اعلن معنا

رحلة إلى مدينة بينانج في ماليزيا - الجزء الأول


From: بدر الشوق بدر الشوق <b.s9@hotmail.com>


.
.

.
.
بسم الله الرحمن الرحيم
السلام عليكم ورحمة الله وبركاته

وشسمه.. صباحكم ورد وكموّن وينسون.. ومساءكم ياسمين وحلبه وحلتيته..

<< مع تحيات أبو طلق للطبّ الشعبي ههههه

أخباركم إن شاء الله تزقحون وكلش؟
والله لكم وحشه.. من زمان عن المواضيع وكذا..

واللياقة دمار والله.. جالس أمرّن أصابعي وأسمعها تطقطق.. والخنصر جاه شد عضلي ههههه

أما البنصر مسوّي نواف التمياط.. جاه رباط صليبي..

المهم دهنتها بـ فقس وفازلين وغسلتها بزيت زيتون.. والحمدلله ألحين أحسن.. إلا أني كل ماجيت أكتب حرف يزلق أصبعي ع الحرف اللي جنبه.. لذلك (زرّ الدليت) أحسّه مشوّه وممسوح لأنه أكثر زرّ ضغطته اليوم هههههه..

.
وشسمه.. نحدثكم هذا الصباح من دولة ماليزيا الشقيقة وكما عودناكم سابقاً بنقل الأحداث المهمة.. والغير مهمة بعد.. لعلّ وعسى أن نفيدكم ونرسم البسمة على خششكم الشهباء المليئة بأنواع الكريمات اللماعة..

ولقد إنني إنقطعت الفترة الماضية لظروف خارجة عن الإرادة.. أختصرها بكلمة واحدة ألا وهي "نفسية"!!
لكن مهيب نفسيتي أنا.. إنها نفسية مديري الذي صار "ينفسن" علينا هالأهبل.. سحقاً له..

.
وشسمه.. الفترة الجاية بحاول أكتب تقارير عن الرحلات السابقة التي خضناها أنا وزملاء الغفلة أصدقاءي الرهيبين الكويسين.. وبحاول أجزءها عدة أجزاء نظراً لكثرة الصور وكذا.. وإن شاء الله أنها تعجبكم وكذا..

نبدأ اليوم بـ رحلة إلى مدينة بينانج في ماليزيا – الجزء الأول

.
.
.

.
][مدخل][
.
ياهيه إلتفت لي واسمع ادعاي لك ياهيه..
ترى عادك بتشبع من البعد وتواجه..
.
دعيتك بصوت ياصلك ليه ماتوحيه..؟
وأنا اسمع ضلوعك من صدى الصوت لجاجه..
.
عليك الفؤاد اخلاجه مصمخ راعيه..
خف الله في راعيه ماتسمع اخلاجه..
.
ترى العفو قد جاك أوّله واغتنم تاليه..
وترى الحلم بحر غير لا تامن أمواجه..
.
وترى الود ليل مظلم جيت لك ساريه..
سراجه وصالك والجفى ينفخ اسراجه..
.
وترى قصرنا اللي كم سنه نجمع ونبنيه..
هوى العذل طيّح بابه العود وسياجه..
.
لي أيام مدري وين دارك ولا ادري ليه..
وانا خابر اني باب شفّك ومزلاجه..
.

.
.
.

.
][التعريف بالمدينة][
.

.
* بينانج (بالإنجليزية: Penang‏) وهي ولاية ماليزية تحولت من أول محطة تجارية بريطانية في الشرق الأقصي عام 1786 إلي مدينة صاخبة تجمع بين الطابع الشرقي والطابع الغربي. ويبدو ذلك جليا للعيان من المباني التراثية التي تجاور المباني الحديثة المنتشرة في المدينة ونمط الحياة ، والمأكولات والعادات السائدة في أوساط السكان. أما George Town (جورج تاون) التي سميت على اسم الملك جورج الثالث البريطاني ......... ألخ..
أدري تقولون وش نبي بذالخربطة.. لكن اللي يبي زيادة معلومات يشوف ويكيبيديا.. هذي مقدمة بالمختصر الغير مفيد!!

.
* الزبدة.. تعرف بينانج (بجوهرة الشرق) اشتهرت بشواطئها المناسبة للرياضة المائية ومنتجعاتها ذات المواصفات العالمية والمنتشرة على طول الساحل حيث تمنح السائح كل الراحة والمتعة.
.
* من المعالم البارزة للمدينة:
- مسجد Kapitan Keling
- معبد Sri Mariamman
- حصن كورن واليس Cornwallis
- معبد Wat Chaiya Mangkalaram البوذي
- Penang Hill
- معبد Kek Lok Si
- مزرعة الفراشات
- حديقة بينانج Botanical Gardens
- معبد الثعابين
- حديقة الطيور
.
هذا بإختصار شديد.. بدون ما أجيب العيد..

.
.
.

.
][رحلة القدوم][
.
تم الحجز على طيران آسيا بحكم أنه طيران إقتصادي وهو الأرخص في آسيا..
Air Asia

.
حجزنا نحن 6 أشخاص على نفس الرحلة.. ورتبنا مع أحد شركات النقل تجهيز باص يكفي لـ 6 أشخاص.. يأخذنا جولة حول جزيرة بينانج..
.

.
.

.
][حجز الفندق][
.
تم حجز فندق - هوليدي إن - قبل الرحلة بأسبوعين.. وهو فندق معروف ورائع ونظيف وكويسّ وأسعاره مناسبة (أبوالوصف ياشيخ).. لكن أخطأنا بأننا حجزنا في البرج.. وليس المنتجع المقابل للبحر.. نظراً لفهاوة أحد أصدقاءي الذي تولّى عملية حجز السكن.. هداهـ الله ورعاه وصوّب خُطاه..

لذلك.. قمنا بتبديل الغرف إلى أخرى مطلّة على البحر من البرج.. مع دفع الفرق.. لكن في نفس البرج..
هذي صورة للممر المؤدي للغرفة..

صورة للغرفة مع أحد السرائر.. والستارة مصكرة نظراً لخصوصية الشعب السعودي وكذا..

صورة للتسريحة.. وواضح أننا نحب الترتيب وكذا يعني..


هذا الممر اللي يربط بين البرج والشاطئ.. وفيه صورة بتجي بعد شوي للشارع تذكروها زين..


صورة من الشباك للشاطئ الكويس.. وهذي في وقت العصر قبل الغروب..

وشسمه.. هذي الصورة على أذان المغرب.. جانا ضباب مفاجئ ومطر وكذا.. وواضحة الأنشطة والأسواق الليلية ولّعت اللمبات وبدو الشغل..

هذي صورة على الشاطئ.. توضح البحر والجلسات وعلى اليمين فيه المسبح..

وهذا المسبح الكويس اللي ما سبحنا فيه..


وهذا الشيف البطل.. تستأجره بالليلة ويشوي لك اللي تبي.. تابع لمطعم الفندق يعني..

الجلسات على إمتداد الثيـّل "الزرع يعني" والجو خوقاقي..

هذي دورات المياه وأنتو بكرامه.. ماتفرق معهم رجال مع حريم سوا سوا.. أنواع حومة التسبد.. قاتلهم الله!!


وهذي الجلسات اللي بالأجار.. بفلوس يعني وإن ما خانتني الذاكرة أنها بالساعة..

هذا المطعم العربي اللي جنب الفندق.. كنا نفطر فيه.. وياكثرها المطاعم العربية على هالشارع وما تشتهر الا بالشيشه والكبسة والفول هههههه..


تذكرون الصورة اللي قلت لكم قبل شوي.. فوق الجسر.. هذي لقطتها من فوق الجسر.. مدري ليش عاجبتني..


طيبّ خلونا نطلع من الفندق وحوسته.. ونتمشى شوي..

.
.
.

.
][فاصل][
.
غياب بلا سبه هجاد بلا تنبيه..
وجفا أغلى العرب نار على الكبد وهاجه..
.
نضج قلبي من البعد وش حاجتك تكويه..
جفاك الجمر والصبر في بعدك الصاجه..
.
طبع حبك بقلبي والايام ما تمحيه..
هذا هجرك يحاول يموجه ولا ماجه..
.
يموت الأمل لكن ضنون الغلا تحييه..
وعروق الوفا بالروح والقلب وجاجه..
.
خبرتوا حدٍ يبكي على واحدٍ يبكيه..
وخبرتوا حدٍ مسجون مايبغي إفراجه..

.
أحبه ولا أبغضته على شيٍ إيسويه..
ولا زالت ارقاب الرجا فيه منعاجه..
.

.
.
.

.
][التسوّق والغداء][
.
لقد إننا تمشّينا بعد ذلك في عدة أسواق ومولات.. ولم نجد أحداً يمنعنا ويقول لنا (لو سمحتوا عوايل عوايل).. ولا أحداً آخر يباغتنا ويقول (وين أهلكم؟) هل تصدقوا أنه لم يوقفنا أحدٌ ليقول (إثباتاتكم لو سمحتوا؟)!!

الزبدة يعني تغدينا وتمشينا.. وفالأخير ما شرينا.. والأهم من هذا وهذا.. ولا أحد من خلق الله أذيـّـنا!!



.
.
.

.
][المسجد العائم][
.
كان لنا زيارة بعد ذلك إلى المسجد العائم.. وسبب تسميتة أنه مبني بجانب البحر وشكله من بعيد كالمبنى الذي يطفو فوق البحر..
بعض الصور له.. المسجد من الخارج..

من الداخل..

بعض الديكورات والتفاصيل والزخارف الإسلامية..


المسجد من الخارج..

المنارة والقبة..

ربعي يصلّون.. وتراني صوّرت ولحقت عليهم لا ينطّ لي أحد فـ حلدزي..


.
الله يتقبلها بس : )

.
.
.

.
][معبد الثعابين][
.
أول شي.. قولوا الحمدلله على نعمة الإسلام..
الحمدلله.. الحمدلله.. الحمدلله..
هذولا ناس خلصوا الآلهه عندهم وما بقى إلا الثعابين..
أشهد ألا إله إلا الله.. وأشهد أن محمد رسول الله..

خلونا ندخل ونشوف وش فيه جوّا..
المدخل الرئيسي..

صورة توضح وش فيه جوّا.. بالاضافة الى المحلات بجانب المعبد..

صورة أخرى للخزعبلات اللي بالداخل..

صورة أخيرة توضح الشخص اللي ساجد لإله الثعابين وهو عبارة عن تمثال..
وأيضاً سلحفاة خاشة غلط الظاهر..
ومكان للتصوير مع الثعابين..

وهذا هو الشيء اللي يعتقدون أنه إلههم.. والعياذ بالله..

وهذا للأخ اللطيف الكبير جداً.. لحقت أني أصورّ جزء منه..

سبحان من سوّاه بس..

هذي طبعاً مذكرات ما قبل الخروج..

والفاكهة اللي ع اليمين الأولى جوز الهند وشربنا منها العصير المحّمض..
والفاكهة الثانية اللي هي الدُريان.. رائحته كريهة وطعمة لذيذ.. حسب ما سمعت..
ولله الحمد لم أنل شرف ذواقته حتى الآن..


.
.
.

.
][شاهي العصر على البحر][
.
من أمتع الأشياء في مدينة بيننق والتي لا لها ذكرى لا تنسى.. تناول الشاهي على الشاطئ وقت العصرية..

وشسمه.. فلقد تناولنا أنا وربعي قدحين من الشاهي الأحمر وإستلذينا بطعمه المستساغ حتى تصحصحت رؤوسنا وتفتحت أدمغتنا المنغلقة.. آآآآهـ.. يا له من شاهي.. <أصلح حق دعايات وكذا؟؟


هذي واجهة جلستنا على البحر.. لكن الصورة خانتني وطالع البحر أبيض.. من زود الحيا يعني..


لقطة منوّعة للمكان المحيط..

ختاماً.. هذه الحمامة صديقتي في مدينة بيننق.. لقد إنني صوّرتها تسعطعش صورة.. وأصبحت كالفوتوغرافية وكذا.. وأهديها لكم لبى قلوبكم..


.
.
.

.
][مخرج][
.
عسى منزلٍ ضمّه حقوق الوسم تسقيه..
وتضحك له الدنيا وهو يضحك أحجاجه..
.
فقد خاطري شيٍ من الضيقه مسليه..
وغدت روحي من الناس والليل هجاجه..
.
أروح لمكان خابره ..خابره ياتيه..
أسوق القدم صوبه وهي مالها حاجه..
.
مكانٍ نزيهٍ وأوّل مواجهي له فيه..
وانا خابرٍ ما رجل مثله بدوّاجه..
.
لعل وعسى ما حدّني للمجي.. يدعيه..
وأشوفه وأنا ماودّي أسبب احراجه..
.
يحب الجريح آخر دروب اللقاء ويجيه..
وتحب القدم جية مكان أول مواجه..
.

.
.
.

.
][خاتمة][
.
أتمنى أن يحوز الموضوع على رضاكم جميعاً.. وينال ذائقتكم..
وأعذروني إن كان هناك أي تقصير أو أخطاء..
.
سبحانك اللهم وبحمدك.. أشهد ألا إله إلا أنت.. أستغفرك وأتوب إليك..
اللهم إغفر للمسلمين والمسلمات.. الأحياء منهم والأموات.. وأغفر لجداتي وخالتي أم سلطان..
وأخلف لأخوي بندر خيراً مما فقده يارب العالمين..
واللهم إشف أم مصعب شفاءاً لا يغادر سقماً.. وإجعل ما أصابها تكفيراً لها يوم القيامة..
اللهم آمين.. اللهم آمين.. اللهم آمين..
.
.
مدونة بدر الشوق:
http://www.b-alshoq.com/
إستمع للقرآن:
www.tvquran.com/
.
.
كتبه الفقير إلى عفو ربّه:
محبكم: باء نقطة شين..
بدر الشوق..
.

.


.
.





===============


الصحافـ تسوونامي ـ

يخرب بيت عدوك يابدر 
الظاهر لو تعرف صندوق البريد كان ارسلت عليه نسخه 

 الصحاف2 <als7af.group@gmail.com>,
 الصحاف2 <als7af@gmail.com>,
 الصحاف <al_s7af@hotmail.com>,
 الصحاف <al_s7af@yahoogroups.com>


اسمع حبيب البي 
عشان اسهل عليك

اذا عندك مشاركه ارسلها على هالايميل بس


اذا تبيني كشخص الكريم  ـ
ارسل على هذا

الباقي احذفه لعنبوا بليسك 
المشكله رابط الايميلات بالبلاك بيري والايفون

كل شوي واحد يدق
بدر الشوق
بدر الشوق
بدر الشوق

صرت مثل رسائل الاس تي سي 

لبى هالخشه بس >> الي ماسبق شفناها 

بدر موضوع رائع كحضورك

ننتظر الجزء الثاني





1 التعليقات:

Callme يقول...

بدر مبدع كالعادة

يخليك ربي
ياريت اذا فيه تقرير عن قنتنق ياريت ماتنسانا
تحياتي لك Callme