اعلن معنا

صور: بردان أنا تكفى.. أبي أحترق أدفى..!!



---------- Forwarded message ----------
From: بدر الشوق بدر الشوق <b.s9@hotmail.com>
Date: 2010/4/3
Subject: صور: بردان أنا تكفى.. أبي أحترق أدفى..!!
To: als7af.group@gmail.com, الصحاف <al_s7af@hotmail.com>



يسر إدارة قروب 
الصحافـ تسوونامي ـ
ترحب بالكاتب
بدر الشوق

حياك الله معنا 

:)


===========


السلام عليكم.. عادي حبيب آلبي.. وشسمه هذي هي الرساله وارسلتها على ايميلين لكم..

 بس مدري وش اللي اعتمده بالضبط؟

وهذا هو نفسه الايميل اللي ارسل به لقروب ابونواف

وبنفس اسمي بدر الشوق

شاكر ومقدر لك تواصلك..



  -------------------

 

بسم الله الرحمن الرحيم

 

 


.
السلام عليكم ورحمة الله وبركاته..
صباحكم ومساءكم عسل وقشطه ومهلبيه..
شخباركم إن شاء الله تزقحون وبخير وعافيه؟؟
أحب أبارك لأهالي مدينة الرياض هطول الأمطار اللي صاحبها غبار (عجّ)
ومع أنه ماطوّل لكن الحمدلله رب العالمين على نعمة المطر..
وإن شاء الله الجايات أكثر على مدينة الرياض وجميع مناطق ومدن المملكة يارب..
على طاري الجايات.. قبل أسبوع جتني إضافة خلتني أضحك ضحك(ن) موب طبيعي..
والسبب من طريقة الإضافة وعنوانها ههههه..
يعني لهالدرجة العالم تبي تعرس؟
<<علّم نفسك بس هههه
.

 


.
وشسمه.. أحسّ أنها قد أضافت أحدّ متزوج بعدين أضافتها زوجة هالأحد وهاوشتها هههههه
عشان كذا خذت موقف..
المهم ماعلينا.. ماودّي أطوّل فالمقدمة زي العادة, لأن الموضوع ان شاء الله بيكون دسم شوي..
وكان المفروض يخلص الموضوع من اسبوع على الاقل.. لكن أبوإبراهيم (مديري فالعمل) أشغلني الله يشغله..
وخلاني أركب السيارة وأتخيل كل سيارة قدامي هو يسوقها..
وإذا وصلت البيت تخيلته دجاجه منسدحه على صحن الرز (وتقول هاااه) وأنسدّت نفسي..
وإذا جيت أرقد جلست أحلم فيه.. مع أني قريت المعوذات لكن وراي وراي..
وأصحى من النوم وأنفث على يساري وأرجع أرقد ثانيه..
وعلى ذالحال يومياً لمدة أسبوعين..
المهم ماعلينا منه.. على قولة أخواننا في مصر: ربّنا ع المفتري, ربّنا ع الدالم, ربّنا ياخدك
ملاحظة: الظالم = الدالم
الزبدة أنه ياشين الواحد يكتب مقدمة الساعة 3 الفجر, أنواع التحشيش ههههه
نروح لفقرات الموضوع أحسن..
.






][ مدخ ـل ][
.
جمرة غضى.. أضمها بـ كفيّ..
أضمها حيل..
أبي الدفا.. لو تحترق كفيّ..
وأبي سفر لـ الليل..
بردان أنا تكفى.. أبي أحترق أدفى..!!
لـ عيونك التحنان.. فـ عيونك المنفى..!!
جيتك من الإعصار.. جفني المطر والنار..!!
جمرة غضى ..!!
.

.







][ إمسحها وإحتسب ][
.
سوسن: توتو, وقفي هناك شوي.. بسرعه بسرعه..
تهاني: ليش شسالفة؟؟
سوسن: شوي بس بطق لك هذيك الصورة اللي تاخذ العقل..
تهاني: هااااو.. مايحتاج صور ولا شي, بعدين انا الصور تظلمني دايماً.. وأنا حلوه,
سوسن: أخلصي علي منيب ماكلتس يالمخيسه.. قبل يطلع احد علينا..
تهاني: طيب طيب.. بس وانا لابسه الحجاب..
سوسن: بلا خبال عاد.. شيليه يالللللللللللله..
تهاني: طيب يلاااا..
تششششك <صوت كاميرا جوال..
سوسن: خلاص مشينا يالله..
تهاني: أرتحتي ألحين..؟
سوسن: ايه شوفي شكلك تجننين ههههه ياحبني لك بس..
/
/
هيفاء: هلا وسهلا بالقاطعه شخبارتس يالشينه؟
سوسن: الحمدلله تمام شلونتس أنتي؟
هيفاء: والله بخير, من طوّل الغيبات جاب الغنايم..!
سوسن: هي غنايم وبس؟ شي(ن) بيوسع صدرتس بقوّه..
هيفاء: وش عندتس هاتي..؟
سوسن: تذكرين تهاني اللي معنا فالمحاضرة.. حقت ذيك الدكتورة المملة..
هيفاء: إيه إيه اللي منيب أهضمها.. ياشينها وش جاب طاريها ألحين..
سوسن: جبت لتس صورتها.. بس ياهي صوره تعجبتس..
هيفاء: وريني أشوف..
سوسن: أمسكي الجوال شوفي.. اضغطي تكبير وشوفيها زين..
هيفاء: وين هذا؟؟ شقه ولا وشو؟ يا هي داهيه ذالبنت ههههه
سوسن: لا لا هذا فالمول اللي جنبنا.. بس كأنه ديكور شقه هههه
هيفاء: طيب ارسليها الله يعافيتس.. وأنا أوريتس فيها..
سوسن: وش بتسوين بها؟؟
هيفاء: مالتس دخل.. أرسلي وخلي الباقي علي..
سوسن: طيب أفتحي بلوتوثتس.. وش إسمتس فيه؟
هيفاء: إسمي العاشقة الجميلة..
سوسن: طيب أرسلت.. إقبلي..
هيفاء: طيب .. ضغطت موافق..
/
/
مسفر: أبو رشود, وش آخر شي وصلك بلوتوث؟
راشد: أبد ماعندي الا الدجه, كلش قديم..
مسفر: طيب ماعندك مقاطع.. اللي بالي بالك؟
راشد: لا مسحتها آخر مرّه.. قفطني أبوي هههه
مسفر: أجل شكلك ماشفت بنت (الفلان)؟؟
راشد: من هي ذي؟؟ وش سالفتها؟؟
مسفر: هذي طالعه استراحه مدري شقق عيال ومصوّرها خويها..
راشد: هااااو.. تقوله صادز أنت؟
مسفر: إيه والله ياهي موووت بعد.. يقولون أنها ساكنه فالحارة اللي ورانا عاد..
راشد: وش يقال لهم؟؟
مسفر: ابوها ...... وأمها بنت الـ..... عاد والله أعلم من صدز هالحكي..
راشد: طيب ارسل ارسل.. خلني اشوف زين, شاشتك صغيره انت موب واضحه..
مسفر: طيب بس أمانه ما ترسلها لأحد.. لأنها في ذمتك.. وتراها أعراض ناس يعني..
راشد: هههههههه شف من يتكلم بس؟ خلاص منيب مرسل لأحد, بشوفها وبمسحها..
مسفر: أوكي أفتح بلوتوثك..
راشد: يالله أرسل لي.. إسمي الفتى الرومنسي..
مسفر: أرسلت..
/
/
نشوف هالمشاهد تتكرر كثير هالأيام خاصة بإنتشار البلوتوث والإنترنت, وأنه وحده تثق في بنت ثانية لكن لظروف معينة تقلب عليها, أو يضيع الجوال أو ينسرق, أو حتى تبيعه لشخص ذمته واسعه ويرجع الصور اللي فيه وينشر اللي عنده, أو غيرها من الطرق الأخرى.
لكن يتحمل الذنب كل أطراف القصة, بداية من البنت اللي رضت أن صديقتها تصورها, أو حتى هي صوّرت نفسها بالجوال, وإنتهاءاً بـ آخر شخص تصل له هالصورة..
ماودّي أطوّل فالحتسي بخصوص هالموضوع.. لكن بكتب عدة نقاط هامة, وبترك الموضوع للنقاش وكل شخص يبدي وجهة نظره وتعليقه ع الموضوع ونستفيد من بعض ان شاء الله..
/
مايستفاد:
1- قال الله تعالى: {والَّذين يرمونَ المُحْصناتِ ثمَّ لم يأتوا بأربعةِ شهداءَ فاجلِدُوهم ثمانينَ جلدةً ولا تقْبَلوا لهم شهادةً أبداً وأولئك همُ الفاسقون(4)} سورة النور
2- يقول المثل: من طقّ باب الناس طقوّ بابه.. وإذا كان بيتك من زجاج فلا ترمي الناس بالحجارة.
3- تخيّل أن اللي فالصورة هي أختك - بنت عمتك - خالتك - أمّك - أي وحدة من قريباتك.. قبل ترسلها لأي أحد,, هل سوف ترسلها وتنشرها؟؟ وكثير منّا يعلل نشره لها بأن صاحبة الصورة هي اللي رضت على نفسها كذا, أنت ماتدري لأنه فيه ظروف كثيرة صارت لها وانتشرت الصورة بغير ارادتها.. وتشوهّت صورتها وكرهت نفسها يوم ألتقطت هالصورة.
3- يقول النبي - صلى الله عليه وسلم - ((من ستر مسلماً ستره الله يوم القيامة)),
4- خلوّنا نبدآ حملة مع بعضنا البعض, بعنوان "إمسحها وإحتسب" وأي صورة توصلنا بطريقة مباشرة او غير مباشره سواء عن طريق جوال - ايميل - بلاك بيري - نمسحها ولا نعيد ارسالها, لقول الرسول صلى الله عليه وسلم: (( مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ)).
/
تعليقاتكم..
.







][ سعودي = نفط ][
.




.
السالفة واضحه من الصوره..
هذا واحد سوّا لي إضافة فالماسن.. ودار بيننا حوار خفيف لطيف.. حوار تعارف يعني..
المهم أنه وصلنا لهالنقطة.. ألا وهي أنه في بيت كل سعودي بير نفط..
كثير نسمعها هالجمله.. لما نسافر للخارج,
أو أحياناً لما ندخل في نقاشات مع أجانب..
أو حتى نقراها في بعض المنتديات..
لكن لو كان في بيت كل سعودي وسعودية بير نفط, ماكان عندنا هالنسبة العالية من الفقر والعطالة..!!
وكان مايجي آخر الشهر إلا الرصيد فيه أي رقم غير الصفر.. اللي اعتدنا نشوفه كثير كثييير..!!
وكنا على الأقل عايشين..!!
لكن بسألكم يالربع والربعات.. هو صدز في بيتكم بير نفط..؟!
.






][ المواضيع لن تنفعك ][
.


 


.
اليوم ماسكه معي قفطات من الماسن ههههه
يعني وش تبي من الحياة يا أنت؟؟
وش الشي الغلط اللي أكتبه في مواضيعي؟
فيها نصائح اجتماعية ودينيه وغيرها..
وفيها فواصل شعرية وفيها مساحة للضحك وسعة الصدر,,
هل كل شي تبغى يكون بشكل جدّي؟
أتقبل النقد لكن لما يكون على أساس صحيح..
أو يكون كلام مقنع يعني..
واللي يشوف أنه اللي أكتبه فيه شي غلط أتقبل نصيحته برحابة صدر,,
وشسمه.. بس لحد يجيب طاري الاغاني لأني منيب اكتب اغاني.. اكتب كلمات شعريه..
والاغاني ألحان وموسيقى تُسمع, موب كلمات وقصائد..
وشسمه.. وجزاه الله خير على جهده اللي بذله فالنصيحه..
مايستفاد:
أنا وأي شخص فالعالم يتقبل النصيحة لكن لما تكون على أساس صحيح.. وبأسلوب حلوٍ..
.







][ فاص ـل ][
.
والله الجفا برد.. وقلّ الوفا برد..
والموعد المهجور.. ما ينبت الورد..
ياحبي المغرور.. ياللي دفاك شعور..
رد القمر للنور.. وباقي العمر في وعد..
بردان أنا تكفى.. أبي أحترق أدفى..!!
لـ عيونك التحنان.. فـ عيونك المنفى..!!
جيتك من الإعصار.. جفني المطر والنار..!!
جمرة غضى ..!!
.

.







][ قضاء وقدر ][
.
{ما اصاب من مصيبة فى الارض ولا فى انفسكم الا فى كتاب من قبل ان نبراها}
جف القلم ، رفعت الصحف ، قضي الأمر ، كتبت المقادير ،
{ لن يصيبنا الا ما كتب الله لنا
ما أصابك لم يكن ليخطأك ، وما أخطأك لم يكن ليصيبك.
/
إن هذه العقيدة إذا رسخت في نفسك وقرت في ضميرك صارت البلية عطية ، والمحنة منحة ، وكل الوقائع جوائز وأوسمة (ومن يرد الله به خيرأ يصب منه )
فلا يصيبك قلق من مرض أو موت ابن ، أو خسارة مالية ، أو احتراق بيت ، فإن الباري قد قدر والقضاء قد حل ، والاختيار هكذا ، والخيرة لله، والأجر حصل ، والذنب كفر.
.
هنيئأ لأهل المصائب صبرهم ورضاهم عن الاخذ ، المعطي ، القابض ، الباسط ، { لا يسئل عما يفعل وهم يسئلون }
ولن تهدأ أعصابك وتسكن بلابل نفسك ، وتذهب وساوس صدرك حتى تؤمن بالقضاء والقدر ، جف القلم بما أنت لاه فلا تذهب نفسك
.
حسرات ، لا تظن أنه كان بوسعك إيقاف الجدار أن ينهار ، وحبس الماء أن ينسكب ، ومنع الريح أن تهب ، وحفظ الزجاج أن ينكسر ، هذا ليس بصحيح على رغمي ورغمك ، وسوف يقع المقدور ، وينفذ القضاء ، ويحل المتكوب { فعسى الله ان ياتى بالفتح او امر من عنده }
.
استسلم للقدر قبل أن تطوق بجيش السخط والتذمر والعويل ، اعترف بالقضاء قبل أن يدهمك سيل الندم ، اذا فليهدا بالك إذا فعلت الأسباب ، وبذلت الحيل ، ثم وقع ما كنت تحذر ، فهذا هو الذي كان ينبغي أن يقع ، ولا تقل (لو أني فعلت كذا وكذا لكان كذا وكذا ، ولكن قل : قدر الله وما شاء فعل ).
.
من كتاب/ لاتحزن
عائض القرني







][ قه ـوة زم ـان ][
.
على كثر القهاوي اللي شفتها فالرياض بشكل خاص, وفالمملكة يعني بشكل عام, ماقد شفت مثل هالقهوة (مقهى)..
يعني كانت فيه فكرة جديدة وتعطي طابع حلو سواء للسعوديين أو للأجانب..
وهي إحياء التراث, وتخليك تعيش الجو كأنك فالماضي.. بنكهه عصريه <~حسيت اني مذيع فالراديو هههه
وشسمه المهم.. اني دخلت احد القهاوي وعجبني التصميم حقها.. والافكار للديكور الداخلي, وبرضو فكرة المشروع نفسه,,
واستأذنت صاحب المشروع اني بصور الديكور وبنزّله فالانترنت, ورحّب بالفكره..
مع العلم أنه تصميم شخصي لصاحب المشروع (سعودي) طبعاً.. وهالشي فخر لنا جميعاً..
أخليكم مع الصور..
.


 


.
أول شي دخلت وطلبت كابتشينو.. لما شربت منه شوي جتني فكرة التصوير لذلك مشوار اطلب واحد ثاني عشان أصور وكذا ههههه
.


 


.
صورة توضح الأثاث والديكور والإخراج الداخلي للقهوة..
.


 


.
هنا يوضح السقف من سعف النخيل.. والخشب, وبرضو دمج الاجهزة العصريه مثل المكيف والتلفزيون مع أثاث المكان..
ويوضح فالوجه قدام فيه درج هذا يطلع على الدور الثاني والجلسات الخاصه..
.


 


.
هذي نافورة صغيرة لكن ماضبطت معي الصورة, صوت المويه يخليك تنسجم مع المكان..
.



 


.
بعض منتجاتهم المعروضة, لكن أتوقع مابعد حطو كلش بحكم أن المحل جديد يعني..
.


 


.
أباريق جدتي مزنه وجدي شليويح..
.


 


.
هذي صورة لواحد شفته هناك وقلت لو سمحت بصورك على أنك جالس تتقهوى وكذا, قال بس بشرط تمسح الوجه, ومسحته..
عاد تراه يعني أني أطخم
.



.
صورة مقربة للسقف بشكل أوضح.. وهو من الأشياء اللي لفتت إنتباهي بحكم انها متعوب عليها..
.

.
هذا الدرج اللي يطلّع لـ فوق.. مكان الجلسات الخاصة, وتكسية الدرج كانت بلاط مكسر من النوع القديم.. والصور القديمة على امتداد الدرج, اللي يطلع فوق يتفرج عليها..
.

.
صورة أخيرة بداخل أحد الجلسات الخاصة اللي فوق.. وهي عبارة عن خيمة مغلقة مقاسها تقريباً 3×4متر, وفيه برضو انواع من الجلسات الثانية لكن هذا اكثر شي عجبني في المحل, واختصرت الصور من 40 صورة الى 10 صور..
موقع المحل للي يبغى يشوفه ع الطبيعه في حي السويدي شارع الابراج, والهدف من عرض هالصور هو فقط تسجيل إعجابي بديكوره وأثاثه.. وتصميمه الداخلي..
وإن شاء الله أنه أعجبكم كتير كتير..
.







][ مـ خ ـرج ][
.
يا أول الحب.. شفتك أنا مره..
وأهديت لك قلب..
وردّيت لي جمرة..
ومن يومها كان الرحيل..
وليل الشتا.. القاسي الطويل..
وآه يا الحنين..!
الليل باب له حارسين..!
برد وسحاب..!!
بردان أنا تكفى.. أبي أحترق أدفى..!!
لـ عيونك التحنان.. فـ عيونك المنفى..!!
جيتك من الإعصار.. جفني المطر والنار..!!
جمرة غضى ..!!
.


.







~][ خ ـتا م ـاً][~
.
فيه طلب بسيط وماراح يكلف عليكم شي, وبتؤجرون عليه بإذن الله..
دعواتكم لـ أم مصعب, هي مقبِله على عملية حساسة, ومحتاجه منكم الدعوات في ظهر الغيب.. وبشدّه.. لاتبخلون عليها..
يارب ياعلي ياقدير, تشفي أم مصعب وتقوّمها بالسلامه, اللهم آمين..
وأتمنى أن تحوز الفقرات على رضاكم وإستحسانكم.. وتنال ذائقتكم ..

اللهم إغفر لي ولكم .. ولوالديّ ووالديكم .. وأجدادي وأجدادكم ..

سبحانك اللهم وبحمدك , أشهد ألا إله إلا أنت , أستغفرك وأتوب إليك

اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ

اللهم صلي وسلم على سيدنا ونبينا محمد وعلى آله وصحبه آجمعين..

من إختياري:
Quran MP3 - القرآن الكريم - koran karem
سورة الكهف ~

كتبه وأملاهـ / باء نقطه شين
بدر.الشوق
وفي رواية / أبو س ـعد


للتواصل:
الإفتتاح الرسمي لمدونتي البسيطة:

مدونة بدر الشوق:

http://www.b-alshoq.com/

منتديات فهاوه
www.fhawah.com/vb




ســـلام

.







وعليكم السلام والرحمه يا لبى قلبك
<-----بتخطط عليك هالحين هههههههههه
طبعاً اشهر من نار على علم ما شاء الله عليك
ونورت القروب بموضوعك العسل
وترا امي معجبه بمواضيعك <---من باقي ماتحبه امك ؟
وماعليك من ابو شكيب
خلك معي انا سعوديه بس ماما لبنانيه
خلاص اخذني انا ترا عندي بيرين بترول
واحد جاف وواحد فيه
هههههههههههاي

نورت مرة اووخرى
وسعيده بختم موضوعك :)
<----ردها اطول من الموضوع
سلآم
ايه صح نسيت
التوقيع حقي اهداء للي مايحب التواقيع ههههههههه

1 التعليقات:

غير معرف يقول...

يا هلا والله فيك ... والاجمل مواضيعك الي طرحتها ... تكفووووووووووووووووووووون نبي هالحمله " امسحها واحتسب "
حسبي الله ونعم الوكيل ومن توكل عليه شفى على من سرق جوالي وانا مالي بمعصيه الله يارب تشغل في نفسه يارب تبدل سعاده لشقاء يارب تنتقم لي منه
يارب ترد كيده في نحره ..يارب يارب اني عبده ضعيفه لا حول لي ولا قوه يارب اني دائما اراقبك في السر والعلانيه واخاف معصيتك فستر علي بسترك يارب اني استودعك نفسي وعرضي انها لا تضيع وداعئك يامستجيب دعوة المضطرين فانا مضطره وانت المجيب
يا فارج كل بلوى ويا منتهى كل شكوى