اعلن معنا

gmc455

From: محب الخير <galebaj@gmail.com>




 

 

 

 

 

 

 

 

 

مكينه شفر 454

 

 

 

 

 

 

 

Gmc1987

ياراعي الجمس خذت الفوز بالكاسي = لله درّ اللذي بالدين يشرونه

لاروّح الليل بردٍ والهوى قاسي = فاركب على الجمس خلّه يلعب افنونه

ياسايقه شيّكه من غير وسواسي = ودورية الطرق ماوالله يجيبونه

انا مجرّب وانا بالعلم حساسي = ولا قيل لي كلمةٍ بالجمس مضمونه

والجمس لامن ركبته طار عوماسي = لو طال ممشاه مايتعب دركسونه

مضبوط في هيكله والقير والشاسي = وكنها تروسه مع التعشيق مدهونه

خبّ الصلف بالحموله يفرس افراسي = ولاداس ربع السليتر جاب طبلونه

ردوّ سلامي وانا باكشف لكم راسي = وشكري على مصنعه واللي يجيبونه

الشاعر : مبارك بن شحيمان

..

gmc 1987
قاطع : 50 ألف
صبغ وكالتة
واسبير وكالتة
المكينة : 454
أسم المالك السابق: خالد بن سعود ال سعود
المالك الحالي : ولد عمي

photo

لاضاق صدري شلت صفر المعاميل

لاضاق صدري شلت صفر المعاميل
ونزلت لي في راس ضلع منيفي

أجر صوتي في قصيد ومواويل
وأشب ضوي لو أنا بعز صيفي

وأدنيت يمي عزبة البن والهيل
وسويت لي كيفن على كيف كيفي

photo

لاعاطاه البنص ياخذ فالمكاني = سجتن منها الكفر يردم زباره

راكب اللي من حفيزه بهبهاني = جمس رفرف يعجبك بدي وغماره
حجم ماطوره محرم بالمواني = امنعوا تصديره الا ،، للوزاره
خمس ميه يقتفيها رقم ثاني = احدعش اتزيد في عيني وقاره
مسمحوا له لين صّدر له بياني = بامر سامي صدروه امن الاماره
ثم نادوا صاحبه قبل الاذاني = ياخذه قبل الصبح يطلع نهاره
ماملكه الا الحصان ابن الحصاني = واحدٍ مطنوخ وسنافي وطاره
يوم دق السلف كنه ياخواني = يسبق المفتاح قدحه للشراره
كن صوته فحل ذودن للعماني= لاهدر والقيد حده عن بكاره
لاعاطاه البنص ياخذ فالمكاني = سجتن منها الكفر يردم زباره
ولاعطاه اثنين زاد ابه الجناني = من حمار اقزوزه تشب الزقاره
مثل حرٍ شايفن برقن سماني = شافهن في صيهدن دونه قراره
ماخذا في هدته اربع ثواني=رددو فعلٍ فعله اهل الصقاره
ان عرض لك مهر فايز بالرهاني = وان عقبته ما تشوف الا غباره
ولانطح نور الشفق والليل داني = يختلط لون الشفق ويا حماره
مدبل السستات ومضمن ضماني = اربع الرصات نسته الحراره
سايقه له بخص بسهيل اليماني=كل نجمٍ عارفن دورة مداره
لا رقد في مرقده نسل الهداني = للخطر سايقه معلن انتحاره
برسله في لازمي ذرب اليماني = صوب رجلٍ ماتغيره الحضاره
الرفيق اللي هجوسي له خذاني = من سلايل لابتٍ لاقيل غاره
يحتمون الجار وديار العواني = الوفا والطيب فيهم والنعاره
فلاوصلت ديار بيشه والمباني = للشقيقه وجهت الجمس ومساره
يم ابن جدلان كساب الثماني = راعي الوقفات والطيب وشناره
بلغ القرم الوفي على لساني = السلام وامنياتي بزدهاره
ولاخلص واجبك بالغه امتناني = سلمه خطٍ نبي فيه استشاره
من عميد الشعر في بحرالمعاني = من خيال الفكر من نهر الاثاره
بوح فكره ما يبي شاهد عياني = في بحور الشعر له سفن وتجاره
ياسعد والبحر له حد ومواني = وانت مثلك ينقض ارموز الاشاره
البلا من حاجتين ومن زماني = وأبيض الصدق اختلط ويا سماره
اختلاف الحل والله ما عطاني = غير ضحكة سن تكشف عن شعاره

الشاعر / سعد بن جدلان

photo

 

قلبي على قطع الخرايم عزومي

ياملّ ..قلبٍ عانق الفطر الفيح
================كنه على كيرانهنّ محزومي
ماينعذل عنها سوى تعذل الريح
==========والاّ يشد الضلع ضلع البقومي
وياناشدٍ عني ....تراني شليويح
============قلبي على قطع الخرايم عزومي
أضوي ولو صكت علي ..النوابيح
=========واللي قعد عند الركاب مخدومي
واليا رزقنا..الله بزود المصاليح
===========يصير قسمي من خيار القسومي
(وان قلّت الوزنه وربعي مشافيح)
============(أخلي الوزنه لربعي واشومي)
(وأنا نطيحٍ للعيال الطحاطيح)
===========لا..قلب الشارب وجات الزحومي)
(والياطرحت السابق ام اللوايح)
=============كلٍ رفع يمناه بالمنع يومي)
(حنا.. مراجلنا على هبه الريح)
==========(لاخالف الواجب عيال الرخومي)

الشاعر / شليويح العطاوي

photo

 

photo

يا ونتي ونة خلـوج مـن النـوق

يا ونتي ونة خلـوج مـن النـوق
علـى ولدهـا بالتهاليـك معتـاق
أقفوا بها ربع (ن) مع كـل خنتـوق
وقامت تلفت للحويـر بالأشفـاق
قامت تصعفق بين صافق ومصفـوق
وأحفاه من ضرب العصا كل مرهاق
من أول تقطف ثمـر كـل زملـوق
واليوم صاعنه خبيثـات الأوفـاق

photo

يوم دق السلف كنه ياخواني

يوم دق السلف كنه ياخواني
يسبق المفتاح قدحه للشراره

كن صوته فحل ذود للعماني
لا هدر والقيد حده بكاره

ولا عطاه النبض ياخذ فالمكاني
سجده منها الكفر يردم زباره

لا عطاه اثنين زاد به الجناني
من حمار قزوزه تشب الزقاره

مثل حر شايفن برق سماني
شافهن في صيدهن دونه قراره

http://farm4.static.flickr.com/3443/3388143548_2007f0e3be_b.jpg

http://geo.yahoo.com/f?s=792600099&t=0583143460b44815ddcd4cbf50b460f7&r=http%3A%2F%2Fwww.flickr.com%2Fphotos%2Ftroy93%2F3388143548%2F&fl_ev=0&lang=en&intl=us

 

 




1 التعليقات:

callme يقول...

يقولون الشيبان
مايسوق هالمواتر
الا البزرنجي