اعلن معنا

بطلي الباب ياسحر .. بطلي الباب



---------- Forwarded message ----------
From: مسيووو مليونير . <millioonair@msn.com>
Date: 2010/7/19
Subject: بطلي الباب ياسحر .. بطلي الباب
To:




 

غمضت انا عيوني ... لجل ما اسمعك

4 FuNnNy0

millioonair@msn.com

0السادهـ ../ هو المليونير

 

 

 

 

 

 

 

 

0صبح صبح ياعم الحج

وازيكو ياقدعان0

وكل عام وانتم بخير0

وربي يبارك لنا بشعبان ويبلغنا برمضان0

ويازين رمضان زيناه 0

عاد اليوم كنت اطقطق بلاب توب اخوي تركي0

الا هو ماشاء الله الاخ

مسوي له مدونه كامله عن مسلسلات رمضان

مو تارك مسلسل مو كاتب القنوات الناقله

ووقت العرض0

بمكه وبجرينتش

<<<الولد احس انه افرنجي من يومه0

حتى المصريه والتاريخيه مو بتاركها0

انا بفهم وش يحسون فيه هالناس مع هالمسلسلات يعني وين الوناسه والمتعه فيها0

على هالتفكير الا يدخل  تركي باشا 0

اخبارك مليونير قلت الحمدلله .. وانت ؟

قال كويس .. دوم الكواسه

<<< اخوان متاثرين بالمسن 0

يامليونير وش مخططاتك برمضان ؟

وش بخطط اكيد بصوم0

 ورمضان يجمعنا 0

<<< جاب الضايعه الحين

لا مليونير اقصد وش ناوي تتابع مسلسلات 0

قلت خل يجي رمضان ووقتها نتفاهم

وبعدين وش طاري هالمسلسلات اللي انت مجمعها عندك0

قال ايه هذي بتابعها كلها .. ليه بتحفظها ويختبرونك عليها يعني والله لو انك شغال بارشيف التلفزيون مااهتميت كذا

يعني فهمني بالله وين المتعه فيها

بيطيحون فينا بالمسلسلات الخليجيه0

الكويتيين0

يبدا المشهد من الباب ويمشي الاب للصاله زعلان

والاثاث مرمي يمين ويسار على الارض

وبنته ببجامة نوم وردي حفظناها كنه الكويت كلها مافيه الا هالبجامه يتلابسونها0

واختها توها صاحيه من النوم يمها جالسه

 صامخات مكياج صايرات كنهن حمار قايله

طيب صاحيه نوم متى لحقتي تمكيجين عمرج0

 

يقوم يصمخها بطراق ..ليه طيب؟ماندري

و عيونا كذا 0

يالهذا الاب القاسي على راعيه الوردي

000

 

الببنت جريبه من الدرج تركض لغرفتها تبجي

<<< خلاص تاثر باللهجه0

واختها وراها بطلي الباب ياسحر بطلي الباب ياسحر

يامعوده بطلي الباب 0

ابوي مايقصد يهينج

<<< لعنبو خامسك لاعنها بطراق بغت تدخل بيتنا من الشاشه من قوة الطراق0

وتقولين ما يقصد يهينج

وطول الحلقه وهي بطلي الباب مايقصد

والاب تحت بالصاله انا اراويج

تسوين لي الجاي بارد 0

طلعت السالفه عشان جاي بارد0

ونجي لمسلسل كويتي ثاني

حياه الفهد

لوعت كبودنا بهالشيله اللي مافارقتها من رمضانين سابقنين 0

نفس الشيله ونفس الدراعه0

يابنت الحلال فكينا من الحزن حقك

من مقدمة المسلسل وانا ابجي0

وين المقدمه

من الدعايات في شهر 8 وانا ابجي0

من اشوف رمضان يجمعنا وانا ابجي0

ياتتقمص دور الام المطلقه وريلها تركها بالشارع0

ياهي ام عيال يتامى وتربيهم وماعندها غساله خلاقين0

يابنت الحلال فيكنا جبتي لي المرض واللوعه من مسلسلاتك الماصله اللي كلها تبكين وشفايفك مشققه0

ولا يجي المسلسل الكويتي الثالث

هذا لازم يكون فيه شوي انحلال

لازم شجون الهاجري تشتغل فيه

لازم تفلمن وتاكشن بحركاتها0

وهالملسل الاب يدخل ومعاه مرته الثانيه0

والام بالصاله ويا بناتها يتريقون 0

<<< ياعله بالعافيه على جبودكم بعد راسي والله 0

تفز الام مني هذي

انتي منو.. ؟؟؟؟؟

والزوجه الثانيه انا اللي منو..؟

 قولها لها انا منو0

والاب يعني هذي منو0

والبنت منو هذي0

والاب هذي مرتي اليديه0

وتطيح الام يغمى عليها وعلى المستشفى

وتروح الحلقه بين صوت جهاز القلب

وبين زيارات الحريم لها0

وكل مازارتها وحده خنت حيلي ماتستاهل اللي ياها

وخنت عيني هالريايييل ماينتنامون 0

وكل الممثلات حالفات غير يطلعون بكل مسلسل وبكل قناة

وكل ماتفر بقناه تلقى

ياشجون ياحياه الفهد يا على المدفع < شايب السعودية 0

<<< جاء اسمه بالغلط وتركته 0

تصادم الحضارات يجيك

 فكونا يرحم ابوكم

0

نطلع من الكويت

 

نروح للمسلسلات القطريه0

عاد هذولي مدري وش يبون ووش يحسون فيه

اهم شي بمسلسلاتهم لابسين الغتره البيضاء المخططه ولافينها على روسهم0

والثياب الوسيعه والكم الوسيع0

والمسلسل كله يصورونه  على البحر0

واذا غيروا راحوا ببيت شعبي وسوق ابوابه خشب وسفينه

وكله المسلسل لقطتين

اللقطه الاولى جالسه البطله عند الشباك في الليل وتبكي ودمعتها على خدهاوتناظر القمر 00

واللقطه الثانيه الزوج ماسك شعر زوجته ويشده ويصفقها بالجدار0

وصلي الله على سيدنا محمد خلص المسلسل

 

نروح للامارتيين0

شادين حيلهم معانا الاخوان بالكوميديا

ماعندهم كوميدي الا ذاك الشايب جابر نغموش ؟؟

والمسلسل (حاير طاير )0

 

لا خلك غرندايزر  احسن وين طاير يبو0

يلعن ابليسه طول المسلسل ماعمري شفته يضحك

هذا وينه ووين الكوميديا

وباقي اليوم كل القنوات الاماراتيه مسابقات بالاسواق0

اقرب شاميه تقدم 0وكل اللي يفوزون هنود 0

 لاعبينها صح الهنود معاهم0

عاد العمانين مدري وش يبون0

كل رمضان وهم يتكلمون عن قابوس 0وكيف يصوم قابوس وكيف يفطر قابوس0

الشي الوحيد اللي يغيرون فيه الخبر

اذا جاهم اعصار ونتفهم0

ويرجعون يتكلمون عن قابوس وابوه تيمور 0

نجي عاد للسعوديين0

قمة المصاله وقمة البثاره

من طاش ماطاش لبيني وبينك

ياسدحان ياقصبي

ترى اقسم بالله ملينا منكم 20 سنه

لعنبو ابليسكم صار احتلال هذا مو مسلسل

ولا مسلسل يصيبك تصادم في اللهجات

الاب شرقاوي

الام حجازيه

البنت شاميه

الولد نجدي

الخال جنوبي

تجلس وعيونك كذا 000

 

-----

نجي للمسلسلات السوريه

ابطال النينجا بوكيمونات العرب0

كل كلامهم والله ابضاي ومفتل شواربه وياهيك الشروال ولا بلا 0

وكله كوم وحركته لما يكلم زوجته كوم

لازم يعطيها ظهره ويكلمها 0

ياعيب الشوم بتكلمها بئفاك خخخخخخخخ

شو هالرجال المعدل من يوم يومه ابضاي

وهذي حارتنا ومابدي شوفك هون بحارتنا0

والحاره التانيه بدوووون يئوسونا00

يخسي يئوسنا بدي صدا انا بصدري تئويسته0

وتعى ابن عمي سويت لك مجدره

تئبر البي شو محلا حكياتك

<<<وشبابنا مفهين تئبري البي يانوير يازين هرجاتس0

ونجي للنوع الثاني من المسلسلات السوريه

بنت ابوها غني وفيلا وحديقه واحتكار لسليم كلاس خخخخخخخخ0

وتحب واحد فقير ..

وكل المسلسل الاب يهدد الاطخم

بتبعد عن بنتي ولا بدي ائتلك0

واهم شي المسلسل كله

روح البون الجينزات

فقيره ولا غنيه0

 

 

ونجي لابطال الفن الخامس المصريين0

يجيهم دين وحب للصحابه برمضان شي عجيب

مسلسلات تاريخيه0

ده احنا هونا ادوار الصحابه وقريش لعبتنا ياراقل 0

مازا بك يااباقهل لم تحتسي الشراب معنا وترى القاريات يشكشكن 0

لقد كنت مقتمعن مع ابالهب  بدار الندوه نسوي خطة اربعه اربعه اتنين لمحمد0

لقد سب الهتنا وخرق ومن معهوو الى يسرب لقد صباوا عن دين اباءهم واقدادهم0

ثكلتهم امهاتهم ليسوا برقاقيل <<<صار مصري من نجد0

وشف من يمثل دور الصحابه

 نور الشريف يمثل دور الصحابه0

وهو بالليل متسدح بمسلسل ثاني على السرير مع كم....00  

ولا تنسون عاد سباق المشاهدين

والملايين اللي يدفعونه لسلقلق الشعيب

عشان يصيرون ضيوف الحلقات

وربي هالبرنامج اذا سمعت صوت الشاشه يوم يختارون الرقم

يجيني ماغص 0

وبالاخير تبونا نجلس ونتابع التلفزيون والمسلسلات والمسابقات

يكفي استخفاف بعقولنا ..!!

0 00

مسيووو مليونير


 

 


0 التعليقات: