اعلن معنا

اللي تبي تسوق سيارة تدخل


From: BE MINE .




 

أولأ بليز الايميل مخفي ماعليكم امر

Ninja

 

 


أعجبني موضوع العضو المستقيل الذي يتحدث فيه عن قيادة المرأه للسياره 

 

 

رغم اني احيانا لا استسيغ اسلوبه المبالغ فيه بالانتقاد Who me?

<<<<<<<<< ناوية تتصفع هههههههههه

 

 

 

Anyway

 

 

بما اني من النساء اللائي يقدن ويحملن (ليسن) وسياره (سبورتيه فخمه)<<<<<<< Hot smile  ياحبي لسيارتي فديتها انا بس

 

وبما أني ابنة وزوجه وام

 

 

سأخبركم لما أؤيد قياده المرأه ولما (لا) أؤيدها

 

 

اوووف تعبت من العربيه الفصحى ههههه ماقدرت اكمل واجاري (المستقيل ) هع

 

انزين

 

بما اني من اهل الامارات

فـ طبعا هالشي من زمان عندنا عادي

وتقريبا 95 بالميه من الحريم يسوقون

 

وللأمانه

انه يكون عندي ليسن وسيارة خاصه فيني وحرية سواقتها

هذا شي جداااا مفيد ومريح في نواحي كثيره

طبعا الحمدلله انا مب من النوع اللي اطلع بروحي

وهذا شي يعتمد على الاهل والتربيه

 

فـ لا تقولون السواقه دمار لا والله

يعني هذا احنا من زمان نسوق

ليسني عمره 6 سنوات

ولين اليوم عمري ماطلعت من البيت بروحي الا للدوام فقططططط

 

 

نرجع لمحور حديثنا

 

متعة قياده المرأه

انها تخلص امورها بنفسها

بدون مذله أخ ولا غيره

 

ابي فستان؟؟ يالله دق سلف وعالسوق خخخخخ

ابي  اكسسوارات للفستان امس نسيت اشتري Laughing out loud <<< برضووو دق سلف وعالسوووق

 

طيب كح كح كححححح زكمت <<<< يالله عالعياده بدون مذله يافلان ودني يافلان مر الصيدليه خذلي دوا

 

طيب ولدي يبي دفتر

وبكره يبي الوان للتربيه الفنيه

وبعده استاذ الرياضه طالب جوتي لون اخضر فسفوري Laughing out loud <<<< لا تعليق هع

 

برضووووو تتك وعالسوق <<<<< صوت بيبان السياره يوم تفتحها بالريموت

 

 

 

 

ومثل ماقال اخوي المستقيل

احلى شي دعوات الام

 

طبعا بما ان الاخوان صار مامنهم فايده

وبما ان الاخت هي اللي صارت تشتغل وتستلم راتب وتصرف عالبيت وتساعد الام والاب

وطبعا مشاوير العايله كلها تستوي عالبنت

طبعا ماننسى الاب اذا كان شايب ترا بعد يدعي للبنت لما يحسها تخدم فالبيت اكثر من الابن ويصير يعتمد عليها في كل شي مشاوير رسميه مشاوير اغراض بيت وغيره كثير

 

 

 

طبعا غير متعه السواقه بحد ذاتها

اووووف لما عاد تركبين ذيك البي ام اكس سكس  <<<< ايوه وبعدين؟؟؟

ولا الرنج <<<<<< الحبيبه رايحه تغازل؟؟؟  

ولا المرسيدس السي ال <<<<< هذي بنعديها هالمره  

ولا احلى شي البورش باناميرا <<<<<< لا قويه هههههههههههه

 

 

 

 

لا بس صدقااا  

مجرد الوحده تدوس عالريس ويطلع صوت وتحس انها في ريس  

ووووواااااو صراحه جنون

بس لا تتهورون وايد ترا الرادارات غطت الشوارع صارت اكثر من الاشجار والليتات افففففففففففف Green with envy

 

 

 

المهم

 

طبعا انا من ضمن الايجابيات كتبت السلبيات بشكل غير مباشر

 

 

 

تخيلي حبيبتي الانثى

انج تفقدين انوثتج بشكل او بآخر

 

تخيلي تصيرين البنت والاخت والولد والاخ والام والاب والزوجه والزوج

وتتحملين كل هالمسؤوليات

 

طبعا فالبيت انتي الزوجه

عليج البيت والطبخ والتربيه وكل شي

وبرا البيت انتي الزوج

عليج مسؤوليات الطلعات وهاتي وجيبي وودي وشلي واشتري وروحي ووووووو........ إلخخخخخخخ

 

والله عوار رااااااااااااس

 

تصيرين تتمنين ترمين الليسن فالزباله

وسيارتج تعطينها عامل النظافه هديه مجانيه ههههه

 

 

بس فعلا والله

يصير احساسج تماماً مثل احساس اخونا مستقيل

لما طفشت فيه بنت اخوه Laughing out loud

وتمنى انها تسوق

 

بتصيرين تقولين

ياربيييييييييييييي ليش ماتجيبوووووووووووون دريييييييييييولللللللل حرام عليكم

 

ويقولولج

 

ليش نجيب دريول وكل اللي فالبيت يسوقون وعندهم سيايير

اقصد (كل) الكبار يعني فوق  ال 18

 

افففف والله معاناه

 

حتى المفعوص اخوي

قام هاليومين يقول لي

 

بي ماين وديني عند اصدقائي فالحاره الثانيه؟؟؟

 

نعم؟؟ هاه؟؟؟ اصدقاءك؟؟؟ وفالحاره الثانيه؟؟؟؟ ليش يا حبة عيني ؟؟؟ وين رجولك الحلوين؟؟؟؟ ليش ماتروح مشي با بعد حالي؟؟؟؟

 

ويقول بكل برودة اعصاب

والله مافيني امشي تعبببب

وقلت لأبوي وقال

روح لـ بي ماين هي بتوصلك؟؟؟؟

 

 

Crying face

 

عاد القرار جاي رسمي من رئيس الوزراء

ومستحيل عدم تنفيذه

 

تخيلي تضطرين تلبسين العباه

وتدورين الشيله

وتكوين النقاب

ويالله وين السويج

 

وشغلي السياره

وخليها تحر دقيقتين

وروحي وصليه للحاره الثانيه

وارجعي

 

 

لا وتخيلي فوق هذا كله اصلا انتي كنت في خضم <<<< حلوة خضم هههه

 

في خضمممم شغلللل مهمممم مثل انج تحطين مانيكير مثلا خخخخخ

 

 

 

 

 

 

 

والله صدق يا بنات السعوديه

 

صحيح مرات احمد ربي اني اسوق

لما اخلص شغلي بنفسي واكون فعلا محتاجه

 

بس معظم الاحيان احسدكم على الراحه اللي انتو فيها

 

عندج وقتج كامل لج انتي بس تتدلعين تهتمين بنفسج بانوثتج ببشرتج  بكل شي

 

اما انا كل ماقلت بحط ماسك لويهي 

حد دق علي الغرفه: بي ماين حبيبتي وصليني المكان الفلاني <<<< طبعا حبيبتي مصلحه بس

 

 

 

احمدو ربكم عالنعمه

خاصه لو عندكم دريول <<< دريول يعني سائق هههه نسيت اترجمها بالبدايه هع

 

وخاصه لو عندكم اخوان طيبين

وترا على فكره هالشي يخلي الاخ والزوج يتعلم تحمل المسؤوليه شوي <<< رغم اني غاسله ايدي منهم ههههه

 

بسسسسس تكلمت وايد

 

بس عشان اخفف من معاناتكم شوي هع

 

يعني من الاخير انا احب ليسني ومابتنازل عنه وسيارتي اموت عليها ومدلعتنها دلللع جنوني هههههه <<<< كأنها قامت تغايض خخخخخخ

 

 

 

Smile with tongue

 

 

 

 

سي يو نكست تايم

 

 

  

2 التعليقات:

مُستقيل يقول...

أهلًا ومرحبًا

اشكرك اختي
سبب اعتراضي وجيه وهو دعاء الأم
يعني لو كانت بناتنا واخواتنا يملكن سيارات لن يطلبن اي خدمة منا وستصبح الحياة مملة وكئيبة وكل واحد يجامل الاخر ولن تسمعي دعاء الأمهات لأبنائهن
وربما أؤيد قيادتها للسيارة في الطرق السريعة لكن أخشى ان تقف عند كل محطة فانا لا احب الوقوف في السفر
اعرف شخص يترك زوجته تقود السيارة في الطرق السريعة طبعاً بالليل
لكن هذا الشخص يقول اتركها تقود حتى لاتزعجني يقول زوجتي معلمة جغرافيا وتتسلط في كل سفر بالحديث عن المناخ والتربة وتضاريس الاماكن التي نزورها

شكرًا على الموضوع اختي بي ماين
والله اعلم

بنت جيران الصحاف يقول...

يعطيك العافيه على الاميل
بس على فكرة حنا نقضي مشاوير البيت
واخوي الصغير يبي من المكتبه
و ماما تبي شي من اي محل او البيت
او احد يبي يروح مستشفى ولد خالتي ومدري ايش

حنا نقضيها بس السواق يسوق .. وش الفايدة نسوق حنا احسن من سواق يرفع ضغطي اذا طلع اكثر من مشوار قام يهزء .. طالت وشمخت ترااا مع السواقين