اعلن معنا

+ مذكرات زوج سعودي

From: موج هادي <moj.hadi@hotmail.com>





 

مذكرات زوج سعودي

kالمشهد الأولk

   البارحه ذهبت أم العيال الي عرس وفي السابق كانت هكذا ليله تكون مثل ليله الأنس في فينا ولكن دوام الحال من المحال...............

 في تمام الساعه العاشره بتوقيت السعوديه جائت من عند الكوفيرا وكانت تضع طن من المكياج يكفي لتجميل نصف حريم لبنان ونظرت الي وقالت: ها وش رأيك؟ فقلت بلساني تهبلين.....اما قلبي فقال وهل يصلح العطار ما أفسد الدهر.....قالت وهي تستعد لحشر كتل الشحم في الفستان المسكين وحاولت

 أن تضع شيء من الغنج والدلال في صوتها.....عاد لا تنام الليله ...ابي احاول أرجع بدري.....قلت مع بدايه غثيان في الكبد....متي يعني؟...قالت يعني ثلاثه ونص أربعه....قلت...ابنتظرك علي احر من الجمر ولو جاني النوم راح اصقع راسي بالجدار عشان يطير مع انه ودي لو اصقع راسها هي بالجدار المهم

 بدأت عمليه حشر جسمها في الفستان وهي عمليه أشارك فيها....وتبدأ طقوس الحشر بعمليه لبس المشد وهو حزام من المطاط القوي..تحاول فيه جمع الكرش ودفعه للخلف...وهي عمليه مضنيه لا أفهمها أطلاقا....المهم تم حشرها بعون الله في الفستان..... وبقيت العمليه الأصعب وهي صك السحاب وهذه مهمتي أنا.....والمشكله إن حديده السحاب صغيره وصعب مسكها وشدها بقوه ما أعرف ليش مايخلونها مثل حقت الشناط كبيره شوي المهم....بدأت هي تشفط نفسها بقوه وأنا أحاول تسكير السحاب اللعين...وما أدري ليش تذكرت طريقه تسكير شنطتها اذا جينا نسافر حيث أقف علي الشنطه وبعدين أسكر سحابها..وتمنيت لو أقدر أبطحها هي وأضغط علي ظهرها برجليني وأسكر السحاب اللعين....المهم بعد معركه شرسه وكر وفر تمت العمليه بنجاح...وتنفست الصعداء مع اني ما ادري وشي الصعداء......ونطلقت هي للعرس

............(يتبع)

مذكرات زوج سعودي

kالمشهد الثانيk

 غادرت وهي تحمل الجزمه ام كعب بيدها لأنها ما (تركبها) الا في هكذا مناسبات.....وحلقت انا في عالمي الخاص عندي أربع ساعات عزوبي وقمت أوزع وقتي الثمين......علي نفسي انا وبس وسهرت سهره جميله مع( انا)........................... ....

 وفي تمام الساعه الثالثه صباحا بتوقيت السعوديه طلعت فوق بسرعه وجبت طاسه وحطيت فيها ثلج ومويه ومنشفه صغيره وجبت من الفريزر الكماده البلاستيك ومن الصيدليه بنادول وتانيول وكل شيء اخره اول ....وركضت للسرير وانسدحت مثل اي فار ينتظر غزوه قطاوه (بساس)

 وفي تمام الساعه الثالثه وسبع وثلاثون دقيقه حسب توقيت السعوديه سمعتها جايه قمت وبسرعه وضعت الكماده علي راسي وأتخذت وضع البؤساء.............كني ابي اموت خلال دقائق.....

 دخلت وقالت اسم الله عليك وشفيك اجبتها بصوت ضعيف مع بحه ....تعبان حاس معي سخونه...ثم وضعت فاصل من الكحه الخفيفه....وبدأت المناوره... قالت....ياشيخ ما فيك الا العافيه قم خذ لك دش وأسوي لك عصير برتقال....صدقني هذا كسل وبعد الحمام يروح _اوف ما راح تستسلم ناويه شر_ قلت بنفس الصوت السابق.....يابنت الحلال اي حمام...انا ما جاب لي البلا الا الحمام بعد ما رحتي تروشت وطلعت من الحمام والظاهر صفقني المكيف......وضعت يدها علي جبهتي وقالت بصيغه جازمه ما معك حراره....قلت يمكن صخونه داخليه.... ..وقلت لها وأنا أحاول أنهاء الموضوع تعالي بس اتمسك فيكي..ابي اروح الحمام....وقمت بالحركه البطيئه مستندا علي كتفها وعندما أستويت واقفا رجعت وجلست بحركه مسرحيه.........وقلت ماش حاس بدوخه ما اقدر.امشي..هاتي لي قاروره مويه صحه فاضيه......عندها شعرت ان هجومها بدأ يضعف وأن الفرج قريب...........فقررت ان اضرب الضربه القاضيه..........اووووع....... .اووووع.... .......وشف يك ..وشفيك صرخت قلت حاس بمر علي كبدي....احسن افرشي لي تحت مادري وشو هذا وأخاف اعديكي..........وهكذا نفذت بجلدي

 ...........يتبع

مذكرات زوج سعودي

kالمشهد الثالثk

 في ضحي اليوم التالي وعلي الفطور......سألتني بلهجه جافه ووجه عابس....شلونك اليوم عساك اشوي قلت لا أبشرك اليوم احسن بكثير الحمد لله....والله البارح...أعوذ بالله....ما ادري وش جاني والله كنت مره متحمس نقعد مع بعض....لكن الشكوي لله .......شعرت من نظراتها انها غير مقتنعه وأن الموضوع ما راح يعدي علي خير...........وساد صمت........وفجأه وبدون اي مقدمات قالت هالحين انت ليش ما تاخذ من الحبوب الي يقولون عليها...او تروح تكشف.........قلت يابنت الحلال انا ما في الا العافيه......وهذي الحبوب لها اعراض خطره.......وأنا البارح مريض....بعدين لا تنسين العمر.....والله اني الا مشيت دايم اتلفت وراي اخاف يطيح مني عضو وانا ما أدري.....ضحكت وقالت لا مهوب طايح منك شيء...المهم وش تبي غداء...قلت علي كيفك...قالت انا مشتهيه سمك وروبيان قلت عز الطلب......وعلي الغداء....وضعت امامي حزمتين كبيره من الجرجير....وعرفت انه فيه هجوم خطير قادم

...............يتبع

مذكرات زوج سعودي

kالمشهد الرابعk

 وأقبل الليل والليل مخيف...وغادر الأولاد ألي غرفهم.....وخلي لها الجو بألفقير ألي رحمه ربه ولطفه قالت وش تبي عشاء.....قلت...مادري والله...ماني مشتهي شي...قالت....وش رأيك أحط لك عسل حضرمي...جابته لي زميله..تقول انه حر...وزين...لحظتها عرفت أن الغزوه جايه جايه وأن ألهروب مستحيل....فقررت الأستسلام.....وقرأت في سري ايه الكرسي والمعوذات وتوجهت ألي غرفه النوم كمن يساق ألي حبل المشنقه.....وقامت هي تركض كصبيه في العشرين ألي المطبخ تجيب العسل.

وبعد ألعشاء وفي تمام الساعه العاشره وسبعه عشر دقيقه بتوقيت السعوديه بدأ هجومها بأن تسلحت بقميص النوم الأحمر...وبخت نصف قاروره عطر ....وأطلقت شعرها....وللمعلوميه هذا كل الي عندها من أسلحه....وقمت أنا ونسدحت علي السرير أنتظر قضاء الله وقدره...وعلي لساني دعوه اللهم لا اسألك رد القضاء ولكني أسألك اللطف فيه.....

وقامت هي بالروتين المتبع...قبل الغزوه.....أقفال باب غرفه النوم...وتشغيل التليفزيون علي قناه الجزيره أو العربيه...عشان لو صحي أحد من ألأولاد وجاء للصاله الملاصقه لغرفه النوم مايسمع شي والسبب انها ملتزمه لا تسمع الموسيقي....وكنا سابقا....نمارس العمليه علي صوت قناه المجد ولكنها تكرمت بالموافقه علي القنوات ألأخباريه.... قالت..اطفي النور...قلت علي كيفك...وانا اتمني تطفيه...قالت احسن أطفي ألي فوق واولع الأباجوره وهكذا كان.....

قالت..أكبسك ؟...قلت اي والله تكفين تري عظامي الي هالحين توجعني وأنسدحت علي بطني وبدأت عمليه التكبيس .....وأثناء عمليه التكبيس خطرت في بالي فكره...وهي كمحاوله الغريق التمسك بقشه.....قلت وش رأيك تدهنيني بأ أبو فاس وفكس ...وكانت في تلك اللحظه الحاسمه تكبس الرقبه فضغطت عليها بقوه حتي كدت اختنق....فقلت ياشيخه...أمزح ... أمزح ...

............يتبع

مذكرات زوج سعودي

kالمشهد الخامسk

 

تم الحذف بناءا على طلب المتظاهرين في ميدان التحرير بالقاهرة  خخخخ 

 

 


 

__,_._,___


6 التعليقات:

غير معرف يقول...

انتم الرجال السعوديين كذا مايعجبكم شي ودايم تتشرطون وتدلعون على بالكم انكم كاملين ومحد نفسكم مافي شي يرضيكم ولا شي يريحكم واربع وعشرين ساعه تعلقون مافيكم رومنسيه مافيكم تدليع لزوجاتكم مشاعركم جافه الا من رحم الله عمركم ماراح تتغيرون

Callme يقول...

.
.

صح اللسااااانكـ

وعندنا وعندكـ خير << حرقاااااااان

غير معرف يقول...

مالت عليكم لا وصح لسانك بعد مااقول الا الله يرحم زوجاتكم

غير معرف يقول...

الله لو انها ماخذه براد لي كوبر يوم تتهرب منها ..
قليل اصل

3anit bskat يقول...

على أساس انك احسن واحد بالعالم
الله يجزاها خير اللي متحمله واحد مثلك وربي انتم في نعمه بس تتكبرون عليها
الله يجازيكم

Callme يقول...

كل واحد يطمح للأفضل

لكن انتم وش خارق رزكم


سلكو سلكو
:)