اعلن معنا

يإقصار الثيإب ويإطوإل اللحى ,

From: d7oom d7om <v0-@hotmail.com>





السسسسلآم عليكم  ..

ياشباب .. لآتنسون 11 مارس .. نبيها سلميه سلميه سلميه

~> برآآآآآآ

يإلله يإرب إنك تحفظ لنآ أبو متعب وتديمه لنآ ..
والله يانا فيني ولآء ماهوب صاحي لـ ملكنإ آبو متعب ..
وتشفي كل هطف يبي يسقط الحكم الملكي
على طاري أبو متعب .. وقبل لادخل موضووعي بسألكم باللهي ..

هالحين اللي يسون حمله بالفيس بوك

اما تكون كلنا مع غزوه حنين ..
ولآ كلنآ ضد غزوه حنين .. وش فايدتهآ ؟

يعني الدعوه لعبه .. أكثر تصويت هو الفايز ؟؟

بعدين هي أسمها غزوه حنين ولآ مظاهره حنين

خلونآ من حنين والفيس بوك ..
لآني والله لو تكلمت فيهم بقضب لي جاده

ندخل بموضوعنآ ..

http://www.youtube.com/watch?v=6a9xv8tYNAw ..

مدخل .. {

يإقصإر الثياب وياطوال إللحى ..
لآتفيض العيون ولآتضيق الصدور ..
دارت الإرض بالعالم ودإر الرحى ..
وانتم الشامخين ومإتبقى يدور ..
كل ماللمح شموس وجيهكم بالضحى ..
أحمد اللي بعيني زود النور نور ..



إنآ جإي اليوم بتكلم بطلع حرتي في بعض الناس

اللي قإلو ..

الهيئه لعبت في حسبتنآ ..

اللي قإلو ..

انا شخص حر .. وش دخل أم أم الهيئه فيني

اللي قإلو ..

رجال الهيئه .. خريجين سجوون

تشوفون كل هاللي قالو .. بيجيهم الرد على اللي قالوه .. بس اصبرو علي ششوي


جهإز الهيئه .. أو هيئه الأمر بالمعروف والنهي عن المنكر ..

جهاز وظيفته من اسمه .. ( الأمر بالمعروف والنهي عن المنكر )

أسس جهاز الهيئه في عام 1940 ميلآدي ..

هذا اختصار شديد جدن جدن جدن عن الهيئه

نجي هالحين نرد على هاللي قالو وقالو وقالو عن الهيئه بأنها ماهيب زينه


نستلم واحد من هاللي قإلو ..
الهيئه تنتهك حقوقي .. وانا شخص لي حريه بالصلآه وعدم الصلآه وإستماع الإغآني وشرب الخمر .. ( والعياذو بالله )

قوله تعالى: (وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُولَئِكَ هُمُ الْمُفْلِحُونَ) <آل عمران:104>

قال تعالى .. يأمرون بالمعروف ..
ماقال .. ينصحون ..

هذا الدليل من القرآن ,

بتقولون بعضهم متخلف .. يكسر العود .. يكسر أشرطه الأغآني ..
ظن منه إنه قام بعمل عظيم وأوقف الفساد ,
وخلونا نتذكر سيدنا إبرآهيم عليه السلآم .. عندمآ كسر الإصنآم ,

اعتقد القصه معروفه وكافيه ووآفيه للرد على اللي قالو هالكلآم ,

قضينآ من هاللي قالو .. ( الهيئه تنتهك حريتنآ .. )

نجي لهاللي قالو .. الهيئه خريجين سجوون ,

وطوااعين جدي بدال ماتقول الحمد لله خريجين هالسجون بدال مايقعدون عاطلين ويفسدون بالأرض توظفوا في وظيفه يكسبون منهآ المإل الحلآل ,

والأجر ,

تجي تقول الله ياخذهم وظفو خريجين سجوون

بالعكس الحمد لله .. كآنت لهم مساهمه في حل مشكله العطاله ,

خإصه إن البعض العاطلين يستحيل توظيفهم بسبب سجلهم الإجرآمي ,

( هإلحين ادري بينقز علي واحد يقول هذاك قلتها يادحيم سجل اجرامي يعني يضل مجرم )

برد عليه وبقوله .. يعني تبي تقنعني بيشتغل بالهيئه بالنهار , ويقعد بالليل بياع

صحيح له مآضيه , لكن تراه ياوخيي ماضي ,

دامك انت كـ شخص تبي تتكلم عن ماضي , وإنه يستحيل بقبول بالمجتمع له ماضي ,

بقولك تعال يابعدهم

هالحين تبي تقنعني انك انت مإلك ماضي ؟
تبي تقنعني أن أخوك أو أبوك أو جدك أو خالك مالهم ماضي ؟

كل شخص وكل إنسآن له ماضيه ..

يعني باللهي بقعد من أطلع من بطن أمي إلين يتوفاني ربي بدون إخطآء ..

ياخي خذ أقرب مثال انا قدامك دحيم اللي أكلمك

انآ أوقآت أحس اني مآهنإ إعقل مني ..

لكن لو تجي لمإضيي بتلآقي فيه ,

1- تفحيط
2- دخآن
3- بنات
4- سرقات من البقاله


يعني هل كنت تتوقع ان واحد عاقل مثلي كان له مثل هالماضي ؟؟

~> قضبووووه الباب

أكيد كل شخص له ماضيه ,

بتقولي يادحيم انت مايقارن ماضيك بماضي واحد كآن بيآع مخدرآت ..

ذبح له نفس

لآ ياحبيبي يقارن .. وأن كنت مارضيت وماقتنعت تعال اقنعك ..

نتكلم عن القاتل ,

هل تتوقع انه كان يقتل كذا من الباب للطاقه ؟
هل تتوقع انه كانت عنده شهوه وحب للقتل ؟
أكيد لآ , وإغلب اللي متهمين بالقتل من وجهه نظري طبعاً
بسبب مطاقه ولآ مضاربه ( تخبرون عيال السعوديه مايقصرون من ناحيه هالجانب )
إو غيره ( وغيرتن ماهيب صاحيه )
إو حآدث ,

نجي للقآتل بسبب المضاربه .. تتوقع بيروح يدخل له مضاربه مره ثانيه عقب مرمطه بالسجن مايعلم بها الا الله ؟

نجي للي يغار ,

نقول انه قتل اخته , تتوقع اخته بتحيآ مره ثانيه ويروح يقتلهآ ؟
نقول آنه قتل زوجته , تتوقع بيلآقي وحده ثانيه يعرس عليها عشان يقتلها ؟


نجي للي يتكلمون عن الهيئه وأنهم مايعرفون يتفاهمون ..
وان كل شغلهم من الباب للطاقه مطاقات

طبعاً آنإ شخص عمري 19 عإم .. 18 عإم منها راح دشاره وصياعه

وماعندي غير هالعام ذا 2011 اللي انا عاقلن فيه ( صدز تجيني اوقات اسربت .. بس غضو الطرف


بحياتي ماقد شفت رجل هيئه مد يده علي .. أو مسكني وجرني للجمس جر .. ـ

تدري ليه يآبعد قلبو ـ

لآني ماسويت شئ يستحق آني أنطق واتمرمط ..

يعني يابعد قلبي تبي تزعل لآشافوك الهيئه تغازل وجروك جر الحمار للجيب ولآ الجمس ؟
تبي تزعل لآشافوك ترقص قدام بنات خلق الله وجروك جر التسلب

ياخي بحريقه عمرك لآرضيت .. اجل تغلط وتكابر يامنيب قايل ـ

صحيح ان لي ماضي أسود ( الله يغربله من ماضي )
~> بس له طعمه الماضي ابن الكلب
بس الحمد لله كانت أخطائي خفيفه ماهيب كبيره ـ

بتجي تقولي يادحيم .. هم يطقونك عالكبيره والصغيره ..

الكبيره شرحنا حالتها فوق .. وانه قليل الخاتمه يستاهل ـ

نجي للصغيره .. بس صدز انه قليل خاتمه .. بس مايستاهل الطق , ـ

قبل كم شهر .. ( الله يصلحني بس ـ )

كنت طالع من بيتنآ , وشئ طبييعي لآطلع من بيتنآ بمر الحديقه اللي جنبي بيتنآ .

مريت من جنب الحديقه وصوت الإغآني مرفوع حبتين , ـ
مريت من جنب جمس الهيئه , وشوي مادريت الا انه يلحقني ..
قمت وقفت ونزلت له ونزل لي وسلمنا على بعض ,

والله ياجماعه اني ماشفت منه الا كل خير , وكآن كل كلآمه نصح

أول مانزلت وسلمت عليه قإلي يآبو ايش إنت ,
قلت أبو عبدالله طال عمرك ~> يعني غصب يحسسوني اني كبير

قال يابو عبدالله الله يهديك ماتدري وش عقوبه المجاهر بالمعصيه ,
مإتدري إن الإغآني حرإم , و و و وقام ينصحني الرجال وماقصر .. قلت له الله يجزاك خير , قالي أمش الله يسهل لك أمور وإن ششاء الله
ويالله يارب انه يهديك وتنقلب اشرطه الاغآني حقتك لقرآن
( ترا سيارتي مسجلها سيدي .. قسمن انغبنت يوم قالي اشرطه .. )

مشيت قلت في نفسي عبدالرحمن خذ لك لفه عالحديقه , وشف لك جمس هيئه ثاني وارفع صوت الاغآني شف وش بيقولك

والله ماسويتهآ قصد هيآط , إو عشان ارفع ضغطهم ـ ,

بس ابي اشوف هل فيه فعلآً نإس تجلدني وتمرمطني على شئ مثل الإغآني .. مع انهم فعلآً لو مرمطوني والله عادي مانيب قايل شئ .. غلطان وأستاهل ـ

لفيت ولقيت لي سياره هيئه ثانيه , مريت ورفعت صوت الإغآني .. ـ

وماقصر لحقني ووقفني ـ
( لحقني ووقفني معناها مشى وراي وكبس لي .. ماهوب يطب علي واحد هالحين يقول المطارده ممنوعه عالشرطه او اي جهاز ثاني ـ )

بس هالمره مانزلت له لآنه وقف جنبي ـ

ونزلت دريشتي ونزل دريشته , وقعد يكلمني وربي بكلآم .. أذوب عليه والله ياجماعه .. أحس أن هالكلآم مايقول روميو لجوليت من كثر عسولته
( طبعآ ماهيب عسولته من الدلع والتدلع )

لآ بس كآن يعني كلآم خفيف ومؤثر في الواحد .. قلت له الله يجزاك خير وماقصرت ومشى ,

,,
,

قبل تقريباً أسبوع , كنت طالع مع اخوياي لآحد المخططآت .. سوالف وضحك وفله

( على طاري المخططات ابشركم صرت رجال واعرف ألعب بلوت )
~> قضبوووووووووووه الباااااب

وحنآ قاعدين نسولف , وقف عندنا رآعي كإمري

ونزل لنآ
أول مانزل يوم جينآ بنآقف له .. رفع صوته قآل لآحد ياقف اجلسو اجلسو .. تخيلوني مانيب موجود ـ

~> انا قلت الله يستر ذا ارهابي بيفجر فينآ وحنآ مروقين

بس عناد قمنآ وسلمنآ عليه , وعطانا مجموعه سيديآت دعويه ,
وقال خذوها عسآها تفيدكم بالدنيآ , قلنآ له اللي يعطيك العافيه وماقصرت .. أقلط أقلط .. ـ

قال الله يعطيكم العافيه انا بس مريت وحبيت اهديكم هالهديه , قلت له جزاك الله خير , واخذ كل واحد من اخوياي نسخه له ,

يوم جلسنآ , قال واحد من اخوياي .. الله يبثره هالمطوع .. وش يبي جاي مخرب جلستنآ ووناستنآ

قلت له وطواعين جدي وهو وش سوآ ..

الرجال ماقصر عطانا هديه نردهآ ؟
بدال ماتقول الله يجزآه خير , والحمد لله إن فيه نآس فيهم هالطيبه .. تجي تقول ابثرنآ


إلى هنآ إنتهيت ..

لكن اللي إبي اصل له .. أو اتناقش فيه , إو أخذ وأعطي معه في هالكلآم ,

اني اتناقش مع شخص كره و حقد عالهيئه , بشوف بس على أي اساس رفضها ,

طبعآ لآننكر وجود اخطآء لهم , مثل تفتيش الجوال ~> مع اني مدري لهالحين يفتشون ولآ ممنوع ـ

لكن اذا الدعوه فيها مصلحه للبلد .. لآ والله لآقوله خذ جوالي لك .. ـ

بس اهم شئ صلآح البلد

http://www.youtube.com/watch?v=lZFj8WI5WDg

 

Az3gMe ..

http://www.formspring.me/D7oOMz


3 التعليقات:

زٍحَ’ـمةَ حَ’ـڪيّ..||≈ يقول...

وصح لسآنكَ
الله مير يصلحك ياخييِ وهاذا الكلام ولافلآ
وكل من تكلم عن الهيئة وسب فيهم زي ماقلت بحريقةَ
هم سووا اللي عليهمَ وماقصرواَ جزاهم الله خيرَ
الحين شف جدة والرياض والقصيم والشرقية
تتوقع نفس الشيء لاوالله
جدة هايتين صايعين داجينَ بدون هيئة لاأمان ولاأمن ولاهم يحزنون
ومااقول الا عسى الله يجزاهم كل خير
عساك عالقوة ياخيي

mNoOoR يقول...

كفوو ..
:)
ما خليت شي
يعطيك العافيه

غير معرف يقول...

يآآخي وربي كفيت ووفييت .. يعطييك العااافيه