اعلن معنا

خروف العيييد أبو قروون .. والخوف الأزلي

From: ألم المشاعر <whm-whm-1@hotmail.com>




 










السسسلام عليكم


كل عام وانتم بخير
،،
،
عارفين ايش هو أسوأ شعور


إنك وانت تتمشى مع بزارين خواتك وإخوانك لحالكم بالمزرعة


وتجلس تقص عليهم قصصك البطولية للبزارين
وهم معتمدين على ان (خالهم -عمهم ) معهم وماعليهم خوف من شيء


وفجأة
تسمع صوت كلب قريب منك .. وأول من يحط رجله هو أنت


وعارفين الأسوأ من هذا ايش


إنك ترجع لما تبعد عنهم حوالي خمسة كيلو من زود قوة الهجه وتكمل سالفتك وقصصك البطولية


ولا كأنك قبل شوي حاط رجلك ع شان صوت كلب


وعارفين الأسوا من هالامرين ؟!!
إنك وانت تكمل سالفتك وتحكي لهم قصصك البطولية تتفاجأ ببزر يقول بصوت عالي


وووش رايكم نلعب واحد طش 
وكلهم بصوت واحد يللله مشينا

 

ولا كانك جالس تتكلم معهم


وبعدها صدقني بتكتشف انهم ماعبروك ولا عبروا سالفتك ابد


وتكتفي بأنك تشاركهم لعب واحد طش 


راميا كل قصصك البطولة عرض الحائط
،،
،
وايضا عارفين قمة الفشيله ايش ؟؟!!


انه يجيك بزر يبي عيدية


وتجلس تسوي روحك كريم


وتطلع من جيبك عشرة ريال


وانت مبتسم وكلك فرح انك بتسعد هالطفل البريء


وتتفاجأ إن البزر يكشر عن أنيابه


ويجلس يهاوشك


ويقول لك :
بسس عشششرة ريال ؟؟ شايفني طرار انا


عندها كل تبن ولا تعايد احد أبد .. ..
،،

،

وعارفين قمة اللعانة


إن إخوانك يعرفون إنك تخاف من الغنمة إليها لها قروون
ويحرضون أبوك عليك يخليك إنك الي تدخل الحوش ع شان تمسكها


وتدخل تبي تثبت لابوك إنك فعلا ماتخاف من هالاشكال


ويخيب ظنك .. مع أول مراوغه لك مع الغنمة


وتتفاجأ إنك تطلع وتطرد من المكان كامل ... بعد اكتشاف الحقيقة

،،

،

بيني وبينكم

كثير من الناس صار يحن لأيام زمان


لما كانت النفوس صافية .. والقلوب لبعضها


اول لما كانوا اهالينا يحاولون ينومونا من الساعة عشرة بالليل


ونجلس نهوجس متى يأذن الفجر على شان نلبس


السروال الجديد والفنيلة الجديدة وشماغ وعقال وجزمات وحركات


واول ماندخل المجلس نسلم اول مايدخل فينا رجولنا


نمد رجولنا مده خمسة متر
ع شان يطلع السروال الجديد وصفطته الجديدة
والعيد كان ماهو بس اول يوم .. كان ممكن اول ثلاثة الى اربعة ايام كلها وناسه وفله


عزايم واحتفالات ووناسه وضحك


وتسسلم ع الجماعة كلهم وتعرف الجميع
كان فعلا عييييييييييييد بمعنى الكلمة
أما الحييييييييييييييييييين


( موسيقى حزززززززززززززينة )


العيد الظاهر اول خمس ساعات .. وبعدها طفش


العالم نفسيتها زي الزفت ..


والعيد صاير بالرسايل .. وعنده انه قام بالغرض وقام بالوصل


ولما تقول له وانت مبتسم


( كل عام وانت بخير ) ..
تحس ان وده يقول لك كل تبن بس
ماااش الوضع مااعجبني ===)) تكفى خخخخ

فعلا تحس أكثر من زعل ع هالحال بالعيد


هم الشياب والشيابات ===)) يعني العجز

لانهم عاشوا الفترتين ..


وجربوا حلاوة الماضي .. ومر الحاضر


الماضي احس في كل شيء حلووو إلا بعض الافكار والعادات الخ

فضفضة ع السريع .. حيت تشاركوني فيها

اذا اعجبتكم فهذا مااتمنااه .. واذا مااعجبتكم .. فشسمه وسعوا صدوركم

يلله فتكم بعافية

 

للأسئلة وكذا

 

http://www.formspring.me/Faroooos

 

او عبر الإميل

 

أخوكم

 

فارس

 


0 التعليقات: