اعلن معنا

الــقــررش +حديقه غيررر+مشاكل الغبار !!+دعاءك مجاب



---------- Forwarded message ----------
From: هـآج.ـس لـيـل .
Date: 2010/6/29
Subject: الــقــررش +حديقه غيررر+مشاكل الغبار !!+دعاءك مجاب
To: 





الايميل مخفي هلال نائم

السلام عليكم ورحمة الله وبركاته جميعاً

مسيتم وصبحتم بالخير والسرور

عطله مباركه للي عطلوا

واقول لكل طلاب ثالث ثانوي اللي متلحطين لهلحين بالإختبارت مثل ماقالت حكيمة زمانها الشيخه اختي "

ذاكر دروسك

اول باول

تنجح وتصير الأول

صح تقهر ؟!!

بعز اختباراتي ترسلها لنا ..ياهي كآآآآبه تجيني شئ مب طبيعي

المهم اإني متشققه من الونااااسه ....الحمدلله تخرجت وافتكيت من الشقااا

مابغيت وربي ...

عرعرت بالجامعه وانا اقول هالسنه بااتخرج بس يعز عليهم فراقي ويسقطوني

ماعليكم من بربرتي وخلكم بالمفيد مع انه ماوراي فايده بس جالسه احاول

كان والله ودي ارسل ايميل منذو مبطي ...مبطي جداً

بس جلست اسبوع كامل قبل الإختبارات وانا اخزن بهالنوم لين ماقلت ربي الله

"

"

المهم ياطويلين العمر والسلامه بحكي لكم سالفه اليوم <=الشرهان على غفله

هالقصه ماحصلت لي حصلت لواحدن من اقاربي اللي بالديره

يقول كنا مجتمعين بالمزرعه بالليل وسهر وفله وقلة حيا ولاعلينا من احد

شباب داجين عاطلين داشرين ماوراهم شئ غير التسدح والتبطح لاشغل ولا مشغله

يقول تكلم واحد منا فاهي وبارد ودايم ناشبن بالزاويه ويطقطق بجواله

يقول المشكله لو هو راعي مغازل بلعته ولو فيه رصيد عادي ولو هو جوالن فيه فكره مشيتها يقول معه الكشاف واحمر بعد

قال: شباب وش رايكم نسري لشرقيه ونوصل الفجر ونصيد سمك نتغدى عليهن

يقول كن الشباب جازت لهم هالروحه...بنروح ونجي ولا احدن داري عنا يحسبونا بالمزرعه

يقول تخاوينا ومشينا بأحسن سيارتين حال بينا

متكدسين بها الأوادم تقل علبة بسكوت

يقول طول الطريق وحنا على قوارير المويه وحب قرع وشمسي ماخذينه من المزرعه

طفارى مامعنا شئ

يقول على طول من الخط للبحر سيده

نزلنا عدة الصيد والشوي والفرشه ودخلنا البحر

يقول صار لنا ساعه وهالخيوط بالبحر بس مافيه فايده ولا سمكه بنت كلب تعلقت فيه

يقول فيه شايب واقف بجنبنا وهالسله اللي معه مليانه وهو واحد وحنا فوق العشر ولا سمكه جبناها

يقول جانا النوم والبلاوي وبدينا نزبد على خوينا إلا مسكنا خط على غير فايده

يقول مادرينا إلا زعنفه وش كبرها ماشيه الفين جايه لنا

 

يقول ماتسمع إلا صراخ العيال (الــقــرررررش ....القـــــررررش)

ولا ينشاف منهم إلا سيقانهم تنقاز بهالمويه

الدب والنحيف والشاب والشايب كلن يناقز يبي يوصل للبر

يقول كل واحد يسحب اخوه ويركض تقل بمدرسه واثنين منا انحاشوا وركبو السياره كن للقرش رجلين وبياصلهم للبر

يقول يوم وصلنا للبر كلنا وحنا نلهث وبعضنا منبطح هلكان خوف وتعب وبعضنا للحين يرجد جايته ام الركب الإ نشوف هالشايب مبسط بوسط البحر وقاعد يصيد ماهمه

يقول واطمر له وانا مضحي بحياتي وشبابي بروح انقذه كود ينتشر تصوير لي ويعطوني وظيفه<= امسح خشتك اول 

يقول واتله مع يدينه والظاهر إنه انمصع وانا اسحبه و اصارخ: الــقــرررررش بيجي ياعم الــقــرررررش

يقول طارت عيوني وانا اسمعه يضحك وهو يتكلم شرقاوي/ هذا دلفين يبه

يقول ماتمسع إلا اصواتنا يوم فقعنا ضحك كلنا ...مايسوى علينا هالركض والروعهرموز ماسنجر، ايقونات ماسنجر

يقول مسكنا خط ورجعنا لديره لاحصلنا صيد ولا غداء ولاحتى فطور ماغير خساير بنزين وروعه

تعليقي على الأقصوصه =>

لاعمر نجدي يروح يصيد

وش عرفكم بالله بالبحر والصيد

حدكم كبرة السمك وتخب عليكم بعد

ناقزين من الديره والنفود للبحر وتصيدون بعد يالطعوس

لو انكم شارين السمك ومتغدينه بستر الله كان ازين لكم

 

بس والله جد تخيل يطلع لك قرش وش تسوي ؟!!

 

طبعاً تطلق كراعينك للريح وانت تصارخ : الــقــرررررش الــقــرررررش

 

............................

 

(2)

جاني ايميل صراحه شئئئ 

حديقه من الصلصال رهيييييييييبه

اتقان لايعلى عليه

حنا نبي بس حديقه بثيل وحصى ماحطو لنا رموز ماسنجر، ايقونات ماسنجر

 

واذا تكلفوا وحطوا تلقى الثيل محترق.... نصه بيج على اخضر ونصه بيج مشهب

لكن عزانا الوحيد بالجنه إن شاءالله نلقى جنان حسان

 

 

 

 

 

 

 

 

 

 

 

 

 

 

 

 

 

 

 

 

 

 

.........................................

 

(3) 

 


يقولك فيه حرمه من الخواجات طلبت من رجلها تروح لحفله رقص مع صديقاتها فيها سامري وطقن زين وفله رموز للماسنجر ، ايقونات للماسنجر

 

ووافق رجلها وهو مستانس بتروح وتخليه على راحته يشوف كاس العالم بدون صجتها وقرقتها 
قام الفجر على صوتها وهي تخبط بعفش الغرفه

مدروخه مهب حوله وتقهقه بصوتن عالي

الظاهر إنها مكثره شرب بس مانحط بذمتنا شئ الظلم شين
المهم طنشها ونام يوم قام الصبح راح لسيارته اللي كانت مع حرمته امس يدور صدمه عفطه حكه ماللقى شئ واستغرب إنها جت سليمه وهي سكرانه امس
لكنه لقى شئ بدال الصدمه والحكه لقى آ...

ولا اقولكم خلكم مع الصوره ابلغ من هذرتي

"

"

 

هههههههههه ليتها صدمت اصرف لها

مايستفاد من القوصه:

اولاً: اياني واياك ايها الزوج الصالح تعطي سيارتك لحرمتك الداشره عشان ماتشوف عليها شئ يضيق صدرك 

ثانياً:اشوا إن ماعندنا حريم يسوقون هنا ولا كان انفضحوا من اول دشره مع هالغبرات اللي تهل علينا هل

ثالثاً: وجوب الحذر وإخفاء آثار الجريمه حتى يسهل تكرارها بدون عواقب وخيمه

رابعاً: لاتحاولين  اختي المواطنه والمقيمه تجربين لإن رجالنا كلابن جربا بيدرون حتى لو غسلتي السياره بأسيد

 

.............................................

 

(4)

وخير مااختم به ايميلي وقفه إيمانيه لعلها تكون بميزان حسناتي وحسناتكم وردة حمراء

 

 

 

 

 

........................................

 

وبعد مانشحط حلقك بنداءات الإستغاثه رحمتك والله وسويت لك توقيع

لكن سؤال يوقرقع بقلبي :"مادري وش فايدة التوقيع ؟!!

او بمعنى اصح وش الإحساس اللي تحس به لارزيت توقيعك ؟!!

لو إنها صورتك بلعتها عشان تطيح بنات خلق الله بس صوره والسلام ماتنبلع

ويوم ربي قردك متخير لي زينة خلق الله مره عارض ازياء وممثل هندي ومره الرهيب ميل جبسون

اسمع شوري وخلني اصمم لك على صورة(خالد الملا)

 

مسويته من مبطي بس متعيجزه اكتب ايميل للقروب واحطها معه"

 

<= اما الخنافس اللي على جنب مسويه جو

 

 

 

..................................

اتمنى يكون الايميل عجبكم ولو ماعجبكم مب اخر الدنيا 

وإن شاءالله ماكون قروشتكم معي بهالحوسه اللي مهببتها بالإيميل

بس السموحه مبطيه ماارسلت شئ ومستانسه وجبت كل شيئن عنديقلب أحمر

 

اختكم الحبوبه|| هاجس ليل

  

=================

الصحاف

عشانك مختمه الصور 
ولكل عضو يحذو حذوك
راح يتم نشر ايميلك في نفس يوم الارسال

كل التوفيق


0 التعليقات: