده يوقعها الطالب جاهزة موقّعه من قبلهم

 


تسلمون
والى لقاء اخر

 

 


 

Mzaj.Coffe

 


 


0 التعليقات: