اعلن معنا

لمحة عامة على نظام الماك

From: CIE



موضوع اليوم لمحة عامة على نظام الماك +
 

طريقة تحميل اي برنامج

الموضوع مو شامل لان نظام الماكنتوش واسع و فيه ميزات كثيره صعب تغطيتها في موضوع واحد

بس فيه الفكره الاساسية الي يحتاجها كل مبتدأ في نظام الماك

 

نظام الماكنتوش سهل جدا ، و مو صعب مثل ما يقولون الناس والي يتعود عليه مايستخدم غيره

 

لاب توب ماك

 

بسم الله نبدأ بالواجة الرئيسية

لمحة عامة على نظام الماك

اضغط على الصورة لرؤيتها بحجمها الطبيعي
 

١-spot light هذا يسوي بحث في كامل جهازك ممتاز و قوي جدا يسوي بحث حتى للأشياء المحذوفة و يسوي بحث في الإيميل حتى

 

٢-macintosh HD مثل " جهاز الكمبيوتر " في نظام الويندوز فيه ملفات النظام و المصادر وتنحظ البرامج فيه

 

٣-Air port يسوي لك سكان للوايرلس و بالاصح هو الي يدور لك شبكة عشان تتصل بالانترنت سواء كنت في البيت او خارجه

 

٤-Bluetooth ينقل الملفات و الصور من الجوال الى جهازك و ان شالله بيجيله شرح لحاله

 

٥-Spaces هذا من مزايا ماك انه يقسم شغلك لنوافذ وتحط كل مجموعه اعمال في سبايس لحاله ، تابع الموضوع بيجي شرح عليه

 

٦-ichat برنامج يتيح لكل الي عنده جهاز ماك انه يتواصل صوت و صوره وهذا جاي بشريط الادوات اختصار فقط

 

٧- Time machineبرنامج يسوي باك اب او نسخ احتياطي لكل الاشياء الموجوده بجهازك من برامج و تطبيقات و ملفات و كلللل شي بس تحتاج انك تركب هارد دسك اول

 

٨-Finder في الماك يوصلك لاي مكان  تبيه بجهازك اذا تبي تشوف التطبيقات او ملفاتك بجميع انواعها تروح للفايندر بس الفكره انه الشريط الي في ٨ يتغير حسب البرنامج الي انت فاتحه مثلا لو فتحت السكايب بيتغير القائمة و بيصير بدال شريط الفايندر – سكايب

 

تعودنا في الوندوز لما تنفتح اي برنامج كل اعدادات و شريط المهام موجود داخل البرنامج ، في الماك يصير هذا الشريط في اقصى الشاشة خارج البرنامج ويؤدي نفس الوظائف اللهم اختلف المكان بس

 

٩-Dockمنصة قابلة للتغير تحط فيها البرامج الي تبي تظهرها في الواجهة

 

الاشياء الي ماذكرتها واضحه الي هي الساعة و اللغة  و الصوت و الشحن و كلهم قابلين للتغير

System preference

لمحة لنظام الماك

 

هذا قلب الماك ، فيه تقدر تشوف كل شي متعلق بهازك و تغير او تعدل عليه بالضبط مثل control panel في الوندوز

 

شرح لبعض خصائص الماك

اضغط على الصورة لرؤيتها بحجمها الطبيعي  

مثل ماتشوفون بالصورة يتحكم بجهازك من جميع النواحي نشوف وحده وحدة باختصار

Appearance :يتحكم بمظهر النظام مثلا لو تبي تحدد على شي اختر لو التحديد ، كم تبي حجم الخط و كذا

 

Desktop and screen saver تقدر تغير من خلفية سطح المكتب و تحط شاشة التوقف -اتوقع اسمها كذا- الي هي لما تترك جهازك فتره يطلع لك اشياء تتحرك وفيها اشيآ كثيره حلوه و تعليميه

 

شرح بعض خصائص

اضغط على الصورة لرؤيتها بحجمها الطبيعي
 

هنا تقدر تختار الخلفيه الي تبغاها ، في خلفيات من عندهم و في انت تحط خلفيه على كيفك

 

تغيير الخلفية في الماك

 

شاشة التوقف بعد تقدر تحط الي انت تبيه ، من الاشياء الحلوه الي عندهم شاشة توقف  تطلع لك كلمه بالانجليزي و معناها مره مفيدة

 

Dock : اللي عرفناه في أول الموضوع ، هنا تقدر تحدد مكانه تبي بالبسار و الا اليمين ولا بالنص ، تبيه مخفي ولا ظاهر و كذا

 

spaces and expose المساحات الي تكلمت عنها باول الموضوع تابع بيجي شرح عليها ، بس من هنا تقدر تضيف و تحذف من المساحات

 

international تغير لغة النظام حسب قوائم الغات الموجوده ، يقال ان الاجهزه الجديدة في ماك تدعم العربي اما في جهازي الي انا استخدمة يدعم الكتابه فقط و ليس النظام ككل

 

Security تقدر من هنا تحط كلمه سر في جهازك قبل ما يفتح او قبل ما يعدل على سستم الجهاز

 

spot light ذكرناه قبل و من قبل بس من هنا تقدر تحصر البحث و تختار عند اي جهة في الجهاز تبي تبحث و الافضل تختار البحث في الجهاز كله

 

bluetooth بيصير له موضوع مستقل

 

cd and dvd هنا ببساطة خيارات عن البرامج الي تبيها تفتح اول ما تدخل السي دي او دي في دي مثلا تبي برنامج الريل بلابر الي يفتح و لا كويك تايم

 

Display وضوح الصوره – البكسلز ونصيحه لا تحارش هذا الخيار خله على الاعدادات الافتراضية

 

Energy saver خيار ممتاز تقدر تحفظ طاقة جهازك و تحد متى تسوي له سليب او ايقف تشغيل تقدر تحط وقت او ساعة يشتغل او يطفا

مثلا يوم الجمعه الساعه ١ ابي الجهاز يطفا و يطفا

 

keyboard and mouse هنا تقدر تشوف كل اختصارات لوحة المفاتيح و تقدر تخترع اختصار الي تبيه

ولو تبي تحط ماوس بلوتوث تقدر من هنا تسوي له تعريف

 

Track pad معاه الحياه اسهل بهذا المربع تقدر تسوي كثير اوامر باصابعك و اذا دخلت عليه في فيديو يعلمك على كل الحركات بس بجد مرييح

 

Print and fax عندك فاكس او طابعه تبي تسوي له تعريف من هنا

 

sound يتحكم بالصوت و بصوت المنبه

 

Mobile me هذه خدمة في ابل تحفظ شغلك في السحابه الالكترونيه يعني تحفظ شغلك اون لاين وتقدر تفتحها من اي جهاز في ابل سواء كان ايباد او ماك بوك او اي ماك بس يبلها اشتراك و عليها رسوم و في تجريب مجاني ، لي نيه اشرحها بالتفصيل في موضوع مستقل

 

network شبكة تقد من خلالها تحدد اي شبكة تتصل فيها بالانترنت سواء كان ايثر نت ولا وايرلس

 

sharing تقدر من خلالها تشارك الاجهزه الثانيه بمجلدات ولا ملفات و لا صور و انت تحدد وش الاشياء الي تبيها تكون مشتركة

 

account عندك اسرار بجهازك وماتبي احد ينبش بلاب توبك هنا الحل تقدر تسوي اكانت  اضافي يدخله اي احد ويصير

كان له سطح مكتب جديد مافي ولا شي من اشيائك

 

date and time هنا تغير الوقت و التاريخ

 

personal control هنا يفيد اولياء الامور اذا يبون يتحكمون بمدة الوقت الي عيالهم يستخدمون فيها الجهاز

مثلا الأجانب بيخلون الجهاز يطفى على عيالهم الساعة ٨

بينما بالنسبة لنا يالسعوديين بنخلي عيالينا مدهرين عليه وبنحط لهم إعدادات خاصة فيهم 

 

software update يعلمك باي تحديث ممكن في جهازك و الافضل أنك تطيعه وكلما قالك سو ابديت سوه

 

speech هنا وشلون اقولكم عنه ، ممم يخلي الجهاز يتكلم مثلا اذا سويت تحديد لاي نص يتكلم و تقدر تختار بنت  ولا لد يتكلم ، رايي جدا مزعج

 

time machine ان شالله بسوي له شرح بالتفصيل و فكرته ذكرتها فوق انه يسوي حفظ نسخ احتياطي لكل شي بجهازك شرط يكون فيه هارد دسك خارجي

 

universal access هذا الي عنده مشاكل في السمع او البصر عافانا الله وإياكم , ممكن يستخدمة و يساعده في تكبير الخط و يطلع انوار له دلالات اذا كان الشخص ما يسمع .. باختصار للحالات الخاصة

 

الي عليهم دوائر حمر يبيلها بالتفصيل ان شالله في مراضيع قادمة ان الله احيانا

 

Spaces and Expose

عرفناه فوق نجي نشوف طريقته

شرح استخدام جهاز الماك

شرح استخدام جهاز الماك

شرح بعض خصاص الماك

شرح بعض خصاص الماك

اضغط على الصورة لرؤيتها بحجمها الطبيعي

*  *  *  * 

طريقة تحميل البرامج إلى نظام الماك

راح نشوف مثال سريع نوضح فيه كيفية تحميل برنامج مايكروسوفت مسنجر على جهاز الماك

شرح كيفية تحميل برنامج المسن للماك

شرح طريقة تحميل المسن للماك

 

شرح كيفية تحميل برنامج المسن على الماك

 

__________________________________

TICHNO | تـكـنـو

www.tichno.com

 


0 التعليقات: