اعلن معنا

البلاك بيري وامننا القومي

HTML clipboard
HTML clipboard

السلام عليكم ورحمة الله وبركاته

مبارك عليكم الشهر

والله يجعلنا من قوامه وصوامه ويعينا على فعل الخيرات واجتناب المنكرات


/

\

/



كنت مسافر بالخارج الشهر الماضي وتوي جاي مالي يومين
وانا برى كنت اسمع حالي حال الناس عن ازمة البلاك بيري وإيقاف الخدمة وذلك بسبب تهديده لامننا القومي ـ


http://3gmemories.com/files/2010/07/BlackBerry_Logo.jpg



قلت ياولد استغل الظروف وأسوي فيها ذيب والهيئة صرحت بأن الخدمه توقف فوراً قلت مابدهاش يالصحاف استغل الموقف واشتري اي فون.4. من برى ـ

تخبرون البلاك بيري سمعته صارت سيئة مع العلم حسب ماقال صاحبنا المصري بأنه أسود .. ومحتشم ومافيه اي شيء خادش للحياء ومش تتش لاسمح الله ـ


لكن

امننا القومي فوق كل اعتبار


شرى الصحاف الاي فون ـ

وفكر يستذيب يبيع البلاك بيري برى عشان مايصير من ضمن التحف بالبيت ـ


الا أن المصيبه مازالت موجوده

>>> خلاص الفاس طاح بالراس ـ

ياناس ... ياهوو

لازم توقف الخدمة


اهم شيء الأمن

مازال أمننا مهدد ومخترق مع استمرار الخدمة << والله لأطلع قيمته من ضروسهم ـ


يجب ايقاف الخدمة فورا


فبلد مهدد امنه ومخترق ،،، لايمكن العيش فيه



عزيزي القارىء

وانت بأي موول ? أو واقف عند اشارة
ماتشوف كم شاب أو شابه ماسكه بلاك بيريها بيدها !!

ما يرودك الشك بأنها تخطط لعملية انتحارية عند الاشاره


ماتتوقع ان هالبنت صاحبة البلاك بيري ذو اللون البنك او الفسفوري

كاتبه الان بالـ

personal message.


برب بفجّر !!ـ


او كاتبه تفجير تايم !!ـ

انا بصراحه اكثررر ما اخاف لما اشوف بنت معلقه البلاك بيري برقبتها ـ احس ان هالبنت مغسول مخها بقووووه
خلاص اول مايطري براسي أم الرباب ـ

يطري براسي مليون شك .. في اي لحظة راح ينفجر المكان .. واستغرب اكثر او بالاصح يزداد الشك لما اشوفها كاشفه ومضبطه عمرها ولابسه الي بالدولاب كله فأشك انها تخطط وتستهدف اكبر عدد من الضحايا الخرفان ـ

عشان تروح دايركت للجنة ( حسب فكرها )


الحديث ذو ( سجون ) ـ

ونجي للجد

كنت في لندن في إجازتي الماضية وللاسف انقطعت خدمة البلاك بيري باول يوم تقريباً علما بأن شركات الاتصالات الاس تي سي وموبايلي تتبجح بعرضهم الخمسة ميقا مجانا بالتجوال الي مدري وين طارت من اول يوم

عاد اضطريت اشتري سيم كارد من نفس البلد وتحديدً من شركة اورنج
بالمناسبة البلاك بيري في لندن حسب ماسمعت مايقدمه الا شركة اورنج عشان تصير المنافسه شريفه بين المشغلين اذا توزعت الخدمات بين الشركات .. مو مثلنا سبهلل ..

شوفوا زين الأن بحيث أنها أخر الركب .. كيف ماكله ( عسل ) رخصة التشغيل بـــ 22 مليار ونص ولا لها اي ميزة !! كانت فرحانه بخدمات التجوال الموحد واكلوها هوامير السوق

بلله مثل هالشركه وحنا ننادي بالاستثمار الاجنبي ( مثل طاش اليوم ) متى بترجع راس مالها بعذرها يوم سهمها ب 8 ريال هذا إذا مافلست ( << للأسف أملك بزين كم سهم .. اي احد يبي شيء من زين بس يأشر )

نرجع لمحور الحديث .. أقولكم عاد شريت سيم كارد من اورنج بعشره باوند اي مايقارب ( 60 ريال ) وكان فيها 250 ميقا مجاناً للتصفح
والبلاك بيري ماسنجر + الماسنجر الويندوز لايف + التويتر شغاله مدة شهر كامل حتى لو استنفذت 250 ميقا وحتى لو مافي رصيد

يعني ال 60 ريال الي دفعتها مقابل ان الخدمة تشتغل مدة شهر
بس الي صاير عندنا بـ 99 ريال واول ماتنتهي 1 قيقا الي معطينك اياها ( طبعا سبحان الله 1 قيقا تتطير في اسبوع وشلون ما ادري !!! ) ـ

على طول تبداء يحسب من رصيدك او على فاتورتك دون سابق اي انذار او اي اشعار بأنك استنفذت الباقة المموحة لك ( الا اذا كنت محظوظ وشابك على وايرليس ) ـ
بلله مو هذي سرقه !!!


وين الهيئة عنهم !؟ اجل ادفع 9 9 ريال عشان ايش ؟



على كذا كاني شاري باقة انترنت ا قيقا فقط ماكأني شريت باقة البلاك بيري يعني ما كأنهم مقدمين لي خدمة !!ـ

ليش ماتشوف هيىة الاتصالات اسعار الخدمة .. هنا يجي دورها الأهم
ليش ماتقارنها بالدول المتقدمة بدل من الفلسفة الزايده واقطعوا الخدمة .. ولاتحطون هالعرض ولاتسوون ولاتفعلوون
ليش ماتوقف بصف المستهلك بدل من الغاء العروض الترويجية مثل ما الغوا عرض الاتصالات للمكالمات المجانية بعد الدقيقه المدري كم ( عرض اتصل ونفصل ) والغوا الاستقبال بالتجوال الدولي

واخيراً بتكرمهم على المواطن في السماح باستمرار خدمة البلاك بيري ( اشوا ان امريكا قالت والله لو فصلتوها لنفصل الكهرب عنكم

وش الفايده من الهيئة إذا كل قرارتها ضد المواطن الغلبان المهلوك !



شلة حرامية مكونة من الشركات المقدمة للخدمة بمباركة من هيئة داجة


اصلا هالهيئة ( الي هيئة الاتصالات لا يطمرون علينا اهل الحسبة ويقولون انفكوا شياطين الانس في الشهر الفضيل ) كانت في يوم من الايام وزارة البرق والبريد والهاتف وكانت افشل وزارة بالبلد !!؟

يعني مثلا اسعار التجوال الدولي

تخيلوا كنت باسبانيا الدقيقه من شركة عالم من الاحتيالات بعشره ريال

ليش عسى ماشر !! مكلم النتاقون انا ولا مكلم خطوط الصداقة !! ـ

اسعار الدقيقه كانت في لندن وباريس 6 ريال الاتصال الدولي ( يعني للسعودية ) وثلاثة ريال داخلي طبعا اي جزء من الدقيقه انشاءلله بس فتح الخط وانفصل !!! ـ

بينما على النقيض كان في لندن سيم كارد خاص بشركة ليبارا مدري ليبرا

الدقيقه تكلم ع السعودية والله ياجماعة باقل من الريال !!!؟

الشريحة مجانا وانشاءالله ماتشحن الا بباوند واحد

ولو شحنت بعشرة باوند ( يعني 60 ريال ) قسم بلله تكلم الرياض اي جوال طبعا ساعه ونص ولو تكلم ثاتب ساعتين


تخيل كلمت من الاتصالات ولاموبايلي ساعتين يعني 120 دقيقه × 6 ريال كم تتطلع !!!؟

حوالي 720 ريال !!!؟ وانت مكلم بس ب 60 ريال !!!؟

طبعا غير الاستقبال الي بيكون على ظهرك لو ماكنت جحش متميز

يضحكون علينا يقولون متميز وراقي !!! ـ

كله بفلوووسي حسبي الله عليكم

قسم بلله اني اخذت شريحة ليبرا هذي بنت الاصول يالبى قلبها ورحت فيها لباريس واستخدمتها .. صرت اكلم الشباب منها

واراسلهم منها ولاخلصت العشره باوند ـ

ورجعت السعودية

ومازالت واقفه وشامخه بدون رصيد وتستقبل


بينما شريحة شركة الاختلاسات السعوديه وموبايلي كانت معي مسبقة الدفع يوم خلص الرصيد مدري بقى ريالين صارت ماتستقبل


طبعا كل هالسرقات الي صايره

بمباركة من هيئة الاتصالات

انا كمواطن يهمني ان تقف هيئة الاتصالات في صفي كمستهلك .. ضبط السوق .. الاستفاده من العروض لصالح المواطنين

ماتجلس تقول وقفوا هذا العرض !! ( والمشكله انهم طنشوهم ولاوقفوا عروضهم ) ـ

وقفوا الخدمة الفلانية

لازم تكون لها وقفات واضحة في صالح المستهلك .. كل القرارات الي شفناها وسمعناها كلهاااا ضد المواطن

ويذيلون اخر البيان واذا تحب ان تنوه الهيئة بأنها لاتقف في وجه المواطن وانما ماصدر من قرارات لضبط السوق في صالح المنافسة الشريفة !!؟

اي شريفه !! انتم خليتوا فيها شرف !!؟

اتمنى نشوف قرارات من الهيئة غرامات مثل مايصدر من قرارات هيئة السوق المالية على الشركات والي تصدر من تداول

نشوف قرارات في صالح المواطن

الزام الشركات بارسال رسائل توضيحية عند انتهاء مثلا الباقات الخاصة بالانترنت

مايجلس يحسب برى الميقا واحد بعشره ريال !! وبالداخل 2 ريال

يعني لو انتهت عليك باقه مشترك فيها وانت ماتدري وتفتح صفحه منتدى كمثال .. الصفحة لاتقل عن 5 ميقا لو انك برى هالصفحه كلفتك 50 ريال ولو انك بالداخل بعشره ريال !!!؟

وكل هذا بدون اي رسائل تنبيه


معقول مايدرون هيئة الاتصالات عن مشاكل العملاء !!؟

معقول مايدرون ان في ناس لهم اكثر من 4 شهور ودهم ينقولن ارقامهم من مشغل لأخر ومو قادرين !!؟

معقول مايدرون في ناس فاصيلن ارقامهم ومازالت تجيهم فواتير !!؟


الحديث يطول عن هالهيئة فاسده

والظاهر ان البلى كله في المفردة ( هيئة ) ـ


يجب ان تبتر هالهيئة .. اقصد هيئة الاتصالات



سبحانك اللهم وبحمدك ... اشهد ان لااله الا انت ... استغفرك واتوب اليك




حــرره


الصحافـ تسوونامي ـ


for any question
http://www.formspring.me/als7af


to visit my page in facebook

http://www.facebook.com/al97af

يشرفني لو عملت

like



فتكم بعافية



Sent from my BlackBerryR smartphone provided by mobily
>>> طبعا كاتب المسوده بالبلاك بيري لاتقولون ينصب علينا ـ

0 التعليقات: