اعلن معنا

:( يوووه يازين أمريكه بس



---------- Forwarded message ----------
From: tbsi mf67 ..
Date: 2010/4/13
Subject: :( يوووه يازين أمريكه بس
To: als7af.group@gmail.com




 

 

الإيميل مخفي لو سمحتو

 

 

.

 

السلام عليكم ورحمة الله وبركاته

 

كم جميلة هي الطبيعة الغناء وكم جميل هو صوت خرير الماء في الترعه

كم أحب أن أتمشى بين الحقول وأقطف الورود من على أغصان النخيل -> معرف أكتب مقدمات يعني مشو حالكم بهالمقدمه

الحمدالله خلصت الإمتحانات

وخلاص بغيب أخيييييييرا

تعبت وربي تعبت من هالجامعه الله يعين بس

أدعو ربي يصلح حالي بالجامعه بس

خلونا من معاناتي في الجامعه اللي أتوقع مابتنحل إلا إذا تدخل بن لادن وفجر له واحد من مباني جامعتي

وياليت لو يفجر الإداره يوم يكونون كل الأساتذه متجتمعين

 

أبدخل بالسالفه اللي خلتني أتحمس إني أكتب لكم إيميل ثاني

قبل كم يوم رسلت إيميل عن الناس اللي ترسل تقول "مانبي السعودين / السعوديات ... إلخ " وبعدين

جتني تشجيعات من جمهوري -> أنقلعي بس

بس واحد من الناس اللي تركو تعليق أو سؤال اللي تبون تسمونه سموه

في صفحتي على موقع الفورم سبرينق هو السبب اللي حرك مشاعري وخلاني أكتب هالموضوع

تابعو الصور التي توضح كلام "الشاب السعودي" إبن الـ23 ربيعا -> لازم فلسفه مقدر مقدر

 

 

 

سوري أحس الصور ملخبطه شوي بس تقدر تدخلو على الموقع

http://www.formspring.me/Mfhia 

بعد السوالف اللي فوق طقت براسي إني أرسل إيميل وأرد عليه وبالمره أوصل هالرساله لباقي الشعب

بعد ماشفتو الصور

طبعا هو حاله مثل حال كثير من الشعب

اللي مفكر زواجه من أجنبيه بيحل المشاكل وبيعيش بتبات ونبات ويخلف ورعان وبنات

أبسئلكم من منكم مقتنع بهالفكره؟

يعني أنو إذا تزوج/تزوجت واحد/وحده من خارج السعوديه بتنحل مشاكلهم؟

اللي موافق على هالفكره يرفع يده اليمين

 

مثل ماتوقعت كلكم رفعتو هاااه

 

يعني الحين ياشباب أنتو مفكرين الحرمه الأمركانيه ماتنق؟

ولا تقول جيب خبز ولبن ، وودني للسوق ؟

ولا تزن فوق راسك أبي وأبي؟

وأنتو ياصبايا مفكرين الراقل الأمريكي شغلته بالحياه يدلع المره؟

ولا مفكرين أنك بس بترجعين من الشغل بتلقينه محتريك ع الباب و يغني لك الأماكن كلها مشتاقه لك ولا غبت والشوق طول مثلا؟

ولا مثلا كل يوم يجيبلك طئم ألماز؟

من جدكم أنتم؟

بالله مصدقين هالشي؟

طيب ماقد سألتو أنفسكم ليه كل مواطن من الشعب الأمريكي يكون متطلق 3 ولا 4 مرات؟ لا إذا مو أكثر بعد

يعني حريمهم ماينقون مثلا؟

ولا مثلا رجالهم مايقولون غير سمي وحاضر وتامرين أمر ووش تبين طال عمرتس؟

 

تدرون وش المشكله؟

أن كلكم تقولون يازين حياة الأجانب وحاسدينهم ياحرام على عيشتهم وأنت أساسا ماتعرفون شي عنهم غير مسلسلات وأفلام وأغاني

يعني اللي يقولون المره الأجنبيه أزين

قد مثلا أعرست على أجنبيه؟ أو أستغفر الله لاسمح الله قد صاحبت أجنبيه؟

أكيد بتقولون لا

يعني كلامكم عن جهل وبس

ليمتى بنظل جاهلين؟

مفكرين إن الأجانب أحسن منا بكل شي

يعني حتى إذا أحد عطس يقولون يازين عطس الأجانب بس

وترى هالكلام غير مبالغ فيه وتشوفون

 

تدرون وش أمنيتي؟

إني أقعد بالجامعه مع شلتي وولا وحده تتفلسف وتقول ياليتيني أهاجر لأمريكا

قسم بالله لو تبون أحلف ع المصحف إن معظم اللي يشوفون إن الأمريكان حياتهم حلوه يكونون 1 من الـ2

ياإما لحوج أو دشر بعيد عن السامعين

يعني لو تشوفون لحجي وتسألونه وين نفسك تسافر بيقول أمريكه

بحرف بالـ ـه بعد يعني زيادة لحجنه

 

كلمه لكل من قال يوووه يازين أمريكه بس

سأوجه لكم خطاب شديد اللهجه وفيه كلمات بذيئه

أولا : تسمعون بالمثل اللي يقول " من طلع من داره أنقل مقداره " ؟

ترى عزة الإنسان ببلده

وبعدين أنتم ياللحوج مفكرين الأجانب بياخذونكم بالأحضان يوم يشوفونكم؟

ولا مثلا من أول ماتطبون أمريكه بتدلدل كروشكم من كثر العزايم والمفاطيح ؟

ترى الأجانب والأمريكان تحديدا أكثر الشعوب عنصريه

يعني إذا عشان إختلاف لون البشره تصير بينهم مشاكل وقصص

فما بالكم إختلاف الدين واللغه والجنسيه إلخ

 ثانيا : تسمعون بالمثل اللي يقول " ياطالع من بيتك حزين يعني بتلقى الفرح عند مين " ؟

ترى الإنسان اللي مايقتنع بالبيئه والظروف اللي ربي حطه فيها مابعمره راح يقتنع بأي شي

يعني إذا بيئتك اللي ربي كون شكلك وشخصيتك وكل شي فيك عشان تتأقلم فيها ماعجبتك أجل وش بيعجبك؟

-> حسيت كتاب العلوم صف ثالث إبتدائي مدري ليش هههه

وبعدين إحنا اللي نخلق السعاده أو التعاسه في حياتنا

إيه نعم حنا السبب بكل شي شين يصير لنا

يعني دامكم كارهين حياتكم فكرو شوي ليش كارهينها؟

أنتم تقدرون تحسنون حياتكم ولا تهدموها

أمريكه مالها دخل بالسعاده

وإذ ماتحملتو البنت السعوديه أو الشاب السعودي ماراح تتحملون غيره

يعني أبن/بنت بلدك هو اللي فاهمك وعاجنك وخابزك وحاطك بأكياس خبز بنده إلخ

وهو الوحيد اللي يقدرك ويفهمك إلخ

 

ولأوثق هذرتي اللي فوق بقول لكم قصص عن ناس أعرفهم تزوجو أجنبيات

وطبعا هالناس كانو يحملون نفس أفكاركم العجيبه

 

أول واحد

هو نفر من عائله كويسه جدا محترمه وبدو لأبعد حد

يعني عندهم البنت ممنوع تطلع حتى للسوق

وتخيلو هو شطح وراح أخذ له أمريكيه

جاب منها بنت

وطبعا ماقدرت تتحمله ولا تتحمل العيشه بالسعوديه

وش صار ياتبسي؟ -> أنا تبسي يعني

أبد الله يسلمكم أخذت البنت وأشردت

والرجال أخر مره شاف بنته من 6 سنين ومايعرف وشلون صار شكلها

لا وأزيدكم من الشعر بيت

حطو الرجال وعيلته في البلاك ليست يعني مايقدرون يدخلون أمريكه

وبعدين وش أستفاد؟

أنحرم من ضناه وجته عقده نفسيه صار مايثق في الحريم

كل ماتزوج بنت طلقها بعد كم شهر ولا يرضى يجيب منهم عيال

لأنه يخاف يصير فيه مثل قبل وينحرم من عياله

 

ثاني واحد

هو نفر يشبه اللي فوق بدو إلخ

طقت براسه وأعرس على بريطانيه

جابو ولد وهي أحلفت ماتسميه إلا بول

عاد تخيلو أسم الولد

بول محمد

طيب بول وش ذنبه ينضرب بالمدرسه والسبب أسمه

أجل بول ياقليلين الخاتمه

هو صحيح عند الأجانب أسم بول مختلف عن كلمة بول عندنا

بس بالنهايه كل الناس راح تناديه على أساس المعنى العربي له

يعني ضاع مستقبل بول

 بالله من بيقبل يوظفه؟

ولا من بتقبل تاخذه؟ 

اللهم لاشماته بس

 

وقصص مثل ذي كثير

أنا طبعا ماقلت كل زواجات الأجانب فاشله بس كثير منها تفشل فشل كبير -> عشان لايجيني أحد يقول أمي إيطاليه وهي وأبوي مثل السمن ع العسل

اللي أبي أوصله لكم إن إختلاف الجنسيه لايحل المشكله أبد

يعني ممكن تعرس على فرنسيه وتكون جاهله و ركابها سوده مثلا

يعني الجنسيه مالها دخل

ولا يجيني واحد يقولي أنا ماأبي سعوديه عشان التفكير والثقافه

لأن هالسالفه قديمه ومكشوفه أوراقها

أجل تبون مثقفه؟

إيه هين

ع العموم المثقفات عندنا على ئفى من يشيل

يعني عذر الثقافه صار بايخ

أتمنى يا أخ اللي في الفورم سبرينق يكون كلامي وصللك وتكون فهمته

وإذا فيه شي ناقص عادي أرجع أرسل إيميل ثاني وأرد عليك -> لا يرحم أمك خلاص

وأتمنى كل إنسان هذا تفكيره أنه يرقى بتفكيره شوي ويحاول يحلل الأمور عشان مايطلع شكله لحجي وجاهل إلخ

 

في النهايه

سوري إن الإيميل مافيه فيسات وهيك

بس صراحه ماعندي وقت بسافر اليوم وبضب عفوشي

أحب أشكر جدتي على الأمثال

وأتمنى إني ماأكون جرحت مشاعركم بأسلوبي القاسي الدفش الشين الكخه اللي مهوب زين إلخ

وبس

 قبل لا أقول إلى اللقاء -> يعني تطمنو مهب أخر مره أرسل إيميل

Formspring هذي صفحتي على موقع

 يعني إذا ودكم تسألوني عن شي ولا شي لايردكم إلا الماوس والإنتر أو إن النت يفصل عندكم لاسمح الله

 وبس سلامتكم

 

0 التعليقات: