اعلن معنا

شلـــــــــــة (يحمد ربه)ـ



---------- Forwarded message ----------
From: Jeje _
Date: 2010/5/2
Subject: RE: شلـــــــــــة (يحمد ربه)
To: الصحاف الصحاف <als7af.group@gmail.com>



           



بسم الله الرحمن الرحيم

 

 

الايميل مخفـــــــــي 

 

 

استغرب حال مجموعه كبيره من المتزوجات

اللي زادت اوزانهن و كبرت كروشهن

و طارت كشتهن و صار كل لبسهن خلاقين

و كل همها عيالها و لا همها نفسها او زوجها..

 

 

ولو تجي تقولها ليش كذا وش فيه وزنك زايد

او بطنك كابر زوجك مو متضايق؟

تجي تقول:(يحمد ربه انا جايبه له عيال)

يا سلام الصراحه عذر اقبح من ذنب

 

 

طيب عشان جبتي عيال تذلينه يعني

طيب هم عيالك زي ما هم عياله

ليش هو هو ماقال خلاص انا ماني صارف عليكم

احمدي ربك انا خليتك تجيبين عيال!!

 

 

انا متزوجه و ادري ان الوزن يزيد غصب عنك

و ادري ان البطن يكبر بعد الولاده شي طبيعي

لان كان داخله طفل لكن من الطبيعي بعد ان البطن

يرجع لشكله الطبيعي بعد ستة اشهر من الولاده

او بعــــد سنه بالكثير

مو بعد ست سنين!!

 

 

 

 

صحيح حقك عليه يتحمل منك بس بحد معقول

و ش بيضرك اذا اهتميتي بنفسك ولبستي بناطيل

قصيتي شعرك و رتبتيه

اذا صار جسمك حلو و شعرك قصته مرتبه

و مهتمه ببشرتك و ريحتك دايم حلوه

و الله لو تقومين من النوم تكونين حلوه و تصيرين

زي اللي يقول:

 

الزين زين لو قام من منامه

و الشين شين لو غسل بصابون ^_^

 

 

 

اذا كنتي حافه شعر جسمك و ريجة معطرات الجسم تفوح منك

وكل شي فيك يا سلام سلم

صدقيني انتي بتحسين بالسعاده و الثقه بالنفس

قبل تسعدين زوجك

حتى عيالك و بناتك يفتخرون فيك لو صرتي حلوه

 

الحين انا كل ما لبست شي جديد

ولا حظ ولدي انه جديد يجي يقول لي

(الله ماما انتي زميله) =يعني جميله

متأثر بأفلام الكرتون

 

 

و الله استانس اذا قال ولدي كذا

وترا مو لازم يعلق ابو الشباب عليك عشان تقتنعين

هو يكون مبسوط من جوا

ولا راح تسمعين منه كلام حلو الا بالسنه حسنه

بس انتي اذا تعرفينه زين بتحسين انه مبسوط

و انتي و ذكائك عاد و اللبيب بالاشارة يفهم

يعني بدون ما تنتظرين كلام منه..

 

 

و يللا عاد شدو الهمه و اهتمو بانفسكم

ترا ما اقول حطو مكياج اربع و عشرين ساعه

انا اقول اهتمام بالشكل بحيث يكون شكلك مرتب طول

الوقت

و كثر المكياج يتعب البشره طبعا و يدمرها...

 

و بالنسبه للوزن مو لازم تسوون ريجيم انتو بس خفوا الاكل

و شيلو اللي بين الوجبات و كثري الحركه في بيتك

ارقصي ترا الرقص ينحت الجسم

مو على اغاني طبعا على طقاقات ^_^

و الله بتنحفين و اللي ما تنحف تجي تفلقني..

 

 

 

 

 

موضوعي الثاني

 

الحين الرجال طلعوا حمله جديده عن الفارسيات

و عندي اقتراح للبنات

لو سمحتوا لا تجي وحد تتحمس و تسوي حملة

و تحط رجال فارسيين

ترى ندري انهم حلوين

و ندري انهم احلى من حريمهم بعد

بس ماله داعي نطول السالفه

و اعتقد اللي عندنا قلناه اللي يبي يفهم فهم من زمان

و اللي مو فاهم ماراح يفهم لو تقعدين طول عمرك تتكلمين

فا ماله داعي نستاثم بخلق الله و هم مالهم ذنب

و نفضح بأنفسنا عند كل الشعوب علشان خرابيط بعض المهابيل

كل واحد وذوقه و كل واحد ونصيبه

لو واحد يبي سعوديه و مكتوب له يتزوج فرنسيه بيتزوجها

و العكس صحيح

واذا انتي طيبه و حاطه ربي بين عيونك بيرسل لك اللي يسعدك

سواء سعودي او غيره

و الله ذاك اليوم كنت عند طبيبة اسنان من جنسيه عربيه

اللي مدحوها سابقا بدون تخصيص

و لما جلست على الكرسي و مسكت هي ابرة البنج شميت ريحه

و بعدين لما بدأت تشتغل زادت الريحه

انا حامت كبدي و بعدين عرفت انها شكلها ماحطت مزيل عرق

انا الصراحه رحمتها و قعدت افكر و اقول:

يعني هم بالنهايه بشر لهم عرق و فيهم كسل و فيهم الحلو و فيهم الشين..

الصراحه حبيتها ذي الانسانه صحيح انها ذبحتني بالريحه

بس كانت في منتهى الطيبه

و بعض السعوديين يجون ينافخون و هي بس مبتسمه لا تشتكي

و لاتنافخ

و غير كذا كانت محتشمه مره و لا حطت ولا نقطة مكياج..

باختصار انسانه تخاف الله..

عشان كذا خلونا نخليهم بحالهم والله مالهم ذنب بالكلام اللي يقولونه

هالمهابيل اللي عندنا..

 

و يا بنات لا تزعلن اذا الشباب مدحوا غيركم

و يا شباب لاتزعلون اذا البنات مدحوا غيركم

 

و اتبعو البيت القائل:

من راح علــــــــــــــى كيفه و كيفه يوديه

خله على كيفه و كيفـــــــــــه يجيبه...

 

 

 

 

بس ملاحظه اخيره اهديها لأختي الصغيره و صديقاتها و اللي على شاكلتهم:

 

من جدكم يوم يعجبونكم اليابانيين و الكوريين زي هذا

 

اذا معجبك خليه يحلق شعره و شوفيه اول مايقوم من النوم

اذا قدرتي تلقين عيونه علميني...

ههههههه  ترا امزح لا تزعلين..

 

 

 

و سلامتكم

جي جي

(جي جي لمارا سابقا)

عرفت ان مدير اعمال نانسي اسمه جيجي لمارا عشان كذا

غيرت اسمي الصراحه مدري وشلون رجال طول بعرض و اسمه جيجي

يا خزياه بس اهله ما يستحون يوم يسمونه كذا...

 

 

 

0 التعليقات: