اعلن معنا

صور تيسنا المدلل "مروح" --> أذكرو الله



---------- Forwarded message ----------
From: tbsi mf67 ..
Date: 2010/4/21
Subject: صور تيسنا المدلل "مروح" --> أذكرو الله
To: als7af.group@gmail.com


 

الإيميل مخفي لو سمحتو

 

 

.

 

السلام عليكم ورحمة الله وبركاته

 

أقول سمعتو أخر خبر؟

 

حتى أنا ماسمعتوه -> ياشين اللي موب عارف شلون يبدأ الموضوع

مدري وش فيني لي فتره ضايقه فيني الدنيا

أحس صرت أتحسس من أي شي وأتفه وأسخف سالفه أشيل همها ويوجعني قلبي عليها

لا واللي زاد قهري إن أبوي أمس مهزئني ونا مالي ذنب أحس الموضوع مايستاهل تهزيء

أكره شعور عندي بالدنيا إن الرجال اللي في حياتك مايقدرون مشاعرك

سواء كان أبوك ولا أخوك ولا رجلك أو إبنك أو حتى إبن عمك

أحساس زفت صراحه

يعني يعرفون ظروفك وإنك بوضع نفسي مزري ويزيدونه عليك

أسفه أتعبتكم بسوالفي الشينه بس وش أسوي أبي أفضفض شوي

 

 

ــــ

 


الحين بوريكم أخر تقاليع الشعب العربي

أكتشفت إن كثير من الشعب العربي فاضي

ولا وراه لاشغله ولا مشغله

--> لاحظتو ماقلت كلهم عشان مايجي أحد دلخ يقول التعميم مطرز بالحمق

إيه صح ذكروني أقولكم أشياء تفش فش صارت لي بموقع فورمسبرينق

 

مالكم بالطويله

المهم ونا أحوس بالنت لقيت منتدى خاص بالحيوانات الأليفه

تخيلو منتدى كاااااامل بس للحيوانات الأليفه

مو قسم بمنتدى لا منتدى كامل --> أدري غثيتكم بس من هول الصدمه

أحساسي يقول إن نص اللي فيه ماتعدو الـ14 سنه يعني منتدى أطفال ومراهقين مجرد إحساس لاغير

المشكله موب هنا

المشكله على الأشياء اللي مسوينها

أنا رفعت لي ضغطي بس مدري عنكم

أنا نفسيتي صعبه هالأيام يمكن هالسبب اللي مخليني أحس الموضوع كبير بزياده

صورت لكم كم صوره من مواضيع هالمنتدى عشان تشوفون بأم عنوناتكم

أنا قسمت الصور على عدة أجزاء على حسب مغزى الموضوع

 

~~~~~~

 

الجزء الأول

 

" مروح صار أب ياعيال تعالو هنوه "

حلفت عليكم غير تقولو ماشاء الله

--> شايله زمزميات الحلبه وتزور اللي أولدو 

.

|1|

.

كللووووووووووووووش

مبروك مبروك الله يجعله مولود السعاده

حرام والله شكلها يحزن

بس 3 ساعات صارت كذا وش حالها لاجاها الطلق 12 ساعه ولا يوم

يالله عساه تكفير لذنوبها بس

 

.

|2|

.

.

أخخخخخ تفووو

ماشاء الله ماشاء الله --> سمو ياجماعه العين حق

لا وفيه واحد مدري هو يخفف دمه ولا هو أساسا دمه خفيف ونا فاهمته غلط راد على اللي منزلـ/ـه الموضوع ويقول

.

.

|3|

.

.

الله أعلم أنه مسجل خصيصا عشان ينزل هالموضوع

المهم

كللللوووووش والله يجعله مولود السعاده

.

|4|

.

.

الله أعلم وعلى ذمة الراوي أنه هامسترات قصيميه

أجل أهب بكل بطن 9 و7

بعذره كاتب قولو ماشاء الله

هذا ماينلام صراحه

.

|5|

.

.

وش هالهامستر المتوحش

واللي مايعرفون الهامستر تراه إبن عم الفار

.

|6|

.

.

هذي أول مره تولد أرنبتها

ومن الفرحه ضربت فيوزاتها

.

|7|

.

.

ماشاء الله يتربو بعز أهاليهم يارب

أهم شي يوم تطلع البيبي --> بلهجتنا تولد عاد مدري عنكم

لا وتاخذ لها غفوه بعد ههه

أقول يمدحون القيصري

.

|8|

.

.

طبعا كل اللي فوق بكفه ودكتور كمال إستشاري النساء والولاده بكفه

أولا لاتشرهون على لوسي تراها بكريه

مسكينه عانت الأمرين وهي تولد

يحرام ماتدري وين الله حاطها

هذي مشكله من مشاكل زواج الصغيرات بالعمر

يعني الأهل الله يهديهم البنت تبلغ من هنا ويزوجوها من هنا

الله يعين وترى هي حالها من حال المسكينه اللي فوق

أجل الأعمار بيد الله؟

يلا الله يلطف فيهم إن شاء الله

ومدري هو وش مسوي لها يقول قاطع رحمها

!أوما وش رحمها ذا اللي بتقطٌع فيه؟

لا ويقول شقيت كيس وعووو وش كيسه ياحظي

 

 ~~~~

 

الجزء الثاني

Happy BirthDay 2 You .. Happy BirthDay 2 You

Happy BirthDay 2 Mrw7 .. Happy BirthDay 2 You

 

.

|1|

.

.

لااااائه إيه ده

صراحه عصر عالجرح ليمونه

أجل مسوي لها حفل ميلاد لقطوه جربانه ونا البني أدمه لي 19 سنه أشحذ أهلي يسوون لي ومحد معبرني

أه بس أه

لا ولاحظو البيرث داي الثاني يعني فيه بيرث داي أول

أويلييييه على حالتس ياتبسي

 

 

~~~~

 

الجزء الثالث

صور تيسي

 يالبى قلبه مروح وه بس يدنن يناسو عليه

أسئلكم بالله تقولون ماشاء الله

 

.

|1|

.

.

الله يغث عدوينك قل أمين

يعني من بين كل الأسماء مالقيت غير هالإسم؟

الله يكرم النعمه بس

واااع بس

.

|2|

.

.

ااااااع

أجل يالبى؟

نذكر الله على وشهو؟

.

|3|

.

.

تعب قلبي من كثر ماعلقت علقو أنتم

.

 

~~~~

 

الجزء الرابع

ياجعل يومي قبل يومك يامروح

 

.

|1|

.

.

رحمته وربي

حسيته بالإبتدائي مدري ليش

وفي نفس الوقت تذكرت سالفه صارت لي يوم إني بثاني إبتدائي هههههه

ولد أخوي كان عنده أرنب

وكان معذب الأرنب بكل أنواع العذاب

أذكر كان يوقف في أول الدرج ويرميه من فوق

خبل يفكره بيطير مثلا ههههه

المهم بعد كم يوم الأرنب عطاكم عمره

عاد أنا أنصدمت وحسيت بالذنب ونزل علي خشوع غريب لأني تذكرت الحديث النبوي الشريف اللي عن المره اللي ذبحت قطو إلخ

ورحت قعدت أصيح وأقرأ قرأن مدري ليش ههههههه

.

|2|

.

.

وع وش هالفيران المتوحشه

وشوله تاكل بزراينها؟

.

|3|

.

.

ياشين الوحده بس رحمة الفار مع إني معرفه

خلاص قررت أعرس وأتوكل على ربي

أخاف أموت وحيده

.

 

~~~~~

 

الجزء الخامس

الله لايخليني من وجودك ولا من ريحتك ياحياتي

الحمدالله ع السلامه يامروح

 

.

|1|

.

.

هذا وش سالفته

ونا أتفرج ع المنتدى طاحت عيني على توقيعه

وماأقول غير الله يخلف عليك بس

.

 

~~~~

 

الجزء السادس

مروح +18

.

|1|

.

أول شي بفهمكم السالفه

هذي بنت مصريه منزله موضوع تقول شوفو قطاوتي

وقعدت تهذر وتقول أنهم دايم يتضاربون إلخ

وطبعا القطوتين وحده رجل ممشوق القوام والأخرى إمرأه قرمه إلخ

الله أعلم إنها حاطه عينها على غيره

ماتستحي وربي

المهم ردت عليها هالبنت

.

.

هههههههههههه

مدري ليه أحسها بتصير أم مثاليه

إذا القطاوه مسويه فيهم كذا أجل وش بتصلح بعيالها؟

.

|2|

.

طبعا باقي ذي خويتنا المصريه اللي قطاوتها يتهاوشون

شوفو وش ردت عليها

وترى من جد من جد +18 يعني اللي أقل من 18 يغطي عيونه

.

.

 

هههههههههههههههههههههههههههههههههههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههههههههههههه

 لا كومينت على كلامها

 

...

 

 

وبس خلصت

وش فايدة هذرتي اللي فوق؟

إن الناس مدري وش تحس فيه

يعني معقوله توصل لدرجه إن أحد يجي يقول أدعو لقطوتي ربي يقومها بالسلامه؟

لا واللي تموت قطوته يقعدو يعزوه

حشى بني أدمين

وش هالتصرف اللي ماله سنع

مدري وش يحسون فيه

لا يجيني واحد يقولي الحيوان روح ودينا وصانا فيهم

أنا ماقلت شي نرفق فيهم إيه

لكن موب لدرجة نقول الله يرحمهم والله يغفر لهم ولا الله يقومهم بالسلامه

لا واللي يرفع الضغط يسوون لهم حفلات ميلاد --> هذا اللي هامك

لا سوو حفلات تعارف ومنكر وشرب بعد

وش هالسخافه والفضاوره

ربنا كرمنا وخلقنا بشر كرمو أنفسكم يابني أدمين ولا توصلون الحيوان لدرجة البني أدم

يعني صار الواحد منا مايفرق بين الكلب وراعيه

أستغفر الله بس

يوم أشوف شباب مسلمين صغار بالعمر يسون هالتفاهات أسئل نفسي

جيل عيالي وش بيسون؟

الله يرحم عقولنا بس

شكلنا بنوصل لمرحله إن تطلع أخبار بالجرايد عن بنات أعرسو على تيوس وضبان ولا صراصير بعد مثل الأجانب

والله ماأستغرب أبد

الله يهديكم ويهدينا

 

ـــــــ

 

إيه صح

سالفة الفورمسبرينق

أول شي بقولكم أنا أكره شي عندي إن يجيني واحد مايدري كوعه من وبوعه ويجي يناقش

لا ياليت يناقش إلا يسب ويهزء بعد

يعني تخيلو جاني واحد قبل كم بوم يقول "ترى حنا عطيناك جوك وتراك زودتيها وقولي لخوياتك إن مهند يعطوه دراهم لجل يصير رومانسي" طيب؟

أنا وش دخلني يادلخ ياللي ماتفهم؟

ليش أنا قد رسلت أبعرس على مهند ولا مهند رومانسي ولا صديقاتي يحبون مهند؟

المشكله ياليته يتكلم بأدب لا

والمشكله الأكبر ياليته فاهم شي لا بس جاي يبربر وهو مو فاهم شي

يعني مثل الخبل بالزفه

دليل أنه بس ضغط على الرابط ودخل يهزء

فعلا إنسان متخلف

الله يشفيك بس

 

وجاك واحد ثاني يقولي

" أنتي جاهله ومطرزه بالحمق وقال وشو أنتي كلامك غير مبني على دراسات موثقه ووش عرفك إن الشعب الأمريكي عنصري
"

ليه أنا قايله إني جايه من حقوق الإنسان؟

ولا قايله مسويه أبحاث؟

ماأعتقد قلت كذا

وإذا جينا للجد إلا كلامي صح .. كثييير من الشعب الأمريكي عنصري

وإبن أبوه اللي يجي يقولي غلطانه

لو مهوب عنصري ماكان حال المسلمين بأمريكا مثل الزفت

واللي يتابع برامج مثل أوبرا وتايرا بيعرف أنا وش اللي أقصده

ودايم أساسا يجبون حلقات عن العنصريه

سواء عشان لون البشره أو الدين إلخ

بس اللي يتفلسف ويقول موب عنصرين ولا يعرفون العنصريه هم الجاهلين اللي مايعرفون عن الأجانب غير الصياعه

يبون يصيعون وبس وترى كل هالأشكال المتخلفه يسافرون أمريكه ثم ياكلون تبن ويرجعون 

أنا السبب اللي خلاني أرسل هذاك الإيميل إنكم كاسرين خاطري والله كاسرين خاطري

عايشين طول عمركم تندبون حظكم وتقولون حنا شعب غبي ومتخلف ومدري وشو ويازين أمريكه بس

وفي الحقيقه حنا موب شعب متخلف

المتخلف هو اللي قاعد يتهمنا بهالأشياء

واللي يقهر يقولون لاتعممون العنصريه على الشعب الأمريكي ونفس اللي يقولون هالكلام يعممون التخلف والجهل على الشعب السعودي

وبس أنا تعبت من كثر ماتكلمت

ياليت ينفع الكلام بس

بس أنا متأكده بنظل نعيد ونزيد والمتخلفين على حطة إيدك

الحمدالله ع الدين والعقل بس

 

 

..

 

وبس هذا رابط صفحتي على الفورمسبرينق

للناس الفاهمين واللي يبون ينتقدون بإجابيه

والدلوخ لو شفتهم هناك بيشوفو شغلهم

تحسبون لأني متربيه ماأعرف أرد مثلا؟

 

 

 

--> واضح إن النفسيه صفر والأخلاق قافله

 مع السلامه

 

 

..

 

:) رابط لتحميل قرأن فلاشي على لاب توباتكم
http://www.quranflash.com/download/index.html

موقع قرأن
http://www.tvquran.com/


0 التعليقات: