اعلن معنا

)(!قَآل إيشْ قآل مخربين الذوق العام !)(



---------- Forwarded message ----------
From: Candle of Life <afn-16@hotmail.com>
Date: 2010/5/31
Subject: )(!قَآل إيشْ قآل مخربين الذوق العام !)(
To: قروب الصحاف <als7af.group@gmail.com>






عالمي .. اسألني 






بسم الله الرحمن الرحيم


أيميل مخفي لو تكرمتوا


السلام عليكم ياشعب الصحاف ..

كيفكم أن شاء الله الكل بخير .

اليوم وانا جالسة انتظر الوالد يجي عشان ياخذني من الجامعة

كنت اتفرج على البنات وهم طالعين

كل بنت تمر عبايتها على الكتف مزخرفة أطرفها وعطرها فايح هذا غير التنورة القصيرة الي لابستها ((وعلى فكرة عبايتهم بالغالب تكون مفتوحة _موضة السنة ))

وفجأه جت وحده وقامت تلبس عبايتها كانت على الرأس وماشاء الله لابسه قفزات وعيونها يالله تطلع فرحت فرحة واخيراً فيه خير عندنا ..!!

ولما رجعت البيت سبحان الله طاح بيدي هالموضوع بوحده من المنتديات وكأنه جالس يقرأ افكاري

اترككم تستمتعون .أو تتألمون بمعنى أكبر ..

طبعاً التعلقيات كانت لوحده من الزميلات ((الله يسعدها بردت حرتي
))

:


:




( تذكرت قبل كم سنة , كنت ادخل منتدى ****** كثير , واستفدت منه في اقسام الجمال والاناقه .. والمكياج .. فيه بنات ذويقات وشيك .
ماانكر انو فيه كثير تجارب حلوه ,,, الا ان في اشياء مااقدر اصدقها , واحسهم يهايطون فيها ,

اذكر منها موضوع عنوانه اللي تلبس عباية راس تدخل ,, الموضوع وصل سبع صفحات
كلهم يلبسون عبايات راس ,, انا حسيت انهم يهايطون .. وعلى اني مؤدبة في المنتديات واتحاشى الردود المسيئة ... الا اني تلقائي رديت علهم ,,
"" والله من الهياط اللحين كلكم تلبسون عباية راس ,وهاللي نشوفهم برا وبالمولات من وين يطلعون ... اصلا عباية الراس صارت للعجز والامهات ..

"" انا عارفه انو الى الان كثير موجودين بهالفكر عباية راس وتنورة طويلة .. بس ان كلهم .. هنا المبالغه ..
وتعالو شوفو الردود والدعاوي ... الم ..
والله ساعات احس انهم يبالغون , ويمثلون الفضيلة بمنظورهم .. او يمكنهم مازالوو بقايا العصر الحجري ...

اجل في موضوع يتكلمون عن حدود اللبس بين الاخوان والمحارم .. وانهم يلبسون طويل تفاديا لزنا المحارم
مو بس مع الاخوان حتى في وسط النساء ويجيبون حديث كاسيات عاريات ,, >>قفل .
انا عايشه وسط صحويات , بس حياتهم طبيعيه ,ومافيها شيئ غريب وبعضهم يحتفلون باعياد ميلاد اطفالهم ,

 ويلبسون كتف بس انهم ملتزمات بمعايير وحدود من وجهة نظرهم اسلامية وماعندهم هالعقد اللي اشوفها بالمنتدى ممكن عندهم اشياء غير مقبولة

بس مو كلهم مقتنعين فيها ,يعني صححو نظرتكم عنهم .. >> يقطع بليسهم ..


موب هذي سالفتنا ..

السالفه انتو يابنات ****** .. تلبسون نقاب او لثمة او تكشفون ... واذا في بيتكم .. عندكم مشكلة في لبس القصير والشورت والسيور بين محارمكم ..
الموضوع قابل للهياط وسعة الصدر ...
انا البس طويل وعباية راس واذا طلعت برا اشيل العباية ولاعمري حطيت صورتي في المنتدى ..
)

 

 

و هذي بعض الرّدُود :

 

 ( اللبس عبائه راسي وقفازين صناعه فرنسي شراب اسود ماركه اطاليه
امزح ...اصلا عباية الراس لو لبستها معرف امشي
البس يالغاليه عبايه على الكتف واطق اللثمه ...لبس محترم ويازينه )

ههه أجل ماتعرفين تمشين ! الكتف و الرأس من تحت نفس بعض , صدزّ تلعبون على عمَاركم
و مُحترم بعد .. أرحَمتس صراحَةً " وزيّن لهُمُ الشّيطانُ أعمالهُم "

 
 *

( شوفي اصلا حتى المطوعات الحين صاروا يلبسون عباية الكتف خلاص
حتى بنات بريدة يلبسون عباية كتف )

هَالحِين أنتِ مع الخيل يا شقراء ؟
يعني كلّ الحجج صارت على "المطوعات" , طيّب وحدة مطوّعة و تمشي مفصّخَة
خن نسوّي مثلها ماشاء الله عليها مطوّعة


 *

( انا ألبس عبايه كتف بعدين البس فوقها عباية راس للستر يا اختاه
أما تعلمين ان العباءة المزخرفة تحتاج لعباءة اخرى تسترها )

ماأدري ذي تطنّز والا صادزّة 

 

*
( أنا لما ينزلني أخوي في السوق أشيل عباية الراس و أطلع عباية الكتف و أتمشى فيها )

لأن آلمرَآقبة آلذّآتِية عنِدك بِآلحضيضْ وَ آلله آلمستعآنْ

 

 *

( يجيك عنوان موضوع تعالو شوفو اخر موديلات العبايات الكتف وعند ماتدخلين الموضوع

 تلقين ادعيه وفتاوي لتحريمه واستبدلي هذه العبايه بالعبايه الاسلاميه وتؤجري )

و بعَد كلّ هالفتاوى و النصائح .. ما اقتنعتِ ؟
والا خُتم على قلبتس و امتلأ بالرّان !
الله المستعان

 

 *

( على فكره بتكلم كشخصيه ليبراليه اوك
يؤؤؤ ياقدمكم لسى في ناس تلبس عبايه رأس ونقاب انا البس حجاب وبنطلون حتى عبايه مااعترف فيها
لان عائلتنا مررره فري )

ليبراليّة -الله يفتح على قلبتس و يُريتس الحقّ حقّ- !
شفتي كم نحنُ قديمين يا جديدة
سبحان الله .. طيّب جرّبتي تقرئين كتاب الله و تتأملين في آيات الحجاب ؟
أو مابعد جت الفكرة براستس ؟


 *

( ...اللثمة بالشيلة احلى بكتيييييييير من هالنقاب خاصة لما تكون البنت حلوة

امس في الظهرا ن مول
شفت بنات لابسين عباية راس واسعة ونقاب ياذوب تطلع عيونهم
بصراحة لاحد يزعل مني
اشعربالاشمئزاز واحسة منظر غير حضاري اني اشوف انثى بهذا الشكل...اقاعد اناظر فيها وافكر في شكلها بهذة الطريقة
راح تقولون لي هذة حرية رأي ومبادىء
وانا اقول المرأة الي تسمح ان يكون شكلها كذا وتخرب الذوق العام هذة موبحرية هذا شيى مهين
اتمنى من قلبي ان يكون شكل البنت السعودية افضل من كذا
ويتحررن من هالنقاب والعباية مرة وحدة )
حبيبتي .. أنتِ ليه تلبسين العباية ؟
عشان تسترين مفاتنتس ؟ والا تظهرينها !
هه تخرّب الذوق العام !
طب بكيفها خليها تخربه حرية شخصية
مساكين صدق .. راجعي نفستس و راجعي حساباتتس

 *
( بصراحة انا عن نفسي اقسم بالله اشعر بالخوف لما اشوف امرأة ضخمة وطويلة مثلا
وهي لابسة عباة راس ونقاب واااااااااااو احسها مثل الجنية  )
جنيّة أنتِ
فعلا .. بدأ الإسلام غريبا و سيعود غريبا كما بدأ !
 
*
( انا ماعندي مشكله اني اتنقب .. بس ليش عشان اخوياك تفرض علي عباية الراس .؟
ليش هي مقياس العفه طيب .؟؟!!!!!!! )
إذا ما مقياس العفّة عندتس ؟
أفيدينا أفادكِ الله
إذا بتقولين صلاح القلب أهم شيء ؛ طيب من صلاح القلب انتس تستجيبين لأوامر الله جلّ و علا !
توافقينّي ؟

*
( حنا في حائل ياويل اللي تلبس لثام قبل خمس سنوات كلهم يتكلمون فيها..
هاللحين صارت الموضه لثام الاسواق امتلت منهم...... )
اللهمّ يا مقلّب القلوب و الأبصار ؛ ثبّت قلوبنا على دينك
*
( اختي كانت تلبس النقاب لكن اقنعتها انه غلط وما هو من الدين بشي واقتنعت،
باقي امي بس ما اقدر اجبرها على شي نوارة البيت . )
<-- طبعًا اللي يتكلّم رجل , لكنّه أبعد مايكون عن الرّجوله !
لا ماشاءَ الله بارّ بالوالدة مايقدر يجبرها
الله المستعاااان .. المُنعدمه فيه الغيرة يُسمّى ديوث !
ياربّ لا تكثّرهم !

جت وحده ردّت عليه /
 
( ياليتني اختك
انا اخوي يجبرني البس نقاب )
يا حظّتس باخوتس أجل
,
 
<~ هِذي آلردود نِقطة مِن بحَر ؛ ولا تِستغربُون لمّآ أقولكم آلموضوع وِصل لِـ 9 صَفحآت والكِل مؤيد بَعد

,
 
سبحان الله ..
تأملًّوا .. هالحِين كل السّوالف و الصجّة عن النقاب ..
أجل لو نجيب طاري "الغطوة" وش بيقولون ؟
تتوقّعون يموتون من الهَبله ؟ يالله يا رب

,

أقول ؛ على بناتنا السّلااااااام !
فعلا و الله أبدًا أبدًا ما توقّعت هالكلام يصدُر من فتيات كانوا أجدادهُم قمّة العفّة و الغيرة !
و مُمكن الفتاة نفسها سابقًا كانت ملتزمة بأوامر الله , و فجأة يتبدّل دينها !

,

و صدق في هذا الزّمان .. القابض على دينه كالقابض على الجَمر
يواجه الانتقادات من طائفة .. و محاولات التغيير من طائفة ..
الله المستعان ,
ربِّ لا تؤاخذنا بما فَعَل السُّفهاءُ منّا ..
و ثبّتنا على الحقّ حتّى نلقاكَ و أنتَ راضٍ عنّا
 
,

^
^

كل الي فوق كان لها جعل ربي يحرمها عن النار ..

بس حبيت قبل لآختم الأيميل

اقول لناس الي لسه مو مقتنعة بالحجاب وبأهميته

الله سبحانه يقول:

 
يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً

اللهم يامقلب القلوب ثبت قلبي واهدي بنات جنسي ..







2 التعليقات:

بنت جيران الصحاف يقول...

يعيطك الف عافيه والله يعطيك على قد نيتك ... بس حبيبتي الي تتميلح وتقول انا اللبس ومدري ايش اعرفي ان ماعندها سالفه وتلبس عباية راس وغطوة بعد .. وبعدين النت عندنا يالعرب خيره ماخوذ الا من رحم ربي ونسبه لا تتعدى 3 % فقط لا غير بعد

وبعدين انا بقولك شي مافيه فرق بين عباية الراس والكتف تراا

تراا حتى الكتف حلال ومشايخ كثير حللوها .. وبعدين شوفيهاب العقل انتي وش الفرق بينهم ... ولا تحطين في ذمتك شي مو كل بنت لبايتها عليها بعض الملاحظات تكون سيئه لاااا طبعاا
ومو كل وحده متلثمة سيئه او متحجبه
فيه بنات فعلاا كذاا وخصوصا الي امهاتهم مو سعوديات .. خلاص امها كانت كذا تتحجب فتشوف ان بنتها عادي تتحجب والبنت نفسها عندها قناعه بالشي الي تسويه .. وكمان امهات سعوديات عندهم افكار او متاثرين بشي معين فكثير بنات اهلهم يعرفون وعندهم عادي والبنت كمان يكون هذا الشي عندها عادي ونيتها صافيه فلا تظلمين احد


واللبس من تحت العباية وش الفرق اذا كان بنطلون او تنورة عاادي بالعكس البنطلون مايبان ساقك والللحين البنطلوون شي عادي مو انه ملفت للانتباه او مغريي الناس خلا تعود عليه

انا ماانصحك بس اقولك لا تحطين شئ في ذمتك

انك لا تهدي من احببت ولكن الله يهدي من يشاء

Candle of L!fe يقول...

بنت الجيران انا معك 100% أن مو كل من لبست على الكتف فاسقة وحتى مو كل من لبست على الرأس عفيفة ..

المشكلة مو هنا المشكلة أن بالبنات ساروا جداً يتساهلون بموضوع الستر ..!!

وكأنه عادة أو تقليد أجتماعي مكأنه عبادة ابداً ..!!

أنا كل الي ابي اوصله أن فكرة الستر بدأت تنمسح من مجتمعنا ..!!

وهذا أكبر مشكلة لآنها بتترتب عليها مشاكل أكثر وأكثر..

الله يحفظنا يارب ويسترنا فوق الأرض وتحت الأرض ويوم العرض ..