اعلن معنا

مشكله والله ؟!!



---------- Forwarded message ----------
From: ماابي من الناس ناس .... <mnmz3lh_mnmhenh@hotmail.com>
Date: 2010/8/11
Subject: مشكله والله ؟!!


بسم الله الرحمن الرحيم ..

 

السلام عليكم جميعاً ..وكل عام وانتم بخير ,,وكل عام وانتم الى الله اقرب بإذنه جلّ وعلا ...

 

لي فتره اكثر من طويله وانا من متابعين القروب وبشده ومن زمان وانا افكر اكتب فيه لكن ماكتب رب العالمين يصير هذا الشي الا اليوم ,,فهي اول مشاركه لي عسى الله يطرح فيها البركه ..

 

طبعاً اللي خلاني اكتب هو  ,,موضوع ,, مارح اسميه لكن بتعرفونه من خلال الكلام اللي بقوله

 

كثير نلقى عيوب في مجتمعنا سواء المحيط فينا بشكل مباشر اقصد فيه الاسره او الاصدقاء واصدقاء الاصدقاء ,او بشكل غير مباشر زملاء العمل واسرهم واصدقائهم ..واصبح الكثير منا يملك الجراءه للتعبير عن هذه العيوب..

لكن المشكله في الاطراف الثانيه اللي ماتملك الجراءه للتعبير عن هالعيوب ولا سمحت لمن ملك الجراءه ان يعبر عن هذه العيوب بكل هدوء ..

كل شي له اداب واصول وقواعد لازم نمشي عليها من ادبك مع خالقك في الدعاء والرجاء مروراً باداب الاكل الى ادبك مع الناس حولك ..يعني مفروض اصحاب الجراءه يلتزمون بالأداب والاصول والقواعد في انتقاد المجتمع او غيره (لكني اتكلم بالذات عن نقد المجتمع) وبالتالي مفروض الاطراف الثانيه تتأدب وتلتزم بالقواعد والاصول في ردها عليهم ..

مشكلتنا العظيمه مانعرف لا ننقد ولا نعرف نرد على النقد ..مش عيب اني انتقد شي في مجتمعي وهذا شي من حقي اني اعبر عنه ومن حقي ان الاطراف الثانيه تحترم رأيي وتسكت او تحاول تغير رأيي بطريقه مرضيه لي ولها ..

 

ومشكلتنا الثانيه العظيمه ايضاً ان فيه شريحه في المجتمع سانه سكاكينها على غير يمه (على غير سنع) يجيك الواحد او الوحده متفلتين يردعون عن حمى الوطن كأن صاحب النقد عدو للوطن بينما هو وصل فيه الحب لدرجه مايرضى يكون في حبيبه خطاء يشوه صورته ..انا بتكلم عن هالشريحه بالذات ,لحظه ياشريحه وخري سكاكينك وتأدبي بالحوار من حقي كفرد بالمجتمع اني احاول اقومه ومن حقي اعبر عن رأيي بالخطاء فيه او بالصح ,,وكل مجتمع فيه اخطاء وفيه افراد تحاول تقوم هالاخطاء ..الانكار اللي متملك هالشريحه خطاء ((يجعلون الزواج محور حياة بناتهم))

اقتسبت هالكلام من موضوع نزل بالقروب من وقت قريب وتم الرد عليه بالانكار ولغة حوار الادب فيها معدوم بحجة (لاتعممين ) !! طيب لحظه ولنفرض ان صاحب النقد استخدم كلمة (البعض) في نقده مش البعض اصل الكل؟! مش لما جدار واحد بالبيت يميل يطيح البيت كله ؟! مش شرط لما طالب واحد يسوي شي خطاء يجي المدرس وينصح ويرشد كل الفصل مع ان باقي الفصل ماسوى شي لكن من باب النصح ولأن احتمال احد من معارف هالفصل يسوي نفس الشي فالنصح يكون للعموم .. يعني مش لازم يستخدم صاحب النقد كلمة البعض لأنه بنقده يحاول يوجه الغلطان ويذّكر اللي ماغلط انه مايغلط ..ليش هالهجوم المكثف على اي ناقد ؟ مفروض يحصل العكس ممكن مايكون حولي انا احد يتصف بكلام الناقد لكن ممكن اواجه بحياتي صديقه او صديق صاير عندهم نفس الشي فيكون عندي خلفيه اقدر اساعد فيها ..

 

مجتمعنا مجتمع ناشء يحتاج منا وقفه لتصحيح مفاهيمه القديمه الخاطئه ,,ولا تصحيح مع انكار!!

 

اعتذر عن الاطاله ..واتمنى نفتح نفسياتنا لحوار راقي ..

 

 

اللهم ارحم والدي واجعل قبره روضةً من رياض الجنه واموات المسلمين آجمعين ..

 


0 التعليقات: