اعلن معنا

تقرير رحلتي لكيب تاون 2



---------- Forwarded message ----------
From: Joori AB <joori18@hotmail.com>
Date: 2010/5/17
Subject: تقرير رحلتي لكيب تاون 2
To:


 http://img682.imageshack.us/img682/1012/45e78bc883.gif

 

بسم الله الرحمن الرحيم

 

السلام عليكم يالصحافين والصحافيات

 

 

 

شلونكم شخباركم ان شالله تمام << تعاني بمداخل المواضيع الأسالوب ماش

 

المهم حبيت أشكر كل الي رد على الموضوع

او أرسل أيميل

 

من جد أفرح لا عجبكم موضوع لي أحس اني سويت شي مهم بالحياة << خبركم فضاوه

 

 

 

اليوم بنزل الجزء الثاني من الرحله وبيكون مختلف شوي

لاني بتكلم عن التكاليف

والفنادق

وبكمل الأماكن الي ماعرضتها المرا الي راحت

 

 

متطلبات السفره :تذكرة سفر +فيزا

قيمه التذكره على الخطوط الامارتيه درجه انكومي او سياحيه 3800 ريال

الفيزا عشان تطلعها لازم يكون معاك خطاب تعريف بالراتب

وكشف حساب مايقل عن 40000 ريال << ولو ماعندك عادي تسلف وسوي كشف حساب ورجعهم خخخ

 

تكلفة أستخراج الفيزا 800 ريال للجواز

 

طبعا كل هالسوالف سوينها بمكتب سياحي عندنا بالخبر وهم تكفلو بالفيزا

 

 

 

بالنسبه للموصلات شوي مكلفه عندهم لاكن في باصات جدا جميله

 اسمها شتر باص مدري شتل باص

 

تكون انسب من ناحيه السعروفي الباص الأحمر والباص الأزرق

ولها أكثر من محطه وتمشيك بالاماكن السياحيه

 

ما ادري كم بالضبط لاكن احنا ناخذ تكسي لانا 4 أشخاص

بيكون نفس التكلفه واحسن من القروبات تاخذ راحتك

 

 

وبالنسبه للفنادق بتحصلون بكل الأسعار

يعني من 100 ريال الى 5000 ريال تقريبا

 

بكيب تاون احنا سكنا فندق الريتز فور ستار وكان سعره 400 ريال للغرفه

 

 

 

مثل ماهو مبين يطل على البحر بالسي بوينت

ويشمل وجبه الفطور وهالنقطه جدا مهمه لانا طلعاتهم كلها بالنهار من بدري

في بالفندق مسبح بس محد سبح كان شتا

وفي مكتب سياحي للرحلات لاكنه غالي ناخذ منهم الأفكار

ونركب من تكسي مو من مواقف الفندق نطلع الشاره

يفرق بالسعر من 500 الى 600 راند

 

 

 

رحنا رحلة جاردن روت 8 ساعات بالسياره ونضامهم تتفق مع التكسي

وهو يامن لك السكن وكل شي انت تعطيه الفلوس وهو يضبك هناك

بالفندق كانت تكلفه الرحله 20000 راند يعني حوالي 13000 ريال

وحنا اخذنا تكسي بريطاني ودانا بـ 5000 راند اقل من 3000 ريال

طبعا الفرق كان بالسكن الي من الفندق بيودونا فنادق فور ستار

لاكن السواق ودانا فنادق ارخص

 

اول فندق سكناهـ هو السفاري نزلت صورته من برا بالتقرير الاول

والحين بحط لكم شكل الغرفه اخذناها ليلتين واليله 150 ريال

والسواق دفعها لانها من ضمن تكاليف الرجله

 

 

صحيح شكلها مو مرا راقي بس جدا مريحه

ومكانها هادي

وفي بار والعياذ بالله ومكان للعب البلياردوا

 

 

 

وسكنا ليله ثالثه بالمدينه لاكن مو فندق

تصير عايله كبيره وبيتهم قصر ولما يكبرون العيال يطلعون

مايبقى الى الأم والأبوا فياجرون بيتهم باليله للسياح

بصراحه مرا مرا وناسه وشي جديد علينا ماعمري سكنت كذا

وسعر الجناح 100 ريال باليله

وعندهم مسبح وانتر نت والصبح الفطور جماعي العايله مع السياح

يوم رحنا ماكان في غيرنا يعني احنا والأم والأبوا

والعايله بريطانيا بعد

 

وهذا شكل الجناح

 

 

 

 

 

ورجعنا كيب تاون ونزلنا عند مزارع العنب ومصانع الواين

بصراحه باليل كان المكان يخوف

كله مزارع وهدء وماتشوفون الى خيال الفزاعات بكل مزرعه

تردد ابوي اول مرا لاكن يوم شاف السكن توكل على الله

طبعا هذا كان قصر لامير بريطاني مدري شسمه

 هناك بتلاقون بريطانين كثير وحضارات بريطانيا عشان الأستعمار

 

وهذي الغرفه الي نزلناها كان سعرها 600 راند يعني 300 ريال بالتقريب

 

 

طبعا من الكرم الزايد ضيافه من الفندق لكل غرفه

بطل واين احمر فاخر وعلبه مربا عنب وبسكويتين

وابوي طلعهم كلهم لاكن السواق اخذهم

 

 

وبعد هليله رجعنا للفندقنا الأصلي ريتز

 

 

هذا بالنسبه للسكن ومصاريفه

 

مطاعهم حلوه لاكن لازم تسالون اول اذا اسلامي ولا لا

وهنا الشعب حلو لما يشوفنا وامي متحجبه يبين انا مسلمين

يقولون لك قبل تجلس اذا يناسب او لا

 

مرا بكوفي شوب طلبنا تراميسوا وقال لا مايصلح للمسلمين ينطبخ باالكحول

تقدون تطلبون من هالاشيا

 

ومطعم ايطالي يقول احنا نطبخ بالواين تبون تحط لكم ولا لا

 

بس لازم تسالون اضمن بعد

 

وبالنسبه للأسعارهم حلوه ارخص من عندنا بشوي

يعني مطعم سي فود

طلبنا لوبستر وشرنب وسمك وكلماري وبطاطا مقليه

مع المشاريب بيبسي وماي

كان حسابنا اقل من 200 ريال

 

والوجبات السريعه ارخص من عندنا بعد

 

 

 

 

كذا عطيت نبذه ان شالله عن الأسعار

وبالنسبه للملابس نفس اسعارنا اذا مو اغلا

والماركات العالميه اغلى من عندنا عشان الضريبه

لما يرجعون لكم الضريبه تطلع مثلنا

 

 

 

نرجع للاماكن السياحيه تقريبا كلها نزلتها في التقرير الأول بقا شي بسيط

 

بجاردن روت حجزنا على سفاري المحيط

الشخص 600 راند تقريبا 300 ريال

 

كان باقي له تقريبا ساعتين

بهالوقت رحنا الشاليهات حقتهم بس ما حجزنا بس بسطنا مع الاوادم

ماتمنيت الى انا الدنيا صيف وندخل البحر

بس ماخليت الامنيه بخاطري فصخت نعولي وانتو بكرامه

وصرنا نصعد الجبال الي حول البحر ونتمشا انا واخوي هناك

 

 

 

بعدين رحنا للقارب هو قارب صغير يحليله يشيل كم نفر

ويتمشا بالمحيط وماله داعي اوصف لكم الموج حق المحيط كيف

كان قوي ويطيرنا وشفنا الحيونات البحريه الكبيره والمفترسه

 

 

 

ما اقدر اوصف شعوري والقرش قريب من عندنا

وفي بعد الدولفين بس سريع ما يمديي اصوره

والحوت بس مطلع ايده

وفي حوت سوا نافوره مويه بس ما امداني اصوره

 

تقريبا مدة الرحله ساعتين

 

 

رحنا حديقه حيوان ماكنت غاليه اقل من 30 ريال للشخص

ودخلنا غابة المونكي القرود يعني

شفت انواع كثيره مو حنا ماعندنا الى قرود الي بـ أبها

في واحد لونه خقق اصفر فسفوري يجنن

 

 

 

طبعا يقولون لك تحذيراات قبل تدخل

تحافض على اغراضك لانه ممكن المونكي يسرقها

وناسه نتمشا والحبايب يمشون بيننا

 

وبعدين تكلمه الحديق في طيور وبط وناسه

طول محنا نتمشى كانت توقف على ايدينا

ولا في طير لصق فيني طفشني معيي يمشي

قمت دفيته عني بقوى وخر المسكين

ماحسيته بعد يمكن نص ساعه

الى هو طااااير بسرعه مليون ومتجه على وجهي

ومغير زعيق بالحديقه وانزل راسي

وتخبي عنه لين طلعنا

 

وهذي صور بعض الطيور هناك

 

وبعدين طلعنا للسوق العام عندهم

كم محل على كوبريعلى البحر وفيه مطاعم وحنا ناوين نتغدا اصلا مانبي السوق

لاكن لفت انباهي شجره جميله جدااا خخخخ

 

شوفو الفن الجنوب افريقي

 

 

 

وبعدين خلصنا اكل الحمدلله

بنروح للسياره حقتتنا

 

صادفتنا سياره شكلها يشوق :>

يقول انه ياخذ رحلات سياحيه كامله على هالسياره

بس للاسف كنا خالصين ونبي نرجع للكيب تاون

 

 

 

وبكيب تاون كان باقي لنا ثلاث ايام

يوم قضيناه عند مزارع العنب ومصانع الواين

الله لا يوريكم الريحه خياس مدري كيف يشربونه

وهناك كان فيه spa

وفيه بحيرات كبريتيه وناسه سبحنا فيها المويه مرا حاره

ولها ريحه مميزه بس مش مرا حلوه

وفي مسابح وزحاليق عاديه بس مارحنا لمها مكيفين على المويه الحاره

وبعدين لعبنا قولف وحنا مانعرف المهم حاولنا

ولعبنا بالنقازيات بعد ولا النطاطيه كل واحد يختار التمسيه المناسبه

 

وخلص اليوم

 

رجعنا لفندق ريتز ليلتين وقضيناها كلها تسوق

بين فكتوريا مول الي بالوتر فرونت احلا واحد عندهم

وفي واحد اسمه تايقر فالي

والثاني ميقا مول

 

وخلصت رحلتنا اتمنا انها اعجبتكم

وجاوبت على تسؤولاتكم

 

 

 

 

محدثتكم جوري وبرواية اخرى نوني

 

 

 

 




http://img682.imageshack.us/img682/1012/45e78bc883.gif


للتعليق




0 التعليقات: